واش احوال الباك معاكم و مع الثلج

[أَمــُ ღـير المٌنتَـــღــدَى]

ليكور ثاني ماقريناش
لو،،،،،،،،،،،،ول

[الأميرة ميمي]

rana naaraw normal

[princesse manel]

السلام عليكم انا من تبسة عندنا الثلج حتى حنا وضرك عندنا 3 ايام منقروش مي رانا ماشيين مليح في البرنامج في الرياضيات رانا في المتتاليات مزالنا فيها البرهان بالتراجع برك وفي الفيزياء رانا في تطور جملة ميكانيكية وفي العلوم رانا في النشاط 5 تاع الادماج العصبي مي العطلة هدي لقيتها فرصة باه نراجع شوية على خاطر كي نقرو منلقوش الوقت وزيد مع ليكور نهار الجمعة والسبت منقعدش خلاص مي الحمد لله على كل شيء

[billel25-dz]

قسنطينة ماقريناش الثلج فوووووور

[billel25-dz]

Constantine

[sirina_angel]

فرجيوة ايضا لم ندرس اليوم الثالث

[♫ وهج الأمـل ♫]

بصحتكم ..

صح تتأخرو في الدروس بصح فرصة لا تعوض للمراجعة

خاصة المواد الأدبية..

حنا للآن الأجواء غائمة لكن ماكان والو غير البرد ..

[youcef_lee]

السلام عليكم و رحمة الله و بركاته
حنا رانى مشسين مليح في لبرغرام
الرياضيات رانا في الدوال الاصلية
الفيزياء في القذيفة
العلوم في النشاط 3 تاع العصب

بالنسبة للاخو المتوخرين بسبب ثلوج انا نقلكم متقلقوش خلاص العتبة مديرين فيها حساب رتار تاع الثلوج هذي الهدرة قالهالي استاذ يقري فيا مالا ننصحكم تستغلو الوقت في المراجعة
موفقين ان شاء الله

[راية الاسلام1]

انا والله كرهت الدار وتوحشت لقراية
عندنال سمانة ماقريناش في قسنطينة
والله راني خايفة على الباك تاع السنة..........
وخايفة كتر كون يقعد التلج للسمانة الجاية...........

[ghost_4d]

اليوم الثالث على التوالي ..

[المتفائلة دائما]

المشاركة الأصلية كتبت بواسطة sirina_angel

السلام عليكم و رحمة الله
كيف احوال البكالوريا معاكم اخواني !!!!!!
مع الثلوج و الدراسة ما كامش .............لا دراسة في الليسي لا دراسة في ليكور لا دراسة في دار
و الله عاجزة على القراية هاذ 4 ايام كامل لا قراية برا لا لداخل
و زيد في النشرة قالو منا للجمعة
هكذا كيفاه راح نعقبو الباك
حنا مثلا الرياضيات هذا وين في الهندسة الفضائية و مع العطلة و الثلج و .................منا لعام الجاي ما نخلصوش
و بقا يا ربي شهر ونص قراية
و انتوما كيفاه راكم !!!!!!!!!!!!!!!!

و الله اختي رانا كامل كيف كيف من ولاية جيجل -تاكسنة بالضبط-

القراية لا في الليسي لا في الدار و الاسبوع انتهى

احنا رانا تقريبا معاكم ..الرياضيات : الاعداد المركبة .......العلوم : النقل المشبكي ........الفيزياء: خلّصنا الاحماض و الاسس

و الله رانا روتااااااااار ربي يستر

[« أبْجَدِيَّاتْ »]

هاهَا !

لا قراية لا عمّي عليّ منذ الصّباح

طاح عندنا الثّلج ( حْمَر ) في اللّيسي اليوم !

>> صْرات قْتيلة و وصلت الحالة للشّرع

و هاذاك هوّ ، داروها سبَّة الأساتذة باش ما يقرِّيوش

(( من بكري حْنا نحوسُو عليها و زيد ))

و غدوة راهُم يقولو بالشّك تاني !

- - -

بالمُناسبة ، حنا ما زلنا ما كمّلناش وحدة الأحماض و الأسُس

تسمَّى راكم ماشيين خير مناّ

وماكمش متأخرين ، بالعكس تمامًا ، الوحدة الـ6 راهم يقولُو ما كانش

بالتّوفيق !

[اياد الباتني]

لا تخلط الامور من فضلك ما دخل الاساتذة في احوال الطقس وقرار توقيف الدراسة من مدريات التربية زد على ذلك لا اظن انك انت تريد الدراسة بل تبحث عن اللهو واللعب بالثلج فلتكن منطقي في كلامك ولا تطلق اتهامات عشوائية المهم ان تجد فرصة لتجريح الاستاذ اتقي الله

[sirina_angel]

المشاركة الأصلية كتبت بواسطة youcef_lee

السلام عليكم و رحمة الله و بركاته
حنا رانى مشسين مليح في لبرغرام
الرياضيات رانا في الدوال الاصلية
الفيزياء في القذيفة
العلوم في النشاط 3 تاع العصب

بالنسبة للاخو المتوخرين بسبب ثلوج انا نقلكم متقلقوش خلاص العتبة مديرين فيها حساب رتار تاع الثلوج هذي الهدرة قالهالي استاذ يقري فيا مالا ننصحكم تستغلو الوقت في المراجعة
موفقين ان شاء الله

و الله الحالة ما هيش ساهلة خلاص راني نقولك رانا ناصفنا الهندسة الفضائية كي يبقالنا شهر واش راح نديرو فيه كون ينحيونا النص تاع البروغرام ما نلحقوش و هذا مستحيل

المشاركة الأصلية كتبت بواسطة راية الاسلام1

انا والله كرهت الدار وتوحشت لقراية
عندنال سمانة ماقريناش في قسنطينة
والله راني خايفة على الباك تاع السنة..........
وخايفة كتر كون يقعد التلج للسمانة الجاية...........

مام حنا يا ختي في فرجيوة سمانة ما قريناش و تاني خايفين من سمانة الجاية ربي يستر .........هاذ العام باين من بدايتو غير المشاكل

المشاركة الأصلية كتبت بواسطة ghost_4d

اليوم الثالث على التوالي ..

ربي يستر ما يكونش كاين اسبوع على التوالي

المشاركة الأصلية كتبت بواسطة المتفائلة دائما

و الله اختي رانا كامل كيف كيف من ولاية جيجل -تاكسنة بالضبط-

القراية لا في الليسي لا في الدار و الاسبوع انتهى

احنا رانا تقريبا معاكم ..الرياضيات : الاعداد المركبة .......العلوم : النقل المشبكي ........الفيزياء: خلّصنا الاحماض و الاسس

و الله رانا روتااااااااار ربي يستر

لالا حنا و الله الحمد لله في المواد الخرى لكن الرياضيات قريب شهرين ما كانش استاذ على هادي رانا بزااااااااااااااااااااااااااااااااااااااااااااااف روتار تخيلي هندسة فضائية و حتى ما كملناهاش و المشكل الاكبر حتى في لي كور رانا روتار .......باين هاد العام كل حاجة صرات فيه ربي يستر من لي جاي على هاد الحالة يأجلونا الباك لجويلية و يا ربي

المشاركة الأصلية كتبت بواسطة *( أبجَدِيَّاآت )*

هاهَا !

لا قراية لا عمّي عليّ منذ الصّباح

طاح عندنا الثّلج ( حْمَر ) في اللّيسي اليوم !

>> صْرات قْتيلة و وصلت الحالة للشّرع :d

و هاذاك هوّ ، داروها سبَّة الأساتذة باش ما يقرِّيوش

(( من بكري حْنا نحوسُو عليها و زيد :d ))

و غدوة راهُم يقولو بالشّك تاني !

- - -

بالمُناسبة ، حنا ما زلنا ما كمّلناش وحدة الأحماض و الأسُس

تسمَّى راكم ماشيين خير مناّ

وماكمش متأخرين ، بالعكس تمامًا ، الوحدة الـ6 راهم يقولُو ما كانش

بالتّوفيق !

انشالله ما تكونش وحدة 6 ...مام استاذتنا قالتنا هاد العام ما شكيتش

[abdelhadi-22]

السلام عليكم
انا من ولاية سيدي بلعباس وبالضبط من مولاي سليسن حنا رانا كملنا الاعداد المركبة