مشكلتي مع خطيبي

[سنوم 33]

المشاركة الأصلية كتبت بواسطة جسر الأمل

البروووووووووووبلا يا اختي وماتزعفيش مني فيك انت علاه باسكو انت حكيتيله على المنتدى واصدقائك اللي تعرفت عليهم انت مادرت والو كنت تحكي بنية صافية بصح الراجل مايبغيش ويولي يشك راكي شفتي كيراه يدير انت عفويتك حنونة خلاتك محل شك من طرف خطيبك انا نقولك رايي دوكة نورمال مالغري راه مخرجك من رحمة ربي انا راني نخمم بعد الزواج غادي يكرهلك حياتك
اسمحيلي ماتزيديش تحكيله على روحك بالتفصيل الممل مشي كل شي توصليهله مالغري نيتك تكون صافية بصح الراجل مايخممش كيفك
وانا نطرح عليك سؤال زعما زعما هو راه يحكيلك على كل شي جااااااااااااااااااااااامي امالا انت ثاني خلي صوالحك عندك
انا نشجع المصارحة بين الطرفين بصح كاين صوالح ماينقالوش ومايهدروش عليهم
اتخ>ي موقف وفهميه واقلعيله عقلية الشك هده
لخاطرش هدا رجل جزائري ورانا نعرفو مليح العقلية والمجتمع والتخمام كيفاه راه يمشي لابغا عنده دكتوراه
وربي يوفقك ماتزيديش تحكيله على كل شي سيختو الامور الشخصية واللي تعرفي بلي تزعفه ولا تثير غيرته وربي يهنييييييييييييييك

شكرااا اختي على النصيحة.......

[محمد جديدي التبسي]

إلقاء الأوامر شيء عادي وطبيعي من الرجل ما عليك إلا التنفيذ خاصة في لحظات غضبه وكان الأمر لا يتضمن معصية

الرجل يحب الزوجة المطيعة ويرى عصيانها لأوامره انتقاصا من رجولته، ربي ييسرلك سبل الخير أختي ..

حاولي أن تكوني ذكية في تعاملك معه حتى وإن لم تقتنعي بأوامره ..

[سنوم 33]

المشاركة الأصلية كتبت بواسطة محمد جديدي التبسي

إلقاء الأوامر شيء عادي وطبيعي من الرجل ما عليك إلا التنفيذ خاصة في لحظات غضبه وكان الأمر لا يتضمن معصية

الرجل يحب الزوجة المطيعة ويرى عصيانها لأوامره انتقاصا من رجولته، ربي ييسرلك سبل الخير أختي ..

حاولي أن تكوني ذكية في تعاملك معه حتى وإن لم تقتنعي بأوامره ..

شكرااا لك اخي.....راني جربت وعملت برايك.......انا كنت ديما كي يقولي حاجة انا ما تعجبنيش نبقى ناقش فيه ....وندير منها حكاية ....مثلا بقيت نا قش فيه علاه ما ندخلش للنت .و..و...و..و....بصح البارح جربت اني نسايرو في الموضوع هذا....وقتلو واش تحبني ندير.. ندير....تحبني ما نزيدش ندخل للنت ..ما نزيدش...ونورمال المهم انت...ع خاطر نحب نعيش معاك متهنية....عطاني درس كيفاه نبني حياتي--محاضرة---هههههه
وقالي معليش انا ماقتلكش ما تدخليش للنت خلاه بصح ما ذبيك كتدخليلها يكون عندك هدف .....كيما يقول هو ---نخاف عليك --....وقالي ثاني ما ذبيا ما تدمنيش عليها نظمي وقتك...مثلا ديريلها ساعتين في النهار..وانا راني ما نحرمكش حتى من حاجة تحبيها.....

[سنوم 33]

شكراااااا لكم جميعااااااااااااااا
راكم افدتوني كثييير...وبفضلكم تحلي المشكل نتاعي.........
الي خرجت بيه من هذا المشكل ومن ردودكم ونصائحكم
----انو المراة ممكن انها تتصرف عن حسن نية لكن الواجب عليها قبل ما تعمل اي حاجة تشوف وجهة نظر الطرف الاخر في هذا العمل
----في مجتمعنا ودينا ما كانش حاجة اسمها الصداقة بين الرجل والمراة اذا كانت المراة في حد ذاتها ما هيش مقتنعة بهذي الصداقة مستحيل انها تقنع الراجل بيها
----المراة لازم تعرف واش الحوايج الي يحبهم راجلها و الي ما يحبهمش وما كلاه تستفزو بتصرفات هي تعرف بلي قادر يديرولها لمشاكل برك
----وفي حالة ما يكون راجلها متغشش ما عليها غير تسايرو في هذيك اللحظة وكتهدى الحالة تقدر تناقشو بصح ماشي باسلوب انها تفرض في رايها لكن باسلوب انو الراي الاول والاخير ليه وهو وحدو ضرك يفهم روحو
بارك الله فيكم ......ولكم مني جزيل الشكر

[امينة 1991]

المشاركة الأصلية كتبت بواسطة z.abdo

شكرا لك اختي لمرورك في موضوعي


انصحك اختي فسخ الخطوبة لكن يبقى الرأي رأيك

كيفاش تفسخ خطوبتها ؟؟؟؟؟؟؟؟؟؟؟؟
لا يا اختي خطيبك يحبك ولوكان ما يحبكش ماعلابالوش بيك وراه يعبرلك عن حبو بالغيرة انصحكي ان تحترمي غيرته لانها في مصلحتكي صدقيني, انصحكي بعدم فسخ خطوبتكي لكن في الاخير انتي حرة انا اعطيتكي نصيحة فقط وانصحكي ايضا بصلاة الاستخارة .ربي يوفقك

[zozo08]

اختي مادامكم تحوو على بعض لازمك تضحي انتي وانا نشوف بالي عنجو حق وكان جيت منك ندير اي شي يرضيه وكان يقلي ديري جلباب نديرو مادامني نحوس عليه هاذي هي يا اختي افريها هكا مادامك حابة عليه

[لحن الفرح]

السلام عليكم
لوكان جيت في مكانك احضر نفسي للزواج .اي نجهز روحي اعمل ماسك كل شىء يتعلق بالعروسة .والله يا اختي غير النت شىء ثانوي ما فيه حتي فائدة .

[شولاك]

الكثير من يزرع بذور الهدم للحياة الزوجية عنوة أو عفويا، فأمور مثل هذه شخصية يبقى التكتم عليها سيد الموقف حتى إذا فتح باب الزوجية توضع وتترك جانبا ولا يجب مساومة الحياةالزوجية بالحفاظ عليها بحجة الوفاء للأصدقاء والأحباب. هذا طبعا لم يريد أن يحافظ على حياته الزوجية دون تغلغل شيئ من عوامل تفكك العائلة، فالغيرة حين تتجاوز حدودها تصبح الشك بعيه والريب في المحبوب وهي كفيلة بحل روابط الأسرة ولو قاومت لسنوات.

[علي بن عايشة]

المشاركة الأصلية كتبت بواسطة سنوم 33

خطيبي غيور ياسر ومعرفتش كفاه ندير معاه....في الاول كان يقولي ما تخرجيش وماتروحيش ومع شكون حكيتي وفي الخدمة لشكون قلتي صباح الخير ولشكون مديتي ستيلووكراكي مروحة لدار شكون قلقك في الطريق و و وكان يديرلي اونكات ....بصح مبعد كديرتلو موقف.وكنت ناوية خلاص نفضها.رجع لطريق والحمد الله ياربي ما عادش يقلقني.بصح ضرك رجعنا للمشاكل للداخل.انا كنت نشاتي في ال***** مع ناس ياسر.وحتى كان عندي صديق من سوريا وفي مرة قلقني مديتلو الرقم السري ل***** نتاعي وقرا واش كاتبين كل دارلي حالا.قلتلو خلا ه مانزيدش نحكي مع حتى واحد غير مع صحباتي ولا فامي وتفاهمنا.وعلا بالو بيا راني مشاركا في منتدى الجلفة.دخل في موضوعي في قسم التوظيف لقاني حكيت ع روحي بلي كنت عاشقة للمواد العلمية بصح انا درت تخصص ادبي .وكاين اخواني الذكور لمشاركين في المنتدى قاموا بالرد على موضوعي.مع انو كانت ردود اخواني جد محترمة وفي صلب الموضوع.اول شي ناقشني على كلمة عاشقة...معلاباليش انا لغالطة اني استعملت الكلمة هذي وهي ما هيش محترمة مع اني استعملتها على شيئ جامد قلت عاشقة للمواد العلمية .راني ماستعملتهاش على شيئ حي ولا راني ما قلتهاش لرجل.وقلي كفاه تردي ع الذكور وانا الحكيات هذي ما عجبتنيش مالا نقولك ما تزيديش تدخلي للمنتدى.وانا نهار اوخر حتى كون طيحلك خدمتك في بلاسا بعيدا ما نخليكش تخدمي يا تخدمي قريبة يا لا.والانترنت كنتزوجو ما نديرهاش في داري.كعودتي هك.لوكان شفتوه واش متغشش عال حاجة هذي متصدقوش. يا ناس فهموني انا درت حاجا غالطا.دبرو عليا واش ندير واشي هوا الحل الله يخليكم

يا ستي الحمد لله

كل هذي الغيرة تدل على حب كبير

تصدقيني انو خطيبتي ندير معاها نفس الشي
متحكيش و متديريش و متشاركيش و موتباصات المنتديات و السكيب و الامسن كلها عندي

تعرفي علاش كل هذا الشي

لانو احنا الجزائرين
اذا عشقنا نعشقو بجنون حقيقي
و العيب اذا ما خلينا خاتمة هذا الحب زواج و سترة - صح ؟
ما تشوفوش دلع الخليجيين و الشاميين راه حب زائف مهوش مبني على الصح

[علي بن عايشة]

المشاركة الأصلية كتبت بواسطة zozo08

اختي مادامكم تحوو على بعض لازمك تضحي انتي وانا نشوف بالي عنجو حق وكان جيت منك ندير اي شي يرضيه وكان يقلي ديري جلباب نديرو مادامني نحوس عليه هاذي هي يا اختي افريها هكا مادامك حابة عليه

بارك الله فيك

صدقيني يا اختي احنا الشباب الجزائريين
صحيح نظهرو اننا غير رومنسيين و اننا ناشفيين و لكن في الحقيقة
مكانش اخلاص في العالم مثل اخلاص الجزائريين لزوجاتهم

فقط لتحاول البنت تضحي من اجل الشاب تلقا الشاب ميت يعيش لاجلها

[سنوم 33]

شكراااااااااااااا لردودك اخي علي.............كلامك ريحني

[علي بن عايشة]

المشاركة الأصلية كتبت بواسطة سنوم 33

شكراااااااااااااا لردودك اخي علي.............كلامك ريحني

توكلي على الله
و خليك متنازل شوي معاه و ضحي على جالو
ليس لانه يرغمك و يضغط عليك
و لكن في سبيل التضحية من اجل الحب //
و تاكدي لو ماكان يحبك ما يضيق عليك كيما هاك

عقبال كل بنات الجزائر حب مثل هذا و تكون آخرتو زواج و سترة

[غـاني]

اختي لا يوجد اي مشكل خطيبك يحبك ويغار عليك وهذا من حقه فلن تجدي في ايامنا هذا من امثالهفحاولي ان تسابريه فقط ووفقك الله فيما تبغيه يو السلاااااااااااام

[الاخت الكريمة]

سلام
انا في رايي هذي مش غيرة
هذي شكوك وللاسف الشك صعيب التخلص منو والصعيب التفاهم معاه
انا نظن بلي كتتزوجي ممكن يسكر عليك ككون خارج
يخاف لا يدخل واحد من وراه
الغيرة هي انو يموت عليك
بصح مش هاك
شكرا

[سرحال]

السلام عليكم أختي سنوم 33في الحقيقة أنا مع كامل احترامي ضد كل من قال بالانفصال

أ بسبب الغيرة ننفصل؟؟ ألأنه قال لا خطيبتي لي وحدي تهجره؟؟ دعكم من هذه النصائح

أنا لا أقصد كل الأعضاء فمع كامل احترامي لهم، أنا على الذي قال الانفصال هو الحل مع احترامي له أيضا.

أختي احمدي الله على أن أعطاك خطيبا كهذا، فالغيرة منبعها الحب ولو لم يكن صادقا في نيته ويحبك لما غار عليك.

ولا تنسي أنه من الرجولة أن يغار على زوجته المستقبليةوتذكري قول الرسول صلى الله عليه وسلم: ( لا يدخل الجنة ديوث)

كلنا يتمنى أن يكون شريك حياته يغار لعيه ليتأكد من حبه له.

أنصحك بالحفاظ على علاقتك مع خطيبك فهوا على ما يبدوا رجل شهم، ويحبك كثيرا. وحاولي كما قال الاإخوة قبلي أن يكون هو كل شيئ في حياتك

هو الزميل وهو الصديق وهو الأخ وهو الزوج. لا داعي لأصدقائ الـ***** فهو أهم من كل هذا وذاك.

وحاولي أن تفهميه وتراعي شعوره كرجل .

وأنا شخصيا لو أجد ان خطيبتي ( مستقبلا) لا تغار علي أنفصل عليها . لمعادلة بسيطة ( من يحب يغار ، ومن لا يحب لا غار ولا يهتم)

أرجوا من الإخوة أن يعذروني على تدخلي. وارجوا أن اكون قد أفلحت في ايصال فكرتي لك اختي سنوم 33 .

كل تقديري واحتراي لحضراتكم

أخوك في الله عادل