جزء 173 من واش طيبتي اليوم كوزينة احلى رفقة طيبة - الصفحة 37

أم ياسين الزهراء · 2016-11-20, 15:34

ام الاء تفضلي

250 غ فرينة +125 غ زبدة انا نستعمل فلوريال هايلة + 1 مغرف عسل +1 مغرف زيت ونخطلط المجموعة ونزيدلها حبة بيض مع شوي ماء ونلم ونحطها في فريجيدار ترتاح ومبعد نحلها في ليتارتولات ونطيبها ومن جهة ندير في كاسرونة نص كاس عصير قارص مع كاس ماء و 150 غ سكر وزاست تاع القارص و3 صفار بيض و 2 مغارف نشا وعلى النار حتى تعقد ونحيها من النر ونزيدلها شوي زبدة ونفرغ على التارتولات ومن جهة اخرى 3 بياض البيض مع شو بيكربونات نضربهم ونزيدلهم بالشوي 150 غ سكر مخلط مع زاست تاع القارص ونتحصل على الميرنغ

شفتي الوصفة مخلطة من كل الشافات

النرجووسة · 2016-11-20, 15:37

ام الاء واااااااااو شهتيني بالبيتزااااااااا روووعة وكل طيابك امممممممممممم
اريج وااو تحفة 44444444444444444
ام هدول الخبز والمرقة هدا ما يليق فالبرد
سندوسة الزيتون حبيبي نموت عليه الله يبارك

البحر الصافي · 2016-11-20, 15:57

اقتباس:

المشاركة الأصلية كتبت بواسطة أم هبوبة

مساء الخيرات ما شاء اللع الكوزينة منورة بالهيرات من المالح للحاو
دخلت على كيكة ام رويدة تهبل يعطيك الصحة خير من نتاع الي يبع الباتيسري
و ضفت خيرات حياة و و أم هدول التيراميسو يهبل انا في الدار ما يحبوش ياكلولي الحلو لكن نجربه ان شاء الله درتيلي الدودة و شهيتيني فيه
رزيقة يعطيك الصحة على أكلك روعة و فطور الصباح هايل يشرح النفس
ام يوسف و سندوسة و ام سدرة و فضيلة الله يبارك في الاطايب
ملاكي ارشيفك هايل و اكلك روعة
اريج تعجبني طريقتك في تقديمك لأكل روعة
الي نسيتها تسمحلي هدا اما رفد عقلي العصفوري
هدا عشايا نتاع البارح قرنون و كاوكا بطريقة ام وليد حات هايلة

و الغدا نتاع اليوم عملت لوبيا بيضا و السلق لكن ما صورتش وجدت الغدى و مشيت للدونتيس
و مين جيت وجدت للقهوة مسمن بالسميد و الفرينة لكن خلطة التوريق طبقت نتاع ام وليد
و مقيرظ بحر الصافي الله يسمعنا عليها الاخبار الزينة و الله ليها وحشة عن جد المقيرظ بوصفتها خرج يهبل و ما يتعبش في الخدمة ظريف خفيف

ام هبوبة الله يخليك ويحفظك ويحفظلك كل غالي ويتوحشك الخير ولهنا
اطايبك كلها رائعة خارجة من يدين يتلفو في حرير والمقيرظ جاك هايل وشهادتك نعتز بيها شكرااا شكراااا

البحر الصافي · 2016-11-20, 16:01

ام ياسين مساءك سعيد شكرا على الوصفة
النرجوسية ماشاء الله على وصفة الشوفلوغ ويعطيك الصحة انت وام رامي
ام رويدة ربي يشفي وليدك ويهني بالك
حبيت نشكر كل وحدة سالت علينا وواستنا في ظروفنا بارك الله فيكم بنات بلادي

البحر الصافي · 2016-11-20, 16:03

اريج شكرا على القهوة والحلو وهذا طبسي لملوخية خص نص للوالدة وسلميلي عليها

فاتي 05 · 2016-11-20, 16:32

مساء الخير على الجميع
النرجوسة يعطيك الصحة حبيبتي طاجين الشفلور يهبل فوووووووور.
ام ياسين الزهراء يعطيك الصحة على وصفة الترتولات مشكوووورة.

تفضلوا صحن بقلاوة درناها اليامات اللي فاتت و كروكي للقهوة تاع لعشية.

وحبات باتيسري مشرية من عند اختي الله يحلي يامكم

شهية طيبة للجميع

كوثر التائبة · 2016-11-20, 16:47

هذا فطوري لليوم وكيكة الدنيت دارتها للقهوة

حياة نور الدين · 2016-11-20, 16:52

السلام عليكن صح قهوتكم

مريووومة بصحتك القهوة اختي

بحورة بصحتك الملوخية راجلي ثان يظل يشكر فيها كلاها كي كان خداام في الصحراء والخبز روووعة وتفضلي وصفة غراتان مجربتها تخرج بنةة روووعة من نهار جربتها اعتمدتها غير هي

وهده تطبيقاتي شحال من مرة

ام الاء يعطيك الصحة على كلامك كريمة وبنت كرماء حبيبتي

ام رحاب مساؤ الاانوار

فاتي اطباقك روووعة انت واختك سلمي عليها

النرجوسة تطبيقك هااايل اختي بصحتكم

ام ياسين مرديتيش على رسالتي وشكرااا على الوصفة

حياة نور الدين · 2016-11-20, 16:57

كوثر يعطيك الصحة الكيكة تقتل حللي وناقشي التزيين رووووعة
والارز اروووع بصحتكم حبيبتي ويعطيك الصحة

*سندوسة* · 2016-11-20, 17:05

مسا لخير حبيباتي
شكرا ليكم والله يسلمكم قريت ردودكم ونسيت باش نرد على كل وحدة
تقولكم راكم منورين لكوزينة فحلات ونص
ربي يحفظكم ويسعدكم
الى الملتقى حبيباتي

كوثر التائبة · 2016-11-20, 17:10

حيوتة درات التزيين كيما في الوصفة باطة دانيت وباطة شيكولا دوبتهم وحطيتهم فوق الكيكة قبل متبرد درات خطوط بالنيسلي وبالكوردون روحي واروحي كيما الميلفاي وفي الجوانب كوكاو

x ام رحاب x · 2016-11-20, 17:47

مساء الخيرات هادا وين خرجو ضيافي ماحبوش يتعشاو
عشاتي حوت مقلي وروز
سندوسة جربتي نفس الوصفة الي كنت رايحة انجربها بصحتك حنونة اتشهي الطبق غدوة انا انجربها
كوثر بصحتك الروز والكيكة امممممممممممممممممممممممممممم اتشهي تسلم ايدك حبيبتي
ام ياسين شكرا على الوصفة ربي يخليك
حيوتي مساءو حبيبتي وتطبيقك هايل للشيفلور
بحورتي نفرح كي انشوفك اتقصري بصحتك
فاتي بصحتك الحلويات يالشاطرة
ام هبوبة صفحة بيضاء هي البحر الصافي البارح شفتك اتسقسي عليهاانسيت انرجعلك

um alaa · 2016-11-20, 17:59

مريوووومة تسلمي يا كريمة ربي يخليك
حيييوتة الغراتان تحفففة و الله غير شهانيةمي مكانش لي ياكلو هنا حتى نروح لداري و نديرو
كوتر بصحتك و التارت روووعة
فاتي عيد ميلاد سعيد حبيبتي و الباتيسري تهببببل
نرججوووووسة الطاجييين بنين جربتو من قبل و الطاجين اللي طيبتي فيه روووعة بزاف شباب هههه نموت على الماعن الله غالب
بحووورة بصحتك الملوخية جامي ما دقتها
ام هبوووبة بصحتك و الكوكا جاتك هايلة
ام ياسو ربي يحفظك و يخليك لينا بادن الله نجربها و نردلك الخبر واللي نسيتها ليها بوووسة

حسناءالقمر · 2016-11-20, 18:16

كيف الحال يااحلى لمه

*سندوسة* · 2016-11-20, 18:20

اهلا حبيبتي ام رحاب
الكرواصون جربتها بعجينة السحرية لام اماني على ما اظن

لعشا درت بوراك عمرته بكفتة دجاج يتبلها الجزار لي نشروها عليه وخدمته نقية بزاااف وتجي بنينة وزدتلها الفرماج
ودرت الفلفة يعني فلفل اخضر مفطع مقلي بالبصل والطماطم