الجزء29 من واش طيبتي اليوم؟ - الصفحة 31

أم شيماءْ · 2013-09-26, 19:02

مساء الخير راني جيت
ام نجم اهلين توحشناك يا شريرة

أم شيماءْ · 2013-09-26, 19:04

مساء الخير لهومتي وشراكي واش تعشيتي انا درت فريت وخبز راني فنيانة اليوم

إلهام07 · 2013-09-26, 19:05

أهلين اوغيسيا واش دايرة للعشاء ولا كاسكروط

ماري حبيبتي الف شكر هذي هي الوصفة اللي نحوس عليها شكرا خفت نغامر راهي القناوية غالية الكيلو بسبعين ألف لو نفسدها ننتحر
هذو راهم ثلاث سنوات وانا نشهى فيها مانيش مصدقة حتى ناكلها هههههههههههههههههههه

مرام 1987 · 2013-09-26, 19:02

راحا نتعشى من بعد نرجع ان شاء الله

أم ياسين الزهراء · 2013-09-26, 19:10

الهام اسفة حنونة شفت سؤالك بصح خرجت ديت ولادي للطبيب انت اللي تسقسي تجري تردي خيرك سابق

شوفي مليحة بالعجل ديري الزيت يتقلى اللحم ومنبعد التوابل انتاعك والملح وخليهم يتقلاو والطماطم حب وعلب ومرقي وخليه يطيب وكيتشوفي اللحم طاب ارمي القناوية ولازم المرقة تكون خاثرة والدبشة على الاخير وبصحتكم حقى ماتشقيهاش بالموس باش ماتوليش تزلق نحيلها غير الراس بلا ماتوصلي للتحت تاع الراس هدا ماكان وايه ماتنسايش الرند نوت عليه ونسيت نقلك اقليها شوي في الزيت قبل ماتلوحيها في المرقى

إلهام07 · 2013-09-26, 19:18

اقتباس:

المشاركة الأصلية كتبت بواسطة أم ياسين الزهراء

الهام اسفة حنونة شفت سؤالك بصح خرجت ديت ولادي للطبيب انت اللي تسقسي تجري تردي خيرك سابق

شوفي مليحة بالعجل ديري الزيت يتقلى اللحم ومنبعد التوابل انتاعك والملح وخليهم يتقلاو والطماطم حب وعلب ومرقي وخليه يطيب وكيتشوفي اللحم طاب ارمي القناوية ولازم المرقة تكون خاثرة والدبشة على الاخير وبصحتكم حقى ماتشقيهاش بالموس باش ماتوليش تزلق نحيلها غير الراس بلا ماتوصلي للتحت تاع الراس هدا ماكان وايه ماتنسايش الرند نوت عليه ونسيت نقلك اقليها شوي في الزيت قبل ماتلوحيها في المرقى

ربي يعيشك والله عادي حتى لو ماجاوبونيش والله مانزعف

وماشي زعمة رديلي نردلك ههههههههههه بلامزيتي
شكرا على الوصفة كيما راني نشوف نفس وصفة ام كوثر زايد فيها غير الرند والدبشة
حقة قوليلي طول في الطياب ولا ثمثم ؟

إلهام07 · 2013-09-26, 19:21

أوغيسيا دقسقة نروح نرحي الحساء ماما مسكينة ماتت بالجوع ماكلات والو في النهار كانت هارجة

أم ياسين الزهراء · 2013-09-26, 19:14

راني نطيب في الغربية تاع ام كوثر الريحة تهبل عاشت ام كوثر عاشت

العشاء مادرتش ولادي مراض وباباهم يقلي عسيهم ماديري والو خليتو خرج وزربت طيبت الغربية كانت في فريجيدار الصباح وجدتها هكى ندي راح يجيب العشاء

ابراهيم اعطي لوليدك اليايورت تاع القرع والعصائر وديريلو اللمجة انتاعو ياكلها كيخرج للراحة وربي يحفظو عندي هدا الاولاد عليها درت وليدي على 10 باش يفطر على 9.30

أم ياسين الزهراء · 2013-09-26, 19:19

انا ماكانش وحدة اشتقتلها وماننساش خيرها هي ميميشة الله يردهالنا سالمة وغانمة اول ماسجلت في المنتدى كنت نتبع موضوعها واستفدت منو بزاف تشفاو عليها اللي يدخل يدعيلها

أم شيماءْ · 2013-09-26, 19:21

اكيد نشفالها كان موضوعها مميز ربي ير دهنا يارب

إلهام07 · 2013-09-26, 19:45

حزرو فزروا راني نسخن في الماء واش رايحة ندير ؟

إلهام07 · 2013-09-26, 19:48

وعععععععععع ماقدرتش نحط الصور

فاصل ونواصل بعد العشاء حتى يتعدل جد المنتدى

ماتخافوش لقيت خطة جهنمية باش ام كوثر ماتحذفش الصور

أم شيماءْ · 2013-09-26, 19:48

رايحة تدوشي هههههههههههههههههه

islam1aya · 2013-09-26, 20:02

اقتباس:

المشاركة الأصلية كتبت بواسطة أم ياسين الزهراء

انا ماكانش وحدة اشتقتلها وماننساش خيرها هي ميميشة الله يردهالنا سالمة وغانمة اول ماسجلت في المنتدى كنت نتبع موضوعها واستفدت منو بزاف تشفاو عليها اللي يدخل يدعيلها

ياه يا ام ياسين ميميشة لعزيزة دائما في بالي صديقتي وحبيبتي طيوبة ومميزة ومبدعة عندي عام ونصف ملي اتصلت بيا اخر مرة ومن ثم مزادتش دخلت

ان شاء الله ترجع معانا توحشتها بزاف بزاف

ودفترها غاضني كغلقاتو ام كوثر لوكان غير تفتحو ونعاودو نحيوه بتطبيقات والوصفات تع دليلة سليماني

أم ياسين الزهراء · 2013-09-26, 19:20

لهومة ماطولش في الطياب ثم ثم عليها طيبي مليح اللحم وترميها وتجي خاثرة وابعثيلي طبسي سخفتيني ياموصيبة

حقى على من صوتي ههههههههههههههههههه