موضوع مميز هل أنت مثقف... ؟ إذن أدخل . - الصفحة 34

teacher60015 · 2012-07-30, 11:14

عوعش يا فروج مافي قلبك هم ماتحصد عجرود ماتلقى هم

teacher60015 · 2012-07-30, 11:26

خنة و زادها الريح

الجلفة و صح رمضانكم

wahson · 2012-07-30, 12:02

مشكووور اخي على التألق الله يخليك

ziyou6 · 2012-07-30, 12:32

اشري الجارقبل الدار

SABI 43 · 2012-07-30, 12:40

ألي فايتك بليلة فايتك بحيلة
ولاية ميلة

وسام المؤمنة · 2012-07-30, 13:15

اللي ما عندوش القلب يموت سمين...مثل من ولاية البيض

حكيـ الجَزآئِرِي ــم · 2012-07-30, 13:30

أبدعتم جميعا بدون استثناء
فلكم مني أطيب التحيات

المسلمة السطايفية · 2012-07-30, 14:47

راح يعرض بات كي جا لقى العرس فات (سطيف)

~~عضوية تحت المراقبة~~ · 2012-07-31, 01:13

* راني راني في وسط جناني السرّ والبهاء ريته بعياني راني راني حالفة بالرباني هذه المرة ما نأخذ غير البراني

2* يا لالّتي فاطمة يالالّتي فطوم سبحان خالقك ريت النجوم في السماء حسبتهم ساقك العين تبكي عليك والقلب مشتاقك

3* السفينة اللي جات باش أنكافيها باللوز والسكر نطعم غاشيها (أي ناسها) وبالزباد والعطر نطلي سواريها ونطلب ربي العزيز للحج يدّيها

4* بعثت لك يا شباب دموعي قرنفلة حمراء ياعدو بن عدو بدّلتني بامرأة قال لي والله يا لالة ما نبذلك بالغير محبتك في قلبي حتى يشيب الطير

5* عندنا شجرة معمرة بالياقوت وعندنا فوّارة معمرة بالحوت اعطوني ابنتكم ولا نطيح نموت

6* جايز على بابنا جايز واش تشوف انا لابسة لحرير و انت لابس الصوف قالها يا لالة لباس الرجال مخلوف ارواحي ليا نلبسك لقاط و نزيدلك الشنتوف

7* مشيتي مشية زهرية فاتو ثلث شبان عليك الاول قالك من صابك ليا و الثاني قالك من صابك حلالي و الثالث قالك من صابني الارض و انت تمشي عليا

8* طلعت للسطح و فرشت زربية , مر علي جن و جنية , قالولي ايش بيك يا لبنية؟ قلتلهم حبيبي غاب علي , قالولي نعملو اليد في اليد و نجيبوه ليك إن شاء الله هاذ العشية هدية.

9* يا ناس لملاح مدولي بنتكم و الا نطيح نموت..بنتنا شرطها غالي و مقامها عالي..مدوهالي و الا نشتكي بيكم لربي العالي

قطّعت اللحم بيدى و عملت بذور ، و سمعت الكلام بوذنى و عرفتمن قالو ، يا قايلين الكلام القبيح واش تربحوا ، أنا طاوس في القصر و انتم خفاشالنهار ما يضوالو.

11* جزت على جنية ، قالت لي واش تحوسي يا ولية ، قلت لها مانى نحوّسلا على مال ولا على جاه، نحوس على من ضيّعت قولي ليّ .

12* جايز على باب دارنا ، لابستلمساني ، قتلو يا شيخ بالاك تنساني ، قال لي والله ما ننساك ، ونصيبك على ربي جاهو سلطاني.

13* امّنت بالله ، و المنام رؤية من عند الله ، حمامة بيضا جاتترفرف عليّ ، معاها حصان توقّف بين يديّ .

14* نبعث لكم دموعي في مشوارازرق، و نبعث كلامي في برية تحرق، ما ننساكم يا ناسي بحق إله مكة ببلاطها لزرق.

15* سمعت قر الحمام في قاع السّجنة ، لا من سقاه الما ولا من عطاهشعير ، يا قمر ..الحمام يعي و يحن ، وتتعمّر النافورة ، ونعودوا لزمانا كيما كنا.

16* خرجت ليلة الجمعة ، في يدي شمعة ،خرج لي ملاك حنين قالي : يا بنت السحاب حاجتك راهي مقضية ، قلت ليه : يا سيدي طالت المدة ، قالي : روحي لدارك تصيبيها قدّامك .

17* لالة يالالة ياريش النعام يا اللي مربية في القطيفة والرخام ملّي شفتك وعشقتك مابقالي منام.

18* أنا مهريغالي اللي يحب يديني يحسب النجوم ويسهر الليالي ولي يبغيني يبنيلي قصر فيالعلالي.

19* جابولي الرمان مغلف في وراقوا وأنا وحبيبي في بلاد وحدة والقلب مشتاقوا.

20* ما نديها طويلة سلوم راشي،ما نديها قصيرة فكرون ماشي، نديها مربوعة قد كي علم الباي ماشي.

21* مشيتي عالية وطولتي دالية شبان ورجال يتبعو فيا ويمشو مذلولين يتبعوا فيّ...ومن غير المولى وحبيبو ما في مين يعلى عليا
.
22* خرجت في الليل نطلب في الله صبت النجوم دايرين وقالولي صلي علىرسول الله *صلى الله عليه و سلم * واللي تستناهم راهم راجعين.

23* قالي طبيبي بلاما يدري تداوى يا عليل ، ودايا ودوايا عند حبيب لمحبتو بخيل ، وقتاش يا عمري ترحمني وترحم دموعي لي تسيل؟؟؟

24* الاسمر يا لسمر يا شباب الحومة وشبيك غضبان علينا، احنا ما نسواو بلا بيك ، لوجه ربي راضينا وارض علينا.

25* قريب الرفيقة يا قريب الرفيقة ، بيني وبينك تويقة ، يا مخلي في قلبي شقيقة روح وين تروح و تعيا ترجع ليا ونرد لقلبك الحريقة.

26* ما ناكلش من جنان الجنة لو يشهيني وما ناخذش الشيخ ولو يغنيني ناخذ الشباب أبيض ولا أسمر المهم هولي يملالي عيني.

27* دزيت باب الحبيب دفة على دفة فراشو من حرير نرقد وندفا، بوقالو من ذهب نشرب لا نروى،وكلامو من عسل غير نسمع نشفى.

28* انت سبيبط وانا خويط فيك، انت سنيسلة وانا خامسة تحميك، انت خويتم وانا حجرة تبهيك، وين تروح تلقاني وغيرانا لي نديك.
29* باسم الله بديت وعلى النبي صليت وعلى الصحابة رضيت وعيّطت يا خالقي يامغيث كل مغيث يارب السماء العالي بيك أستغيث ارحمني في هاذ الدنيا و سقملي السعد ديالي.

30* سبحان خالقك،ريت النجوم في السماءحسبتهم ساقك،العين تبكي عليك والقلب مشتاقك

31* بعثت لو دموعي قرنفلة حمراء،ياعدو بن عدو بدّلتني بامرأة، قال لي والله يا لالةما نبذلك بالغير محبتك فيقلبي حتى يشيب الطير.

32* في الدار صندوق مخبيء فيه الذهب و المرجان و روبة قضيفةقالولي ليمن راك مخبيها قلتلهم لهاديك مولاة الشان و المشيةالضريفة.

33* خرجت نطلب الله صبت النجوم تطلب في رسول الله واحد ما يدي غير ما عطاه الله.
34* حبيبي يا حبيبي قطعوا فيك تقطاع البصل حتى سمعو بيك ناس جيجل و القصر، والله ما نسمح فيك يا نورالقمر.

35* قالوا نقتلوك و في بيرنغبروك، قلتلهم انا شجرة حب الملوك ولي يحب الشوك يدناليا.
36* لو انت بحر انا حوتةفيك ، لو انت جنان اناوردة تبهيك، لو انت ليلة انا نجمة تضويك ، لو انت تحبني انا نموت عليك.

37* طلبت من الله العافي يرسي كل مغبون بمينا ،ويكسي كل عريان وحافي ويبعد لهموم علينا،رد الفال لا تخافي عندي تخلاص الغبينة، دير النية بالقلب الصافي والنية باقية في القلوب الزينة،ياربي بارك في كل وافي وغرس الخصايل فينا، بالفال تعود وافي وبالنية باقيا الدنيا زوينة.

38* رفدت النعناع مع الحبق وعرق الياسمين لمّيتهم في الطبق وحطيتهم عند العين ، فجأة دقدق من كان غايب طول هاذ السنين.

39* علاش يا لالة التخمام رحمة الله واسعة و كبيرة لو كان جات بالكلام نتحدثو و نعطوك تدبيرة، بصح كل شي بالمكتوب ويعيا و الخير يبان و تزول عليك الهموم و تروح الحيرة .
40* في الساقية الماء يجري و الحشيش نابت متخالف،بالشوك مليت حجري من هذاك الراي التالف، كي غبت و غاب زهري و لا اللي يجيني خايف.

41* لا تامن الخيل اذا غدات ولاتامن الليالي اذا صحات ولا تامن النساء اذا تابت وصلات

42* جيت ساميت البحر شفت الحوت يعوم عرفت ما عندي زهر في ذا الحظ المحموم كي غاب ضي القمر ما ردت ضي النجوم .

43* أصلك أصلك و ما ينفع غير الصح مولاة النية الصافية عليها ربي يفتح أطول و لا تقصر يجيها السعد و الربح .

44* يا مولاة القلب الكبير ربي يعطيك و يوسع عليك ما عندك لا ذهب ولا حرير و أنت دايما زاهية و ربي مسهلك، ما دريت واش من حيلة ندير باش نكون مثلك .

45* لالة يا لالة وين ما تكوني نرسلك مرسولا ادا سكنت البحر نرسلك عوامة و ادا سكنت السماء نرسلك حمامة و ادا سكنت القبرايحاسبك مولانا.

46* وين الطريق اللي فيها محبوبي جيبولي التراب من ثمة نشريه نعملو جعيبة في مكتوبي و اذا مرضوا عينيا نكحل بيه ،حبيبي مايسمح فيا وانا مانسمح فيه.

47* الطبق بين رجليا و الخاتم بين صباعتيا و الحبيب اللي راح زمان يرجع ليا و الله غير نعيش معاه حتى يتغمضوا عينيا.

48* مزين القمر بضواه و مزين الانسان اللي في قلبوا جامع، و مزين النجوم كيما الياقوت مجمع و يلمع و مزين القلب اللي عطاه ربي حبيب كيما حبيبي.

49* زوج حمامات، يا سعد اللي وكلهم ويا سعد اللي شربهم وسعد اللي يدي دعوة الخير منهم.

50* شباب يا شباب ياللي عايروني بيك انت وردة فالكاس وغير انا اللي نديك.

·51* عيونك توت وحواجبك ياقوت, انا نحب خليلي واللي حاب يموت يموت.

52* الطبق ما بين رجليا والخاتم ما بينيديا أفرحي يا يما سعدي رجع لياونستشفى في العدو كيما استشـــفىفيا

53* هبطت لقاع البحر ولقيت جنية قاتلي واش بيك ياالبنية راكي أتحوسي على المال و لا الذرية قلتلها راني نحوس على حبيبـي يرجع ليا

54* من عندو غايب الله يردوا لبلادوا ومن عندوحبيب الله يصبروا على عذابو ومن عندو الزهر يقسموا علىحبابو،سلتوا من عند من جابو قالي الزهر كي المطر مين شاف صحابو وكي الضيف من طرق بابو وكي العلم وافر في كتابو.

55* إذا أنت برنوس أنا قفلة فيك، وإذا أنت محبس أنا وردة فيك وإذا أنت تحبني أنا نموت عليك.

56* قعدت تحت النخلة قالولي دقلة نور،جات أدورالنحلة وبالعسل عليت الصور، معاه العيشةتحلى هذاك الساكن في القصور

57* سجدت سجدة وصليت على النبي الكريم وتمنيت ورفدت يدي ودعيت ورفعت عينيا وبكيت ياربي يا كريم حققلي كل ما في قلب يورجعلي ذاك ألي طول عمري تمنيت.

58* طلعت للسطح قلت حبيبي بلاك تنساني قاليوالله ما ننساك حبيبتي بلعاني محبتك في قلبي صافية كالجوهر الحقاني

59* طير ياالحمام طير وطيرولا ترتاح ونزل في السرايا وزيد لسطاح وأنزل في حجر لحبيب و دّيلو التفاح وقولو قلبي عليك ماصبتلو مفتاح

60* شفت الزين بعيني وبكيت عليه وندمت علىالأيام اللي كنت فيها بلابيه واللي يبغيـنيربي أيخليه ليّ ويخليني ليه

61* شفت ألي كان في قلبك بان ولي وقتو حان،الحمد لله أ نت َطلع علامك وزادك اللهفي شانك.

62* الصبر ياك يقولو الصبر ثمرة تاعو حلوةوراح تلقى واش طول عمرك تهوىوتصفى عليك ليام وتشرب مع لحباب قهوة صافيا إن شاء الله بلا تلوى

63* بسم الله بديت وعلى النبي صليت، تمنيت لو نشوفها في منامي ونحدثها ونتبادلو لكلام لابسة لوني زينة لريام كي تخرج في الليل يهرب الظلام وكي تشوف في القمر يسقط كالسهام وكي تطلب الياقوت يجيها عوام و كي تطلب الضحكة جيها على جناح لحمام وكي تطلب المحبة يطيح هوام وكي تسالها علي تقول برك عوام

64* خرجت بالجمعة وفي يدي شمعةلقيت المؤذن فوق الصومعة قالي واش بيك ياولية نجيك محمل مابين الصبيحة والعشية

65* بان نجم الهناء والفجر بنورو تبسم وليي عمرو بحبو ليا ماباح راه اليوم عزم على القرب وتكلم.

66* خزرت من التاقة ننفض الزربية جازوا ثلاث عزاب عليا، الأول بعثو الملك قال لو نغنيها والثاني بعثوالسلطان وقال نكسيها والثالث بعثو الحبيب وقال له نموت عليها.

67* الشمس الغاربة غدوة ترجع تشرق وسفينة لحباب بعون الله تفوت وماتغرق والتبسيمة في وجه كل حبيب إن شاء الله تبرق

68* مزين القمربضواه علينا طالع ، ومزين إنسان ألي في قلبو جامع ، ومزين النجوم كيما الياقوت المجمع ،ومزين ألي عطالو ربي يكون قانع

69* هبطت للواد فيه الديكاز، وعليا خاوتي حراس مايغلبهم فارس ولا نعاس ،شفت فما تراس ، قالي يابنت الناس ملي شفتك ماني لاباس ،رميتلو من بعيد كأس قتلو ماني طالبة تملأه ماس ، طالبة تملاه محبةوإخلاص

70* شفت الي كان في قلبك بان ولي كان بعيد وقتو حان والحمد لله انتطلع علامك وزادك الله في الشأن

71* لي عطالو ربي من الذهب جبال ماتنحيهالو جيوش من الرجال ولي عطاه الزين وخصال ما يتبدل والدهر بدال يبقى كالذهب مهما حال

72* الزينة يا الزينة و الزين ربي عطاك طبيعتك حنينة و كحل العين واتاك وردة في جنينة في يد اللي خذاك يحفظك من العوينة و يخليك للي رباك .

73* سمرة يا سمرة يابنت الجيران غبت و طال غيابك و خليتي خليلك حيران ارجعي يهديك ربي و ماتنسي الي هواك و شعلتي في قلبو نيران

74* فال يا فلفال يا فاتح سبع قفال اجبرلي سعدي مهما كان من الشرق و لا من الغربولا من الشمال.

75* بركاك يا قلبي من البكاء ...واضحك للزمان ...تسعد ببشائر الخير...و ربي يرداللي راح..

76* شدني شدني...شدني من يدي ..من غيرك انا ما ندي...كلامك زين و سلامك يملا العين

Basketteuse · 2012-08-06, 23:14

السلام عليكم اخي حكيم ... اعتذر عن عدم اهتمامي الكبير بالصفحة فوالله الظروف و مسؤولية التصنيف التي اثقلتني . لم اعرف من اين . وكيف أبدا؟ بدا الامر صعبا علي
وانا الان اعرض عليك المساعدة ان كنت مستعدا للتصنيف فانا مستعدة لمد يد العون

حكيـ الجَزآئِرِي ــم · 2012-08-07, 10:13

اقتباس:

المشاركة الأصلية كتبت بواسطة basketteuse

السلام عليكم اخي حكيم ... اعتذر عن عدم اهتمامي الكبير بالصفحة فوالله الظروف و مسؤولية التصنيف التي اثقلتني . لم اعرف من اين . وكيف أبدا؟ بدا الامر صعبا علي
وانا الان اعرض عليك المساعدة ان كنت مستعدا للتصنيف فانا مستعدة لمد يد العون

وعليكم السلام
أنت معذورة أختي الكريمة "الباتنية " أعرف أنك مشغولة وخاصة مع رمضان والأسرة
أتمنى لك التوفيق
بالنسبة للتصنيف فأنا أيضا مشغول بالدراسة حيث أننا ندرس حتى في الصيف
ونحن على أبواب الإمتحانات النهائية
فأرجوا أن تبقي متتبعة فسأقترح طريقة للتصنيف
فإن أعجبتك فسنتعاون بإذن الله وننجز هذا المشروع
وشكرا على إهتمامك

lakh1992 · 2012-08-12, 04:45

اللي عينو في لغزال يبكر ليه
خوك خوك لايغرك صاحبك
الجلفة

elfares32000 · 2012-08-13, 21:48

اقتباس:

المشاركة الأصلية كتبت بواسطة حكيـ الجَزآئِرِي ــم

عبر عن ثقافة ولايتك بترك مثل شعبي أو حكمة أو قول مأثور في أي مجال أو عن أي موضوع

مثلا :

لي عوَّل عالجيران إيبات بلا عشا

قسنطينة

ملاحظة :

أنصح من لديه فكرة أن يكتبها أولا لأنه قد نجد مثلين أو حكمتين متشابهتين لكن تغيير كلمة واحدة يغير المعنى

أو قد لا تتغير الكلمة ولكن في ولاية عندها معنى وفي ولاية أخرى عندها معنى آخر

وأيضا كي يتسنى لنا معرفة في أي الولايات ينتشر هذا المثل أو الحكمة

بالتوفيق

إليكم قفة مليئة بكل ما لذ وطاب منقولة من منتدى بريزينة أعجبتني كثيرا فها انا أقدمها لكم على طبق من ذهب:

-1إذا تخلطت الأديان شد في دينك : يضرب هذا المثل عندما تختلط الأمور على شخص و ينصح له بالتثبت على مبادئه و أفكاره
2-الصيف قاطو و الشتا بوقاطو .( في الصيف حلويات و في الشتاء المحامي ) : يضرب هذا المثل عندما لا تلبث العروس في بيت زوجها إلا قليلا .
-3 -اللي يحب شباح ما يقول آح.: (الذي يحب عمل شيء ما يحتمل المعاناة في الحصول عليه و لا يشتكي فيقول آح .
4-كي طارت لطيور جات الهامة تدور: يضرب هذا المثل عندما تسند الأمور إلى غير أهلهـــا .
5-طريق السد لي تدي ما ترد : نوع من الدعاء على الآخرين بعدم الرجوع أي أن الطريق التي يأخذهـــا لا يمكنه الرجوع منها
6-طوال الخيط ما هو خياط : يضرب هذا المثل في نعت من يتباهى بمعرفة الشيء و هو له جاهل
7-دير الخير و انساه و دير الشر واتفكرو : إذا أسديت معروفا فلا تذكره حتى لنفسك و إن أخطأت فتذكر دائما حتى تعتبر .
8-اللي باعك بالفول بيعه بقشوره: يضرب هذا المثل في مقابلة الإساءة و الغدر بما هو شر منهما.
9-المحبة تجي بالكيف ماشي بالسيف: معنى ذالك أن المحبة ليست إرغاما إنما تأتي من القلب
10-واش جابك للواد يا الزيتونة: نوع من الندم على التدخل في أمر كان من الممكن تفاديه
11-يرقد بعين واحدة كي الذيب: يضرب للشخص الفطن جدا لا يأمن غره و لو لحظة
12-الشركة هلكة لو كان في طريق مكة : لا يجب الشراكة بين شخصين في لأأمر ما لأنها حتما تؤدي إلى هلاك أحدهما.
13-قعدو يا حمير حتى يوصلكم الشعير:يضرب في التهكم على التكاسل
14 مول التاج ويحتاج: إن كل شخص يحتاج إلى غيره حتى أكثرهم غنى
15-اللي عجبك في السوم رخصو في الطريق تقيس نصو: إن السلعة الرخيصة لا تدوم
16-يا قاتل الروح وين تروح : لا يمكن للقاتل أن يفلت من عذاب الله
15-كول أللي يعجبك و إلبس للي يعجب الناس : على الشخص أن يهتم بالعلاقات الاجتماعية
16-مول الفول يقول طياب : كل شخص يفتخر بما يمكنه عمله
17-اللي فاتو زمانو ما يطمع في زمان الناس: إذا كبر شخص فعليه ألا يقوم بأشياء يقوم بها من هم اصغر منه سنا
18-وين يبان خيطك في البردعة: للاستهزاء و احتقار عمل شخص أو حالته أمام الآخرين (البردعة هي الجبة )
19-من عندي ومن عندك تنطبع و من عندي وحدي تنقطع : يجب أن يكون تبادل بين الناس و إلا تنقطع العلاقات
20-زوج رياس يغرقو بابور: لا يقود جماعة أو يقرر أمرا إلا شخص واحد (البابور: السفينة- رياس :ربان )
21-واش يدير الميت في يد غسالو:يضرب لمن لا يجد بدا من قصد شخص في أمر مهم و يتصرف ذالك المقصود كما يشاء.
22-سعد الزينة في الحما و سعد الشينة في السما: ليست للجميلة حظ في الزواج إنما هو للقبيحة !
23-اللي بارت على سعدها دارت :التي لا تتزوج باكرا تكون سعيدة مع زوجها (؟!!)
25-زواج ليلة تدبيرتو عام: قبل القيام بأمر ما يجب التفكير فيه مليا .
و توجد أمثال شعبية جزائرية
1 صاحبك الا صاحبك في الشدة اما الناس الاخرى كلهم بعروضهم
2 البلاء اذا جاك من جناحك قصو
3 الي ما رضى والديه لا خير فيه
4ابكي يا قلبي على الي ماتو و متبكيش علي فارقك في حياتو
5 كل خنفوس في عين امه غزال
6 العمشاء ( اللتي لها سوء نظر) في بلاد العميان حسنت الانظار
7 كبر الراس للدبارة وكبر الساقين للخسارة
8 خنفساء تلهيني ولا غزالة تشقيني
9 كان حي مشتاق تمرة عندما مات علقول عرجون
10 لسانك صنتو صانك خنتو خانك
11 الي لسع حنش اخايل الحبل
12 الي في بطنو التبن اخاف من النار
13عندما تتعمر البطن تقول للراس غني
14 اسمع للكلام الي بكيك ومتسمعش للكلام الي ضحكك
15 فرط في كل اصحابك الا صاحب ابوك متفرطش فيه
16 ما يبقى في الواد الا حجارو
17 اشتري الجار قبل الدار
18 الي ما ذاق المر لا يعرف قيمة الحلو
19 الزين ما اعمر البيت
20 الي ماهو ليكك غير اعييك
21 الي خلص دينو شبع
22 تبع الكذاب الى باب الدار
23 خوك يمضغك لاكن ميبلعكش
24 جاك لبلاء ياغافل
25 ساعة القضاء ليه غفلة
26 حوت ياكل حوت وقليل الجهد اموت
27 ربي يخلف على الغابة و لايخلف على الحطابة
28الحمام المكسر الجناح ينزل على البر الخالي
29 حل الصرة(الكيس الصغير) تلقى خيط
30 الكلب اذى نبح ماعض ما جرح
31 كدس( كومة)حجار ولا سوء جار
32 الطعام لمليح يستاهلو النفاع
33 الطماع ابات اساري (يمشي ليلا )
35 اللي يزرع الريح يحصد غبارو

loup_bland · 2012-08-20, 10:07

شكرا لك بارك الله فيك

Basketteuse · 2012-09-11, 23:12

هدا مثل كانت تقولهولي ماما كي نتهرب من اعمال البيت
الحر حر والخدمة ماتضر