خفو هذا وين نحيتها مطاجين - الصفحة 3

سَلْسَبِيّلْ · 2011-11-28, 09:56

بارك الله فيك اختي لكن الصورة الاخيرة مازالت مطلعتش انا عمري ما جربتو انشاء الله نجربو لكن لدي سؤال هل تقرسيه في الدقيق

my lamis · 2011-11-28, 10:05

و فيك بركة الأخت هنادي نورتيني بمرورك راني طلعتلك الصورة الأخيرة نشالله تطلعلك

واه الكسرة قرستها بالسميد باش متلسقش و كان تقرسي بالفرينة تلسق قاع و إذا كان السميد حرش بزاف زيديلو الفرينة و قرسي باش متخرجلكش حرشة

my lamis · 2011-11-28, 10:57

مشكور أخي على مرورك لصفحتي هي الأغلبية يصنعوه بالسميد كيما حنا بصح عدنا مدة ملي ذقناه بالفرينة والفناه و عندنا بالمنطقة مقسومين كاين اللي يعجن بالفرينة و كاين اللي بالسميد بصح قاع كسرتنا كيفكيف و المنطقة تاعنا بولاية تيسمسيلت (38) بعاد على الولاية حنا (تازا بلاد الأمير عبد القادر)
نشكر هذا المنتدى بزاف خلانا نعرفو تقاليد بعضانا و نرفدو طبايعهم كيما الشخشوخة ميش من عادتنا قاع بصح رجعنا نديروها للضيف أو في المناسبات

janino · 2011-11-28, 11:59

مطلوع السميد باش ينجحلك اختى كى تشمخيه بالماء دافىء ادلكى شوية برك و دعيه يخمر لما يخمر مليح اعجنيه مع اضافة الماء بالشوية و اتركيه 10 د ثم قرصيه و دعيه يخمر مرة ثانية ثم طيبيه

my lamis · 2011-11-28, 13:30

مشكورة ختي janino صح خطرة عجنتها هاكاك بصح السميد كان من النوع اللي مفيهش العلك مصدقتليش

ام مريم الجزائرية · 2011-11-28, 14:54

الله يبارك عليك مراة تاع دار خرجلك هايل وخفيف قوليلي معليش نطيبو في طاجين الجديد ماعنديش تاع الطين
انا نخدمها العجينة هذي بصح نطيبها في الكوشة

my lamis · 2011-11-28, 17:46

إبارك فيك ختي أم مريم نورتي الصفحة و فحلات المنتدى قاع نسا تاع دار و أنت أولهم شوفي ختي منقدرش نقولك طيبيها فتاع الحديد جامي طيبتها فيه حنا منطقتنا يخدمو تاع الطين بزاف و متوافر عندنا على ذيك نطيبو غير فيه و تاع الكوشة تجي مليحة و تجي مليحة بزاف فالكوشة كيما تاعي اللي راني مصورتها كيطيبت قاطو ليدارتو ميميشة هذيك طيب الكسرة روعة