وصفات حراير الكوزينة الجزء الثاني

[idron0]

سلق بالبطاطا النرجوسة

شفته هنا منعرف شكون حطت الوصفة للامانة
تقطعي السلق مع شوية زيت وثوم وكمون وفلفل اسود وتخليه يطيب وتحطيه على جنب
تقطعي بصلة وتقليها حتى تصبح شفافة لونها وتحطيها فوق السلق تقطعي البطاطا دوائر او بالطول, وتقليها وتستفيها فالبلا فالقاعدة والجوانب وتجيبي الخليط السلق وتوزعيه فوقها
وتحضري 3 بيضات وكاس حليب مع شوية فلفل اسود وملح وتخلطي ملييح وتوضعيه فوق السلق وتوضعي حبات فرماجاتفوقهم وتدخليه للفوور كي يطيب بالصحة والهنا.

[idron0]

طاجين الجبن زينب 66

المقادير :

لحم +لحم مفروم +بصل +توم +معدنوس +جبن +بيض+فلفل اسود+ليمون

التحضير :
اللحم حسب الامكان باش يجي المرق بنين تقلي اللحم والبصل والتوم مع القليل من الزيت وتملحيه وتبهريه بالفلفل الاسود ومعدنوس ديريه على شكل باقة
بعد التقلية امرقي بالماء واتركي اللحم يطيب
حضري اللحم المفروم هنا لازمك كيلة لكل 500غ لحم مفروم ديري تقريبا من 150غ حتى 180غ جبن ادا ما عندكش الميزان تقدري تكيلي اللحم تاعك بميز اعين وتضيفيلها التلت جبن ومعدنوس مقطع رقيق وبصل ايضا مقطع رقيق ما تحطيش الملح لانو الجبن مالح امزجي كل شئ باليدين مليح رايحة تتحصلي على شكل متل الكبة السورية ضيفيلها البيض باش تتلم لكل 250غ لحم بيضة ومديها في مول ودخليها للفرن بعدما تطيب اتركيها تبرد شوية وقطعيها مربعات طول ضلعه4سم صفي 5 او 6 قطع من اللحم المفروم في الصحن وحطي معاهم ايضا اللحم الطايب وشوية مرق ورشي بالمعدنوس ودوائر الليمون
بالصحة

[idron0]

شكشوكة الفول oum islem

غسلي الفول لما يكون طري نستعملوه بالقشرة الخارجية نقيه مليح يعني نحي الاطراف والخيط لي يكون على الجوانب وقطعيه صغير حطي كمية قليلة من الماء قيس ما تغطيه فقط وخليه على نار هادية حتى ينشف من الماء تماما زيدي من فوق شرائح بصل وخلي بذبلو من فوق بلاما تحركي في هذا الوقت زيدي لحم مرحي زيت فلفل اسود وقليل جدا من الملح وفلفل احمر مطحون وحبة طماطم مرحية وفلفل اخضر مقطع وشرائح رفيعة من الثوم غطيه وخلي يكمل الطياب على نار هادئة وزينيه بالحشيش الدبشة مقطعة اولادي يحبوه بالبيض ابوهم يحبو بلا بيض.

إضغط هنا لرؤية الصورة بحجمها الطبيعي.

[idron0]

خبيزة الكرنب بالبطاطا oum islem

فوري اوراق من الكرنب يبردو فرشيهم في صينية مدهونة بالزبدة حطي فوقهم الحشو قلي البصل مرابي صدر دجاج مرحي حبة طماطم توابل فلفل حار مقطع زيتون اخضر شرائح ودبشة وقطع جبن حسب الرغبة والطبقة الاخيرة بطاطا مقلية سويها فوق الصينيةواضغطي عليها شوية غطيها بالمنيوم ودخليها للفرن واقلبيها وقدميها بالصحة .

إضغط هنا لرؤية الصورة بحجمها الطبيعي.

[idron0]

شكشوكة الفول فراح فرفوشة

نقطع الفول بقشورو قطع صغيرة طبعا بعد منغسلو جيدا نحطو يفور وفي هد الوقت نطيب صوص طوماط ,نقلي لبصل شوية نضيف الطماطم حب ثوم طماطم لباط هريسة ملح كسبر فلفل اسود شوية كمون وبزاف دبشة نخليها طيب شوية حنى نقولو توقف على ادامها نضيف الفول به يشرب لا صوص ولا حبيتي قدميها بالبيض و زيت زيتون.


إضغط هنا لرؤية الصورة بحجمها الطبيعي.

[idron0]

طبق الشمبنيون باللحم محمر lyzzabel


ديري بصلة مقطعة شرائح رقيقة فالكوكوت ولا الطاجين تتقلى مع اللحم و المارغرين و صفي الفطر ادا معلب ارميه يتقلى معاهم و تبلي بالملح و الفلفل الاسود و عود صغير قرفة و قلبي بالمغرف و مرقي غير قد ما يتغطى اللحم و اغلقي و خلي كلشي يطيب حتى يخثاااار المرق و يولي غييير شوية ممممممم
و ادا الفطر جديد ما ترميهش فالاول مع اللحم راه ما يديش الطياب بزاف خلي حتى يقرب اللحم يطيب حلي الكوكوت و حطيه معاه و خليهم يكملو الطياب مع بعض طبعا لازم تقطعيه شرائح و تكوني غسلتيه مليييييح ملييييح مالتراب لي فيه خاااصة فالساق,تقدري تزيدي معاهم الزيتون بصح البصل رابيه ما تديريهش مقطع .

[idron0]

الشمبنيون بلاكرام فراش lyzzabel

ديري في مقلة او طاجين صغير كمية من المارغرين و زوجزسنات ثوم مقطع رقيق ولا رابي و الشمبنيون مقطع شرائح ولا قطع متوسطة و تبلي بشوية ملح و رشة فلفل اسود ما تكثريش و قلي كلشي على نار هااادية مع التقليب و من بعد ضيفي الكريمة السائلة و خليها تغلي خمس دقايق حتى لعشرة و طفي هنا نتيا تتحكمي فالكثافة ،، قدميه مع الجاج مجمر او لحم مشوي او ...... على حساب واش عندك راه يجي كطبق مرافق,و تقدري تاني تديريه يطيب مع الجاج في الفرن كيما تقدري تضيفيه في حشو الجاااج او الاسكالوب رولي

[rahma2014]

الوصفة ليازمالك

الجينواز المعتمدة عندي
لسنيوة تاع 40 على 30 سم

5 بيض في حرارة المطبخ + 150 غ سكر + 150 غ دقيق مغربل 2 مرات + 1 م ص خميرة الحلويات
نكهتها ببشر البرتقال

نفس المقادير بالنسبة للجينواز بالكاكاو فقط ننقص م ك من الدقيق ونعوضها بملعقة كبيرة كاكاو

الطريقة المعتادة لأي جنواز

نطرب البيض مليييييييييييح مع بشر التشينة و الملح كي يطلع مليييح نبدا نضيف السكر ونضرب حتى يتضاعف الحجم 3 مرات

ثم نبدا نضيف الدقيق شوية بشوية مع التحريك من لتحت لفوق باش نحافض على كمية الهوا لي دخلت للبيض والسكر

ندخلها لفرن مسخن مسبقا على 180 درجة

ديري زوج وحد بيضة وحدة كحلة
كل وحدة اقسيها على نص
يخرجولك4 طبقات تاع 30 على 20
والحشو
طلعت 5 بايط ياغورت و من الاحسن تاع نوادكوكووو يعطيها بنة تهبببببببببببببببببببببببببببببل خليها يبرررد ملييييييح وزيديلو الشونتيي و طلعيها ملييييييييييييييييييييييييح
و التزيييين كيما راكي تشوفي
انا مادرتش 4 طبقاااات جاتني طالعة بزاااااااف درت غير 3

والتزيين كيما راكي تشوفيي


إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

و هده من داخل

إضغط هنا لرؤية الصورة بحجمها الطبيعي.

[idron0]

المقـــــــــروط توبة

إضغط هنا لرؤية الصورة بحجمها الطبيعي.

هي وصفة أمي:

3كيلات ونص سميد عادي تاع الكسرة + كيلة سمن ذائب + ملح
بسسيه ف الليل و في الغد اخدمي المقروط نورمال بالماء وماء الزهر

بالنسبة للغرس يكون مرحي زيديلو شوي زيت مع الدلك و مرغرين + الطيب + القرفة

حبيبتي طريقة العمل شوفي موضوع ام اماني تاع مقروط بالنقاش وصفتها هايلة

[idron0]

دجاج مفور زينب 66

يخرج طري من داخل ومقرمش من برة وتقدري تقدميه مع بيري او بطاطا مقلية او ارز

جيبي التوم هرسيها مليح مع شوية ملح فالمهراس واد ما عندكش كرفجيها وحطيها فوق اللوح اللي تقطعي فوقو وبقاي اضغطي عليها حتى ترجع بوماد زيديلها 2مغارف كبار زيت وملعقة صغيرة طماطم مصبرة وفلفل اسود وراس حانوت ونصف ملعقة صغيرة عسل او رشة سكر ما تستغربيش من العشل لانو طعمو مع الدجاج لا يقاوم وادا عندك موطارد ضيفي نصف ملعقة صغيرة
ملحي الدجاج تاعك وحكيه مليح بالخليط اللي درتيه من الجهتين
ادا عندك غلاف نيلون غلفيه بيه وزيدي غلفيه بالالمنيوم وادا بالله ما عندكش خلاص شوفي كيس غدائي متل اللي تشريو فيه الحبوب وحطيهم فيه وديري الكسكاس فوق برمة فيها الماء غالي حطي الدجاج تاعك في الكسكاس وغطيه قوي النار للماء ولما ينشف زيدي ضيفيلو يقعد ساعة الى ساعة ونصف لما تفتحي الكيس تاعك تلقاي دجاج طري ومعاه كمية من المرق احتفضس بيها والدجاج اهنيه بالزبدة وادخليه للفور يتحمر او في مقلة فقط حمريه وقدميه مع بيري وسقيها بالمرق اللي نتجلك

[idron0]

طبق بالمرق زينب 66

هنا تقدري تمزجي اللحم والمرق نصيحة باش يجيك المرق بنينسخني البرمة تاعك وقبل ما تحطي الزيت حطي اللحم مقطع قطع متوسطة والدجاج وشوحيه مليح رايح يتحمر حمريه من الجهتين ومبعد ضيفيلو شوية زيت وبصل وتوم مقطعين رقيق +ملح+فلفل اشود +رشة كمون ادا حبيتيه احمر ضيفيلو شوية طماطم لكن هو ابيض احسن امرقي بالماء ما تكتريش باه ما يجيكش سامط احنا ادا كنتو متلا 5 اشخاص امرقي 3 كيسان ماء وخلي المرق يغلي نعطيك عفسة باش ما ينشفش المرق البرمة تاعك غطيها بصحن من فوق مش بغطاها والصحن هاداك حطي فيه الماء لما ينشف الماء زيدي ضيفيه رايح يطيب اللحم وما ينشفلكش المرق بزاف لما يطيب الدجاج خرجيه وخليه يبرد شوية رمديه في الفرينة ومبعد في البيض مخلط ومبعد في لاشابلير ووحمرهم في الزيت يكنون قليل ما تكتريش الزيت نشفيهم وانتظري حتى يطيب اللحم لما تسربي الطبق حطي اللحم والدجاج من الاحسن يكونو فخلض والمرق ورشي المعدنوس .

[oum haithem88]

44444444444444

[rahma2014]

مادلان مودارن ل imen mimichaالمقادير والطريقة
كاس فرينة ونشاء نص نص +ملعقة صغيرة خميرة
نصف كاس سكر قلاسي + ملعقة صغيرة فاني بودر
نصف فنجان زيت ويساوي 6 ملاعق كبيرة
3 بيضات كبيرة

و نطيبوهم انا درتهم في مول السيليكون و نتاع المادلان و نديروهم يطيبو و بعد ما يطيبوا نمسحو الحواشي بالمربى و نرمدوهم لانواد كوكو في النص كريمة الزبدة بالكاكاو زينت بيها و درت نص حبة كرز مصبر و انت واش تحبي ديري و لا بواش تزيني اليك الاختيار

إضغط هنا لرؤية الصورة بحجمها الطبيعي.

[rahma2014]

وصفة ام عاصم ولجين كسرة مبسسة
شوفي كيلي كل قرصة بلباطة تاع مرغرين تاع نص رطل يعني 250غ ، ديري لكل قرصة ثلاث مغارف كبار زيت و نص مغيرفة من الصغار خلاص خميرة الخبز و نص مغيرفة صغيرة تاني سكر و فنجان متوسط تاع ما دافئ ، حكي الدقيق مع الزيت قبل ومن بعد زيدي الخميرة والسكر و خلطي ، حطي الملح بجهة وكبي فوقو الما دافئ و ذوبيه ومن بعد خلطيه مع الدقيق بطريقة دائرية شغل راكي تفتلي حتان يشمخ مليح و لميه ، خلي عجينتك ترتاح و سخني الطاجين وادلكيها و قرصيها و طيبي ، وهي طيب لظي عليها بحاجة باه تحمار الكل كيف كيف
و بصحتكم

[rahma2014]

وصفة الكعك لام سهام02


المقادير كاس ماء دافي معطربعطر الماء الزهر+كاس رايب +1بيض +كاس سكر+3/4زيت+1مك خميرة خبززاست لبرتقال وزاست الليمون ونص باكي خميرة حلوة وفرينةمع رشة ملح
الطريقة نضع الماء وخميرة الخبزومك سكر ونتركه مدة 10دقائق ثم نضيع باقي المفادير ونترك العجين يختمر مدة 30دقيقة ثم انحبط الخمور وارش الفرينة على طاولة العمل ونشكل حربوشونقطعو الى قطع متساوية وكل قطعة نشكلها كورة كانكمل نرجع للكورة الاولى ونحربشها رقيق ونلويها على اثنين ونشكلها ونتركها تتختمر مرة ثانية كانشوفها خمرت ندهن الوجه بخليط التلميعوالى الفرن وفورخروجها ندهنها بالعسل ورشها بالكاوكاو ايفلي محمص