عجوزتي حاوزتني من الدار و انا نافس؟؟؟؟ - الصفحة 3

ناشدة السؤدد · 2011-09-22, 23:11

ميشي تروحو تهدرو مع امو من أجل الصلح هي أصلا رافضاتك

الرجال تاع داركم يهدرو معاه هو ، يعني مع زوجك

و الطلاق آخر الحلول

الكثير يغضبو يصدو يتزعكو و ممبعد يوليو
ما نيش نمدلو الحق هو أصلا راهو غالط كيما سمعنا منك نتي

بالصح حاولي بشتى الطرق ما تستسلميش أصلا عجوزك هذا ما تحوس ، خليك منها ظك ، ربي يهديها ، اللي يهمك راجلك
اذا هو في نيتو يقلبك و قبل تسكني وحدك اللهم بارك
و اذا ماقبلش غير تولي معاها و لا ما توليش مره
ولي و خلاص حتى يفرج ربي اصبري و عجوزك تجنبي المشاكل معها هذا ما نقولك ربي يحفظ ابنك و يهدي زوجك و امو

و يصلح الأحوال

ksvdklove · 2011-09-23, 07:42

ادا كان على السكن الخاص مايقدرش يوفرو على خاطر هوا ماراهوش خدام يعني عايش على رحمة باباه
و ماقالليش راكي مطلقة بصح ملي حطني في دارنا مازادش حوس علينا ماعيط في التيليفون

راجي الصّمدِ · 2011-09-23, 07:56

ربّ يفرج عليك أختي ويفتح عليك ويكشف ما بك من همّ وغمّ
لا تتعجبي من ما سأقول...
عليك بالإحسان لأمّ زوجك وبإذن الله ربّي يحنن قلبها إتجاهك إن شاء الله تعالى ...
وعليك بالدعاء أختي ليلا ونهارا...

ksvdklove · 2011-09-23, 13:37

اقتباس:

المشاركة الأصلية كتبت بواسطة جليبيب مخموم القلب

ربّ يفرج عليك أختي ويفتح عليك ويكشف ما بك من همّ وغمّ
لا تتعجبي من ما سأقول...
عليك بالإحسان لأمّ زوجك وبإذن الله ربّي يحنن قلبها إتجاهك إن شاء الله تعالى ...
وعليك بالدعاء أختي ليلا ونهارا...

اخي انا جامي لحقتها بحاجة و اصلا انا نخدم ماشي قاعدة في الدار تسما كانت تسنا غير وقتاش نقعد معاها في الدار باش ديرلي المشاكل و كي كنت نخلص انا نتفكرها و وليدها والله مايتفكرها بالعكس كي نقولو ايا نشرو ليماك هاد الحاجة يقولي خلي ماشي دوك ماكالاه
غلطت في حاجة خليتلها الفرصة باش خربتلي داري
كنت كل ما نتناقش انا و زوجي تدخل بيناتنا نحسها ماراهيش تصلح بيناتنا نحسها حابة تفرق بيناتنا و خليتلها انا الفرصة

صُبح الأندلس · 2011-09-23, 08:36

اقتباس:

المشاركة الأصلية كتبت بواسطة ksvdklove

ادا كان على السكن الخاص مايقدرش يوفرو على خاطر هوا ماراهوش خدام يعني عايش على رحمة باباه
و ماقالليش راكي مطلقة بصح ملي حطني في دارنا مازادش حوس علينا ماعيط في التيليفون

أرى أن الأمور تزداد تعقيدا ، يا أختي و ما الذي جعلك تتزوجين رجلا لا يعمل ؟ العمل زينة الرجل و هذا ما جعل أمه تتمادى في إهانتك لأنهم من يصرفون عليكم و هذا ما جعل أيضا زوجك يرضخ لها فقد أمسكوه من يده التي تؤلمه
الحل أن يبحث عن عمل عندها فقط سيشعر برجولته و بأن له بيتا هو مسؤول عنه

ksvdklove · 2011-09-23, 12:56

اقتباس:

المشاركة الأصلية كتبت بواسطة * اعـتماد *

أرى أن الأمور تزداد تعقيدا ، يا أختي و ما الذي جعلك تتزوجين رجلا لا يعمل ؟ العمل زينة الرجل و هذا ما جعل أمه تتمادى في إهانتك لأنهم من يصرفون عليكم و هذا ما جعل أيضا زوجك يرضخ لها فقد أمسكوه من يده التي تؤلمه
الحل أن يبحث عن عمل عندها فقط سيشعر برجولته و بأن له بيتا هو مسؤول عنه

انا كي عرفتو كان يخدم لاباس بيه
و باش يصرفو عليا انا امراة عاملة تسمى انا صرفت كيما يصرفو هوما ولا اكتر
وعلابالو بلي دراهمنا كيف كيف تسما لوكان اوقف معايا مانخليهش كي انا كي الاهل ديالي
و لقالو ابي عمل في منصب بسيط ولكن حكومي -حارس- بصح ماحبش يعمل و كي قلتلها للام ديالو ماسياتش تقنعو

imi02i · 2011-09-23, 08:08

أسأل الله أن يهدي حمآتك وزوجكـ

هذآ مـــآ علي قوله

ولو كآنت باليد حيلة لكنت أول من يمد لكـ يد العــــــــون

توكلي على الله وأسلمي أمركـ للهـ

وتيقني أن مآكتبه لكـ خير ....

تخيلـــــــي وآحد جآرنـــــــآ

رجل سكـــــــير بمعني الكلمة

حيآتو كآمل شرآبـ

وكيجي في الليل ينوض أولادو وزوجتو ويخرجهم للشآرع في عز الليل ...

ويديهمـ للمقبرة ويخليهم لثمـــــــآ

ومرآتـ يقلهم غنو في الشآرع...

النآس رآقدة وهومــــآ لاهيين يدورو معاآه

عيشهم المنكر بأم عينه

لدرجة أن أحد بنآته في عمري توفيت العآم المآضي وقيل أنها انتحرتـ

وكمـ من مرة يضرب ويقتل زوجتهـ

وفي مرة تلاقيت بيهــآ جايبة إبنهـــــآ بآلغ العشر سنوآتـ راح تطهر فيه خفية على زوجها

ورغمـ أن أهلهــــآ أمرروها بالطلاق ووعدوهــــــآ بحيآة جيدة

إلا أنـــــها رفضتـ ذلكـ ....

تيقني أختـــــي إذآ كنت تفكرين في الطلاق فهو أبغض الحلال

والغآية منه الصلح ...

كل ما عليكـ أن تفكري في مصيركـ ومصير ولدكـ

كيف سيكون إن أكملتـ معه حيآتك أو إن طلبت الطلاق

ثم أول وآخر مـآ أنصحك بهـ

الــإستخآرة

والله لا خير من أن تستشيري ربكـ في أمركـ هذآ

ام ظافر · 2011-09-23, 09:07

اولا اختي الحضانة تاع الطفل ليك انت ما لم تتزوجي من رجل اخر وهذا طبعا لم يحدث لانك اصلا ما طلقكش
ثانيا اذا طلقك لالالازم يوفرلك بيت للحضانة تاع الطفل او يعطيك حق الكر اء لبيت تمارسي فيه حق الحضانة ويعطيك النفقة تاع الولد
ثالثا نقولك ما تخافيش بما انه ليس عاملا ما راحش يقدر على مصاريف الطلاق لان قانون الاسرة الحالي يحتم على الاب اشياء كثيرة ترهق كاهله ويخمم الف مرة قبل ما يطلق وياما ازواج حاملين المر غير لانهم ما يقدروش على مصاريف الطلاق
رابعا واهم حاجة انك تكوني مسيسة معاه هذه الايام وتحاولي تعكسي الامور ليك وانساي شوي كرامتك لانك غايبة على عينو وزيد امو راهي الان ناشطة باش تطلقك منو بمعنى كلميه كلام حلو وقوليلو مثلا ابنك راهو يشبهلك كثيييرمن حبي ليك حتى جبت واحد كيفك تماما وما توحشتش تشوف وليدك لانو هو توحشك اكيد مثل امو وهكذا اختي اعفسي على قلبك وما تخليش خلاص بابات وليدك يضيع منك
وفهميه بانك تستناي فيه عند دار باباك حتى يلقالكم حل فقط
واخيرا لازم يدبر عمل حتى يقدر يواجه امو ويكريلكم منزل مستقل لانو اذا ما خدمش راح تبقى المشاكل نفسها وزيد تتازم الان مع وجود طفل
واخيرا اختي انت روحي للمحضر القضائي يعملك اثبات حالة بلي راكي مقيوسة انت ووليدك في دار باباك وما يصرفش عليكم هذه الورقة خليها اذا تازمت الحالة وطلقك تلقاي هذه الورقة تفيدك واذا رجعك قطعيها وانساي الامر

ksvdklove · 2011-09-23, 13:04

اقتباس:

المشاركة الأصلية كتبت بواسطة ام ظافر

اولا اختي الحضانة تاع الطفل ليك انت ما لم تتزوجي من رجل اخر وهذا طبعا لم يحدث لانك اصلا ما طلقكش
ثانيا اذا طلقك لالالازم يوفرلك بيت للحضانة تاع الطفل او يعطيك حق الكر اء لبيت تمارسي فيه حق الحضانة ويعطيك النفقة تاع الولد
ثالثا نقولك ما تخافيش بما انه ليس عاملا ما راحش يقدر على مصاريف الطلاق لان قانون الاسرة الحالي يحتم على الاب اشياء كثيرة ترهق كاهله ويخمم الف مرة قبل ما يطلق وياما ازواج حاملين المر غير لانهم ما يقدروش على مصاريف الطلاق
رابعا واهم حاجة انك تكوني مسيسة معاه هذه الايام وتحاولي تعكسي الامور ليك وانساي شوي كرامتك لانك غايبة على عينو وزيد امو راهي الان ناشطة باش تطلقك منو بمعنى كلميه كلام حلو وقوليلو مثلا ابنك راهو يشبهلك كثيييرمن حبي ليك حتى جبت واحد كيفك تماما وما توحشتش تشوف وليدك لانو هو توحشك اكيد مثل امو وهكذا اختي اعفسي على قلبك وما تخليش خلاص بابات وليدك يضيع منك
وفهميه بانك تستناي فيه عند دار باباك حتى يلقالكم حل فقط
واخيرا لازم يدبر عمل حتى يقدر يواجه امو ويكريلكم منزل مستقل لانو اذا ما خدمش راح تبقى المشاكل نفسها وزيد تتازم الان مع وجود طفل
واخيرا اختي انت روحي للمحضر القضائي يعملك اثبات حالة بلي راكي مقيوسة انت ووليدك في دار باباك وما يصرفش عليكم هذه الورقة خليها اذا تازمت الحالة وطلقك تلقاي هذه الورقة تفيدك واذا رجعك قطعيها وانساي الامر

ربي يخليك اختي ام ظافر فرحتيني بزاف

chahrazed-m · 2011-09-23, 10:16

اختي ربي يصلح احوالكم
ومدام قلتي مش خدام وما يقدرش يديرلك دار وحدك وامو قاتلو مانسحقهاش ترجع عندي
اكيد حتى هو راه يخمم في حل لهاد المشكلة

واذا رجعتي راح ترجعي عندها ربي يصبرك

وبالنسبة لسؤالك على الطفل
مايقدرش ينحيهولك الا اذا تزوجتي مرة ثانية

ksvdklove · 2011-09-23, 13:12

اقتباس:

المشاركة الأصلية كتبت بواسطة chahrazed-m

اختي ربي يصلح احوالكم
ومدام قلتي مش خدام وما يقدرش يديرلك دار وحدك وامو قاتلو مانسحقهاش ترجع عندي
اكيد حتى هو راه يخمم في حل لهاد المشكلة

واذا رجعتي راح ترجعي عندها ربي يصبرك

وبالنسبة لسؤالك على الطفل
مايقدرش ينحيهولك الا اذا تزوجتي مرة ثانية

امين يا ربي

مطيعة الرحمن · 2011-09-23, 13:29

ختي متزعفيش من واش رايحة نقولك
لانه رانا نطرح في الاراء نتاعنا غير على جال نلقاولك حل
رايحة نسقسيك حاجة و صارحيني بيها
نتي قلتي انا نشتغل من الصباح حتى العشية و نصرف و و ...................
نهار لي شفتي عجوزتك دارت هدا الموقف معاك حاولتي تحكي معاها و تسقسيها واش هو السبب لي خلاها تعاملك هكدا؟
لخاطرش كاين شي ناس مين يشوفوا مشكل ماشي يحاولوا يستفسروا على السبب و انما يبعدوا و يجبدوا و يخافوا و هدي غلطة كبيرة في رايي
الام هي بطبيعتها تتعامل بشوية خشونة مع زوجة الابن نتاعها تحس بلي ولدها مرجعش مهتم بيها و انه يبحث على الزوجة نتاعوا فقط
و الزوجة الدكية هي لي تفطن زوجها بضرورة انه يواصل حواره مع الام نتاعه مثما كان قبل الزواج
دروك راه عندك وليد و مدام ماصراش طلاق حاولي تخلي كبرياءك في جيهة و خمي بمنطق كيفاش ترجعي لبيتك لانه الطلاق ماشي ساهل
و كيما قلتي ظروف العائلة بسيطة غير بالسياسة قولي لزوج و ستفسري منه على الاسباب لي خلت الوالدة نتاعه تعاملك هكدا
خاصة و انك كنتي تعرفيه قبل الزواج و نورمالمو تعرفي عقليتو كيفاش تمشي
و ربي معاك

ksvdklove · 2011-09-23, 14:30

اقتباس:

المشاركة الأصلية كتبت بواسطة مهندسة29

ختي متزعفيش من واش رايحة نقولك
لانه رانا نطرح في الاراء نتاعنا غير على جال نلقاولك حل
رايحة نسقسيك حاجة و صارحيني بيها
نتي قلتي انا نشتغل من الصباح حتى العشية و نصرف و و ...................
نهار لي شفتي عجوزتك دارت هدا الموقف معاك حاولتي تحكي معاها و تسقسيها واش هو السبب لي خلاها تعاملك هكدا؟
لخاطرش كاين شي ناس مين يشوفوا مشكل ماشي يحاولوا يستفسروا على السبب و انما يبعدوا و يجبدوا و يخافوا و هدي غلطة كبيرة في رايي
الام هي بطبيعتها تتعامل بشوية خشونة مع زوجة الابن نتاعها تحس بلي ولدها مرجعش مهتم بيها و انه يبحث على الزوجة نتاعوا فقط
و الزوجة الدكية هي لي تفطن زوجها بضرورة انه يواصل حواره مع الام نتاعه مثما كان قبل الزواج
دروك راه عندك وليد و مدام ماصراش طلاق حاولي تخلي كبرياءك في جيهة و خمي بمنطق كيفاش ترجعي لبيتك لانه الطلاق ماشي ساهل
و كيما قلتي ظروف العائلة بسيطة غير بالسياسة قولي لزوج و ستفسري منه على الاسباب لي خلت الوالدة نتاعه تعاملك هكدا
خاصة و انك كنتي تعرفيه قبل الزواج و نورمالمو تعرفي عقليتو كيفاش تمشي
و ربي معاك

انا ماقلتش نصرف عليهم يعني انا نوكلهم لالا اختي مانكذبش بصح ماشي راقدة و تمونجي يعني كي ماقدرتش نعاونها في حاجات شريتلها حاجات ينقصو عليها و زيد انا غير تزوجت حملت بابني يعني بديت نتوحم و هيا اصلا ما كانتش حابة تزوجو و كي زادت سمعت بلي راني بالحمل قريب قتلتني ديرلي غير العفايس اللي يقدرو يطيحو البيبي و كي بديت نتوحم جاني الوحم على الرقاد و ادا جربتي فترة الوحم تحسي بيا يعني كنت معيشتني في الحبس لو كان جيت قاعدة في الدار كانت تهبلني و طيحلي البيبي
كي خرجتني من الدار قالتلو وليدي ماتخافش نجيبلك العدرة اللي تبوسلك رجليك و كي وقفت عند الباب خارجة نحاتلي وليدي تبوس فيه وقالتلو " وليدي كي تكبر تجي عند مانك يعني جدتك" يعني خلاص ماشي ناوية على صلح ماعلابالكش الاحساس تاعي لتم كيفاش كان قلتلها حسبي الله و نعم الوكيل
هادي ام تخاف على وليدها راهي خربتلو دارو و يتمتلو وليدو كبدة تاعها كانت تقولوقلبي هل يا ترى تسمحي في قلبك
راني ام باذن الله ربي يقدرني و مانديرش هاد الغلطات اللي راهم يصرلو فيا
حتى و فرضا انا راني غالطة معاها مئة بالمئة تحاوزني كانت تقولي راكي كي بنتي علاش تقدر تحاوز بنتها كانت تقولي هادي دارك تقدر تحاوز واحد من دارو و ترميلو حوايجو ولوكان جيت براسي معليش راني خدامة لاباس بيا جيت بولد انا كبرت في وسط والديا و خاوتي و هوا ؟؟؟؟؟؟؟؟؟؟؟؟؟؟؟؟؟؟؟؟؟

أم احمد3 · 2011-09-23, 13:55

ارى ان تعاملها بالحشونة ختى ترى منك انك لست سهلة وزوجك ديريلو خطة تسيطري عليهم كلهم ومتخافيش الى شعروا بخوفك يغلبوك ديريهم شغل شاغل لما يعرفو بلي راكي واعرة ثما ميدرولك والوا حتى زوجك من لم يسر في الطريق الحق لا يخاف منه بالشدة على الياء طبعا

قمة نفسي · 2011-09-23, 14:11

اقتباس:

المشاركة الأصلية كتبت بواسطة ksvdklove

المشكلة تاعي هي انو عجوزتي تتدخل في كل حاجة اسمحولي يا امهات واش راني رايحة نهدر بصح والله العظيم غير راني نقول الحق
عجوزتي كلما نكون نتناقش مع الزوج ديالي تتدخل بدون اذن و تزيد الطين بلة دايمن تقولي هوا عندو الحق رغم انو يلحق يضربني قدامها و تقولي بلعي فمك النسا كامل ينضربو و يسكتو و يزيدو يتحاماو هي و الدار كامل
كل ما يدخل زوجي للغرفة الزوجية تدخل بدون استذان جامي سيات تصلح بيناتنا دايمن تعمرو عليا مادارتش مافعلتش رغم اني والله غير تقولي موتي نموت ديري ندير من النهار اللي رحت لعندها وهيا تعس فيا واش ندير ادا دخلت للمرحاض حاشاكم تعسني و خلي اللي تفتح عليا باب الغرفة تاعي بلا ما طبطب و كي تلقاني ماشي لابسة تقولي استري روحك ماتحشميش و انا في الغرفة تاعي ؟؟؟؟؟
و المليحة فيهم حاوزتني من الدار قدام راجلي و هوا ماهدر والو قالي وجدي حوايجك و اداني لدارنا و انا عندي 5 ايام ملي خرجت من فترة النفاس يعني يتمتلي وليدي في عمرو شهر و هادا كامل عجوزتي اختينا و تزيد تصلي النوافل
انا راني رايحة نهبل سورتو كي راجلي قالي نديك يامات و نرجعك قالتلو مانسحقهاش تولي لداري هادا كامل و انا والله مالحقتها بحاجة والله والله مادرتلها حاجة و كي جاو الاهل تاعي يسييو يصلحو بيناتنا حطتلهم سعدهم في يدهم و زادت قالتلهوم ماكاش الصلح و خلاص بيناتهم و زادت قالتلو ادا حبيتها يعني انا تبعها و روحو برا و انا وليدي قلتلكم في عمرو شهر
الحل؟؟؟؟؟؟؟

اول شي ابغى انصحك فيما يخص قصتك ليش طرحتيها بكل التفاصيل فيكي تحكي ورح نفهم بس بليز

ما يسير نقول التفاصيل ونخدش كرامتك وحياء المتلقي

نصيحة لك خلي زوجك يكريلك برا ولو رجعتي حاولي ترضي عجوزتك لانها اذا ما كانت راضية على ولدها صدقني رح تعيشي في

ضنك رغم كل شي عملته هي ام ورضى الام من رضى الله

الله يسهلك اختي