|
|
|
|||||||
| قسم المنزل و متطلباته كل ما يخص المنزل و متطلباته بصفة عامة ، الأجهزة الكهرمنزلية .. الحديقة ... |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
حياتي أحلى.. تخطيط، قرار، إلتزام
 |
|
|
أدوات الموضوع | انواع عرض الموضوع |
2012-02-09, 22:02
|
رقم المشاركة : 31 | |||||
|
اقتباس:
حبيبتي ملالالالاك
أهلا و مئة مرحبا يا حبيبتي ربي يباركلك في عمرك ما تقلليش من قيمة نفسك عندي الثقة الكافية أنك أكفء و أحسن مدبرة في بيتك ليس لذلك علاقة بالسن بل بالظروف و الخبرة التي نتوصل اليها من وراء هذه الظروف بارك الله فيك و أيقني أنك ملكة بيتك و الأقدر على ادارته و حسن تدبير اموره في مختلف الظروف شكرا لك نيابة عن أهل بيتك و يفتح عليك أبواب الخير حبيبتي اللهم آآآمييين
|
|||||
|
|
2012-02-22, 10:44
|
رقم المشاركة : 33 | |||
|
قررت ان اغير حياتي
اولا وقبل كل شىء اشكر الله عز وجل اللي قدرني و جعل الغاليه حبيبه في طريقي باش تشد بيدي بعد ما ياست من كل شىء والحمد لله ان الله لا يغير ما بقوم حتى يغيروا ما بانفسهم حياتي كان يسودها الروتين وهدا ما فتح الابواب لوسوست شياطين الانس والجن بانه لا فائدة مني و كل شىء ضدي الى ان جاء اليوم الحاسم وقررت نغير نفسي اولا فلمادا العن الظلام وانا استطيع ان اشعل شمعه تنير طريقي و من حولي وهنا جاءت اختي حبيبه لتدلني على التغيير(تحسبي راني نحكي في فيلم بصح هدى هى الحقيقه) حكمت اجندة2012 كتبت فيها 5اهداف طويلة المدى يعني نحققها في سنة2012 و5اهداف نحققها في شهر جانفي(حققت منها1) وراني كتبت 5نحققها في هدا الشهر راني حققت منها 4 والحمد لله وفي اعلى الصفحة كتبت "قليل دائم خير من كثير منقطع" واهم شيء نحسن علاقتي مع خالقي فقررت ان نحافظ على صلاتي في وقتها والدكر وان لا اهجر القران لانه بدكر الله تطمان القلوب راني طولت عليكم غادي نقسمهلكم على اجزاء انشاء الله استودعكم الله اللدي لاتضيع ودائعه |
|||
|
|
|
2012-02-26, 16:31
|
رقم المشاركة : 34 | |||
|
السلام عليكم |
|||
|
|
|
2012-02-26, 23:14
|
رقم المشاركة : 36 | ||||
|
اقتباس:
و عليكم السلام
حبيبتي أمينة راني في الخدمة حبيبتي الشي اللي يقدرني ربي عليه ما نتأخرش عليك بإذن الله كلشي ساهل حبيبتي ما تتقلقيش و ما تتحيريش بإذن الله رايحة نعطيك برنامج يومي إذا والمك و امشيتي عليه رايحة تكوني راضية و مرتاحة ربي يخليلك البنيتة و يحفظهالك اللهم آآآمييين شوفي حبيبتي رغم راكي قاسمة لكن الحمام و الدروج و الفناء راكي عندك اشتراك فيهم يعني لازم تنظفيهم بلاما تستني حتى حد ما تقوليش ماشي غير أنا اللي راني نستعملهم هوما تاني لازمهم ينظفوهم لالا نظفيهم كي شغل انتاوعك مهما توسخوا من بعدها غير شطفة على السريع و راكي رجعتيهم يبرقوا ثقي بي حبيبتي هاد التصرف رايح يفتحلك بزاف بيبان في وجهك بإذن الله نرجع للغرف اللي راكي حاملة مسؤولياتهم بسم الله نتوكل على الله الصباح نوضي قبل الفجر بربع ساعة باش تتوضي و تجهزي نفسك للصلاة صلي الفجر و الصبح اقري ورد يومي من القرآن أنتي حددي الكمية يا لوكان صفحة وحدة و ماعليش أذكري الله يعني أذكار الصباح البسي بيجامة ولا لباس البيت يكون شباب و حطي كريم الترطيب على وجهك راني حطيت في صفحة الدورة خطوات العناية بالبشرة ممكن تفيدك حبيبتي شوية كحل أو ماسكارا و مورد الخدود على خفيف يبان طبيعي و افتحي الشبابيك و اتمتعي بنسيم الصباح اللي يشرح القلب و اذكري الله سبحان الله و روحي جهزي الفطور لزوجك افطري معاه و لما يروح نوضي بنيتك إذا كانت عادا ما ناضتش اغسليلها و بدليلها و فطريها و خليها قدامك و توكلي على الله شغلي القرىن لطرد الشيطان لمي مواعين الفطور حطيهم فالمجلى ينقعوا فالما دافي اغسلي الفرن ابدي بتجهيز الغذاء لما تكملي التجهيز اغسلي كامل الماعين نتاع الفطور و اللي استخدمتيهم لتجهيز الغذاء و امسحي البوتاجي و لمي الكوزينة على السريع ارجعي للغرفة نتاعك رتبي السرير و التسريحة ممكن ترجعي للدروس الخاصة بدورة الرقي لمدبرة منزل مثالية فيها طريقة ترتيب كل الغرف في البيت بما فيها غرفة النوم و كل ما فيها امسحي الغبرة اكنسيها و ارجعي لغرفة الجلوس نفس الشيء ترتيب سريع و مسح الغبار و كنس و اهبطي للحمام اغسليه و عطريه عندي طريقة ممكن تستعمليها لتعطير الحمام جيبي قرعة نتاع توب معطر الأرضيات و ديري ثقب في الغطاء و بعد تنظيف الحمام أعزك الله قطري بعض القطرات فالأركان نتاع الحمام رايحة تبقى الريحة الجميلة لمدة لا بأس بها بإذن الله و اغسلي الدروج شوفي حبيبتي ما فهمتش موقع الدروج في بيتك نصيحتي إذا كانوا نتاع المدخل نتاع البيت ابدي بيهم قبل ما تدخلي للكوزينة باش توجدي الغذاء و إذا كانوا لداخل خليهم للاخير و كملي الميناج بمسح الأرضيات بماء فيه معطر الارضيات و قطرات من الخل الابيض و قطرات من جافيل و بعدما تنشف الارضيات اغلقي الشبابيك و البيبان و عطري البيت كلوا حتى الكوزينة و اغتسلي و غيري قشك و جهزي روحك و طاولة الغذاء لزوجك بعد الغذاء لمي المواعين على السريع تحبي تغسليهم في وقتهم كان بها وإذا حبيتي ترتاحي شوية خليهم ينقعوا فالمجلى و لما تحبي تحطي القهوة اغسليهم عندي تاني نصيحة هنا انا راني معتامدتها في بيتنا أنك تجهزي القهوة نتاع العشية فالصباح في نفس الوقت اللي تكوني ترتبي فيه أواني فطور الصباح بعدما تغسليهم و ينشفوا و تحطيها فالثلاجة و توجدي الصينية و تغطيها و تخليها للعشية بعد القهوة ارتاحي شوية معا عائلتك و من بعد لمي الماعين على السريع و إذا شفتي عندك الوقت فارغ استغليه فيما يرضي الله و يحسن من نفسك اقري و اتعلمي كل يوم حاجة جديدة حاولي كل يوم تكوني أحسن ماليوم اللي فات اهتمي بنفسك و ببنتك احسني لأهل زوجك زوريهم و أكرميهم و كوني بنتهم و تفكريهم بالهدية أو باكلة خصوصا إذا كانت تحبها والدة أو والد زوجك نوصيك تهادوا تحابوا ما تنسيش الصلاة في وقتها بعد المغرب اقري أذكار المساء و ابدي تجهيز العشاء بعد العشاء لازم تلمي الكوزينة و تنقيها هاكذا الصباح لما تدخليها قلبك يكون مشروح و رتبي بيت الجلوس على السريع هاكدا يوم الغد مارايحاش اتعبك و تاخذ وقت فالتنظيف و اغتسلي ولا دوشي و حطي كريم لترطيب بشرة الجسم أو معطر للجسم ريحته تبقى 24 ساعة و رطبي يديك و رجليك بفازلين مثلا و حطي كريم الليل لوجهك و قبل النوم انوصيك بالتسبيح 33 مرة سبحان الله 33 مرة الحمد لله 34 مرة الله أكبر اقري المعوذات و آية الكرسي و سورة الفاتحة و نوم الهنا |
||||
|
|
|
2012-02-27, 10:04
|
رقم المشاركة : 37 | |||
|
شكرا اختي على الرد وعلى هدا البرنامج الرائع صدقيني ان وقتي القيم امضيه في المسلسلات ولكن من اليوم ساغير حياتي بادن الله |
|||
|
|
|
2012-02-27, 10:59
|
رقم المشاركة : 38 | ||||
|
اقتباس:
صباح الخير و البركات على أمينة الحلوة الحبيبة ماشاء الله عليك حبيبتي راكي قلتي كلمة لخصتي فيها كل الاقوال "ولكن من اليوم ساغير حياتي بادن الله" هاذ الكلمة حبيبتي رايحة توصلك للقمة بإذن الله شوفي حبيبتي بالنسبة للتنظيفات ارواحي ادخلي بيناتنا في دورة الرقي و رايحة تلقاي الرفقة الصالحة اللي قلبها كبير و تلقي النصيحة المفيدة من قلوب محبة و تبعدي شوية عن الجو الخبيث و العياذ بالله ماعليش رانا عاد في الاسبوع الثاني ممكن تبدي معانا من اليون غير تدخلي تلقي فالصفحة ما قبل الاخيرة ولا الاخيرة الله أعلم برنامج اليوم و فالصفحة الأولى البرنامج نتاع الأيام اللي فاتت ممكن تقريه و تكتبيه و أي استفسار راني موجودة بإذن الله البارح تاني دخلوا معانا بنات جدد أبشري حبيبتي بالنسبة لأهل زوجك النصيحة الوحيدة اللي نعطيهالك ديري روحك كلي راكي في حوش الجيران أمسكي عليك نفسك و بنتك خليها فالبيت تلعب شغلي لها القرآن لما تبدا تبكي و من بعد شغلي لها فيلم رسوم متحركة و العبي معاها انتي كلي ماكاينش بنت تآمني على بنتك انها تلعب معاها بالنسبة لحماتك و سلايفاتك ديريهم كلي راهم جيرانك خلي الود موصول و الابتسامة الصافية ما تخطيش شفاهك و لا تزيدي على ذلك افترضي مثلا أنك بين جيران محافظين فوق اللازم و ما يحبوا يختالطوا بحتى واحد رايحة تسيفي عليهم باش تخالطيهم لالا احترمي المسافة اللي حطوها بينكم و أمسكي عليك بيتك ما ترديش علىأفعال حماتك ولا سلايفاتك إن الله معك يسمع و يرى و يمهل ولا يهمل أبشري بنصر الله للقلب الصافي مثل قلبك حبيبتي خلي همك الوحيد أنك ترضي زوجك من خلال بر والديه حاولي ما توصليلهش المشاكل اللي تحاول تفتاعلها حماتك و سلايفاتك خليها تدخل من جيه و تخرج من جيه و إذا دارولك شي حاجة و قلبك تعمر ارواحي لعندنا احكيلنا قلبنا مفتوحلك حبيبتي نصيحة أخرى ما تكثريش الزيارات لبيت أهلك البنت تتزوج باش تعمر بيت زوجها ماشي باش تعمر الطريق اللي بين بيتها و بيت أهلها مهما كان حاولي زيارتك تكون ثقيلة و بالهمة و الشان ماشي لسبب و لغير سبب حتى يوم الجمعة راه عندك بيت الجلوس تباريك الله اقعدي فيها ولا فاجئي زوجك بشي حاجة من تحت يديك باش يتقهوة لعشية و ابقاي معا زوجك و اهتمي به هاداك هو النهار اللي يبقى فيه فالدار انتي تروحي و تخليه وينتة حبيبتي رايحة تمتني روابط الألفة و المودة بينك و بين زوجك؟؟ إذا كان مين يغيب تحضري و مين يحضر تغيبي.. نصيحة ثانية بما أنك قررت و عزمت أنك تبداي صفحة جديدة أنصحك و هذه لترضي الله قبل أن ترضي زوجك أنصحك باش تريحي مع زوجك على انفراد و تطلبي منه يسمعك و يفهمك و ترغبيه باش ما يزعفش منك و احكيله الحقيقة نتاع المال و برريله ظروفك و خجلك منهم و خجلك منه و اطلبي منه النصيحة قوليله أهلي نحبهم و انت تاني نحبك راني بين نارين ما نقدر نزعفهم و نردهم و هوما محتاجين و ما نقدر نزعفك و نخسرك انصحني كيفاش نوقف معا أهلي بلاما نزعفك و نخسرك و خبريه قيمته و معزته الكبيرة عندك و أنك تحتارمي قراراته و تنفذي طلباته و أوامره بصدر رحب و أنه تاج راسك و عندك غير هو لأنه ما قمت به يمس نقطة حساسة ألا و هي نقطة الثقة و المصارحة بين الزوجين و عاهديه أنك مارايحاش تحكي راسك بلاما تاخذي مشورته و تحكيله و إذا فيه أي مشكلة أخرى قوليله أنا حابة نتبدل للأحسن من أجله و من أجل بنته و من أجل نفسك و أنك رايحة ترجعيه أسعد زوج بإذن الله و عاهديه أنك رايحة تبذلي مجهودك للتغير للأحسن و اطلبي منه واش حاباته يبدل في نفسه دون الضغط عليه باش تتفادوا المشاكل الباقية اللي بينكم خاطي مشاكل الاهل حبيبتي راكي فاهمة يلا حبيبتي راني نستنى تدخلي للدورة باش نبقى معاك على تواصل مستمر بإذن الله راني مديتلك يدي ماعليك غير تشديها و يلا نوصلوا لقمة السعادة و ندخلوا معا بعض جنة الدنيا قبل جنة الآخرة بإذن الله بالنسبة للمصروف رايحة نحط بإذن الله دروس تعلمنا كيفاش نتصرفوا في مال المصروف و نقتاصدوا و نوفروا أبشري |
||||
|
|
|
2012-02-27, 11:47
|
رقم المشاركة : 39 | |||
|
كم أعشق التخطيط |
|||
|
|
|
2012-02-27, 17:42
|
رقم المشاركة : 40 | |||
|
........اختي حبيبة السلام عليكم و رحمة الله و بركاته..اصدقك القول فاقول فتحتي نفسي على الحياة.على الايمان.الحب الاجتهاد...النظافة وكل ما هو جميل في هته الحياة المليئة بالمشاكل و المغريات............دمتي لنا عونا........على فكرة انا معلمة بدون اولاد......اذا ما فيهش احراج تعمليلي جدول .ههههههههه |
|||
|
|
|
2012-02-27, 21:19
|
رقم المشاركة : 41 | ||||
|
اقتباس:
يا قلبي
ربي يخليك ليا كارمن أنا في الخدمة حبيبتي إن شاء الله نقدر نوقف مع كل وحدة راهي محتاجة يد المساعدة اللهم آآآمييين |
||||
|
|
|
2012-02-27, 21:23
|
رقم المشاركة : 42 | ||||
|
اقتباس:
و عليكم السلام
أهلا بالحبيبة أم ريم مرحبا بيك معانا راكي بين احباباتك و اخواتاتك ان شاء الله تكوني كل يوم أحسن ماليوم اللي فات ما عندي حتى مشكل غير قوليلي واش هي المشكلة نتاعك و تفاصيل حياتك و بيتك و ظروفك و بإذن الله مارايحاش نتأخر عليك في الرد |
||||
|
|
|
2012-02-27, 22:48
|
رقم المشاركة : 44 | ||||
|
اقتباس:
|
||||
|
|
|
2012-02-28, 09:52
|
رقم المشاركة : 45 | |||
|
 علمتني والدتي الله يباركلي في عمرها منذ الصغر أن لا أترك يومي دون تخطيط مسبق وحتى أكون حاضرة لأي موقف متوقع وغير متوقع فكما أحاسب نفسي قبل النوم على يومي كيف مر أيضا قبل نهوضي ابقى لحظات لأرتب أفكاري من والى اين سأنتهي  و كوني موظفة هذا يجعل وقتي غير مفتوح وفي نفس الوقت غير ضيق لأن الله يبارك في كل ثانية منه بسبب المداومة على ذكره والبسملة قبل كل فعل لذا أردت وضع بين ايديكن مخططي الذي عدلت فيه قليلا لما شاركت في الدورة الخاصة بالموظفات  ومن تريد برنامج خاص للريجيم ههههههههههههه أنا في الخدمة تقبلن تحياتي  |
|||
|
|
|
| الكلمات الدلالية (Tags) |
| أحلى.., تخطيط،, حياتي, إلتزام, قرار، |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
العرض العادي
