طلب عاجل بخصوص فريتوز الكتريك - الصفحة 3

فرح العمر · 2012-03-06, 19:02

اختى مانكدبش عليك نهار الاول البطاطا ماعجبتنيش جات بالفعل و كانها مشوية و لكن مع لما قصيت البطاطا خشينة و دهنتها بالزيت و تانى لقيتلها الريقلاج تاع الوقت اللى يخرج على البطاطا تاعنا ولات البطاطا و كانها مقلية فى الزيت وواحد كى مايشوفهاش مستحيل يفرق

فرح العمر · 2012-03-06, 19:15

شوفى اختى البطاطا تاعها بعد ماوالفت استعمالها خرجت عليها مليح واذا واحد ماشافهاش مستحيل يفرق بينها و بين البطاطا تاع الزيت و اذا شرتيها راح نزيد نقولك على واحد الحيل ديريهم باش يجيك القلى ناجح

ام قصي · 2012-03-06, 23:07

شكرا فرح العمر غير زيدي قولي على الحيل ............................هههههههههههههههههه يا ام مريم ممكن اتكون المقلاة انتاعك زي اخلاف على انتاع فرح العمر

فرح العمر · 2012-03-07, 09:19

شوفى اختى تقصى البططا خشينة و تدهنيها بالزيت و ترشى عليها الملح و تحطي شويه برك فى الفرتوز و تريقلى الوقت و تشوفى وهكذا راح تنجمى طيحى فى الوقت باش تجيك مليحة لان البطاطا ساعات تكون طرية و ساعات يابسة و كذلك الكهرباء ساعات تكون قاوية و ساعات تكون ناقصة و هذا كلو راح ياثر

ام قصي · 2012-03-07, 10:21

شكرا لكم يا ام مريم وفرح العمر

مواطن عادي · 2013-01-07, 15:05

وشحال دير هذي نشريها للعجوز نريحها شوية من قلي تاع زيت
وإذا مكن تقولونا شحال تدي زيت
وهل هي اقتصادية فعلا

مواطن عادي · 2013-01-08, 20:53

...........................................

ام قصي · 2013-01-09, 09:36

شكرا لكم على الردود يااخي راهي ب 2 ملايين ادير انا اشريت انتاع 700 الف برك و2ل زيت

النجمة القطبية · 2013-02-08, 23:08

انا الفريتوز منحبهاش هى مليحة للمناسبات برك نهار تحتاجى كميات كبيرة
احنا عندنا واحدة جديدة مستعملنهاش الا مرات برك
اولا تحتاج الزيت بزاف
وثانيا نفس الزيت يستخدم اكثر من مرة
فى الدار راهى ديكور
مكاش كيما المقلاة مقلاتى يا مقلاتى تحسى صح راكى عايشة سوغتو كى يجى خوك يدى شوى بطاطا انتى تقلى وهو يدى تحسى صح راكى عايشة
المهم مجرد راى شخصى مى مليحة هى فى الدار

غريبة الوطن · 2013-03-05, 22:01

seb رائعة راهي عندي في 8سنوات و البطاطا نتاعها تجي هايلة امممممممممممممممممممممممممممممممم

ام عبودة · 2013-03-14, 19:22

مشكووورين وعلى راسكم صاحبة الموضوع
ان قريب شريت تاع مغرف الزيت ماركة تيفال ياسر نصحوني بيها قالو ما تاكلش الزيت وما تطولش في الطياب والله حتى اقتنعت بيها 100%

ommido · 2013-03-30, 10:59

ألف شكر لصاحبة الموضوع والأخوات المشاركات فقد أفادني جدا وتحمست للفكرة وفعلا اشتريت أمس واحدة ساب 2ل مع فلتر ب 650ألف والله نعمة وتطور صح كنا مغبونين مع المقلة في ظرف دقيقة واحدة طابت لفريت ماجيت نرمد سكالوب في الشابلير حتى سبقتني هي ومام سكالوب وجد فمفم وأكيد استعمالاتها كثيرة ومفيدة كقراوش صامصة بوراك خبز يابس مرمد فالحليب والبيض يتقلى ويتعسل للفطور جد سريع بلا شياط ولا تقلاب

zoubidaas · 2013-04-21, 17:46

اقتباس:

المشاركة الأصلية كتبت بواسطة فرح العمر

السلام عليكم و رحمة الله و بركاته اهتى انا ننصحك بالفرتوز philips airfryer انا شريتها من مديتة العلمة ب 2 مليون و لكنها تستاهل روووووووووووووووووعة حبيت نصورها و لكن للاسف كامرتى فاسدة و لكن نقولك من نهار شريتها كرهت الدجاج المحمر تاع برة طيبو روعة ولا اللحم كانت عندى مشكلة وحدة مع لفريت و لكن مباعد لقيت الحل و ضرك مانستغناش عليها ابداااااااااااااااااااااااااااااا
حوسى فى النت اكتبى اسمها برك و راح يخرجولك صورها

بارك الله فيك على المعلومات ولكن حبيت نسقسيك هذي الفريتاز تاع ملعقةوحدة زيت ولا مايجيهاش كامل الزيت ؟

ام البنتين · 2013-04-22, 21:15

انا عندي seb كبيرة تحكم لبلاصا خاصة اذا راكي عندك ابارتومو يعني الكوزينة صغيرة و البوتاجي كذلك لذا ننصحك تشري صغيرة انا تاعي مينيموم تاع الزيت تاعها تقريبا 1.5 ل انا ما كيلتش شريتها ب 750 الف تفك هايلة و الزيت ما تنحرقش ليه ليه ندمت لو شريت الصغيرة احسنلي و لكن ما ندمتش علاه شريتها كنت سابقا نقلي على 4 مرات هما ياكلو و انا عند المقلة اما الان نقلي مرة في 3 دقائق و نقعد.ننصحك اختي اشريها و حجمها على حساب العيلة من الاحسن الصغيرة خير.

ام قصي · 2013-07-10, 10:42

شكراااااااااااااااااااااااااااا والله نعمة تقلي بكميات اكبيرة وبالخف وخاصة السفيرية اتجيى كل نفس اللون وكذالك الكفتة رووعة