الجزء163من كوزينة واش طيبتي اليوم ؟؟.؟؟؟.؟؟ - الصفحة 33

انا هي رزيقة · 2016-04-23, 17:14

يا يما على سماح خموس عليك حبيبتي و ربي يحفظك من العين و االله تقول فيترينا تع كاش باتيسري 5 نجوم اممم ثم اممم تسلم الايداي يا روزا يا بنت ام ماجد الحبوبة ربي يسلكك على الف خير عزيزتي و يرزقك باحلى بيبي يا رب ربي يحفظلك دوك اليدين اختي القناعة كنز تطبيقاتك دائما في القمة ياي ثم ياي على ديك الصينية المهبولة راهي تقول كولوني بسيف بصحتكم يا احلى جازيا اكل صحي و جميل و بنين اكيد و خفوفي كيما يحب الخاطر ربي يحفظك غاليتي حياة و يخليك عل مجهوداتك في الرد على كل البنات تسلمي حبيبتي

انا هي رزيقة · 2016-04-23, 17:18

اليوم راني طولت في الخدمة بصح خلاص راني رايحة حبيبتي ام اسلام مطلتيش اليوم ان شاء االله يكون المانع خير و يشفيك و يعافيك يا طيبة . ايا لبنات تهلاو في اروحتيكم

جازيا ام البنات · 2016-04-23, 17:44

تفضلو البنات باش تتقهواو معجون التفاح صنع منزلي+كيكة الفواكه الجافة

جازيا ام البنات · 2016-04-23, 17:48

اقتباس:

المشاركة الأصلية كتبت بواسطة أم ماجد

[size="5"]ان شاء الله تكونوا بخير وعافية
الف الف مبروك الكوزينة ام اسلام
جبتلكم بعض طياباتي مع اجواء عيد ميلاد المازوزي وليتارت بتوقيع روزا

[/s

الف مبروك وعقبال 100 سنة ربي يدوم الافراح والمسرات

جازيا ام البنات · 2016-04-23, 17:50

اقتباس:

المشاركة الأصلية كتبت بواسطة القناعة كنز

الف مبروك الكوزينة ام اسلام
هذا تطبيقي لخبز دون لمس العجينة خرج رووووووعة خفيييييييف ننصحكم تجربوه

خرجلك هشوش بالصحتك

جازيا ام البنات · 2016-04-23, 17:52

اقتباس:

المشاركة الأصلية كتبت بواسطة حياة نور الدين

السلام عليكن المناتدى راه مهبلني خخخخ

تفضلوا فطوري كسكس بالحليب للبنات وسلطة خضر مفورة بالبصل والفلفل المشوي اممم

نراجع ونرجع

بالصحة والراحة

جازيا ام البنات · 2016-04-23, 17:54

اقتباس:

المشاركة الأصلية كتبت بواسطة انتصار فاطنة

الف مبروك افتتاح الكوزينة ام اسلام
راه جابتلنا اعمدة الكوزينة مرحبا
ام سهــــــــــــــام
ام يا ســــــــــــــــــين
أم محمد تاج الدنيا نورت بالكتكوت الاصفر
استاذتنا دائمة الحمد
سماح كيفك مع الدراسة
استاذتنا ام ماجد اشتقنا لكواليسك واشتقنا نشوفو حفوظي وكيفها روزا وصلاة
نتمنالكم اقامة طيبة وبيكم تحلى اللمة وان شاء الله تكتمل الشلة ام طيري الجنة بريق الامل والقائمة طويلة
والاسماء الجديدة تستاهلو التكريم لانكم حافظتكم على لكوزينة

مرحبا بيك والدارمنوره باهلها

جازيا ام البنات · 2016-04-23, 18:06

اقتباس:

المشاركة الأصلية كتبت بواسطة oum ibrahim

صباح الورد على الوردات يومكن موفق ومبارك
كنت نراجع الخيرات الي حطيتوها يا الفحلات ماشاء الله عليكم كل وحدة و لمستها ام جوجو و الشخشوخة الي رايحة تنطق و الشربة و الطعام نتاع حياة اممممممممم بصحتكم و الكسرة نتاع الفحلة ام هدول و ضيافة الغالية ام اسلام ماشاء الله عليك وطيابات الفحلة ام محمد5 خاصة الباتيسري نقطة ضعفي حتى و لو مشري هههههه و الي بقا ماشفتوش صور ام لجين و هيثم و ريمة و ايمان واع النت ثقيلة
ام محمد 5 و باقي الاخوات تفضلو شوية معجنات درتهم بعجينة خبز الساندويت الي تصلح حلو و مالح كما رايحين تلاحظو كين الحلو و المالح ندير عجينة وحدة و نقسمها نصفين نص ندير بيه حاجة للعشا و النص الثاني ندير بيه بريوش او نتي بان للفطور الصباح و لما نخرجو ندهنو بالجولي او نرشو بالسكر الناعم باه يجيني حلو اختكم تحب الحلاوة و الي ما يحبش مايديرش عادي و تاني ندير بيها بيتزا ام رهيبة
بسم الله
هذي خبزة بالسلق كنت رايحة نديرها شكل مظفور من فوق كي جيت نهزها وااع فسد الشكل

وهذا بريوش رولي حليت العجينة دهنتها بالمعجون و رشيت حبيبات الشكولا و روليت قطعت قطع بعرض 2 سم و حطيتها في مول الكاب كيك و طيبتهم

وهذي ظفيرة بالخضار و الدجاج

وهذا بتي بان قسمت نصف العجينة الى 4 كرات حللتهم شوية و دهنت بينهم بزبدة التوريق ذايبة وحللتهم على شكل مربع ودرت في الحافة فرميسال شكولا او نوتيلا او حبيبات شكولا او شكولا رابي و لفيت مرة و نص و نقطع و نغلق مليح و الفتحة تكون من تحت و ندهن بالبيض و نطيبو

وهذي تاني ظفيرة بالسلق و النص الثاني بريوش بالشكولا

و الحمد لله حمدا كثيرا طيبا مباركا فيه

ربي يبارك كلش يهوس 44444444444444444

جازيا ام البنات · 2016-04-23, 18:17

اقتباس:

المشاركة الأصلية كتبت بواسطة lyzzabel

السلااام عليكم و رحمة الله ،، صباح الأنوااار و البركات حبيباتي الغاليات و نهاركم طيب

حبيبتي ام إسلاام قتلتيني بخيراتك شا نقولك ربي يسعدك و يهنيك و يشفيك و يعافيك و من كل خيراته يعطيك كلشي من يديك توووووب الله يبارك و وصفة السمكة فالفرن درك نكتبهالك يا الحبيبة بصح ماني لا خبيرة بحريات لا والو هدا من تجاربي البسييييطة مع الأسمااااك :d:d ،، من بعد فهميني عصير الليمون مع النعناع فاش تستعمليه بغيت نسقسيك نهار لي قلتيلنا عليه و نسيت خخخخ

ام عموووودي يا بن عمي شاولا هدا راكي معولة علينا تهرديلنا لاطاي ديجا بدات تروح هههه يعطيك الصحة يا ام الأفكار الجهنمية ،، حقا حتى من بعد تفكرت بلي سقسيتيني شا حطولنا نهار العرضة تاع العمرة خخخخ ،، فالأول قدمو الطعام بالتفاية ياك قلتلكم عليه و حطيته وحد الخطرة ولا زوج ما عقلتش ،، هو يتقدم مرصووووص بالزبيب و الحمص من فوق مشي مخلطين معاه كيما نديرو في العادة و طرف لحم مهبر الله الله و المرق تاعه أصفر و البنة ما نحكييييييييش يهبل يهبل راه يعرفها غي لي داقه ،، و زادو الرقاق بالجاج محمر و التعمير بنين يققققتللل و طبعاا الليموناد و المرفقات خخخ ،، و كي ديباراسو جابولنا القهوة مع الحليب و لاتاي منعنع مممم و قدمو معاهم 4 أنواع تاع حلويات تشاراك قلاصي و صابلي بطابع الخامسة رووووعة و دي تاغتولات محشيين بالكابريس و النيسلي كاراميليزي و و النوع الرابع نسيته :d و معاهم معشووووق الكل المقروض محشي باللوز مممم و القريوش و المسمن بالعسل بصح المخيرة خرجت متغاشية من عندهم و الحمد لله ربي يدوم النعمة على كل المسلمين

أمووولة منك صح سميتيها ليزا هههه ربي يخليهالك و يحفظها و يصونها و تكون من حفظة الكتاب يااارب و سامحيني حبيبتي كنت نشهيك ،، اما الوصفة راهي الغالية ام إسلاام حطتلك الرابط و شكرااا على الإطراء حبيبتي

ام جووجوو و حيوووتة و ام لجين و قاع لي دخلو للكوزينة بصحتكم الطعامات و الشخاشخ و الخيرات و ربي يباركلكم في رزقكم يا رب

فطورنا طاجين الزيتون بالجاج محمر و سلطة و الحمد لله على نعمه

اللهم ما أصبح بي من نعمة أو بأحد من خلقك فمنك وحدك لا شريك لك فلك الحمد و لك الشكر

ليزا العزيزة سال لعابي من كلامك على الطعام بالتفايةالبارح برك كليتو فدار لوسي امممممممممممممممم عقبالك يارب تروحي للبقاع المقدسة نسيتي ماء زمزم مقلتيناش يلا شربتو:d

oum ibrahim · 2016-04-23, 18:19

مساء الخيرات يا الحراير
الصباح من كثر ماحكيت على المعجنات سخفت على بريوش ايا نضت درت لامونة اممممممممممممم خفيفة و بنينة تهبل الوصفة لام وليد يعطيها الصحة
بسم الله

وهذي الوصفة للي تحب تجربها

و الحمد لله حمدا كثيرا طيبا مباركا فيه
نروح نراجع و نولي باذن الرحمن

oum ibrahim · 2016-04-23, 19:00

اشاء الله عمرتو الكوزينةبمالذ و طاب
سماح عودة ميمونة و التحليات امممممممممممممم غير هاتي الوصفات بلا ماتشاوري و ربي يعينك مع الدراسة
ام الجود نورتي الكوزينة توحشنا طلتك من زمان القمر ما بان و عيد سعيد لحفوظي و يعطيها الصحة روزا لتارت روووعة ربي يتمملها على خير يااااااااارب و تولي احلى جدة
حياة امممممم على هاذيك السلاطة ماعليش ندي نص التبسي و الله سخفتني صح بصحتك اختي و الصبح جبتيلنا تالزلابية و قلب اللوز واااااع رمضان على الابواب ربي يبلغنا اياه بالصحة و الهناء يااااااااب و شهادتك نعتز بيها و ماراني شاف لاوالو مازالني نتعلم
زقزوقة و هذاك الطعام ياااااااااااي زعما كليتو في الغدا بصح نتاعك شهاني يسلمو و تسلم ايدين ام ايمان ماشاء الله عليكم راكم حراير
القناعة كنز ماشاء الله الخبز خرجلك تحفة ايا قولي الصح مامسيتيش العجين ؟؟؟؟ هههههه بصحتكم
جازيا اممم على المعجون و الكيك يعطيك العافية و لا هاذيك البطاطا تشهييييييييييي بصحتكم و ربي يدوم النعم على الجميع
حقى الصباح نسيت مارحبتش بالغالية ام سهام وعرضة حبيبتك متاشاء الله يعطيها الصحة و الغدا عند اختك امممممممممم ربي يدوم لمتكم يارب
ام اسلام غائبة اكيد راحت عند قريبتها ربي يشفيها و يعافيها هي و مرضى المسلمين اجمعين ياااااارب

القناعة كنز · 2016-04-23, 19:53

حيوتة رزيقة ام برهومة و جازيا عينيكم اللي ملاح تشوفو كل حاجة مليحة
ام براهيم بيناتنا و ما تقولي لحتى واحد مسيتو برك باه عدلتو شوية فالصينية

جازيا ام البنات · 2016-04-23, 20:12

عشاتي ان شاء الله تشيشة بالزعتر+سكوم

الجمان · 2016-04-23, 20:16

مساء الخير عليكم يا حراير
ام اسلام الف مبروك وان شاء الله تكون مربوحة عليك وعلينا
تفضلي باروكي

وهادو دواقات على قول ام تاجو

اللهم ادمها نعمة واحفظها من الزوال
لا اله الا انت سبحانك اني كنت من الظالمين

حياة نور الدين · 2016-04-23, 21:27

السلام عليكن
تفضلوا عشايا سلطة وليزابا بالبصل والطماطم وقليت معاهم البطاطا