لكل من تقلق عليا - الصفحة 3

kelly2929 · 2011-09-21, 16:55

نقدر راني مالفا ندي وش نحب بحلاوة لسان بصح
كي نتفكر سمانة كاملة ماعيطش وهو عندو الغراتوي يحكمني الهبال

آلاء النايلية · 2011-09-21, 16:55

kelly2929 · 2011-09-21, 16:57

والله انا روحي مش فاهمتها

kelly2929 · 2011-09-21, 16:58

ألاء وليتي زورو

آلاء النايلية · 2011-09-21, 16:59

هههه لالا هاذي انت هههه
تجي ثانية و تختفي علينا

kelly2929 · 2011-09-21, 17:01

البنات راني رايحة ماما تعيطلي في الليل ان شاء الله كي عود جديد راني نقولكم وبربي ان شاء الله منطولش عليكم باه ماتتحيروش
آلاء الناس الكل قالوهالي نع ماتقدروش تعيشو بلابعضاكم

آلاء النايلية · 2011-09-21, 17:02

صح كاين منها ربي يخليكم لبعضاكم
اذا تلاقينا مبعد نزيدو نحكو فيها ان شالله

charachoucha · 2011-09-21, 18:18

يا بنات اسمحولي على التدخل لكن ماكاش منها هادي نتاع ميخليكش تخرجي مع صحابانك و زيد مع ماماك علاه هو يخاف عليك اكثر من والديك هادي مستحيل واحدة متقنعني بيها و الحاجة اللي يخلوني والدي نديرها هي الصواب
علاه قبل ما تعرفو ماكانتش بنت فاميلا علاه هاد الشك كامل و علاه هاد البرودة في التعامل علاه يعني احلى اوقات هي نتاع فترة الخطوبة علاه يعني تفوت بهاد الشكل
اختي كيلي علاه تقعدي ساكتة فهميه و قولي كلش كاين في قلبك و كون تاخدي رايي متدخليش ماماك في لافار و كون تجوزيهالو و هو ميدبر حتى شيء جدبد يسمى حاجة كبيرة ميديرش قيمة لماماك و التم يعود ماكاش حل بيناتكم الاحسن خلي والديك بكرامتهم احسن
و نعطيك نصيحة مهما تحبي الراجل متحبيهش اكثر من روحك او من والديك و انت ادرى و انا اسفة على الازعاج

قوية بايماني · 2011-09-21, 18:26

كيلي حنونة حبيت نمدلك نصيحة في وجه الله كوني صبورة وتعلمي طولت البال على بالك هذا الشي من واش ناتج من الوحش والله يا كيلي وماشي غير نتي انا راجلي شتي واش حكيتي نتي على خطيبك هاكاك وبالاك كتر فالول كنت نتقلك بصح دوكة والفت وعرفت حاجة بلي هو الصح في حياتي وما يدوملي غير هو كلش فاتي صحباتك الخرجة داركم.........
هديك وسمها عزت نفس الراجل بصح لوكان اجيه بالملاحة رايحة تكسبيه نتي سيي ديري واش يقولك ولا ماشي لازم تعلميه بكلش كيما صحاباتك جايين ليك متقوليلوش باه تبعدي المشاكل وكي تحبي تخرجي اعرفي كيفاش تهدري معاه ولوكان مجاش يحبك والله مراح يضغط عليك هاكة سيي تفهميه لخاطر لوكان هذا الانسان يحبك مننصحكش باش تبعدي عليه مرايحاش تعاودي تلقاي واحد يحبك كيما هو...............سمحيلي طولت عليك بصح والله غير راني حاسة بيك انا صراتلي وبلمساعفة فاتت ودوكة عدت ندير واش نحاب غير تسقسيه برك
مرانيش حاباتك تخسريه على جال حاجة تقدري تسقميها

قوية بايماني · 2011-09-21, 18:29

اختي شراشوشة هدي وسمها غيييييييييييييييييرة والراجل الي يحب مرتو لوكان يصيب النسمة متفوتش عليها حب والديها ماشي كيما حب راجلها اسمحيلي
وخاصة مع المجتمع ديالنا ولا ميرحمش وين ولا كي ينبش فيك طفل تقوليلو مرت راجل يقولك وريلي الليفري هنا واش بقا مجتمعنا فسد والراجل من حقو يخاف على مرتو وخلي وخلي بلا منحكيلك راكي عارفة شوارعنا

charachoucha · 2011-09-21, 18:45

علاه كي تلبسي لبسة محترمة و تكون النظرة نتاعك نتاع وحدة متزوجة و ماشي نتاع تمسخير و الله يحترموك شوية
و الغيرة عندها حدود علاه الراجل اللي مخلي مرتو تخدم هادا ميغيرش عليها او ميحبهاش لالا و زيد كاين فرق بين الغيرة و الشك و زيد علاقتك براجلك متمنعكش انك تكون عندك علاقات اخرى مع صحباتك او عائلتك و كون يكون يحبك راه يحبلك الخير و يحبك تزهاي مع خواتاتك و صحاباتك في حدود المعقول ماشي يديرلك حبس و يعيشك فيه و زيد هنا برك في المنتدى نتاعنا كاين بنات يخدمو و هوما بنات فاميلا و محترمات و مخطوبات و رجالهم يموتو عليهم

آلاء النايلية · 2011-09-21, 19:09

شارا شوشا في اللول كنت نقول كسيما انت
بصح من بعد على حساب كلامها لقيتو يحبها.. بصح عندو عزة نفس زايدة و بالاك يشوف فيها هاديهي الرجله يعني كي يمشي كلمتو
في رايي هو مش راح يتبدل لكن كيللي لازم تبدل في اسلوبها معاه شوي و تتحمل حتان يتبدل... في البداية كرهتو هاد السيد خاطر حسيتو يشك فيها و لاعبها عليها
بصح من بعد بانلي العكس ولله أعلم

آلاء النايلية · 2011-09-21, 19:14

اقتباس:

المشاركة الأصلية كتبت بواسطة charachoucha

علاه كي تلبسي لبسة محترمة و تكون النظرة نتاعك نتاع وحدة متزوجة و ماشي نتاع تمسخير و الله يحترموك شوية
و الغيرة عندها حدود علاه الراجل اللي مخلي مرتو تخدم هادا ميغيرش عليها او ميحبهاش لالا و زيد كاين فرق بين الغيرة و الشك و زيد علاقتك براجلك متمنعكش انك تكون عندك علاقات اخرى مع صحباتك او عائلتك و كون يكون يحبك راه يحبلك الخير و يحبك تزهاي مع خواتاتك و صحاباتك في حدود المعقول ماشي يديرلك حبس و يعيشك فيه و زيد هنا برك في المنتدى نتاعنا كاين بنات يخدمو و هوما بنات فاميلا و محترمات و مخطوبات و رجالهم يموتو عليهم

اسمحيلي ختي
كي يزير عليها في حكاية الصحبة و الخلطة راني معاه و حتى الخرجه
و حكاية متخردجش مع دارهم هادي زادلها بصح نضن هو ميفهمش في معاملة الطرف الآخر مش حكاية شك وللا كره...

حمدا لله كثير · 2011-09-21, 19:18

w meme ana za3fana madkartiniche hhhhhhhhhhh
lalala ani nadhak bark
wallah rabi ysahal al omour nchaleh w yasarha goulo amine
w taraj3ou kima bakri w khir w khire nchaleh

حمدا لله كثير · 2011-09-21, 19:19

meme ana ngoul awe yehabek matkhafiche awe gribe yfaraj rabi
goulo amin