واش طيبتي اليوم?الجزء92 كواليس عيد الاضحى*** - الصفحة 34

ام نوردين · 2014-10-08, 09:10

صباحكم ورد وياسمين على كل الحاضرات والغائبات
شكرا شكرا لكن على الوقفة الجميلة والكلام الحلو ومايجيكوم شر انشاء الله وربي يحفظكم
غدايا ان شاء الله شربة فريك مع ليبولات ومطلوع والحمد لله
لبنات اسمحولى ماراجعتش مليح بصح نقول لكل وحدة حطت طيابها وكواليسها يعطيها الصحة وربي يبارك فيها ويعوظلها تعبها في عمل البيت وتعبها في وضع الصور خير وبركة انشاء الله
مبروك ام انس على الولودة ربي يخليهالك ويخليك ليها ويعطيها ايام زينة انشاء الله هادا وين سمعت الف مبروك والحمد لله على سلامتك
شكون ثانى الى زيدت وانا ماسمعتش

nihale89 · 2014-10-08, 09:10

ام نورالدين عظم الله اجركم حنونة
جيادا كلش هاااايل كي عادتك فحلة
حبيباتي موااااااح ليكم كااااامل يا احلى صحبة
غدايا ممممممم مانعرف راه مودر كرهنا من اللحم

قطيطوشة · 2014-10-08, 09:30

صباح الخير على الحاضرات صباحكم سعيد ان شاء الله

ساندي 28 · 2014-10-08, 09:35

صباح الخيرات توحشتكم كامل ولا واحده تفكرتنى ووووواع
عيدكم مبارك وكل عام وانتم بالف خير يارب

chez biba · 2014-10-08, 10:26

اقتباس:

المشاركة الأصلية كتبت بواسطة ام نوردين

صباحكم ورد وياسمين على كل الحاضرات والغائبات
شكرا شكرا لكن على الوقفة الجميلة والكلام الحلو ومايجيكوم شر انشاء الله وربي يحفظكم
غدايا ان شاء الله شربة فريك مع ليبولات ومطلوع والحمد لله
لبنات اسمحولى ماراجعتش مليح بصح نقول لكل وحدة حطت طيابها وكواليسها يعطيها الصحة وربي يبارك فيها ويعوظلها تعبها في عمل البيت وتعبها في وضع الصور خير وبركة انشاء الله
مبروك ام انس على الولودة ربي يخليهالك ويخليك ليها ويعطيها ايام زينة انشاء الله هادا وين سمعت الف مبروك والحمد لله على سلامتك
شكون ثانى الى زيدت وانا ماسمعتش

صباح الخير ام نوردين وبصحتكم الشربة والمطلوع، ام ملك ثاني زيدت باقي انا وأم اناس قريب ان شاء الله

اقتباس:

المشاركة الأصلية كتبت بواسطة lyzzabel

صباحك اسعد حبيبتي ام نور الدين و بصحتكم الشوربة و لي بولات ،، على حساب الشوفة ما عيدتوش
نهال بصحتكم الشواء ،، حنا عندنا يملو منه غير مين ياكلوه و الصباح يقولولي عاوديهلنا هههههههه ،، بصحتهم
سمسووووومة صح عيدك يا الحبيبة ،، واش شورتو مالبلاد ولا راكي تتواصلي معانا منها ؟؟ ولدك ماله علاش راه مريض ،، ما تقوليليش بلي الحمى مازال ما راحتلهش ربي يجيبله الشفاء العاجل امييييين
هند 11 لاكان وصلاتك رسالتي قوليلي ok ؟؟

صباح النور ليزا لعزيزة، ان شاء الله رتبتي شوي أمورك في الدار الجديدة ربي يهنيك، سيماسيم طهرت لولدها وقالت بللي زاد قباح اكثر والله تفكرتك كي قلتي على منصف بعد طهارتو، ان شاء الله راهو لا باس وعقال شوي

اقتباس:

المشاركة الأصلية كتبت بواسطة ساندي 28

صباح الخيرات توحشتكم كامل ولا واحده تفكرتنى ووووواع
عيدكم مبارك وكل عام وانتم بالف خير يارب

ساندي صح عيدك حنونة وكل عام وانت والعائلة بخير، ان شاء الله غيابك يكون فيه خير

صباح الخير ام هبوبة، قطيطوشة، نبيلة

أم ضياء عبد الرحيم · 2014-10-08, 09:37

صباح الفل ساندي كيفاش ننساوك عيدك مبارك و كل عام و انت بصحة و سلامة

أم ضياء عبد الرحيم · 2014-10-08, 09:40

ام ساجد عاش من شافك ان شاء الله تكوني بخير
وووووووووووووواع ماجيت نراجع حتى راح الحال على الغداء واش ندير دبروا عليا كنت راح ندير الرشتة تاع عطورة حقا ما بنتش ان شاء الله تكون بخير

ام نوردين · 2014-10-08, 09:44

دائمة الحمد مبروك على بنت خوك وربي يزين سعدها ربي يكثر من امثالك ويقدرك على فعل الخير دايما واش احوال اسينات الصغيرة
ليزابيل حنونة شكرا على السؤال عيدنا وشرينا خروف والحمد لله ربي يعيشك
جيادا عرضة وعليها الكلام يعطيك الصحة
ام سهام ربي يجيبلك الشفا ان شاء الله

kaouka · 2014-10-08, 09:47

جيادا تعيشي اعطيني طريقتك في زيتون لدرتيه في عرضة يبان يشهي

أم هبوبة · 2014-10-08, 10:03

صبا ح الخير على الفحلات
يعطيكم الف صحة راكم مزهيينها و مزهيين القلب
ليزا كاش نهار نجي لمعسكر نحوس عليك تعرفي حتى أنا اصلي الحقيقي من معسكر بلاك تعرفي غريس احنا منها
ام سهام شفت تطبيقاتك روعة الله يسترك من العين
جيادا العرضة تهبل و الحطة فيها دوق و لمسة سحرية
الاخت دائمة الحمد الله يعاونكم و يقدركم على شقى العرس الله يتتم بخير
و الي نسيتها تسمحلي فعلا كل شيئ رائع الله يدومها نعمة عليكم

أم ضياء عبد الرحيم · 2014-10-08, 10:05

ام نور الدين شكرا ليك حبيبتي
كوكا
درت الكفة عادي و من بعد قليتاه في شوية زيت حمرتها شوية برك نحيتها و في الزيت انتاعها درت مرقة بيضاء عادي قليت البصلة و الثوم و شوية معدنوس و قليت معاهم فطر باريس درت الطازج ميش المعلب و فلفل ابيض ملح
و مرقت بشوية ماء و من بعد رديت الكفة و خليتها اطيب و الزيتون غيلتو في الماء و كل مرة نبدل الماء على ثلاث مرات باه تتنحا الملوحة
صفيتو و حطيتوا مع الكفة و خليت المرقة عقدت اذا تحبي اديري شوية فرينة باه تعقد

أم ضياء عبد الرحيم · 2014-10-08, 10:09

صباح الفل ام هبوبة ربي يخليك هذا من ذوقك تفرحوني بزاف و تشجعوني بردودكم حبيباتي
راح ندير شكشوكة و نشوي لحم من الصباح انا ندور في المنتدى حتى راح الحال هههههههه انا نروح سلام

chez biba · 2014-10-08, 10:10

الله يسلمك سيدة كرمين ربي يخليك، بصحتكم الرقبة تشهي ويعطيك الصحة
صباح النور دائمة الحمد، بوسيلي اسينات ربي يحفظها
صباح الخير كوكا، ام سهام، ام رحاب، ام ماجد، ليزا
اليوم غدانا بكبوكة راهي قريب طيب من بعد ان شاء الله نحط الصور

kaouka · 2014-10-08, 12:05

اقتباس:

المشاركة الأصلية كتبت بواسطة chez biba

الله يسلمك سيدة كرمين ربي يخليك، بصحتكم الرقبة تشهي ويعطيك الصحة
صباح النور دائمة الحمد، بوسيلي اسينات ربي يحفظها
صباح الخير كوكا، ام سهام، ام رحاب، ام ماجد، ليزا
اليوم غدانا بكبوكة راهي قريب طيب من بعد ان شاء الله نحط الصور

اهلين chez biba وشركي انا هد وين دخلت كنت نرجع في دروس تاع لفرفنسي خخخخخخخخ هدا ليقل كي شلب علقولو لكتاب هكدا انا صقسيتيني على السﻻوي هو نوع من اليقطين ﻻكن أخضر تاع ﻻمرارك هوما ليكلوه جبو صحب زوجي وجربتو مليح سمحيني مجوبتكش بلخف ركي تعرفي دار وشغل يدوخ بصحتك بكبوكة

بصح وش هي بكبوكة ؟؟؟؟؟؟؟؟؟؟؟؟؟؟؟؟؟

هند11 · 2014-10-08, 10:32

عيدكم مبارك كل عام بخير اختي ام ماجد وحد الاخت قاتلك طيبي تزانة ضيفي عليها زريعة البسباس جربتيها انا ثاني راني مريضة بالمصران

شكرااااااا اختي ازابال واعطيني توابل لي حطتيهم في الشواء