كل شيئ يباع في الأسواق،فلم أتعلم؟؟ - الصفحة 3

نجمة ساطعة · 2012-05-25, 22:03

اقتباس:

المشاركة الأصلية كتبت بواسطة الدّرة النّآدرة

ياأختي نجمة بلادنا شاسعة وواسعة وكل منطقة وعوايدها،احنا بكل صدق المرأة مايسموهاش امراة لوكان ما تعرفش تفتل وتعجن ومازلت ماصادفتش امرأة كبيرة في السن من منطقتنا ماتعرفش تفتل وما تعرفش أنواع الغرابيل،أما على النسبية الي راكي تحكي عليها فاظن هاذي على حساب الراجل اذا هو يبغي زوجته ومايبغيهاش تتعب يريحها ويجيبلها كلشي من برة ونهار يظهلو في ماكلة الدار وطعام الدار يقولها ديرولو
أنا مارانيش ضد فكرة الماكلة تاع برة بالصح مع المرة لي تكون تعرف كلشي ووقت مابغا راجلها حاجة ولا الظروف ماساعداتوش باش يجيب من برة هي تكون حاضرة
والفتيل على الاطلاق ماهوش خالعنا وعلاه يخلعنا

ههههههههه وشنهي هاذ الرد فهمتي كتابتي بالمقلوب طول

اولا كي قتلك فئة ما قصدتش منطقة معينة اقصد حاليا يفتلوا غير اللي مازال راهم شادين في الصحيح

زيد ماما تفتل هههههه بصح انا ما نكذبش ما نعرفش ههههههه لذلك تاكلة على ماما تفتلي و الا توصيلي

نساء و انا نطيب هههههه

بصح كاين ميعرفوش يفتلوا و متزوجين و اساسا رجالهم ما يحبوش طعام نهائيا ... عندي خالي كون مرتو

تاكل مختومة في دار جدي لازم تدوش قبل ما تركب معاه هههههه

اما نقصد بخالعكم نقصد على الطريقة يا درة يا نادرة تسمعي فتيل بصح فتيل من فتيل

كيما تسمعي طياب بصح طياب من طياب

نقصد الجودة و البنة يخي فهمتيني ذرك

اسلام انس · 2012-05-25, 22:09

انا بصــــــــــراحة لي متعرفـــــــــــــــش تطـــــــــــــــبخ وتغسل غي تقعـــــــــد في داااااارهـــــــــــم

اصلا هذا من شروطي للــــــــــــزواج...........تقبلو مـــــــــــــروري

*نآدرة~ · 2012-05-25, 22:09

اقتباس:

المشاركة الأصلية كتبت بواسطة ام مؤمن

السلام عليكم
هي تبقى وجهات نظر انا شخصيا لا اوافق صديقتك و لا اوافقك ايضا في كلمة تفنيين يعني الانسان يكون وسطي الطبخ مافيهاش هدرة يكذب عليك حرفتك في يدك تنفعك اكثر من اي شيىء و الى اي وقت تاكين الجاهز طول حياتك و هل تثقي باي شيىء و هل هو على نفس جودة المعمول بالبيت
الطبخ فن و الي تحقلوا ما تعجبهاش ماكلة برى لكن ماكانش مانع نعتمدوا على العجانة و الغسالة من باب كسب الراحة و توفير الوقت لامور اهم مثلا تدريس الاولاد و الزيادة في العبادات و وووووو
الزوج الفنيان ايضا يقبل اي شيىء و الزوج الفحل يحب ياكل من يد زوجته و مايحللهاش العين
موضوع مهضوم مثلك سلام

فعلا وأنا معك غيما ذهبت اليه
المرأة لازم تتعلم كلشي واذا لقات راجلها ميسور الحال وشرالها كلشي يامحلاها تعيش كي الملكة،المهم أنها تتعلم في دار والديها وتدي صنعتخا معاها
ايه صح الراجل لاوم يكون شوية عندو الكلمة ويخليها تبين حنة يديها واذا ولغها ماكلة برة راح ينسيها في شغل الدار
أف خجلتيني،والله مانجي نكتي موضوع حتى نموت بالخوف نخاف مايعجبكمش
وردك ثاني شباب يعطيك الصحة أختي ربي ينور عليك

*نآدرة~ · 2012-05-25, 22:18

اقتباس:

المشاركة الأصلية كتبت بواسطة نجمة ساطعة

ههههههههه وشنهي هاذ الرد فهمتي كتابتي بالمقلوب طول
اسمحيلي،صح مافهمتش واش قصدتي،أنا نعرفك بلي ناس ملاح قلت مالها نجمة اليوم،اسكتي برك خوفني ردك
اولا كي قتلك فئة ما قصدتش منطقة معينة اقصد حاليا يفتلوا غير اللي مازال راهم شادين في الصحيح
في هذي علابالي حتى حنا راهم في منطقتنا هكذاك،كلشي بدا يزول بالصح حنا مازلنا شادين شوية يعني نخافو من هدرة الناس على هكذاك المرة عندنا ماتتزوجش اذا ماكانتش تعرف تفتل وتعجن
زيد ماما تفتل هههههه بصح انا ما نكذبش ما نعرفش ههههههه لذلك تاكلة على ماما تفتلي و الا توصيلي

نساء و انا نطيب هههههه
أنا ثاني مش بزاف بالصح راني نتعلم نهار يجي غليظ نهار رقيق المهم يتكل والمهم نسلكها شوي
بصح كاين ميعرفوش يفتلوا و متزوجين و اساسا رجالهم ما يحبوش طعام نهائيا ... عندي خالي كون مرتو

تاكل مختومة في دار جدي لازم تدوش قبل ما تركب معاه هههههه
ايه كاين هاذ الحالات حتى حنا عندنا،بالصح والله الناس كاليينهم بالهدرة غير فلان جاب مرة ما تعرفش تفتل ولا ماتعرفش تعجن
المختومة شتاهي ما فهمتهاش؟؟
اما نقصد بخالعكم نقصد على الطريقة يا درة يا نادرة تسمعي فتيل بصح فتيل من فتيل

كيما تسمعي طياب بصح طياب من طياب

نقصد الجودة و البنة يخي فهمتيني ذرك

أكيد فهمتك يا نجمة ياساطعة ،سوء تفاهم برك كي عاودتي شرحتي راني فهمت
صح والله كيما قلتي الصح في البنة والجودة
ربي يحفظك ويخليك ويوفقك أختي هالة

نجمة ساطعة · 2012-05-25, 22:48

اقتباس:

المشاركة الأصلية كتبت بواسطة الدّرة النّآدرة

أكيد فهمتك يا نجمة ياساطعة ،سوء تفاهم برك كي عاودتي شرحتي راني فهمت
صح والله كيما قلتي الصح في البنة والجودة
ربي يحفظك ويخليك ويوفقك أختي هالة

الحمد لله فهمتيني حتى ردك خلعني معليش تصرا في احسن العائلات ....

اما على هدرت الناس العكس عندنا عاد التقلاش نايض ... و الزينة اللي تقول ما نعرفش نقلي بيضة

هي اللي تتزوج .... و يبقى زواج مكتوب بصح الله غالب هذا وصف للواقع

morad81 · 2012-05-26, 00:04

كل حرفة في اليد أمان من الفقر .....هي من السنة ....معناه كلما كانت المرأة تمتاز بإحترافية كلما كانت لها إمتيازات عند زوجها.

نسائم الصباح · 2012-05-26, 09:57

كانت أمي ربي يذكرها على خير تقولى يبنتي الصنعة كي السلاح في يد العسكري .وين يروح يلقاه
والزمان غدار يابنتي .متعرفيش وين يحطك ربي .لعند غني ولا عند فقير .لابعيد من دركم ولا قريب

صذقة نصائح أمي حفظها الله .وتغربة ولكن الحمد لله أثقن كل شيئ .الأن لأشتاق أنا وزوجي لأكل أهلنا .لأنني أصنعه بنفسي حتى الأكلات الشعبية المنقرضة .وعرفت الأخرين بما تزخر به الجزائر من مأكولات .
لذا أنصح أختي المرأة جزائرية أو عربية بتعلم كل شيئ .حتى ومتخدموش خطرة أخرة المهم يكون عندك صنعة تلقيها في الأزمات

شكرا أختي صاحبة الموضوع

فتـ حييةـاة · 2012-05-26, 10:34

واش جاب لجاب
واش يجيب طعام فتلتيه بيدك لطعام جاي في صاشيء ماتعرفي قاع على شحال من يد مسها
وواش يجيب خبزة عجبنتيها وطيبتيها بيدك لخبز ماتعرفي قاع شكون عجنو .......الخ

*نآدرة~ · 2012-05-26, 11:04

اقتباس:

المشاركة الأصلية كتبت بواسطة بن عمير 22

انا بصــــــــــراحة لي متعرفـــــــــــــــش تطـــــــــــــــبخ وتغسل غي تقعـــــــــد في داااااارهـــــــــــم

اصلا هذا من شروطي للــــــــــــزواج...........تقبلو مـــــــــــــروري

ان شاء الله تلقى واحدة بهاذ المواصفات،أكيد كل رجل يبغي زوجته تكون طباخة ماهرة وتجيد كل أنواع الأعمال المنزلية
ربي يرزقك ماتتمنى أخي

*نآدرة~ · 2012-05-26, 11:10

اقتباس:

المشاركة الأصلية كتبت بواسطة نجمة ساطعة

الحمد لله فهمتيني حتى ردك خلعني معليش تصرا في احسن العائلات ....

اما على هدرت الناس العكس عندنا عاد التقلاش نايض ... و الزينة اللي تقول ما نعرفش نقلي بيضة

هي اللي تتزوج .... و يبقى زواج مكتوب بصح الله غالب هذا وصف للواقع

ايه مزية هذي غير أنا وأنت،سوء تفاهم برك فوتيها
أف لهاذ الدرجة،بزاف والله،بالصح الحق على راجلها هو باغيها اكسسوار في البيت امالا هي علاه تعب روحها وعارفة بلي كلشي يجيبولها من برة،الصح بصحتها
ايه والله الزواج مكتوب،كاين الي تعرف كلشي ومازال ربي مافتحش عليها وكاين وحدة كيما راكي تقولي البيضة ماتعرفش تقليها وهي عايشة كي الملكة في دار زوجها
المكتوب صح،ربي يحفظك هالة والله يعطيك ما تتمناي

*نآدرة~ · 2012-05-26, 11:14

اقتباس:

المشاركة الأصلية كتبت بواسطة morad81

كل حرفة في اليد أمان من الفقر .....هي من السنة ....معناه كلما كانت المرأة تمتاز بإحترافية كلما كانت لها إمتيازات عند زوجها.

ايه والله صح ياخويا مراد،الحرفة في اليد مليحة كي للراجل كي للمرة،وكيما يقولو ناس زمان "يزول مال الوالدين وتبقى حرفة اليدين"
وعلى الامتيازات عند زوجها هاذي تعود لشخصية زوجها كاين لي ماتعرف دير والو وراجلها حاسبها هي لالة النسا وكاين لي تعرف دير كلشي وراجلها مايقدرش كامل واش دير
شكرا لحضورك اخي مراد ووفقك الله لما يحب ويرضى

*نآدرة~ · 2012-05-26, 11:18

اقتباس:

المشاركة الأصلية كتبت بواسطة نسائم الصباح

كانت أمي ربي يذكرها على خير تقولى يبنتي الصنعة كي السلاح في يد العسكري .وين يروح يلقاه
والزمان غدار يابنتي .متعرفيش وين يحطك ربي .لعند غني ولا عند فقير .لابعيد من دركم ولا قريب

صذقة نصائح أمي حفظها الله .وتغربة ولكن الحمد لله أثقن كل شيئ .الأن لأشتاق أنا وزوجي لأكل أهلنا .لأنني أصنعه بنفسي حتى الأكلات الشعبية المنقرضة .وعرفت الأخرين بما تزخر به الجزائر من مأكولات .
لذا أنصح أختي المرأة جزائرية أو عربية بتعلم كل شيئ .حتى ومتخدموش خطرة أخرة المهم يكون عندك صنعة تلقيها في الأزمات

شكرا أختي صاحبة الموضوع

الله يذكرها بخير أمك،فعلا صدقت والله نفس الكلام لي تقولولنا جدتي الله يحفظها،الواحدة لازم تتعلمي كلشي وتدير صنعتها في يديها
اسعدك الله اختي وشكرا على النصيحة القيمة،أنت مجربة وراكي تحكي ان شاء الله يستفيدو من هدرتك
ربي يحفظك ويوفقك ويحفظلك اولادك ويجعلهم قرة عينك ،شكرا لتواجدك هنا

*نآدرة~ · 2012-05-26, 11:22

اقتباس:

المشاركة الأصلية كتبت بواسطة فتـ حييةـاة

واش جاب لجاب
واش يجيب طعام فتلتيه بيدك لطعام جاي في صاشيء ماتعرفي قاع على شحال من يد مسها
وواش يجيب خبزة عجبنتيها وطيبتيها بيدك لخبز ماتعرفي قاع شكون عجنو .......الخ

صح والله واش جاب لجاب،محلاها ماكلة الدار تعرفي واش درتي فيها،تتأكدي بلي راهي نظيفة مش كيما تاع برة
كلامك صواب أختي أمل ربي يرزقك ماتتمناي شكرا لتواجدك هنا

يونس معبدي · 2012-05-26, 11:42

موضوع رائع
والاهم من ذلك تعلم الطبخ شي ضروري لدى البنات
وشكون قال ان كل شي جاهز في الاسواق

شاركنا هذا الموضوع لنتميز ونرتقي بالقسم
قسم الحياة الزوجية ..دعوة للتغيير والتميز

*نآدرة~ · 2012-05-26, 18:30

اقتباس:

المشاركة الأصلية كتبت بواسطة younesi

موضوع رائع
والاهم من ذلك تعلم الطبخ شي ضروري لدى البنات
وشكون قال ان كل شي جاهز في الاسواق

شاركنا هذا الموضوع لنتميز ونرتقي بالقسم
قسم الحياة الزوجية ..دعوة للتغيير والتميز

فعلا مهم جدا تعلم الطبخ وكل مايتعلق بالاعمال المنزلية
شكرا على الاطراء أخي يونسي
كنت هناك في موضوعك وشاركت،مزيدا من التألق أرجوه لك