طريقة أكيدة لتصبحي ربة بيت سعيدة

[sali kanouza]

الله يسلمك الغالية جهينة وبصحتك التحميمة ههه تحمي وتعاودي كيما نقولو احنا واش راكي ياك لاباس
اما بالنسبة للتعب عندك الحق راني مخلصتها ولهذا حابة نصنع جدول روتينات ونكتبو وهكا نلتزم بيه لاني رجعت نخلطها ونحصل ولذلك نطلب منك ومن جميع حبيباتي الفراشات تعطوني برنامج نمشي عليه راني موجدة كراستي نكتب فيها مباشرة

[sali kanouza]

الاخت هبة مرحبا بيك معنا
ام تينة بارك الله فيك على التذكرة جزاك الله خير
اخت الفجر القادم ربي يعينك ويكون معاك
باقي الفراشااااات ربي يهنيكم ويرزقكم من بابه الواااااسع راه البرد يقطع نظن راكم راقدين ومبربرين

[hiba71dz]

شكرا على الترحيب

[ام شمسو محمد]

السلام عليكم فراشات أسعد الله مساءكم بكل خير ...اليوم الأربعاء في البرنامج الأسبوعي للفراشة هو يوم التخطيط ، نظمو حياتكم خذو كراسكم و قلم و خططو لكل شي في حياتكم باش ما تعمروش روسكم و ما تنساوش .....خططو لوجباتكم ، لمصروفكم ، لمشاويركم ، لمواعيدكم ، لمناسباتكم و ليومياتكم و التوفيق من رب العالمين .

[Sii]

السلام عليكم ورحمة الله وبركاته بارك الله فيكم اخواتي على الدعاء ورود الندى ، الفجر القادم ، حياتي كلها امل وكل الاخوات اللي دعاولي
الهي افتح لهن بابك ويسر لهن اسبابك واصرف عنهن عذابك واجزهن جنتك وثوابك يارب العالمين
حبيبتي حياتي كلها امل ان شاء الله
كنولد على خير نطمنكم وانا في المستشفى بعد والله انتن ونيساتي في هذه الغربة ربي يجمعني واياكن في الجنة

[Sii]

الله يبارك عليكن يا فراشات ويعينكن على اشغالكن
انا اليوم بصراحة نضت صليت وفطرت غسلت الاواني و حطيت الملابس في الغسالة نظفت الحمام وخرجت لانو تفاهمت نتلاقا مع حماتي رحنا للمحلات شريت شوية حوايج لناقصيني وناقصين البيبي روحت وراء الظهر صليت برك وشعلت على الغسالة تغديت وتكيت شوية اذن العصر نضت صليت ونشرت الملابس وجيت نطل عليكم

[ام شمسو محمد]

أهلا بيك الأخت هبة و مرحبا بيك معانا .
الفجر القادم شكرا على الكلام الرقيق و أنا ثاني غالبا نغش نكمل 20 د و نزيد حتى 10 دقايق تاع : اجمعي ما تستعملينه ، نظفي خلفك ...بصح فرق كبير مع الساعتين ثلاثة اللي كنت نديرهم بكري و ما يبان عليا والو ..هههه .
جهينة بصحتك " الحمام العميق " هههه .
سالي ما شاء الله ناشطة كي العادة بصح حنونة ولادك صغار ما تطوليش عليهم في الشغل و ما تديريش زوج حوايج مع بعضاهم يربطوك ...تحوسي تديري جدول ركزي على الروتينات اليومية و الأعمال الفورية :" اعملي بسرعة ، لا تقومي بعملين معا ، لا تقومي بعمل يستغرق أكثر من ساعة ، أعيدي ما تستعملينه إلى مكانه ، نظفي وراءك ، لاتتركي شيئا خلفك ..." باش يكون وقتك كلو لاولادك.

[sali kanouza]

ابتسام بصحتك المشتريات
ام شمسو الف شكر لك على المجهودات لي تقومي بيها معنا ربي بارك فيك واذا على الجدول راح نديرو اليوم ان شاء الله
اليوم الصباح نضت قمت بالواجب الديني وطيبت القهوة للزوج ورجعت رقدت الله غالب مانقدرش نقعد نايضة نحب نخدم شغلي واولادي نايمين لكن ماقدرتش المهم نضت حليت المنتدى ضربت طلة وانا نشرب في قهوتي وبعدها شغلت الالة وبما انها كانت معطلة كانت اكوام واكوام من الغسيل غسلت الملابس الغداء كان باقيلي غير سخنت وطيبت حلوة صب الرشراش لام وليد وجوزت نشاف على الكولوار والمطبخ وغسلت الاواني وصليت وراني معى منتدانا الحبيب

[sali kanouza]

صلااااااااااااااااااااة العصر اخواتي لي عودة فيما بعد

[ام شمسو محمد]

أروى آلاء نتمنى تكوني بخير حبيبتي حاولت نراسلك على الخاص و لكن رصيدي غير كافي .
الفراشات الغاليات اللي جداولهم مزدحمة و التزاماتهم كثيرة تأكدو بلي تنظيم العمل المنزلي راح يريحكم في كل جوانب حياتكم ، و يجنبكم العيش في القلق الدائم ...
في الحد الأدنى وزعو العمل المنزلي على فترتين الصباح و المساء :
الصباح : رتبو السرير ونظفو الحمام .
المساء : لمعو الحوض و جهزو للغد .
قبل ذلك التزمو بالتنظيف الدائم خلفكم ( كي تطيبو اغسلو لماعن ، كي تاكلو اغسلو لماعن ، كي تدوشو نظفو الحمام ، كي تنحيو حوايجكم اما للغسالة أو رتبوهم في مكانهم ، كي تكونو قاعدين في مكان و تنوضو رتبوه ....) .
بعد ذلك اجتهدو كل يوم ديرو عشرين دقيقة في مكان تبردو فيه نقطة ساخنة .
باش تكونو مرتاحين و تقدرو تستمرو ديرو حاجة حاجة باش ما تفشلوش ...ربي يوفقكم جميعا .

[arwa alaa]

صديقاتي الحبيبات واش راكم توحشتكم بزاف اسمحولي راهو كان عندي ظروف عائلية

[arwa alaa]

ام شمسو شكرا على كل مجهوداتك راكي مزهية الحالة وشكرا لكل وحدة سالت عليا سامحوني

[arwa alaa]

ام شمسو راح ننظم لدورة بصح على حسب مجهودي راح نحاول نكون معاكم بندير الي نقدر عليه

[Sii]

شكرا ام شمسو على تشجيعك الدائم لنا الله لا يحرمنا من نصائحك
مرحبا اختي اروى الحمد لله لانك بخير

[ام هزار]

سلاااااااام حبيباتي
اهلا بالجميييييييييع حتى لا انسى الاسماء
اروى الحمد لله على سلامتك
سي ربي معاك يا لحبيبة و تجيبي مولود معافى سليم صالح . امين يا رب العالمين
ام شمسو . يا اختي كتبت تقريري و انا كنت متاكدة 100 في 100 بلي رايحة تعترضي عليه و عندك كل الحق
يعني الهدف من الدورة هو التخفيف لا العكس
المهم كيما قتلك . حبيت نظف مليييييييييييييييييح كل المنزل مع اعادة الترتيب . باش في نهاية الاسبوع نريح . ولكن الوقت اللي استغرقتو ما كانش كلو للتنظيف فقط . كان الزوج معي في المنزل و كل مرة يحبسني مع الطلبات اللي ما تخلصش هو و بنتي . هاي شمخت روحها . بدليلها . هاي جاعت . وكليها . ديريلها رسوم وووووو
المهم نوعدك نتبع 20د اللي قلت عليها . و عجنتي التحليل العلمي اللي قدمتيه . و الله منطقي جدا
شكرا لكن حبيباتي . و سؤالي للغالية جهينة هل الفاصولياء كي تحطيها تغلي وجدها في الماء . ما تفقدش الفيتامينات تاعها ظ . و شكرا جزيييييلا