جزء 173 من واش طيبتي اليوم كوزينة احلى رفقة طيبة - الصفحة 35

um alaa · 2016-11-20, 13:27

فطورنا كان بركوكس بالدوارة و زيت الزيتون في خاطر حيوووتةو زقزوووقة امممم مع البرد اللي راهو

حياة نور الدين · 2016-11-20, 13:30

السلام عليبكن صح فطوركم انا سترت على البواقي والحمد الله والله نعمة والواحد يطيب مرة في النهار وميخممش ههههه

ام رخاب ربي يخليك على الدعاء حبيبتي

ام الاء الاطباق تشهي روووووعة ماشاء الله خاصة الوان السلطة وقوليلي واش هو السفاق خخخ
وربي يحفظلك صحتك والوءة يديك ماشاء الله يتلفوا حرير واطباقك توالم كادر حنونة

مريوومة يعطيك الصحة على الماكياج حنونة واسمحيلي شهيتك واممم ونزيد امممم على التارت والعصير والديكور والتقديم ووووووو ربي يفرحك حنونة بوليد الحلال
والشخشوخة تهبل يعطيك الصحة ياىالفحلة عييت نخمم في واحد ماشي متزوج نديك عندو عروسة ملقيتش هههه

سندوسة اهلااا ويعطيك الصحة لى الكرواسون وبصحتكم طاجين الزيتون حبيبتي

ملااكي حبيبتي عشاك البارح يشهي وربي يقدرك الداخل وبرا حنونة وبصحتكم
والتحلية امممم حللي وناقشي

ام رحاب اطباقك الرمضانية رززوووعة ماشاء الله عليك

ام يوسف صح فطورك حنونة الكوزينة راه معمرة خير واختار وعمر وادي للدار ههههه

ام هدول صح فطورك وربي يقدرك على الاشغال اللي متخلاصش

رزيقة حبيبتي حاسة بك عميرتي ربي يعطكيك القوة والراحة حنونة والله بزاااف عليك وماعليكش لوم اختي دوك نروح نضرب طلة في الموضوع

حياة نور الدين · 2016-11-20, 13:32

وااااع نسبت حبيبتي ام ياسبن اهلااا وطلبك شرفني ههههه دوك نبعثلك رسالة نقولك شكون انا ههههه

ام الاء البركوكس اهديهولي ليا انا اختك نموووت عليه بصحتكم

um alaa · 2016-11-20, 13:39

مررريروووومة ربي يحفظك حبيبتي سيغتو كي زدت شفت الشخشوخة سييييغ نجي و لمستك العصرية روووعة
حيييوتة لوكان جيتي قدامي و الله ما نعزو عليك حبيبتي راني هديتو في خاطرك و خاطر زقزوقة هي تان تموت عليه
زقزوووقة ربي يكون معاك حبيبتي
ام هدووول بصحتك حبيبتي المطلوع راهو يغيير
ام يوسف بصحتك الفارميسال
ام ياسو راني نستنى فالوصفة حبيبتي و بصحتك الفطور

x ام رحاب x · 2016-11-20, 13:51

صحة فطوركم لبنات مطرح مايسري يمري
سندوسة بصحتك الزيتون بالجاج
ام يوسف بصحتك الفارميسال بناتي الصغار ايموتو عليها
ام الاء بصحتك راكي اليوم شهيتينا تاعالصح اممممممممممممممممممممممم على البركوكس
التطبيقات هي اطباق بالشيفلور والكرم والبسباس والحلو موسكوتشو ام وليد ام مسمن الفرينة الي حبيتي
ام ياسييييييييييييييييييييييين وين شفتي اسمي في الفايس بلاك هاديك وخدوخرة ماعنديش اصلا فايس بوك سي السيد مايحبش الفايس
اريج فكرتيني في قناة سميرة الكسكسي العصري راكي كيما هو بصحتك حنونة
حيوتي بصحتك الفطور
ام هدول اممممممممممممممممممممممممممم على الخبز ايشهي والجواز باين سخون تسلم ايدك

x ام رحاب x · 2016-11-20, 13:52

ام يوسف فطورها وهي ووليدها

البحر الصافي · 2016-11-20, 13:53

السلام عليكم ورحمة الله وبركاته
صح غداكم جميعا وربي يباركلكم في رزقكم
ام رحاب الموسكوتشو تهبل شفتها البارح حبيت نعلق المنتدى ؟؟؟؟؟؟
تفضلو غدايا ملوخية ومطلوع مزال مراجعتش

اللهم صلي وسلم على سيدنا محمد

x ام رحاب x · 2016-11-20, 13:55

رزيقة اهلا وسهلا حنونة واش راكي حبيبتي ماعليش ماتعييش روحك صحتك بالدنيا وين تلقاي الفرصة طلي علينا وكي اتريحي عندك مزال الصفحات تسلمي عزيزتي

أم سدرة · 2016-11-20, 14:00

مساء النور واش راكم وصح غداكم دخلت على الملوخية تاع بحورة قتلتيني بالسخفة شحال نموت علبها بصحتكم

x ام رحاب x · 2016-11-20, 13:57

بحورتي اهلا بيك عزيزتي بصحتك الملوخية والمطلوع واش راكي ريحتي شوية ياك اليوم راكي بخيرانت واولاد
الملوخية عمري لادقتها مانعرفش مذاقها ووليدي قالي طيبيهالي صحابي غير يشكرو فيها واش عندها مداق

البحر الصافي · 2016-11-20, 13:59

ام رحاب الشوفلور عندي وشريت لاكرام فراش قلت نديرو قراتا ام تاجو ولا هذاك لي حطاتو ام ابراهيم شهاني ومزلت مطبقتش وليدي قالي ديريلنا ملوخية مليحة للكرش
اما البسبوسة عندي بيضة وحدة كل يوم السيد نقلو جيب البيض ينسا وانا منحبش نشري بالحبات نحب لبلاطو مرة وحدة
ام يوسفىضحكني ابني على الفرميسال عندو حق كوليها وحدك هههه ولادي يموتو عليها لاكن بالفرماج والزبدة منديرش لحليب
نروح نشوف العيش لي قالت عليه ام رحاب ممم تشهيتو

x ام رحاب x · 2016-11-20, 14:04

البحر الصافي · 2016-11-20, 14:05

ام رحاب الملوخية عندها مذاق هايل مممم يهبل وخلاص منضرها صح تقولي مناكلهاش لاكن كي تذوقيها خلاص توالفيها راهي مليحة للكرش دواء يعني كون جيتو قراب نبعثها لوليدك ولا يجي عندنا مع ولادي يتونس

فاتي 05 · 2016-11-20, 14:05

مساء الخير على الجميع و صح فطوركم
ام رحاب حنونتي يعطيك الصحة على كلامك لحلو , الصراحة اختي ثاني حابا تشارك في المنتدى قريبا انشاء الله, و اطباقك تاع رمضان راهم 444444444 مشكورة ، و صح فطوك ، يعطيك العافية على المعلومة
ام هدول تسلمي حبيبتي ، بصحتكم الجواز و المطلوع
سندوسة بصحتك لقهيوة تشهي ، و الكرواصو جاك علامة بصحتكم ، و بصحتك طاجين الزيتون
حيوتة الله يسلمك راه اوصلني بوكي الورد يهبل , صح فطورك و مشكورة على الوصفات تكتب في ميزان حسناتك ، و الاطباق تاع الاخت عائشة حسان 4444444 يعطيها العافية,
نوال عيسى يعطيك الصحة على كلامك لعسل
ام رويدة ربي يشفيلك ولدك انشاء الله و صح فطورك
وردة الرمالو ام ياسين الزهراءصح فطوركم حبيباتي
ام الاء ربي يشافي زوجك يارب ، و اطباق الله يبارك ما فيهاش نقاش ابداع بمعنى الكلمة يعطيك الصحة ، راني ديت حبة كراب امممممممم ، و بصحتكم البركوكس هادا هو وقتو بالصح.
اريج يالله يسلمك حبيبتي و يعطيك الصحة على التغتولات و العصير روعة، و شخشوختك تشهيو نسخف لا بالتقديم العصري و لا التقليدي اتهبل ,
ملاكي بصحتكم السباغيتي و البوراك حنونة .، و التحلية باينة بنينة .
ام يوسف بصحتك فرميسال بالحليب.
رزيقة يعطيك الصحة و ربي يكون في عونك حنونة
صفحة بيضاء بصحتكم الملوخية و المطلوع.
ام سدرة فطورك يشهي بصحتكم

x ام رحاب x · 2016-11-20, 14:05

هادي المعلومة اديتها من عند بحورتي