**** أظـــن أن الأمر أصبح مأكـــد 99 % **** بخصوص الخدمة الوطنية لأصحاب .......... - الصفحة 3

bilel0522 · 2012-03-28, 18:35

اقتباس:

المشاركة الأصلية كتبت بواسطة نــــ نبيـــــل ــاوي

يا أخي لازم تكون وضعيتك قانونية أكيد لازملاك سورسي حتان الإعفاء

أنتوما في بالكم لي مهوش في وضعية قانونية يادي الإعفاء ولي يدير السورسي ما يديش !

يا خويا العزيز حنا حابلك الخير و أنت حر حبيت تسوي وضعيتك روح سويها أنا قتلتك صاحبي راح 3 مرات في حياتو لمركز الخدمة الوطنية و الله و الله و الله مسجل حتى العم الماضي قالي مسجلتش قتلو راك مسجل تلقائي راح البلدية قالولو راك مسجل تلقائيا
*المرة 1 : راح معايا حاب يدير سورسي قالولو روح يجيب الصور ....من هذه اللحظة مزادش راحلهم.
*المرة الثانية: كي سمع بالإعفاء راح دفع الملف بالرغم أنه يقرى كابا مزال قالولو ولي في نوقمبر
*المرة الثالثة : عطاولو الإعفاء

و أنا عندي 7 تأجيلات آخرهم كان في نهاية 2010 و راهم يحوسو عليا الكلاب و إن شاء ميجيونيش للدار هذا الي متمني باه ندافع على روحي نقولهم مبعتولي معلابلي
النتيجة ايل يدير على الخدمة الندابية يبقلى عقابو إلى آخر يوم في حياتو و الي ميديرش عليهم يمدولو إعفاء هما هكا يخدمو بالقوسطو كيما يحبو ز يد خويا العزي كل ناحية كيفاه تخدم سقسي مليح على الناحية تاعك قبل أي خطوة ديرها و الله المستعان

فرناس وهران · 2012-03-28, 17:35

نعم اخي
لكن السورسي و الاستدعاء لتأدية الخدمة هناك اختلاف بيناتهم
السورسي لا يذكر فيه يوم الالتحاق بالخدمة لكن الاستدعاء فيه امر الالتحاق بالتاريخ و المكان

الصادق الناصح · 2012-03-28, 17:44

اقتباس:

المشاركة الأصلية كتبت بواسطة فرناس وهران

نعم اخي
لكن السورسي و الاستدعاء لتأدية الخدمة هناك اختلاف بيناتهم
السورسي لا يذكر فيه يوم الالتحاق بالخدمة لكن الاستدعاء فيه امر الالتحاق بالتاريخ و المكان

انا عندي استدعاء بدون ورقة بيضاء الاول يعني استفيد انشاء الله

فرناس وهران · 2012-03-28, 17:54

ان شاء الله اخي
الله يوفق

نبيـل ناوي · 2012-03-28, 18:38

ربي يحفطك بلال على الكلام الجميل

إن شاء الله نجيبوها أكل

lmdscor · 2012-03-28, 18:47

سورسي بأي طريقة شهادة مدرسية او ماذا وضح هل استدعيت في 2011 وضح اكثر

نبيـل ناوي · 2012-03-28, 18:53

لم أستدعى أخي ++ ديتلهم سورسي قديم وقتلهم راني خدام في كذا وكذا عطاوني سورسي حتان لسبتمبر

++

لا جا الإعفاء إن شاء الله ناديوها قاع حنا 2010

فرناس وهران · 2012-03-28, 19:17

هكذا نعم
لكن اذا اعطيتهم شهادة مدرسية لدراسة اكاديمية اكبر من التي عندك فانك لن تحصل على الاعفاء
مثلا في حالة الليسانس الديتها في 2010 و كنت تابع ماجيستار هاذا العام ما تقولهمش بانك راك تابع ماجيستار

danona · 2012-03-28, 20:26

حتى لي كملو في 2009 قالولهم في سبتمبر 2011 تديو الإعفاء و كي راحو مدولهم وؤقة مكتوب فيها فلان..... العاصي يطلب منه الالتحاق بالثكنة لتأدية الواجب الوطني

danona · 2012-03-28, 20:27

بلاد ميكي متتكلوش عليها ربي هو اللي يجيب حق العباد

anouar0771 · 2012-03-28, 22:27

السلام عليكم
-------------------

حبيت نفهم برك علاش في لارمي نتاع دزاير مخليين كلش لوش وضبابية.... كل ناحية كيفاش تخدم لاقوانين مضبوطة كل واحد يمشي على حساب القوسطو. واحد يقول يستاهل إعفاء وواحد يقلك لا...واحد يقلك نتا عاصي وواحد يقلك واش جابت لارمي ؟ راك حاب تفوتها.......إستقبال عيان في مكاتب الخدمة الوطنية....الحقرة والكلام زايد .....وزيد وزيد .....وكون تهدر يتحماو فيك في وسط المكتب ويعيطولك الجوندارم وتولي في سين وجيم.......... ربي يهدينا

anouar0771 · 2012-03-31, 10:28

خاوتي كيفاش الحل

لقد أطلقت وزارة التربية عديد المناصب واريد الترشح للمسابقة ولكن السورسي نتاعي مات في 12 مارس كيما قلت في الموضوع
كيفاش الحل ربي يعيشكم ؟

hom99 · 2012-03-31, 10:34

رانا كامل كيما حالتك....................الله يجيب الخير

بن جابر · 2012-03-31, 13:17

وعسى خير ان شاء الله

amassuo ehg · 2012-03-31, 16:05

السلام عليكم
أنا موظف متربص أريد أن أسأل كيف يتم التعامل مع في مثل وضعيتي علما أنني كان لدي سورسي و شكرا .