موضوع مميز الجزء الـــ14 من واش طيبتي اليوم؟؟ - الصفحة 30

إلهام07 · 2013-07-03, 13:05

هههههههههههه يبارك فيك أم ماجد لعقوبة للفرح نتاع ماجد

لالا أم ماجد ماعنديش رابط درت القلاصاج نتاع ام رامي نتاع الحليب لاخاطر الأخوات قالولي القلاصاج نتاع بياض البيض يرجع يابس بعد 2-3 أيام ونتاع الحليب يبقى طري
القلاصاج دارولي بزاف ناس منو عقدة كل مانسأل وحدة باش تعطيني الوصفة نتاع القلاصاج وتعلمهولي ( قبل مانعرف المنتدى ) تقلي راهو واعر ومايصلحش للناس كامل ولازم بالممارسة سنين باش تتقنيه حسبتو صاروخ

أوففففف تهنيت من عقدة وحدة اخرى
واقيلا خلاصو العقد أستناي نتفكر واش مازال

إلهام07 · 2013-07-03, 13:06

مازال نزيد نجرب القلاصاج ناع البيض ونشوف

إلهام07 · 2013-07-03, 13:09

إييييييييييه طارلي بينوار الجهاز نتاع أم ماجد واااااااااااااااااااي

حقة بنات راني درت تشاراك نتاع أم أماني والله يذوب في الفم ، كانت عندي وصفة مليحة جبتها من العاصمة من عند وحدة تقري الحلويات بصح هذي راهي تفوقت عليها
والقلاصاج نتاع أم رامي هاهو :
عطاتهولي دادو كثر خيرها :

كيلة ماء الزهر
كيلة زيت
كيلة ليمون
كيلة حليب
و سكر مسحوق
لكن كي تضيفي سكر مسحوق خصك تضيفي بزاف حتى يثقل
انا نثقله و نسيي حبة و نحطها و يليق القلاصاج ما يسيلش خصه يبقى في بلاصته باه يخرج زين
و لاكان سال القلاصاج من الحبة زيدي ثقليه بالسكر مسحوق حتى تولي تمشي فيه باصبعك فوق الحبة تاع الحلوى
و لما ينشف القلاصاج مسحي عليه الملمع لكن بقطنة جافة ديريها في الملمع و مسحي فوق القلاصاج

النصائح نتاعي : القلاصاج لازم يجي قاسح زثقيل هذا ماكان والوصفتين 100/100 مضمونة دون تغييرات

ساندي 28 · 2013-07-03, 13:17

الهام مبروك عليك النجاح فرحتينى جاك علامه تقولي محترفه الله بارك من قبل قتلك ديري نتاع قلاساج لحليب وخلاص راه ساهل انا درتو ومخفتش منو وطلع يهبل حتى البنه هايله خيرمن نتاع البيض
اليوم شريت بيدون من كبار نتاع زيتون اخضر لرمضان فتحتو وطيبت منو طاجين الزيتون بكريات الداند والارز كيما دارتو اخت في المسابقه علابالي كامل عرفتوها وشكون بصح درت مرق البيض وزدت ثقلتو بالفريك نتاعك الهام جا هايل وعجنت كسره خمير وحميس حار وسيليكتو وربي يدومها نعمه

اولادي حياتي · 2013-07-03, 13:24

اقتباس:

المشاركة الأصلية كتبت بواسطة أم ياسين الزهراء

صحى فطوركم ونعمة دايمة على الكل

اولادي جيتي لباتنة ومطليتيش علي وين كنتي اماني على سلامتك
ام ماجد ربي يعاونك انا خلاص عيت راني نريح لرمضان بسلامت ولادي يحبو يتقلشو بزاف

الهام فرحينا معاك

مساكم بالخير راني وليت باتنية خلاص

ام ياسين انا كانت امنيتي نشوفك ونشوف الهام وام ماجد والسطايفية خفت نحرجكم وما تحبوش

وادا نوغمال نتلاقاو في اوت

راح نولي عجبتني باتنة

رحت لسطيف فطرنا تما في ريستورو مقابل الماناج ورحنا لباتنة عندي لافامي تاع ماما تما في بوعقال ورحت بلاد بابا في منعة طلعنا للجبل ودرنا شوا لتما روووووووووووووعة ورحنا لتمقاد هاايلة .
خيتطلي بنت عمتي جبة ستيل شاوي نصورها ونحطها عشيا .
راجلي ماشي شاوي دوك تعلم يهدر كلمات

مازال نولي ونروح عند خالتي في غوفي .

ام ياسين واش درتي لغدا انا غدايا تاع لبارح قعدلي كباب وسوفلي وحميص .

اقتباس:

المشاركة الأصلية كتبت بواسطة إلهام07

أهدي تحياتي إلى أمي وأبي وأختي الوسطانية ومدام بغريرة ودادو المهبولة التي هبلتها في البريد الخاص وأم نجم التي شجعتني على تطبيق وصفة أم أماني والأخت بشرى الشريرة التي خلصتلي أيقونات الشكر على دعمها لي و ياسو التي سوف تاكل نصف الصحن وماتعرفش الدير القلاصاج هههههههههههوكل العضوات المشاغبات في قسم واش طيبتي اليوم

الهام مبروووووووووووووووك خرجلك

حطينا الرابط نجربو ياخي يقولك عاند ولا تحسد .

إلهام07 · 2013-07-03, 13:25

مممم بصحتكم أم نجم عرفت صاحبة الوصفة مبدعتنا الشاف ...............تييييييييييييييييييت هههههههه

حقة درت اقتباسات باش نرد على الأخوات راحولي

إلهام07 · 2013-07-03, 13:28

الأخت ام غيداق العرضة تهبل يعطيك الثحة خاصة مقلوبة المرقاز والشوصون والبسبوسة ممممممممممم

لمسة بصحتكم وربي يشافيك حبيبتي

دادو والسطايفية الباميا( القناوية ) ماشفتوهاش في أفلام المصرية المهم ماكانش تتباع غير في الشرق يعني في قسنطينة وعنابة وسكيكدة بنينة تهبل مع لحم لخروف ممممممممممممم طيب ليه ليه طرية خلاص مع الكسرة الرخسيس ياعمري تهبل
الصورة اللي شفتوها راهي مكبرة هي في الصح جاية صغيرة الحبة نتاعها

دادو ترجميلي هذوك لكلمات اللي قلتي يا زمباية هههههههههههههه

بسملة واش هذي بقلاوة ولا جنينة ، خرجت تححححححفة تليق للعرايس يعطيك الصحة وربي يخليلك عويناتك ويديواتك هههههه

هذا واش تفكرت آسفة اللي نسيتهم يسمحولي

لينا11 · 2013-07-03, 13:46

الهام قلاصاج تاع بيض مالفة نديرو يقعد طري ويخرج مممممم

هاي ليك صورتو كيفاش يجي

وهنا مغبر

*ام رامي* · 2013-07-03, 13:54

سلااااااااااااااااااام حبوبات
وش راكم ظ
ان شاء الله تكونوا بخيروصحة وعافية
بالصحة والهناء عليكم طياباتكم كامل تشهي
سلامي لكل واحدة باسمها

إلهام07 · 2013-07-03, 13:55

شكرا لينا كيفاش الوصفة نتاعك ؟ حابة نجرب كل شيء حاسة روحي وليت سوبرمان راح الخوف إلى الأبد

وعجبتني طريقة التزيين نتاعك ثني والألوان يهبلو يعطيك الصحة بصح راني نسرقلك في الأفكار ههههههههه:d

sidali 2007 · 2013-07-03, 13:56

اقتباس:

المشاركة الأصلية كتبت بواسطة إلهام07

أهدي تحياتي إلى أمي وأبي وأختي الوسطانية ومدام بغريرة ودادو المهبولة التي هبلتها في البريد الخاص وأم نجم التي شجعتني على تطبيق وصفة أم أماني والأخت بشرى الشريرة التي خلصتلي أيقونات الشكر على دعمها لي و ياسو التي سوف تاكل نصف الصحن وماتعرفش الدير القلاصاج هههههههههههوكل العضوات المشاغبات في قسم واش طيبتي اليوم

:d:d:d:d:d

ههههههههههههههههههههههههههههههه
راهم قريب يحوزوني ملخدمة قتلتني بضحك مقدرتش نحبس حسبوني مرت بو بقرة جابولي طاس ماء
مبروووووووك لقلاصاج لعقوبة لام ياسين وليا هههههههه

إلهام07 · 2013-07-03, 13:57

أم رامي أهلين راني تعلمت القلاصاج بالوصفة نتاعك

حقة قولولي بنات الملمع هذاك ناكخي اللي نديروه فوق القلاصاج اللي يجي أبيض ويلمع يقدر يجي فوق كل ألوان القلاصاج ولا غير الألوان الفاتحة؟ لاخاطر راني شريت ثاني الدوغي

ام رامي وليتي ماتحطيلناش طيابك

إلهام07 · 2013-07-03, 13:58

اقتباس:

المشاركة الأصلية كتبت بواسطة sidali 2007

ههههههههههههههههههههههههههههههه
راهم قريب يحوزوني ملخدمة قتلتني بضحك مقدرتش نحبس حسبوني مرت بو بقرة جابولي طاس ماء
مبروووووووك لقلاصاج لعقوبة لام ياسين وليا هههههههه

هههههههههه خلي تنحي على قلبك هههههههههههههه
والله ساهل ماهل ماحطيتوش هكذا

اولادي حياتي · 2013-07-03, 13:58

اقتباس:

المشاركة الأصلية كتبت بواسطة أم ياسين الزهراء

صحى فطوركم ونعمة دايمة على الكل

اولادي جيتي لباتنة ومطليتيش علي وين كنتي اماني على سلامتك
ام ماجد ربي يعاونك انا خلاص عيت راني نريح لرمضان بسلامت ولادي يحبو يتقلشو بزاف

الهام فرحينا معاك

ام ياسين هادا مشماش منعة بنيييييييييييييييييين .
ماشي طايب مليح نحاوهولي من الشجرة .
والطاجين شريتو تاني من طريق باتنة

*ام رامي* · 2013-07-03, 13:59

اقتباس:

المشاركة الأصلية كتبت بواسطة إلهام07

أتشيواي واي وا .................أتشيواي واي وا ................

هههههههههههههههههههههههههههههههههههههه
الله يعطيك الخير
ضحكت من قلبي
ههههههههههههههههههههههههههههههه

هههههههههههههههههههه
هههههههههه
هذا ارشيف عندك ولا بطل