اقتراح ادخلوا شاركوني

[trouble]

i like this idea

[ميرة31]

موضوع جميل ........................
اذا ما حبش اللحم يطيبلك .........زيدي حبة تمر ............او نواة التمر .......راح يولي يتفتت وطري .....

[ام محمد ميدو]

اذا حابة البيتزا طيبلك زين ديريها فوق حجرة سيراميك والفرن يكون سخون ياسر

[السيدة كرمين]

السلام عليكن

شكرا لصاحبة الموضوع الرااااااااااااااااااااائع

و شكرا لأخواتي على النصائع


عن نفسي عندي اليوم 4 نصائح مجربة :

1- اذا حبيتي عجينة الخبز أو البريوش أو بيتزا تكون اسفنجية ورائعة

اضيفي السكر و خليها تخمر على خطرتين كل وحدة مش أقل من 20 دقيقة.

2- لحم مغموم أو مشوي أو محمر لذيذ حتى و ان كان قاسي - نعجة-

ضيفيلو فالدرسة ملعقة خل أو ليمون + ملعقة صويا صوص

3- اذا تحرقلك الأكل مباشرة ضعي القدر في ماء بارد

و انقلي الأكل الى قدر اخرى تبليه واعيدي طبخه ولن يبقى طعم

الحرق وهذا دور الماء

4- اذا كان الأكل اثناء طبخه بانلك مالح و عندك ضياف

اقمسي حبة بطاطا و خليها اطيب فلاصوص راح تمتص الملح

[السيدة كرمين]

عجبتني الفكرة نزيد وحدة برك


لكل تكرهو ريحة البصل و الثوم

عندي طريقة سريييييييييييييييييييعة و نتيجتها أكييييييييدة


قولولي وشي هي



.
.
.
.
.
.

.
.
.
.
.
.

.
.
.

.
.
.
.
.
وش وشي هي

.
.
.
.

..
منقولش هذا سوسبانس يلا


نقول؟؟


لالا


.
.
.
.
.
.
لي تحب الطريقة تكتب عجزت هههههههههههههههههه


يلا راني نسنى

[lyna2007]

المشاركة الأصلية كتبت بواسطة ام محمد ميدو

اذا حابة البيتزا طيبلك زين ديريها فوق حجرة سيراميك والفرن يكون سخون ياسر

اختي ام احمد ماذا تقصدين بحجرة سيراميك dalle de sol ou marbre وهل تطيبيها مباشرة عليها ام تضعي السنوى فوق السيراميك

[ام محمد ميدو]

المشاركة الأصلية كتبت بواسطة lyna2007

اختي ام احمد ماذا تقصدين بحجرة سيراميك dalle de sol ou marbre وهل تطيبيها مباشرة عليها ام تضعي السنوى فوق السيراميك

عزيزتي ام لينا جيبي حبة كارلاج او فايانس وتكوني غاسلتيها مليح وديريها في الفور تسخن مليح وحطي فوقها مباشرة العجينة شفت ياسر لي شيف يطيبو فيها هاك تحياتي ليك

[** موحدة 02 **]

المشاركة الأصلية كتبت بواسطة ام محمد ميدو

عزيزتي ام لينا جيبي حبة كارلاج او فايانس وتكوني غاسلتيها مليح وديريها في الفور تسخن مليح وحطي فوقها مباشرة العجينة شفت ياسر لي شيف يطيبو فيها هاك تحياتي ليك

يا ام محمد راني درتها مرة تكسرتلي الحبة تع الكارلاج بصح حطيتها فوق النار ديركت انت مجربتيها؟؟

[/زهرة عصفور الجنة/]

شكرا على الموضوع القيم للتثبيت مع التقييم

[*أم كوثر*]

السلام عليكم
موضوع مميز ومفيد
ادا تحبي تقلي الباذنجال بلا ما يتشرب زيت وعن تجربة
بعدما تقشريه و تقطعيه ملحيه وزوديلو الملح و حطيه في كسكاس مدة ساعة بعدها رح يطلق كل الماء اللي فيهعاودي اغسليه جيدا من الملح و نشفيه و اقليه
مارح بتشرب الزيت ابدا
لي عودة مع بعض الاسرار

[فتـ حييةـاة]

شكرا على الموضوع القيم سيدتي الا بغيتي تقلي الباذنجان دوائر بلا مايشرب الزيت بزاف اغطسي قرص الباذنجان في بياض البياض قبل قليه الا كاش ماتفكرت راني نزيد نكتب

[فتـ حييةـاة]

سيدتي
1 الا حبيت تقلي الدنجال دوائر بلا ما يشرب الزيت بزاف غطسيه في بياض بيض مضرب اولا ثم اقليه
2 الا كانو عندك ضياف والمرقة تاع الزيتون ولا اي مرقة ما عقدتش وكنت عجلانة نحي شوية مرقة وديري فيها ملعقة مايزية وخلطي مليح ورجعيها فالمرقة وخليها فوق النار راح تثقل بسرعة
3 الا بغتي تتخلصي من روائح الثلاجة وتتحصلي على ثلاجة بدون روائح نقي حبة بطاطا وقسميها على اثنين وضعيها في الثلاجة راح تتشرب كل الروائح
الا بغيتي تحفظي الجلبان كي يكن وقتو.خزنيه في قارورات ماء سعيدة ولا بيبسي ولا كوكا هاكا تحتفظي بيه لمدة طويلة ومايديلكش مكان ف كنجيلاتور الا ماعندكش كونجلاتور كبير

[sofiane2075]

لما تحضري حشوة فيها غرس ضيفيلها قرصة خميرة الحلوة الغرس يبقى طري

[sofiane2075]

لمعرفة ان كانت البيضة جيدة أم فاسدة، اغمريها في الماء، إن طفت فهي فاسدة.

لمعرفة ان كانت بيكربونات الصوديوم صالحة أو لا اعملي اختبارا لها من خلال وضع ملء ملعقة شاي منها في نصف كوب من الماء والخل. إن بدأت بالفوران فهذا يعني أنها جيدة وصالحة للاستخدام.

رش عصير الليمون على شرائح التفاح يجعله لا يتحول إلى الداكن ويظل محتفظا بلونه الطبيعي مدة أطول.

[sofiane2075]

للتخلص من رائحة البيض في الكيك أضيفي ملعقة من العسل أثناء العجين.

أضيفي بعض قطرات من عصير الليمون إلى ماء الأرز أثناء الغليان لتحصلي على أرز أكثر بياضا.

لتسهيل تقشير الخضروات المشوية يفضل وضعها في كيس بلاستيكي لعدة دقائق ثم تقشيرها

أضيف صلصة السلطة قبل تقديمها مباشرة لتجنب ذبولها