دورة خطواتي الواثقة لأصبح ربّة بيت متألّقة - الصفحة 38

حياتي كلها امل · 2016-10-20, 18:20

اهلا جهينة معليش المهم تكوني انت واهلك بصحه وعافية ونقولك انا تانيك عيت اليوم ومازال مكملتش المطبخ و مانيش حابة نحبس ومانيش حابة انشرشم

omelbanin · 2016-10-20, 19:13

السلام عليكم، واش راكم، انا اليوم كملت المطبخ والحمدلله، وان شاءالله اطل علينا ام تغاريد هذا الويكاند، تزيد توجهنا شوية.
روتيني اليومي، تم.
شكرا أسيل على وصفة الكريات الفوارة، وشكراً ام صفصف على الجدول. وبناتك ملتزمين شوية بالجدول؟
انا ولادي زايدين غير للقباحة، وخاصة الاوسط عمرو 6سنوات، لازم غير واش يقول، وانا ما نحبش نلبيلو طلبو بصح باباه، فششو، وانا حصلت،
وفيه طبيعة أخرى حبيت نحيهالو، وهي افشاء أسرار البيت، وين يروح لازم يحكي على كلش :واش شرينا، وواش كلينا، ووين رانا رايحين.......
مام نوصيه وفهمتو، بصح نسمعو يحكي، انا نولي نغلي
والمراجعة عندي مشكل مع الاكبر، يقرا سنة الرابعة، يحب يكون متفوق، بصح المراجعة بالتحلال.
لي عندها حلول تنورني، ربي ينورلها طريقها ان شاءالله.

ام تينة · 2016-10-20, 19:38

فاح العبيرُ إذا ذكرتُ مُحمدا
والنورُ أشرقَ والظلامُ تبدّدا

صلى عليكَ الله يا نبعَ الهُدى
ماطار طيرٌ في السماءِ وغرّدا

عليه الصلاة والسلام .

اللَّهـم صل وسلم على نبينا محمد وعلى آله وصحبه وسلم تسليماً كثيراً
اكترن من الصلاة والسلام عليه ليله الجمعة

omelbanin · 2016-10-20, 19:50

ههه ضحكتيني أروى، ماراكي مبحرة ما والو، الدورة راهي في بدايتها، بدينا نظفنا المطبخ برك.
واليوم حبينا نهدروا شوية عن تربية الأبناء، وانا للاسف من الصباح ما كانتش عندي لا كونيكسيو،
راطيت، موضوع شباب هدروا عليه الصباح وناضو

omelbanin · 2016-10-20, 19:52

اللهم صل. و سلم على سيدنا محمد وعلى آله وصحبه أجمعين

جهينة اليقين · 2016-10-20, 18:17

اهلا اختي ام ابراهيم واش راهي يماك ان شاء الله تكون ريحت

arwa alaa · 2016-10-20, 19:29

السلام عليكم
انا اليوم نحيت الريدو نتاع الكوزينة وغلاف الطابلة غسلتهم وغسلت الكويزينيار
واعمال اسىوعية عندي غسل الارضيات عميقا
في كل مشروع خطوة بديت تريكو صوف للبنات وردي راح نخدمو بالكروشي
تجملي نضت الصباح نسيت ومنبعد استرجعت وبدلت ودرت شوية ريحة
الجانب الديني عذر شرعي
روتين يومي تم الحمد لله

arwa alaa · 2016-10-20, 19:31

راح نراجع الدورة باش نكون معاكم ونعرف على واش تهدرو ..........راني مبحرة

جهينة اليقين · 2016-10-20, 20:21

اللهم صل وسلم على حبيبنا محمد

جهينة اليقين · 2016-10-20, 20:24

ام هارون ما تهدريش قدامو وخلاص هذا حل مؤقت بيد ما يكبر شوي ويفهم وكي توصيه هاذاك وين تزيدي تحلي لو العين اضربي النح وجربي اذا يطرح البال

ام هزار · 2016-10-20, 20:58

السلام عليكم و رحمة الله تعالى و بركاته
حبيباتي ان شاء الله الجميع بخير و بالف عافية اللهم امين
المهم كما وعدتكم و باختصار ساضع 3 ماسكات للبشرة الجافة و ال جافة المختلطة
اولا و قبل كل شيء تقول زميلتي في العمل اللي تعمل في ميدان التجميل الطبيعي . انو لاااااازم قبل اي ماسك لا بد من تقشير طبيعي للوجه و طبعا هذا التقشير يكون مرة واحدة في الاسبوع كي لا تتضرر البشرة
1 قناع تقشير طبيعي او قوماج
1 م ص شب
1 م ص تالك ماركة نيفيا من الاحسن
1 م ص بياض بيض
النتيجة نتحصلو على عجينة تكون جارية نحطها على الوجه ما عدا محيط العينين من بعد ما تيبس نغسل بماء دافئ ثم باردليغلق المسام . نترك الوجه يرتاح و في المساء نعل الماسك المرغوب فيه
الان قناع لتبيض البشرة وازالة التصبغات
1 م ص ماء الورد
1 مص ياغورت طبيعي
1 مص خمية الخبز
1 مص حليب دافئ
1 مص مايزينة
نمزج الخميرة مع الحليب يطلعو ثم بعد ذلك نضيف باقي المكونات و بعدها نضع المزيج على الوجه لمدة نصف ساعة و من بعد نغمس اصابعنا في الماء الدافئو نشمخ الوجه بالغقل و ننقومي بحركات دائرية لطيفة الى الاعلى حتى ما تتكوناش التجاعيد . نزيل الاثار جيدا بالماء الدافئو من بعد الماء البارد و ننخليه يريح في المساء بعدما يكون الوجه ريح ملييييييييييييييح ضروري نمسحو بلطف بماء الورد عن طريق دائما حركات دائرية و نرقد بييييييه
الان ماسك خفيف لتوحيد ا لون البشرة
ناخذ نصف خيارة بقشورها نغسلها طبعا و نرابيها في الرقيق نعصرها و نصفيها و نحطها في الثلاجة تبرد مليح . نستخرجها و نستعمل الدوائر القطنية اي كوتون ديسك نغمسها في ماء الخيار هذا و نضع 2 مهنا على العينين 1 على الجبهة 2 على الخدود و نمشي جميع القطنات على الوجه ما عدا اللي وضعناها على العينين و لازم من الاحسن نكونو في وضعية استرخاء و هدوء باه تحصل ايضا الراحة النفسية للجسم مع شم رائحة الخيار المنعشة . ممكن ايضا نستعمل مكعبات الخيار الجادة ....... لي عودة ان شاء الله في المزيد من الماسكات و المقشرات

ام هزار · 2016-10-20, 21:02

اللهم صل و سلم و بارك على سيدنا محمد

ام متين · 2016-10-20, 21:18

اللهم صلي وسلم على سيدنا ونبينا محمد [

ام متين · 2016-10-20, 21:20

مشكورة ام هزار على الماسكات وربي يقدرنا ونجربوهم
اروى غير بالشوية ونعرفوك ما شاء الله شاطرة

حياتي كلها امل · 2016-10-20, 21:33

اللهم صلي وسلم على نبينا محمد
ام هزار شكرا على الماسكات ان شاء الله انجربوهم