طريقة أكيدة لتصبحي ربة بيت سعيدة

[omelbanin]

اهلا وسهلا جهينة، علااااش ما راكيش تكتبي بالغوز هههه، تأمني الصباح جيت نسقسيك على لخياطة، الواحد كي يلتهى بهواية ينسى شوية الهم.
وبالنسبة ليا الطول، طوييييلة، هاذي الحاجة لي راهي مصبرتني، بصح كي نوزن في الميزان نتشوكا

[Sii]

الروتين الصباحي تم مع ساعة التنظيف الاسبوعية
الغدا مدرتش انا صائمة وزوجي قالي خلي ناكل برا
غي المساء ان شاء الله ندير 20د في المطبخ

[Sii]

حبيباتي حبيت نطلب منكم حاجة قليلي طريقتكم في تنظيف اواني الطبخ من كوكوط و المقالي و .....

[الفجر القادم]

السلام عليكن،شكرا لك سيدتي الكريمة هذا من فضلك وكرمك ان شاء الله اكن واياكن من فراشات الدنيا و الاخرة،اللهم اختم بالصالحات اعمالنا امين يا رب العالمين اخواتي الصائمات تقبل الله صيامكن و جعله في ميزان الحسنات ارجو منكن الدعاء لوالدي الكريمين بالرحمة و المغفرة.

[omelbanin]

السلام عليكم، روتيني الصباحي تم.
تنظيف المطبخ ،ساعة درتها للثلاجة وبقالي شوية وقت نظفت لقجور.
ختي سيي بالنسبة للاواني كيما لاكوكوت ولبراس تاع القهوة نحكهم بحبل تاع السلك هاذاك الرقيق، لاجاكس اذا تعرفيه مع صابون حجرة.
وكيما المقلاة درتلها un dégraissant خرجت تشعل.

[ام شمسو محمد]

مساء الخير فراشات
سي أنا نستعمل منتج فورس اكسبرس مليح كي تحكي ، يقولو البيكربونات مليحة مزلت ما جربتهاش .
أم البنين أنا ثاني درت الروتينات وفي المطبخ الثلاجة و كملت البلاكار مبعد ان شاء الله ندير 20 د في الفرن من داخل ، غدوة ان شاء الله نكمل الفرن.

[ام شمسو محمد]

جهينة مهما كانت ضغوطاتك ، في كل يوم إذا صبحتي في صحتك بخير،كبدتك مجمولة عبادك و بلادك ، عندك عشاك ....مالا ما تحزنيش ، و إذا أصبتي في هذو استعيني بالله و غلبي جانب الرجاء .

[Sii]

شكرا ام البنين وام شمسو
اتا تاني كوكوت نديرلها السلك ونحك مليح اما المقالي هوما ليقلقوني وزايد تاوعي لونهم احمر يبان فيهم كلش نجرب طريقة البيكربونات حتى انا سمعت بيها يا ام شمسو ونشوف النتيجة

[ام شمسو محمد]

يسعد مساءكم فراشات
زينو مساءكم بالأذكار ، طيبو عشاكم في الوقت ،اتهلاو في أفراد أسرتكم ، حافظو على روتيناتكم المسائية :
خملو الدار و لمعو الحوض و سيقو الكوزينة .
شوفو الغسيل : اذا كاينة ملابس مسخة حطوها في السلة ، و يلا كنتو غاسلين طبقو وحددو و خبيو .
ديرو تبريد دقيقتين .
يلا ما درتوش تبريد 20 د ديروه .
جهزو للغد : الملابس ، صينية الفطور .
اعتنيو بأنفسكم : تزينو ، أقراو قرآن ، ديرو الشي اللي يسعدكم .

[أريج13]

السلام عليكن
هذا وين كملت قراءة واش كتبتو تبارك الله ريحة النقا راهي تفوح ربي يوفقكن ويسهل اموركن
ام شمسو بارك الله فيك على البرنامج و الشرح
اليوم ان شاء الله بالاضافة الى الروتينات المساىية ندير 20د في المطبخ و نطبق الملابس ونخبي اللي ما تحتاج للكي

[ام متين]

مساءكم طيب مبارك انا اليوم درت ساعة التنظيف للثلاجة كنت نسابق في الزمن باه نكملها قبل وصول فقت خروج الاولا والحمد لله كملتها وفي اوطيبت العشاء في الصباح لان في المساء يرةح الحال بالخف وما تقدري تريحي ولا تقري الاولاد وذرك راني قاعدة مريحة شوية لان ملي نضت الصباح وانا واقفة ومع الخرجة للمدرسة احتاج لشحن البطاريات من جديد
جهينة سلمي امرك لله وما ضاقت الا فرجت وما جاء ليل الا اتى الفجر من بعده عن قريب ان شاء تخف عليك الضغوطات

[أريج13]

اختي الفجر القادم مرحبا بك بيننا
جهينة على سلامتك ان شاء الله تفرج همومك و تزال الضغوطات
ام البنين حتى انا راني نعاني من الوزن الزاءد حجاباتي اللي لبستهم في سبتمبر راهم يجيوني مزيرين قلت بلاك مع العمل نقص شوي
سي و غزالة و الفجر القادم تقبل الله صيامكن

[جهينة اليقين]

ربي يحفظك ام شمسو وييسر امورك وما يوريك الا الخير
سيي الكوكوط كيم قالت ام البنين الحبل المسلك والصابون تاع الحجرة والمقلة انا عندي واحدة اينوكس نقلي فيها البطاطا شوفي كي تكملي القليان فرغي هاذلك الزيت وهي سخونة كذلك والصبون والسلك والله ترجع تشعل
وعندي اخرى للشوفلور والفلفل والدنجال لانها شوي كبيرة وكيم قلتي هي خضرا وفي لجناب والوسط كي تيفال كذلك نفس الشيء وهي سخونة الدهون ما تبقاش
ولكن حذاري يا بنات ما تحكوش بالسلك من الااخل راهي تروح هذيك الطبقة الملساء وترجع مضرة بالصحة

[جهينة اليقين]

ام هارون الغوز ما صبتش اللوحة تاع الالوان والخطوط والارقام يا خي سقسيتكم على اللوك الجديد وما جاوبتونيش كامل راه عندكم ولا غير انا كلش راه مبدل

[ام هزار]

السلام عليكم و رحمة الله تعالى و بركاته
خرجت مساء غلى 4
رجعت للمنزل بعد ما جبت بنتي . درت حليب مع الاستغفار فقط لاني بالعذر
و من بعد ريحت 5 د و درت العشاء شربة القرع بالدجاج . و رتبت المنزل شوية . و الان الى التبريد
بالمناسبة شكرا لكل من دعت لي بالشفاء . انا في تحسن و الحمد لله
غدا مساء نويت نعمل ساعة التنظيف العميق . شكرا الف شكر للجميع . تحياتي