التوظيف على أساس الشهادة يتجسد في الواقع " مرحبا بالفساد " - الصفحة 3

arwa2012 · 2012-01-12, 18:08

مهزلة قاع ما نطمعوش les listes راهم موجدينهم قال على اساس الشهادة قال هههههههههههههههههههههههه

arwa2012 · 2012-01-12, 18:11

مكتوب ربي كاين لي قاع ما قراش و راه خير ملي قرا ماعليش
الدنيا هادي هيا ربي يفرج على الجميع اميييييييننننننننننننن

حسين28 · 2012-01-15, 11:02

طلب 27 معليهش اسمحيلي راهي تخلطت اعليا الامور و ليت ما نفرقش

المهم المطلوع و الا بيع الدخان ..... المهم حاجة ندخلو بيها مصرووووف

حسبي الله و نعم الوكيل فيكم يا مسؤولي بلادي

اللهم ياااااارب العالمين يا حنان صد علينا ظلمهم

اللهم يارب العالمين اننا شباب في سن العطاء و مسؤولون قطعو ايدينا بقراراتهم التعسفية فلا ملجأ لنا ايك

يااارب يعطي لكل مسؤووول فاسد في هذي االبلاد ظربة ربانية

يااارب كون معنا فاننا عبادك الضعفاء لا حول لنا ولا قوة

حسين28 · 2012-01-15, 11:04

اقتباس:

مهزلة قاع ما نطمعوش les listes راهم موجدينهم قال على اساس الشهادة قال هههههههههههههههههههههههه

من بكري قاطع لياس و من بكري ما عنديش امل

اصلا راني وليت شيخ و هرم و بعد سنوات قليلة لو يعطوني خدمة احتمال ما نخدمش لاني نكون تنازلت عن كل شيئ في هدي الحياة

حسين28 · 2012-01-15, 11:14

الحلقة الاولى من مسلسل الحلم الضائع :

06 سنوات تقرا في ابتدائية ابعيدة على الدار 05 كيلو متر البرد يقطع فيك و السخانة تاكل فيك صيفا

تقرا في سباط بلاستيك و محفظة بلاستيك و فاست بلاستيك حتى تولي تشوف في روحك انت عبارة عن بلاستيكة متنقلة و في الاخير تنجح و تطلع للمتوسطة بمعدل : 18/20 الحمد لله

03 سنوات في متوسطة بعيدة كذلك على الدار 05 كلومتر و خلال هذي المدة الغداء عبارة : كاسكروط خبز بالخبز ... من عند حميد مول الحانووووت تتناقص البسة البلاستيك شوي و توصل للدار على بعد المغرب يوميا مرات و انت مروح للدار تهجم عليك كلاب ظالة كل مرة ياكلو منك زغبة ووحتى تولي تشفهم .... كلاب ودارو معي اتفاقية سلام
و من بعد تنجح و تطلع للثانوية بمعدل : 15/20 و الحمد لله وو ااااو راكي في الطريق المستقيم

03 سنوات في الثانوية شعبة علوم دقيقة تقرا الرياصيات و الفيزياء كل يوم و كل يوم تقرا درس جديد يكبر حلمك بانك يوما ما لن تكون مثل اصحابك تحس انك مختلف
توصل للباك برغم كل الظروف القاسيية و المرعبة و برغم كل الخوف تقرا و تقرا و تقرا و تقرا و تسمع كلام الاساتذة : انت انسان مختلق ... و تزيد ثقتك بنفسك و تنسى و تتناسى كل فقرك وكل معاناتك
توصل للباك تنجح تملا بطاقة الرغبات ....................
يوجهوك لشعبة لا علاقو بالرياصيات و لا علاقة بحلمك ... تطعن .... يرفض طعنك ..... تدير تحويل لجامعة اخرى ..... يرفض طلبك ...
واش راح يصرا ..............
الحلقة الجاية نقلك واش صرا في مسلسل الحلم الظائع

siham16000 · 2012-01-15, 23:10

حقا يا اخي عل اساس الشهادة يكون تلاعب محدود ...لان في امتحانات على اساس اختبار تدخل فيها ادارة فاتحة للمناصب والادارة المنظمة للمسابقة والولاية واي الوظيف العمومي الكل يريد منصبا لمعارفهم لكن على اساس الشهادة على اقل تكون الادارة وحدها منظمة للمسابقة واذا كانت كاينة المعريفة تكون قليلة احسن من من اختبار على اساس الالختبار والله اعلم

ultras BE · 2012-01-16, 00:41

اقتباس:

المشاركة الأصلية كتبت بواسطة siham16000

حقا يا اخي عل اساس الشهادة يكون تلاعب محدود ...لان في امتحانات على اساس اختبار تدخل فيها ادارة فاتحة للمناصب والادارة المنظمة للمسابقة والولاية واي الوظيف العمومي الكل يريد منصبا لمعارفهم لكن على اساس الشهادة على اقل تكون الادارة وحدها منظمة للمسابقة واذا كانت كاينة المعريفة تكون قليلة احسن من من اختبار على اساس الالختبار والله اعلم

راكي غالطة ............. امتحان على أساس الإختبار أفضل خاصة عندما يكون في جامعة بعيدة
لكن على أساس الشهادة كارثة ................ اليوم التقيت مع واحد أبوه مدير أحد الإدارات لا أستطيع ذكرها ,,,, قال لي أن أبي سوف يدخل ابن فلان في مديريته ,,,, والأخر سوف يدخلني في المديرية أخر ............... معنها شونتاج ههههههههههههههه

حسين28 · 2012-01-16, 09:38

اقتباس:

راكي غالطة ............. امتحان على أساس الإختبار أفضل خاصة عندما يكون في جامعة بعيدة
لكن على أساس الشهادة كارثة ................ اليوم التقيت مع واحد أبوه مدير أحد الإدارات لا أستطيع ذكرها ,,,, قال لي أن أبي سوف يدخل ابن فلان في مديريته ,,,, والأخر سوف يدخلني في المديرية أخر ............... معنها شونتاج ههههههههههههههه

و اناااااااااااااااااااااااا بابا ماهو فلان و لا صاحبوووووو فلان و لا عندو علاقة بفولانات و لا انا نعرف افلان بنت فلتااان

هذييييييي هي الامتحانات على اساس فلان ااااه عفوا على اساس الشهادة ... و اي شهادة ؟؟؟؟؟؟؟؟؟؟؟؟؟

الله لا تربحهم .... الله لا ترحمهم

~~samssou~~ · 2012-01-16, 09:48

ماعسانا القول اخي الا الله المستعان

rachidm · 2012-01-16, 15:13

من لي كنا في الجامعة كانو الاساتذة دايرين فينا التاريخ ، يشيبوك ويطلعولك لاطوسيو باش تخرج العام
واصحابهم واحبابهم يمدولهم بال 17 وال 18، ديجا راهم قبل المسابقة فايتينا ب 3 نقاط
وحتى الادماج باش تجيب الخبرة راه لابالمعرفة

حسين28 · 2012-01-16, 15:33

اقتباس:

المشاركة الأصلية كتبت بواسطة rachidm

من لي كنا في الجامعة كانو الاساتذة دايرين فينا التاريخ ، يشيبوك ويطلعولك لاطوسيو باش تخرج العام
واصحابهم واحبابهم يمدولهم بال 17 وال 18، ديجا راهم قبل المسابقة فايتينا ب 3 نقاط
وحتى الادماج باش تجيب الخبرة راه لابالمعرفة

تعرف انهم مستخسرين فينا حتى الشهادة - هذيك الورقة - اللي اديناها بعرقنا و تعبنا و شقانا

ادارات يسير فيها جهال وما يحبوش اللي قاري و عندو في الراس يدخل عندهم

الله لا تربحهم