الجزء 87 من واش طيبتي في داري الجديدة الله يوسعها علينا الكل تفضلو - الصفحة 35

ام طيري الجنة · 2014-09-01, 13:55

اقتباس:

المشاركة الأصلية كتبت بواسطة yakot

ااسلام عليكم واش راكم اخواتي من فضلكن ادعولي ربي يعطيني واش نتمناه ولكن بلمثل لعلي فيكم دعاءها مستجاب انا بامس الحاجة لدعاءكن اخواتي

اللهم يا سميع يا بصير يا من هو على كل شيء قدير يا من كان نعم المجيب لنوح لما دعاه يا ذا الجلال

اللهم اكفي ياقوت وذريتها من احزانها و ضرها و من نافقها و من عاداها و ظلمها و تسلط عليها بشر و سوء و عطَّلَ امورها و اوقف حالها انتقم منهم وانصرها عليهم و رد كيدهم في نحورهم واجعل تدبيرهم تدميرا لهم
وارزقها كل خير وسعاده وتوفيق وبركه وعافيه في كل امور حياتها
وازل عنها كل هم ومرض وشر وبلاء وحزن في كل امور حياتها
و حقق كل احلاامها و امنياتها و طموحها وانصرها في كل امور حياتها
واعطهم اضعاف ضعف ما تمنوه وارادوه وفعلوه لها
وعوضها باجمل وافضل واخير وارقى مما خسرت في حياتهابقوتك وقدرتك أأأميييين

ام طيري الجنة · 2014-09-01, 13:58

امالهضاب بصحتك الجلبانة و عودة موفقة للعمل

*أم كوثر* · 2014-09-01, 13:59

السلام عليكم
عسلامتكم ياشاطرات الكوزينة
ام ياسو راني جيت وجبت لي عندي
ربي يهنيك في دارك الجديدة ويرزق كل وحدة متمنية دار

اللهم ادمها نعمة واحفظها من الزوال

ام سراج وملاك · 2014-09-01, 14:01

مساء الخير عليكم يعطيكم الصحة كل وحدة باسمها
اليوم درت خبز الكسكاس جا روووووعة خفيف بزاف وبنين متخيلتوش كيما هكذا بصح الكسكاس ولا ميتشافش مقاري جا كسكاس قديم ضك نخليه غير لخبز الكسكاس يعطيها صاحبة الوصفة

ام طيري الجنة · 2014-09-01, 14:03

ام كوثر طل القمر مرحبا بيك
اممممممم يعطيك الصحة اطباقك دايما راااائعة وفيها لمسة خاصة الله يبارك

أم ماجد · 2014-09-01, 14:06

امممممممممممممممم
هذا يكفيني
طليت بالخير والخمير ربي يدومها

الأمنيات · 2014-09-01, 14:06

ام نسرين هههههه راه كمل الطعام نعاوده لك ونبدل معاك هههههههه
ام الهضاب صح غذاك
ام ناجد عرسي ما تراطيش
ام كوثر اهلا بيك ويعطيك الصحه
الاخت سماسم الطرف الي عندك تاع الكابويا ديريه في الطعام ولا لسوب تاع المابويا هايله

أم ياسين الزهراء · 2014-09-01, 14:09

يافرحتي طلت علينا الشاف وجابت الخير الله يديمها عليكم كلش يسخف والكفتة امممممممممممممممم وهديك التارت روووووووووووووووووووووعة انا ديتها لقهوة العصر

ربي خليك

أم ياسين الزهراء · 2014-09-01, 14:10

سماسيم تقدري ديري بيها هدا الكابويا تحب الحليب وتقدري تعوضي القديد باللحم تفضلي

https://www.djelfa.info/vb/showthread.php?t=1465115

nawel zed · 2014-09-01, 14:13

شكراا حبيباتي على النصائح تاع الصابلي نحاول نصحح الاخطاء
بقية الصور تاع العرس هذا القاطو تاع دار العروسة

هاذوا مع المقروظ شربوا بيهم القهوة

هاذو تابعين لحوايج الحنة جابوهم من تونس

الشورة او البتات كيما نقواوا عندنا

صور من خطوبة بنت خالتي
سكر درتهولها مع قاطو يذوب في الفم من المنتدى الغالي

لابياس

mounia5 · 2014-09-01, 14:13

اقتباس:

المشاركة الأصلية كتبت بواسطة yakot

ااسلام عليكم واش راكم اخواتي من فضلكن ادعولي ربي يعطيني واش نتمناه ولكن بلمثل لعلي فيكم دعاءها مستجاب انا بامس الحاجة لدعاءكن اخواتي

salam
rabi yaatilek ma tetmenaih ou y hanik bih
ou y khellilek sahtek ou sahet moula bitek ou ouledek
amin
bennesba lelgato rani lessekt 2 maa baad ja hayel ou el kemmia djat 54 habba
naaref wahda fi ksentina tbiie had essabli b 400 DA lel kilou
ou ouahed ma alabalou belli mekhdoum bezzit

yaatik essaha

أم ضياء عبد الرحيم · 2014-09-01, 14:21

مساء الانوار عليكم كامل ان شاء الله تكونوا بخير

حبيباتي دائمة الحمد و ملاك هذه وصفة الخبز الي طلبتوها و سامحولي كي طولت عليكم
و قبل الوصفة نحب نبارك لاختي
دائمة الحمد على التقاعد ربي يجازيك كل خير على مشوار العطاء و التضحية على مدار سنوات عملك لان مهنة التدريس من اصعب المهن يحكم انه معظم عائلتي اساتذة يعني عايشت التعب الذي يتكبده الاستاذ في سبيل اصال المعلومة و كذلك النصيحة فبارك الله فيك

خبز الباكيت

المقادير
500 غ فرينة انا استعملت الفرينة السمراء
350 غ ماء
م ص ملح
م ص خميرة الخبز
م ك زيت
الطريقة
نخلط الفرينة مع 300 غ ماء و نعجنها نتحصل على عجينة متجانسة نغطيها و نخليها ترتاح ساعة و هذه المرحلة لازمة تسمى
'L'autolyse و هي عبارة عن ترك خليط الفرينة و الماء دون اضافة الملح و الخميرة يرتاح مدة معينة باه الانزيمات الي في العجينة تبدى تتفاعل و تكون الغلوتين
بعد الوقت تاع الراحة نحط العجينة في العجانة و نعجن نضيف ملعقة زيت و الماء المتبقي نقسموا على ثنين نص نخلط معاه الخميرة و نخلطو مع العجينة و كي تتجانس مليح نضيفو الملح الي نكونو ذوبناه في كمية الماء المتبقي و نعجن بالعجانة حوالي 10 الى 15 دقيقة و نخطيها ترتاح مدة ساعة الى ساعتين
من بعد نهبط لعجينة و نقسمها على ثلاثة و نشكلها باكيت و نحطها في الصينية تاع الباكيت و اذا معندك تقدري تخدميها بورق الالمنيوم و تدهنيه بالزيت و ترشيه مليح بالفرينة و نزيد نخليها تطلع مليح و كي تطلع نجيب رازوارحاد و ندير فتحات في الخبز يدك تكون مايلة على الخبز ما تكونش عمودية باه الفتحات يجيو ملاح زي تاع الخباز نكونوا مسخنين الفرن على درجة 240 درجة و حاطين فيه صينية الفرن السوداء الي نشريوها مع الفرن كيما الي في الصورة الثالثة باه تسخن و كي نحبو نرميو الخبز نسجيو ماء لازم كي نحطو الخبز في الفرن نفرغ بسرعة الماء في الصينية راح تطلق لوفار لازم تنتابهي على وجهك لانه لوفار يكون قاوي و تغلقي بسرعة باب الفرن باه يبقى لوفار داخل الفرن و هو الي يساعد على تكوين الطبقة الخارجية و يمد طراوة للخبز مباشرة بدع ما دخلنا الخبز انقص درجة الحرارة الى 220 و يطها الخبز حتى يتحمر
نتمنى ما نكونش دوختكم و فهمتوني

و في الاخير نطلب منكم ان تدعيولي معاكم انه ربي يفرج همي رني في امس الحاجة لدعواتكم

nawel zed · 2014-09-01, 14:27

اقتباس:

المشاركة الأصلية كتبت بواسطة *أم كوثر*

السلام عليكم
عسلامتكم ياشاطرات الكوزينة
ام ياسو راني جيت وجبت لي عندي
ربي يهنيك في دارك الجديدة ويرزق كل وحدة متمنية دار

اللهم ادمها نعمة واحفظها من الزوال

يويويويويويويو طلت الشافة مع الخير هادي باراكة اطباق الشافات و حطتهم واحد ما ينافسهم الله يبارك

ام سراج وملاك · 2014-09-01, 14:29

nawel zed يعطيك الصحة وربي يهني لعروسة اذا سمحتي ممكن تحطيلي رابط نتاع السكر هاذا لي لدرتيه من المنتدى نحتاجو

لي تحوس على واش دير بالكابويا نقلها كانت عندي وحد المرة شديت ملحتها وقليتها في شوي زيت ذبالت نحيتها وزدت قليت البصل مقطع مربعات صغار ومعاه شوي فلفل حار وزدت قليت معاهم طماطم الحب ودرت الثوم وتوابل كمون وفلفل اسود وشوي ملح وزدت لحت الكابويا لي طيبتها من قبل جات بنينة بزاف وذوقها رووووووعة جربيها متندميش سيرتو الكوبويا عندها فوائد بزاف مليح الواحد يكثر منها

*أم كوثر* · 2014-09-01, 14:30

الله يسلمكم اخواتي
ام ماجد وام ياسين بصحتكم
سمعتكم تحكو على خبز الكسكاس هذا ماشفتووووش