اقتباس:
المشاركة الأصلية كتبت بواسطة omjoujou
باسم الله اصبحنا و اصبح الملك لله و الحمد لله
صباح الخيراااااااااااااااااات حبيباتي توحشتكم
كنت مريضة هاد اليومين لي فاتو حاشكم حاكمتني لا دياري و القيا و السخانة و زيدلها الفشلة اليوم برك لي رخف عليا الحال الف حمد وشكر ليك يا ربي
جمعتكم مباركة
|
اهلين حبيبتي لاباس عليك ما تشوفؤ شر ان شاء الله
انت مريضة وانا نقول ام جوجو راحت تحوس على هديك ما بنتيش
هتد السخانة حيب كل مرض ربي يلطف بينا
اقتباس:
المشاركة الأصلية كتبت بواسطة omjoujou
الله يبارك مشاء الله يسلمو يديك غاليتي
وهداك المعجون امممممممممممممممممممممممم مخلاش فيا يبرد القلب يعطيك الصحة
انشاء الله ديما تتحفينا باالاطباق الراقية تاعك يا راقية انتي
|
تسلميلي حبيييييييبتييييييي
مشكوووووورة
اقتباس:
المشاركة الأصلية كتبت بواسطة zaho207
صباح النووووور ربي يجيب الشفا ام جوجو توحشناك سلامتك منورة
جمعة مباركة
|
اهليو بنتي زاهو وجمعة مباركة
اقتباس:
المشاركة الأصلية كتبت بواسطة **ام هدول**
السلام عليكم صباح الخير ام حمزة يعطيك الصحة على شباتي هاييل راني جربتو من قبل واوصفة
الي نديرها تاع زينب الله يدكرها بالخير وحتى نصحتني باش نعتمد على العجينة للمطلوع والله غير ررروعة
والمعجون يشهي عمري مخدمتو كاش نهار نجربو اخت جوجو الله يشافيك في هاد السخانة كثرو المراض
سلامي لكل البنات كل وحدة باسمهادون استثناء
|
وعليكم السلام حبيبتي ام هدول يعطيك الصحة راني شفت الشباتي نتاع الغالؤة زينب ربي يحفضها انا كنت نجيرو بخبز الكوشة لي درتلها موضوع سابقا
وفي مساء الامس درتلهم شباتي هندي صورت المراحل لاكن ما كانش عندي الوقت نحطهولكم وولاجي بسلامتهم قالولي ديرلنا جابتا نتاع برا راخ ندورها شباتي في شباتي
اقتباس:
المشاركة الأصلية كتبت بواسطة salsabil salsabil
منتدى الجلفة روعة فيه كل ما نصادفه في حياتنا اليومية
شكرا للاعضاء الدين يتعبون لكتابة المواضيع لمساعدة الاخرين
|
صح عندك الحق والله الكل يفيد ويستفيد كاين جديد والقديم وفي كل المجالات
مرحبة بيك معانا اختي سعدت بمرورك بارك الله فيك
مشكوووووووورة
اقتباس:
المشاركة الأصلية كتبت بواسطة دائمة الشكر
السلام عليكم اخواتي العزيزات
ام جوجو بالشفاء عليك اختي
ام حمزة خرجلك تحفة الشباتي انّا شفت تاع زينب تفوت اطيبو باه تحشيه وانت درتيه محشي باش طيبتيه بصحتكم اختي
|
اقتباس:
المشاركة الأصلية كتبت بواسطة دائمة الشكر
الغداء اليوم اليوم العالمي الكسكس هههههه درت مسفوف باللبن ولله الحمد
|
وعليكم السلام حبيبتي سعدت بردك والله لا يحرمنا من طلتك
بصحتك واش طيبتي حتى انا كنت حابة ندير مسفوف بالجلبانة وبنتي صغيرة طلبت الروز وسرطت عليا نطيبهولها باللون الاصفر
اقتباس:
المشاركة الأصلية كتبت بواسطة أم الحبايب 26
مسالخير يلبنات تقبلا الله صلاتكم وقيامكم وجمعا مباركا ام حمزة جاوك يشاهيو بصاحتك معجون خراجلك يشاهي انا عمري مدارتو نشالله نجاربو لكتب رابي لباس عليك ام جوجو كثرت الامراض الله يجعل الخير
ام منال وامنير واية لباس عليها ميكون غير خير ان شالله غير من اسنان رودي بالك عليها غير من حما رابي يحفاظهالك
مرحبا بيك ام هدول هذي غيبا عقوبا لمزالو ولهي لتوحاشناهم مرحبا بيك سلسبيل
انا فطوري كان مسفوف كما دائمة الشكربصاحتك بصح كليتو معا عنب منوضناش بكري صابنا لبن خلاص
سلامي ليكم كامل كل واحدا باسمها
|
اجمعين يا حبيبة
وبصحتك واش طيبتي
اما المعجون جربيه راه يجي روووعة انا نموت عليه
( تقرير عن مشاركة سيئة )، و الموجودة أسفل كل مشاركة .
2015-08-14, 08:24
العرض العادي
