الجزء 74 من واش طيبتي اليوم ؟ ديرو الصف وادخلو مرحبا بيكم - الصفحة 33

lahna moka · 2014-05-14, 18:05

توحشتكم و توحشت اللّمة و التطبيقات

ام طيري الجنة · 2014-05-14, 18:08

شكرا عزيزتي مريم الاميرة و صيرينة الحلوتين على التشجيع و كي تجربو الحريرة قولولي كي جاتكم
انا البارح درتها في العشا اممم

صورت المراحل كي نكون قاعدة نزيد ندعم الموضوع بالصور
ودرت غراتان بالروز و الطون و الكروفات و الشوفلور و البيشاميل امممممم جا البنة كي نتاع الغراتان دو فروي دو مار

و اللحم نتاع الحريرة حمرته مع حبيبات بطاطا

و الحمد لله على نعمه

ام طيري الجنة · 2014-05-14, 18:12

اقتباس:

المشاركة الأصلية كتبت بواسطة lahna moka

توحشتكم و توحشت اللّمة و التطبيقات

يا عمري لهونة حبيبتي ما تبكيش دوك تبكيني معاك حنا تاني توحشناك بزاف ورانا ندعولك ربي يعاونك و يسخرلك و يفرحك

scorpionoir · 2014-05-14, 18:20

قود مورنين قورلزهههههههههه
اشلونكم شخباركم

أم ماجد · 2014-05-14, 18:21

صحيتو يا حرؤات امممم لاكرام تاع ليزا هبلني غدا ان شاء الله نديرو ونتمتع
لبنات الصباح دارولنا خروج عام جبت معايا غدايا وتغديت في الدار ورحت قضيت شريت الحوت درته الان للعشا

وصورت واحدة ليسبادون تهبل قلت للبائع لازم نصورها لحباباتي تاع الجلفةهههههههههه رغم اني ماشريتش منه ب150الف للكيلو واععععع

وهاذا عصير اورونجينا الشيخ عجبو وقالي نهار الجمعة نشريلك كاجو برتقال دريه لرمضان
وشريت في طريقي كصبر ومعدنوس غسلتهم في السهرة انقيهم ونخبيهم في المجمد لحين الحاجة
وشريت طبعا وضروري شوية لولازم للطبخ

عشايا شطيطحة حوت مع ارز ابيض ام حارة تهبل راهي واجدة

scorpionoir · 2014-05-14, 18:27

بصحتك ام ماجد الحوت والحوايج انا ندي الزعرور برك
ليزابال سخفتيني بلي قلاس جاو روعة انا درتهم ذوق كرامال طيحولي المورال قالولي ما عجبناش وجا حلو ووععععععععععععععع
واشمن ذوق درتي مع الفراز راه يبان ابيض بزاف
ام طيري الجنة راني نستنى في القراتان تاع الكروفاتوالروز

مريم الاميرة · 2014-05-14, 18:34

ام ماجد بصحتكم الشطيطحة و القضيان و كللللللللللللللللللش انا اعطيني هذاك السوندويتش مع العصير و خلاص
لهنننننننننننننننننننننة عاش من شافك حبيبتي توحشتك موووووووووووووووووت

scorpionoir · 2014-05-14, 18:35

درت للغدا حسوة بسكرية مممممممممممممممم

وهذا تطبيقي الفاشل لمادلان بلا بيض ماصلحليش تحرق وما طابش من داخل قعد معجن

lahna moka · 2014-05-14, 18:35

أم طيري الجنة ربي يحفظك حبيبتي و يعطيك ما تتمناي و يهنّيك بقرّة أعينك موااااااااح
أم ماجد النشيطة خمسة و خموس عليك غاليتي مولات الحوت خخخخخخ
مريومتي الحلوة مواااااااح كبيرة ليك توحشتك بزاااف عندك مدة ما ظهرتيش
حبيت نحمّل الصور بصح ععععع ما بغاوش
les boites شريتهم لون ذهبي و الصحون قلت نشريهم نهار السبت ان شاء الله
درت قاطو نص بنص لأم أماني و مقروط و جلجلانية في مول السيليكون و صابلي و تشاراك نظن تاع بروقة أو بسملة فرح
تاع الذراري صغار كمّلتها و بقاتلي القشقاشة شريت صوالحها بقى برك نخلطها و نديرها في سلة نزينها
القاطو الي نديه معايا وحدة مختصة بصنع الحلويات رايحة تديرهولي , قلتلها على البقلاوة و السكندرانيات تاع ريهام حلوتي الطيوبة و مازال نزيد نشوف مودالات أخرى
في عرسي و ما تخلّيتش على التطبيقات ههههههه
جابلي ربي حتى الكسكس نقوللهم يطبقو تاع أم أماني أو وصفة من المنتدى هههههه

بشرى2008 · 2014-05-14, 18:44

لهوووووووووووووووووووووووووووووووووووووووووووووووو نتي حبييييييييييييييييييييييييييييييييييييييييييييييبت ي تووووووووووووووووووووووووووووحشششششششششششششششششششش ششششششششششششششششششششششششششششتك

amina bourennane · 2014-05-14, 18:47

هههههههههههه لهونة ربي يكملك انشالله فكرتيني في ايامات عرسي درت كلش وحدي و سجيت كلش انا من طبيعتي منحبش واحد يديرلي حاجتي يعطيك الصحة يا الفحلة قوليلي وقتاه عرسك حنونة و ربي يكملك انشااااااااااااااااااااااااااااااااااااااااااااالل ه و بلاك تنساينا كي تزوجي نقتلك

lyzzabel · 2014-05-14, 18:49

سلااااام ربي يخليكم يا الغاليااااات بشوووورتي و ام مااااجد ممممم بصحتك القضيان و الحوت بردي قلبك هههه و scorpionoir و كل لي عجبتهم لي قلاس هههه
درت ذوق الفاني كيما فالوصفة و ذوق الفراز درته بعصير الفراز مع فلون الموز و الشانتيي طبعااا و في علبة لي نخبو فيها الأكل يعني بورت مونجي بالغطاء تاعها أكيد حطيت الطبقة الاولى تاع الفاني و من بعد حضرت نصف الكمية ذوق فراز و حطيتها مالفوق و زدت كملت بذوق الفاني و غلقتها و دخلتها للمجمد البارح و قبيلا فالعشية جبدتها و قلبتها في صحن و زينتها و الذوق ما نكذبش عليكم جاني كيما الشانتيي و هي كونجليça n'a rien à voir مع المثلجات لي يتباعو و لكن البنة مليحة

هاهي العلبة لي درت فيها

حقا scorpionoir نتيا لي سقسيتي ام انوس على الآلة لي زينت بيها لاتورت ؟؟ بغيت نحطلك الصور قااااع قبيلا مين حطيت المثلجات و دارها بيا المنتدى شيبلي شعرييييي المهم تفضلي الصور حبيبتي جبتهم من النت للأمانة

اييييه نسيت نقوللكم بلي درت للعشا جلبااااان بالمرقة و راني نستنى في شيخي يجيب لي زيسكالوب باش نزيد هم و نزيد السلاطة بإذن الله

بناااات أدعو معايا ربي يرجع كل الغائبات على خير و يجعل غيابهم خييييير ياااارب

سبحان الله عدد ما كان و عدد ما يكون و عدد الحركات و السكون

lahna moka · 2014-05-14, 18:51

بشورتي الحلوة مواااااح توحشتك بزااف بزااااااااف بعثتلك رسالة عندها شهر وصلاتك ولاّ لالا ههههههه
أمينة حبيبتي سمحيلي دخلت بالبكاء هههههه ألف مبروك افتتاح الكوزينة الجديدة ربي يجعلها عامرة بالخير و الخمير حبوبة , ضحكتيني بكلمة نقتلك ههههههههه ربي يعطيك ما تتمناي و الله أبدا ما ننساكم و أصلا دايما في بالي و ندعيلكم في ظهر الغيب ربي يعطي لكل وحدة واش يتمنى قلبها يا رب

omomnia15 · 2014-05-14, 19:00

عالسلامة لهنة وربي يقاويك مع التحضيرات ام ماجد بصحتك الحوت ليزابال انا ثاني المثلجات معجبونيش مراهمش كيما تع برا منبعد نحطلكم الي عندي بلاك تجربوهم ويعجبوكم نروح نوجد العشا واااااااااااااااااع الما مكانش رانا ناااااااااااشفين

بشرى2008 · 2014-05-14, 19:00

راني ندير فى السوفلى التركي نتاع أم اماني