السلام عليكن نحط لكم صورة الترت اللي راح نديها لعشية للوستي يعني اخت زوجي اليوم عيد ميلادها تسكن في وهران و جات ضيفة عند امها علا هاذي كل يوم نروح نشوفها العشية و بالتالي مشاركاتي قلت شويا
ولادي اليوم هبلوني و الله ما علاباليش كيفاش خدمتها و لكن المهم كيما نقولو حنا تشبه شويا
ام جوجو ضروري نجرب وصفتك تع البريوش و الخفاف في نفس الوقت نحب مثل هذه الافكار عصفورين بحجر واحد
ام محمد وسيم ربي يعينك حبيبتي شوفي نجاوبك بكل صراحة
انا يما ما عندهاش الخاطر و انا خرجت ليها و زيادة على ذلك نحب الهدوء و النظام و كي نشوف كرسي محرك شويا من مكانو نتقلق
هذا من جهة من جهة ثانية انا عشت و خدمت في الغربة سنوات والفت فيهم الحرية و الاستقلالية و سهولة الحياة
كي رجعت للبلاد و جبت اولادي جاني الوضع صعيييييييب من كل النواحي و طبعا بلادنا ما تساعدكش حتى الروضة ما تضمنيش يعاملولك ولادك مليح و ما كانش مكان مضمون و أمان بش تحطي ولادك مثلا زوج سوايع او ثلاثة تفري امورك و تولي تديهم
و بالتالي ولادك دايما معاك في جنبك في الدار و لا برا و مع الجيل تع ضرك يشرط و يطالب بحقوقو و يعرف كلش اكييييييييد تتعبي بزاف
لهذا نكذب عليك نقولك بلي ما نشتاقش لحياتي تع زمان بصح اولادي نعمة كبيرة من ربي نحمد ربي صباح و عشية عليهم و علابالي ما ينفع غير الصح و كي نكبر تلقاهم هوما ماشي التحواس و الاستقلالية
و باش نزيد نبرد لك خاطرك و الله دايما نتمنى لو كان جبت ولادي عالصغر و كبرت معاهم و شوفي حكمة ربي علاش المراة بعد سن معين ما تضنيش لانو الامر صعيب عليها بزاف من كل النواحي ماشي في الصحة فقط
لذلك نقولك علابالي الامر صعيب بصح ما تندميش على ولادك هوما اللي ينفعوك و كي يكبروا ترتاحي ان شاء الله
بصح انا ما نتفقش مع فكرة نكثروا الولاد في الزمان تع ضرك لانو صعيب نعاونوهم و نضمنوا لهم مستقبلهم في هاذ البلاد و ما نقدروش نديرو كي زمان نرميوهم يدبروا روسهم وحدهم اكيد لازم نعاونوهم يوقفوا على رجليهم ماشي كبرهم و زوجهم و خلاص سواء بنات او ذكور هذا طبعا رايي الشخصي و ما تنسايش انو راني في ربعين سنة ما رانيش صغيرة
( تقرير عن مشاركة سيئة )، و الموجودة أسفل كل مشاركة .
2015-08-11, 11:46
العرض المتطور
