ملاحظتي الغريبة, و جاوبوني أخواتي - الصفحة 3

أنا أمهم · 2012-05-09, 10:41

اقتباس:

المشاركة الأصلية كتبت بواسطة ام نسرين

بارك الله فيك اختي على هذه الملاحظة لكن السؤال المطروح اين دور المراقبين و المسؤولين على المندى ولا راهم يستناو حتى يفقد المنتدى مصداقيتو ??????,

شوفي أختي انا راسلت مشرفة, لكن يمكن هي ما فهمتنيش, و إلا يمكن لازم بكلنا نعبرو على تقلقنا حتى يتفهمونا ... و هذا الموضوع كتبته حتى الإدارة تراقبهم و تلقى حل معاهم.

هباهبا · 2012-05-08, 15:19

ادخلي يااختي هذا الرابط في الصفحة الاخيرة تشوفي
درحتوا
https://www.djelfa.info/vb/showthread.php?t=835143

أنا أمهم · 2012-05-09, 10:21

اقتباس:

المشاركة الأصلية كتبت بواسطة هباهبا

ادخلي يااختي هذا الرابط في الصفحة الاخيرة تشوفي
درحتوا
https://www.djelfa.info/vb/showthread.php?t=835143

اقتباس:

المشاركة الأصلية كتبت بواسطة هباهبا

صح يا ختي لازم نحذروا انا كي سجلت قالي زوجي
او كاين روابط يدخلوا الفيروسات مانتبعش الروابط بزاف
وخاصة الي يقولك عندك جدار ناري طفيه باه تقدري تحملي
وشكرا اختي علىالموضوع

مشكورة أختي على التأكيد.

و بالنسبة لردك عليهم. نأكدلك انهم مش راح يردو عليك لأنهم في مهمة خاصة

, قطااااااااااااااااااار يجري مهمته الوحيدة رفع الموضوع

.

- بصمة خير - · 2012-05-09, 13:25

السلام عليكم

ملاحظتك مش غريبة اطلاقا

كاين بزاف مواضيع من هذا النوع

و هذو رجال يحطوا مواضيع هنا من أجل الفيروسات

و تنقاي النوع هذا في كل مكان

بالنسبة للادارة

مايقدروش يشوفوا المواضيع كامل

اللي يشوفوهم يحذفوهم و لكن هكذاك تفوت عليهم مواضيع

لهذا

في الاعلى بالاخضر مكتوب

اقتباس:

في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة و الموجودة أسفل كل مشاركة .

لما تنقاو موضوع هكذا ديرو تبليغ و الادارة تتصرف

راني موالفة ندير تبليغ و يتحذف الموضوع

شكراااااا على الموضوع

موضوعك أحسن و أشمل من الموضوع اللي ديرتو فيه تحذير

بارك الله فيك

اللهم ضل و سلم و بارك على سيدنا محمد

meriama13 · 2012-05-09, 14:57

عندك الصح فواش قلتي حتى انا لاحظت مي التحميل ممنوع عندي راني درست اعلام آلي و عارفة خطر التحميل
و كاين لي غير من نات و كوبي كولي انا نحوس على الوصفات المجربة
و شكرا ليك على لفت الانتباه لباقي االعضوات

himanlogine · 2012-05-09, 16:06

الحمد لله نحسب روحي غير انا لي حاسة بهذا الشي تخيلو وليت نمل كي ندخل و نصيب مهزلة كيما هذي وقيلة غارو منا كي كلاسا المنتدي تاعنا المرتبة الاولي الله يهديهم لازم نديرو حملة هكا باش يرجع منتدانا الغالي كيما الاول

أنا أمهم · 2012-05-11, 09:42

اقتباس:

المشاركة الأصلية كتبت بواسطة meriama13

عندك الصح فواش قلتي حتى انا لاحظت مي التحميل ممنوع عندي راني درست اعلام آلي و عارفة خطر التحميل
و كاين لي غير من نات و كوبي كولي انا نحوس على الوصفات المجربة
و شكرا ليك على لفت الانتباه لباقي االعضوات

شكرا على التأكيد يا مريومة

اقتباس:

المشاركة الأصلية كتبت بواسطة khouloud 27

انا والله ما فقت بحاجة بالاك علاخاطرش
راني جديدة هنا مي عندك الصح درت
موضوع هنا حطيتو في الليل الغدوة
والله غير لقيتو في الصفحة 4
حطمولي معنوياتي مين مالقيتش
ردود واش نقولو الله يهديهم

الله غالب هذا حالنا الكل عزيزتي خلود

اقتباس:

المشاركة الأصلية كتبت بواسطة himanlogine

الحمد لله نحسب روحي غير انا لي حاسة بهذا الشي تخيلو وليت نمل كي ندخل و نصيب مهزلة كيما هذي وقيلة غارو منا كي كلاسا المنتدي تاعنا المرتبة الاولي الله يهديهم لازم نديرو حملة هكا باش يرجع منتدانا الغالي كيما الاول

و الله يا أختي حتى انا لاحظت اللي الظاهرة هذه كثرت من وقت اللي منتدى الجلفة خذا المرتبة الأولى. يا ربي الإدارة تتصرف و تلقى الحل.

hamida2012 · 2012-05-09, 16:18

و الله يا ختي غير عندك الحق منين ندخلو نلقاوهم مستعمرين المنتدى حتى عدت ساعات ما نحبش ندخل نلقاهم غير هما
اما على الفيروسات راني زبلتها مع الميكرو و زوجي حار منين هاذ الفيروس حتى قريت موضوعك باه فقت بلي من ثم
جزاك الله خيرا على التنبيه عزيزتي و نرجو من الادارة اتخاذ موقف

الواثقة بالله 23 · 2012-05-09, 18:40

بارك الله فيك اختي انا تاني هبلت منهم و من مواضيغهم و كان عندي احساس بلي راهم كل نفس الشخص لكن المفروض الاداريين تاع المنتدى ينتبهو لاعضاء كيما هدو و يشوفو معاهم حل لانهم بالفعل صمتولنا قسم الحلويات خاصة

الله يهديهم هذا ما كان و شكرا لك على الموضوع جاء في وقتو و ان شاء الله الاداريين يهتمو بيهم كما ينبغي

salima14 · 2012-05-09, 19:18

والله كاينة منها واللي نكرها بزاف اللي تحط صورة الحلوة
وتقولك إذا عجبتكم نحطلكم الوصفة يومين ونتي تستناي
فيها حتى تحصد 20رد ههههههههههههه

أنا أمهم · 2012-05-11, 09:48

اقتباس:

المشاركة الأصلية كتبت بواسطة omrami

ih walah ana sratli hata blokawli mikro rabi yahdihom

ربي يهديهم, أغلب العضوات هلكولهم الكمبوترات متاعهم , و عملو صورة خايبة للمنتدى بصفة عامة.

اقتباس:

المشاركة الأصلية كتبت بواسطة hamida2012

و الله يا ختي غير عندك الحق منين ندخلو نلقاوهم مستعمرين المنتدى حتى عدت ساعات ما نحبش ندخل نلقاهم غير هما
اما على الفيروسات راني زبلتها مع الميكرو و زوجي حار منين هاذ الفيروس حتى قريت موضوعك باه فقت بلي من ثم
جزاك الله خيرا على التنبيه عزيزتي و نرجو من الادارة اتخاذ موقف

شفت يا حميدة, بكلنا نعانيو من هذة المجموعة, تقول فرنسا رجعت هههههههههههههه

اقتباس:

المشاركة الأصلية كتبت بواسطة الواثقة بالله 23

بارك الله فيك اختي انا تاني هبلت منهم و من مواضيغهم و كان عندي احساس بلي راهم كل نفس الشخص لكن المفروض الاداريين تاع المنتدى ينتبهو لاعضاء كيما هدو و يشوفو معاهم حل لانهم بالفعل صمتولنا قسم الحلويات خاصة

الله يهديهم هذا ما كان و شكرا لك على الموضوع جاء في وقتو و ان شاء الله الاداريين يهتمو بيهم كما ينبغي

و أخيرا لقيت شكون عنده نفس الشك اللي هوما شخص واحد متخفي ورى عدة أسماء, ان شاء الله الإدارة تشوف هذا الموضوع و تتصرف معاهم.

اقتباس:

المشاركة الأصلية كتبت بواسطة salima14

والله كاينة منها واللي نكرها بزاف

اللي تحط صورة الحلوة
وتقولك إذا عجبتكم نحطلكم الوصفة :dيومين ونتي تستناي
فيها حتى تحصد 20رد ههههههههههههه

و الله يا سليمة حتى انا ما نحبش الطريقة هذيكة, لكن الظاهرة الجديدة اللي قتلك عليها راهي أخطر برشة!!!!!!

نيفرتيتي. · 2012-05-09, 19:55

مشكورة اختي انا امهم تعرفي انا نطيب ونصور والميكرو تاعي معمر لالاكلات والقاطو ولاني نخاف اوراجلي خوفني من هاذ الامور مانقدر نبعث والو من الصور نكتب برك خفت يلعبولي بالميكرو ونولو في حوايج كبيرة مانكذبش عليك نخاف من هذه الامور لانه ماكانش ثقة مانقصدش تاع المنتدى نقصد الطفيليين الاخرين ولا واش رايكم راني غالطة

سيرينا لبنينا · 2012-05-09, 20:04

يعطيك الصحة على مجهودك

والله ماتولهت بصح الحمد لله الي ولهتينا أختي.

الله يخليك أختي.

*ام رامي* · 2012-05-09, 20:57

واش نقولك يا حبيبتي واش نقولك
انا راهم طلعولي السكر
كنت نفكر نشكي بيهم للادارة
يردوا على مواضيعهم في اليوم اربع مرات وديما محتلين الصدارة
وما يخلوش المواضيع الجديدة تاخذ نصيبها في الظهور في الصفحة الاولى باعتبار ان جميع العضوات لما يدخلوا يحبوا يشوفوا الجديد في الصفحة الاولى
وهم شخص واحد صدقيني الظهور نتاعهم ديما يكون في نفس الوقت
يعني شخص يفتح المنتدى مرتين او ثلاثة ويشارك باسماء متعددة
الله يهديهم لازم تشوف لهم الادارة حل هاذوا المخربين هم في حد ذاتهم او هو في حد ذاته فيروس للمنتدى

goumar · 2012-05-09, 22:19

عندكم الحق اخواتي لكن السؤال يبقى مطروح اييييييييييييييين المشرفين و الاداره من كل هذا