اعتذار و انسحاب - الصفحة 3

fifi180 · 2012-04-16, 21:27

اقتباس:

المشاركة الأصلية كتبت بواسطة sondse1

الله يخليك حنونتي
مي الا شافت مني حاجة تقولهالي و نفهمها علاه حطيت الرد مع اني متاكدة مليون في المية بلي ما قستهاش ولا بشرعة لاني نحاسب على كلامي و نقراه و نعاود الف مرة باه نديرو

ربي يوفقك

انا نعرفك طيوبة و الاخت شراز الله يبارك كيما قتلك الشيطان دخل بيناكم راو سوء تفاهم ديري بنصيحتي برك
تصبحي على خير انا راني مريضة مانقدرش نزيد نسهر

زهرة الهضاب 19 · 2012-04-16, 22:02

اقتباس:

المشاركة الأصلية كتبت بواسطة sondse1

مساء الخيرات خياتي
اولا اسمحولي بزاف لاني حيرتكم و قلقتكم معايا
مي انسحابي ما كانش من الفراغ
بالعكس انا تقصت بزاف و تجرحت من قبل الاخت شيراز
وانا كي انسحبت ماشي ضعف مني و لا مكرة في اخوات اخرى بالعكس حبيت اللي نسحبو على جالي يرجعو و يتعلمو
انا راني متعلمة هذا الفن و حبيت نفيدكم لاني شفت بنات بزاف حابين يتعلمو و طلبو من اخت اخرى تعلمهم و وعدتهم و ما وفاتش سواء لظروف ولا لغيرو
و انا كي وعدت وفيت و درت البوسيبل باه نوريلكم و نفهمكم باه تتعلمو هذا الفن
و قسم روحي بين الدورة و الجهاز و الخياطة و زيد خدمة الدار و المسؤولية اللي على كتافي اتخيلو دار كامل على راسي اللي تخص نجيبها و نقري في هذا و نعاون في بحوث هذا و زيد و زيد وزيد
حتى لبنات اللي ما فهموش مليح من الصور و الشرح و طلبو فيديو درتلهم سواء في درسي ولا في درس خالتي ام سفيان
و هذا كلو درتو لوجه الله تعالى اولا و على وجه خواتاتي و حبيباتي في المنتدى
و ما قصرت في حق حتى وحدا
و في الاخير وليت ما نيش مليحة
و الاخت شيراز تقول سندس تكرهني
علاه واش درتلها حتان دات عليا هذي الفكرة بالعكس حسيتكم كامل خواتاتي و حبيتكم تتعلمو و ما بخلت على حتى وحدا سواء في الدورة ولا خارج الدورة
وزيد ارجعو للصفحات نتاع درس خالتي ام سفيان وشوفو ردها على تطبيق فيفي كي قالتلها انو تطبيقك مليح و الاوراق ملاح و ما تديريش على هدرتها و حبيبتي فيفي قاتلها بلي عادي ندي بنصيحة سندس

و انا عارفة انو لو كان فيفي وحدها هي اللي قيمتكم وحدا ما رايحة تزعف مي كي دخلت انا ما عجبكمش الحال
انا قادرة نمدلكم 20/20 الا كان هذا يرحكم مي انا ضمري ما يرحنيش لاني هنا نكون نغش فيكم و نقوللكم راكم تعرفو و انتم مازلتم
مي معليهش انا نرجع على خاطركم انتم مي ما رايحة نقيم حتى وحدا حتى في الدروس اللي نحطها انا
باه ما نزيدش نتجرح على خاطر مرة اخرى ما رايحاش نتراجع على قراري
مع اني جامي تراجعت في قراري مهما صرا و كي نقول حاجة جامي نرجع فيها مي كي قريت تعليقاتكم حسيت صح خواتاتي و ما طاوعنيش قلبي مع اني كنت رايحة ننسحب غير من الدورة و اي اخت تحب مساعدتي نمدهالها مي معليهش راني نرجع معاكم و نطبق عادي و نمدلكم باقي الدروس

و اسمحولي مرة اخرى

خلاص يالفحلة كي جيتي انساي الهدرة و نبداو من الأول كلي مصرا والو أوكي ؟؟؟؟؟

سلام

نبوغ · 2012-04-16, 20:59

علي عيني وراسي رجوعك يا أستاذتنا تكرم عينك والله غير فرحت قريب نزغرت ويقولو واش بيها هبلت هههههههههههههه ربي يحفظك

sondse1 · 2012-04-16, 21:10

الله يخليك حبيبتي نبوغ
ان شاء الله ربي يوفقك

ayoubw · 2012-04-16, 21:32

راني خلعت كشفت الموضوع بالانسحاب علاه يا اختي انا وحدة من ناس استفدت بزاف من هذه الدورة كنت ديما نتمنا نتعلم هاذ التطريز و فرحت بزاف كدرتو هاذه الدورة راني ديما نتكلم عليكم لخواتاتي و عماتي و خلاتي نتي و الاخت فيفي و ام سفيان و كرونو و كل الاخوات ليشرفو على الدورات نشكركم بزاااااااااااااااف بزااااااااااااااااااف على المجهودات ماهيش ساهلا باه واحدة دار لاسقا فيها و مسؤولية الاولاد و ممكن تكونو تخدمو مثل فيفي

faizarbh · 2012-04-16, 21:29

يااااااااااااااااااااااااااااااااااااو اناااااااااااااااااااااااااااااااااااااااااا نحببببببببببببببببببببببببببببك

fifiarch · 2012-04-16, 21:30

اهلا بيك مرة اخرى سندوسة
وماتقوليش انهم ماقبلوش تقييمك انت

انا تانا راهم يديرولي في انتفاضة
هههههه

sondse1 · 2012-04-16, 22:12

الله يخليكم حبيباتي
راكم كامل خواتاتي
و ان شاء الله راني معاكم للنهاية

-رودينا- · 2012-04-17, 10:28

على سلامتك حبيبتي سندس ومبروك علينا رجوعك وربي هنيك ويكملك بالخير ان شاء الله

Lili Rose · 2012-04-17, 10:46

الحمد لله كما رجعت كنت معولة نتعلم من الدورة تعك بعد مانكمل من الكروشيه والله غير نحبوك كما أختنا سندوسة

batoul2000 · 2012-04-17, 11:12

سلااااااااااااااااااام عليكم
و انا تاني احبك في الله اختي سندس...............

chiraz16 · 2012-04-17, 13:10

صباح النور حبيباتي كيفكم
وعلاش حبيبتي سندس تنساحبي انا ربي عالم نحبكم قاع كي خياتي ومابيناتنا غير الخير وانتي جامي ماشفت منك حاجة ماشي مليحة ويعطيك الصحة على كل الي راكي تقدميه بصح انا اعطيت رايي على تقييمك الي معجبنيش وهدا ماشي عيب كل وحدة عندها الحق باش تعبر على رائيها وانا ماشي بيا على النقاط كما سبق وقلت وانما راني نشوف بلي النقاط هي الي راهي تقيم قدراتنا على هاديك الي غاضني الحال

وكي قلت انك ماتحبينيش ماتزعفيش مني حنونة انا وراسك بصح ماعلاباليش كنت دايما نحسك بلي انا مانجيش على قوسطوك في ردودك لي وعدم ردك لي على عدة مشاركات تخصك او تخصني

بصح حنونة راكي زعفتيني بصح بكلامك كي قلتي (وزيد ارجعو للصفحات نتاع درس خالتي ام سفيان وشوفو ردها على تطبيق فيفي كي قالتلها انو تطبيقك مليح و الاوراق ملاح و ما تديريش على هدرتها و حبيبتي فيفي قاتلها بلي عادي ندي بنصيحة سندس)
وانا الحق ماقلتش هكداك عليك حاشا راني قلت على ردك لاختنا فيفي وجبتو هاوليك شوفيه

اقتباس:
المشاركة الأصلية كتبت بواسطة fifiarch

ربي يخليك اختي شيراز
وانت تانا عملك هايل والسليلة رسمتيها تحفة
انا اوراقك عجبوني برشة ومانشاطرش سندوسة في ملاحظتها
على فكرة الخدمة لما تصوريها بلاباراي نيميريك تفضحك
هههه
على بيها تتكبر وتبين كل شيء

شكرا حبيبتي فيفي على ردك الحمد لله كي عجبوك الاوراق هاته المرة اما الرشمة راني سغرتها على قد الطنيبر هههههههههههه
ولاباراي فوتو كي تخرج الصورة واضحة خير خيرمن تكون مضبة ومانشوفو والو ههههههههه
وبالنسبة لملاحظة اختي سندس على الراس والعين كل وحدة كيفاش تشوف ربي يخليكم كلكم

عالعموم هاوليك ردي يشهد وانا راني خلاص نسيت واسمحيلي حنونة ايدا جرحتك بكاش كلمة ماكنتش عارفة بلي حساسة بزاف هك

عالعموم انا من جهتي صافية لبن بصح حبيت نقول لبعض الاخوات الي ردو على كلامي كاين الي يعطيهم الصحة نصحوني وكاين الي استغربت كلامهم الجارح

انشاء الله نكون صفيت القلوب انا نروح نريح راني تعبانة شويا وحاسة روحي فشلانة سلااام

زهرة الهضاب 19 · 2012-04-17, 13:15

اقتباس:

المشاركة الأصلية كتبت بواسطة chiraz16

صباح النور حبيباتي كيفكم
وعلاش حبيبتي سندس تنساحبي انا ربي عالم نحبكم قاع كي خياتي ومابيناتنا غير الخير وانتي جامي ماشفت منك حاجة ماشي مليحة ويعطيك الصحة على كل الي راكي تقدميه بصح انا اعطيت رايي على تقييمك الي معجبنيش وهدا ماشي عيب كل وحدة عندها الحق باش تعبر على رائيها وانا ماشي بيا على النقاط كما سبق وقلت وانما راني نشوف بلي النقاط هي الي راهي تقيم قدراتنا على هاديك الي غاضني الحال

وكي قلت انك ماتحبينيش ماتزعفيش مني حنونة انا وراسك بصح ماعلاباليش كنت دايما نحسك بلي انا مانجيش على قوسطوك في ردودك لي وعدم ردك لي على عدة مشاركات تخصك او تخصني

بصح حنونة راكي زعفتيني بصح بكلامك كي قلتي (وزيد ارجعو للصفحات نتاع درس خالتي ام سفيان وشوفو ردها على تطبيق فيفي كي قالتلها انو تطبيقك مليح و الاوراق ملاح و ما تديريش على هدرتها و حبيبتي فيفي قاتلها بلي عادي ندي بنصيحة سندس)
وانا الحق ماقلتش هكداك عليك حاشا راني قلت على ردك لاختنا فيفي وجبتو هاوليك شوفيه

اقتباس:
المشاركة الأصلية كتبت بواسطة fifiarch

ربي يخليك اختي شيراز
وانت تانا عملك هايل والسليلة رسمتيها تحفة
انا اوراقك عجبوني برشة ومانشاطرش سندوسة في ملاحظتها
على فكرة الخدمة لما تصوريها بلاباراي نيميريك تفضحك
هههه
على بيها تتكبر وتبين كل شيء

شكرا حبيبتي فيفي على ردك الحمد لله كي عجبوك الاوراق هاته المرة اما الرشمة راني سغرتها على قد الطنيبر هههههههههههه
ولاباراي فوتو كي تخرج الصورة واضحة خير خيرمن تكون مضبة ومانشوفو والو ههههههههه
وبالنسبة لملاحظة اختي سندس على الراس والعين كل وحدة كيفاش تشوف ربي يخليكم كلكم

عالعموم هاوليك ردي يشهد وانا راني خلاص نسيت واسمحيلي حنونة ايدا جرحتك بكاش كلمة ماكنتش عارفة بلي حساسة بزاف هك

عالعموم انا من جهتي صافية لبن بصح حبيت نقول لبعض الاخوات الي ردو على كلامي كاين الي يعطيهم الصحة نصحوني وكاين الي استغربت كلامهم الجارح

انشاء الله نكون صفيت القلوب انا نروح نريح راني تعبانة شويا وحاسة روحي فشلانة سلااام

شكرا لك على التوضيح أخت شيراز ....كامل انفعلنا من المشكل لي صرا و بالاك هدرنا هدرة ماشي قدقد ولكن المشكل اتحل الحمد لله ...خلاص كملو الدورة و النقاط ماشي مشكل خلاص .....ربي يعاونك .....سلام ....

-رودينا- · 2012-04-17, 13:56

يابنات من فضلكم هل الكلام لي قولتو جارج وقاسي والله غير راني نكتب ودمعة في عيني قلت رايي وليت ماشي مليحة
صفات بين شراز وسندس و تمسح فيا الموس وعلاه هكا جامي تخيلت يصرالي موقف كيما هك
بالعكس شفت كلامي كان مهدن لنفس

زهرة الهضاب 19 · 2012-04-17, 14:25

اقتباس:

المشاركة الأصلية كتبت بواسطة حراوية وافتخر

يابنات من فضلكم هل الكلام لي قولتو جارج وقاسي والله غير راني نكتب ودمعة في عيني قلت رايي وليت ماشي مليحة
صفات بين شراز وسندس و تمسح فيا الموس وعلاه هكا جامي تخيلت يصرالي موقف كيما هك
بالعكس شفت كلامي كان مهدن لنفس

شكون لي مسح فيك الموس ؟؟؟؟؟؟ راهي صفات بين الناس كامل و البنات كامل قالو مواصلين الدورة بدون مشاكل .......خلاص ما كاين والو .......