اتخدت قرار ارجو ان تنصحوني نصيحة كاخ او اخت

[المتفائلة 83]

راك غالط بزاف كلنا عندنا هذا الاحساس نقولك حاجة لوكان من الاول توقفت في الباك لكن الان صعب جدا والله تندم بزاف ماتهزش ديسيسيون كيمما هكدا في لحظة غضب

[hamzalibra]

السلام عليكم و رحمة الله و بركاته

أحي الكريم اصبر " فاصبر صبران على ما تحب و على ما تكره:

تيقن أن عملك هدا هو نقطة البداية و ليس دائم

استغل تحصصك و شهادتك لتثبت جدارتك في العمل الإداري.

و بإدن الله نشوفوك محامي يارب

[حنان حامورابي]

السلام عليكم ورحمة الله تعالى و بركاته
أنا أيضا أتابع دراسة الكفاءة المهنية للمحاماة و لكني للأسف لم أجد حتى عقد الادماج و لم أنجح في أية مسابقة توظيف و لا الماجستير مع العلم أنني كنت من الاوائل على الدفعة
ولكن كنصيحة مني أكمل دراستك لكن لا تتهاون في المشاركة في مختلف المسابقات وكن على يقين أنه متى وضعت ثقتك في الله كلما كان الله عند حسن ظنك به و أكثر
كما يجب عليك حتى يسهل الله في رزقك ألا تنسى الصدقة و أن تكثر من الاستغفار

[HOCINE.HASSAN]

السلام عليكم: نصيحة مجرب ..... أخي العزيز ما أنت مقبل على فعله خطأ فادح هذا ما جريته قبلك فقد غادرت مقاعد الدراسة رغم تفوقي والتحقت بوظيفة لكن بعد مرور الوقت اكتشفت أنني ارتكبت خطأ فادحا وجدت نفسي مصنف في أسفل السلم و الراتب فليل فتخرج أصدقائي و توظفوا و أصبحوا أفضل مني بكثير......أما أنا فرجعت واكملت دراستي و الآن الحمدلله ........نصبحتي لك أكمل دراسنك و تحصل على الشهادة ..والله يفوق...........لا تتسرع

[عطر الملكة]

اضم صوتي لصوت من سبقوني في الرد
اخي الدنيا راهي غير تصعاب و عمرك ما تندم على الدراسة كمل قرايتك و دير شهادتك في جيبك واش راك خاسر
و زيد الكفاءة المهنية قرايتها ساهلة و لا تتطلب وقت ياك عام واحد و خلاص
انا درتها في بسكرة في 2009 و الله غير جاز العام ببساطة و الله ما حسيت كيفاش العام جاز
نصيحتي ليك كمل قرايتك الدنيا راهي غير تصعاب
خاصة مع القانون الجديد الخاص بالمحاماة ربي يلطف

[dalomak]

اسلام عليكم نصيحة من مجرب كمل اقرايك وفي نفس الوقت شارك في المسابقات لانه ليس من لسهل النجاح فيها
و زيد تبع موقع الوظيف العمومي تجد فيه كل جديدwww.foncton puplic.com
بالتوفيق

[السَّحابة البيضاءْ]

على الاقل اتحصل على الشهادة باش كي تجي تفوت في كونكور على اساس الشهادة تقدر تبوزي شهادة الكابا

خويا كل واحد وش كاتبلو ربي كاين الي وصل نيفو النافيام دارؤ تكوين في كاش تخصص وربح وراهو خدام وفاتح دار

وكاين الي عندوا ماجيستار ومازال يحزس على خدمة

والله ماتصخلك غير الكاتبة

ماتتسرعش لو كان غير انت لي كنت تعاني من هاذ المشكل نساعفك مي راه شعب كامل يعاني الصبر الصبر الصبر

وكيما يقول المثل الشعبي الصابر جابر

[nadia 2011]

[size="6"]يا اخي كمل قرايتك وفي نفس الوقت حوش علي مسابقات التوظيف مكانش كيما لقرايا وادا حبستها تندم عليها منبعد [/size]

[بني بلعيد]

المشاركة في المسابقات لاتمنعك من العمل بل العكس تشجعك على مواصلة عملك وتعطيك القوة على البحث عن عمل يناسبك ، والمحاماة مهنة شريفة وحيوية خصوصا إدا كان الشخص يخاف الله ، لهذا أنصحك أخي بمواصلة العمل والتربص في المحاماة ومحاولة المشاركة في الإمتحانات والمسابقات من أجل الحصول على عمل يليق بمستواك الراسي ، لاتيأس أخي فالحياة معركة يجب الإنتصار فيها على الذات .