نتائج مفتش مركزي للخزينة جيجل - الصفحة 3

farih100 · 2012-04-17, 23:20

والله منعرف شكون لي نجح
بالاك منجح حتى واحد ههههههه

lawid · 2012-04-19, 12:07

للأسف لا أعرف أي أحد ناجح

souma* · 2012-04-20, 11:03

يا ناس جيجل أريد أن أعرف شكون نجح ,عند إتصالي بالمديرية الجهوية لقسنطينة أخبرني بأنه لا يملك القائمة ,ولا أسماء الناجحين, فلما كل هذا التكتم ,ربما الناجحون ليسوا أصلا من الولاية ,يجب أن نتحرى أن أسماء الناجحين,

souma* · 2012-04-22, 17:41

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

chebbah · 2012-04-23, 01:05

واش قاعدة تقولي ختي أنا بنفسي ذهبت إلى المديرية ورأيت قائمة الناجحين هناك 03 وهناك 03 إحتياطي لماذا كل هذه الشكوك وإذا شفتي روحك منشغلة بالنتائج إذهبي إلى المديرية وتأكدي بنفسك ولنترك هذه الأقاويل..........عذرا أختي

souma* · 2012-04-23, 12:51

ياأخي ليكن في علمك بأنني اتصلت بالمديرية الجهوية لقسنطينة على الرقم 031912147 وتم إيصالي المكتب المختص بهذه المسابقة وقال لي بالحرف الواحد لا توجد أي قائمة وأن هذه الأخيرة قد جاءتهم من العاصمة,وعند استفساري عن معدلات الناجحين قال لي بأن القائمة تحتوي فقط على الأسماء,
وليكن في علمك أيضا أنني متخرجة من المدرسة العليا للتجارة تخصص محاسبة دورة 2009 وبمعدل 13,58
بما أنك شفت القائمة بعيناك كانت فيها المعدلات ؟وإن استطعت أنشرها لتعم الفائدة يبدوا عندك معريفة قوية,ولاية جيجل
وشكرا

chebbah · 2012-04-23, 13:54

مالا كنتي تقراي عند بن زيادي و لعميري ومرهون ياه يا ليكول.......... حبيت نقولك ان تاني (ESC 2009 finance)
واش نقولك صح المعدلات راهم ماشي كاتبينهم كاتبين غير الأسماء

chebbah · 2012-04-23, 13:57

راكي غالطة ختي القائمة راهي معلقة في الباب الاول في الدخلة و متاحة للجميع وأي كان يحب شوفها أما المعريف لتحكي عليها هي معريفة ربي عزوجل لا أكثر زلا أقل وأظن أنها المعريفة تاع ربي هي لعادت نقصتنا في هذا الزمان

souma* · 2012-04-23, 17:13

إيـــــه قريت عندهم الأستاد بن زيادي كان المشرف نتاعي ,على كل حال مفهمتش علاه قالي معنديش القائمة ولا يوجد أي أحد يمكن أن يفيدك؟زد على ذلك كل واحد نسقسيه يقولي معلاباليش شكون نجح بالرغم من أن عدد المشاركين لا يتجاوز 60,ويوم المسابقة حضر بعض الأشخاص يعملون في دار المالية لجيجل معروفون بالمعريفة ,
إذا قدرت حطنا القائمة
تعرف نادية من ميلة ؟كانت الفوج 1 محاسبة ,
بن زيادي راه مترشح لإنتخابات

chebbah · 2012-04-23, 21:51

سي نعرفها.....بن زيادي كان هو المشرف تاعي تاني بلاك بلاك راني عرفتك لأني نهار جوزنا المسابقة شفت وحدة نعرفها في ليكول المهم ربي يوفقك إن شاء الله ختي

chebbah · 2012-04-30, 00:41

واينك الأخت sooma

souma* · 2012-05-01, 11:38

والله هبطلي المورال
قولي شكون البينوم نتاعك ؟ ش بلال السطايفي .

chebbah · 2012-05-01, 20:53

هو بعد مي كيفاه عرفتيه؟ معليش

souma* · 2012-05-02, 20:42

معناه راني عرفتك ،مع أنني لم أنتبه يوم المسابقة كنت عيانة
عرفت ،لأنه قرا معايا 1 و2 وربما أنت أيضا،وحسب ما أتذكر الأستاذ بن زيادي كان عندو فوج 1 فقط نتاع الطلبة لهوما نتوما
كنتو في زوج برك ؟