السر الحقيقي وراء هزيمة المنتخب الجزائري..

[لوجين]

كاانوا خارج مجتال التغطية لم يقدموا شيء
هذي هي نتيجة التدرب في إسبانيا لبرازيل وألمانيا ما يروحوش يدربوا فيه كون داوهم للصحراء الجزائرية يدربوا خير رغم أن هذا الكلام يأسفني ويألمني وكنت من أكثر من يعترض عليه لكن مباراة الأمس بينتلي أن لاعبينا شبعوا دراهم وتحواس درك هم يخموا كيفاه يزيدوا يلموا شوية دراهم من الخليج ويعتزلوا وكلش نورمال عندهم والحسرة والحزن نديوه حنا.............. وحتى حنا نفخناهم بزاف كون في كل مرة يخسروا فيها الجمهور يقلبلهم النهار ليل كانوا على الأقل يلعبوا خوفا لما منتخب إنجلترا خسر ولعب مباراة سيئة الجماهير الإنجليزية قاطعت اللاعبين حتى لما يخرجوا للمحلات يشريو صاحب المحل ما يهدرش معاهم يبيعلهم في سكوت أما حنا يخسروا ونزيدوا نحتفلوا بيهم ونبرر لهم الهزيمة وفي كل مرة نمدولهم عذر حتى خلصناها هكذا تبهذلنا وتشفا فينا لي يسوى ولي ما يسواش

[silya28]

يا جماعة كل واحد حر في حياتو ................. يحوس على الشهرة ولا يسبغ شعرو و لا يبات يرقص ما يعنيناش هاد الأمر .............
المهم أنو يسجل و يلعب مليح
زعما كيما هو يحب الشهرة راو يمركي ........ هاكدا يولي مشهور ..............
بصح ماشي بيديهم هوما حاولو و الله غالب ............. الإختيارات ماشي في محلها ............................. اللاعب راو نهارات /// أيام مليح و أيام لالا .................................................. ............................................ بصح المدرب كان لازم يعرف اللاعب لي ماهوش في نهارو باش يبدلو هاداك ماكان


////
///
//
/
بصح بخصوص شكلهم ولا طريقة تفكيرهم ........................ اسمحولي .... واحد ماعندو الحق يدخل فيهم

[يبدا]

اه ربي يهدي من يشاء وخاصة عنتر يحي كارثة المبارات
وبن شيخة ذاك مانحكوش عليه ماعدوش القلب خلاص علاه يدير فينا هاك

[علالينو]

و الله كل شيئ صح

[قلب متعلق با لله]

السر هو خطأ المدرب بن شيخة

[حكيم12]

السلام عليكم أعتقد أول مسؤولية يتحملها بن شيخة في وضع الخطة المناسبة واختيار اللاعبين الجاهزين والوقوف على معاينة الخصم وهذه النقطة هامة جداتتوقف على عدة عوامل أهمها:
-تحديد قوة الخصم ونقاط ضعفه
-عدم تجاهل عامل الجمهور لأنه اللاعب رقم12
ثاني مسؤولية يتحملها بعض اللاعبين في عدم تقديرهم لعزيمة الخصم و أقول عزيمة الخصم لأن الفريق المغربي لعب بإرادة جد قوية وكل لاعب كان همه الفوز على الجزائر ولو ب1 مقابل0 ورأينا ماذا تصنع الإرادة.
- ثالث مسؤو لية يتحمّلها الإعلام الذي اوهم اللاعبين والجمهور وحتى المدرب بن شيخة بأن المباراة ستكون سهلة وان المنتخب المغربي يمر بمرحلة عدم إستقرار و الظروف مهيأة لاستغلالها.....
والله أعلم

[sara_hind]

انا تبانلي السر مشي في المدرب
السر في اللاعبين ماعندهمش ديفونس و تاني كاين ملاحظة غاع الناس لاحضتها و هي لما يتسجل الهدف الاول على الجزائرين يفشلوا اللاعبين و يصيروا غييجروا و يهبعوا و هتدي حتي مصر لاحظتها
و قالوها في التلفزيون
و بركاو ما تغطوا عليهمو تقولوا سحور هادي لافوت نتاعهم....................حشمونا الله لا يردهم

بااااااي

[غنوم]

السر هو


البدلة الخضراااااااااااااااااااااااااااااااااااااااء راهي وجه نحس

[الصابرينال13]

بن شيييخة والدفااع
مفهمتش حتى وشني الطريقة لي لعبو بيها والله يا هذاك لي سماااه مصطفى الجهة نتاعو حرثوها حرث رايحييين جايين
بوقرة مشفتوووش خلاااص وعنتر يحيى كااااااااااااااااااااااااااااااااااااااااااااااااا اااااااااااااااااااااااااااااااااارثة

[خيري 12]

[ميلانو]

المشاركة الأصلية كتبت بواسطة زهرة 29

اهلا ميلانو

عاش من شافك يا خويا

نورت الموضوع


شكرا لتحليلك المميز

ياسحرااااااة على يامات زمااااااااااااان من كنا نفرحوا مع المنتخب

والله العين الشريرة تلعب دور

من يوم ما رحنا للمونديال والمنتخب ليس بخير


حرمونا من حلم الكان


الله يرحم ايام الفرحة


شكرا لك ميلانو ..

اهلا اختي زهرة والله الموضوع منور بيك وبكل الاعضاء
لا شكر على واجب
والله هديك ليامات متنعادش وعندنا الزهر كي عشناها وشعرنا بها
والله صح كينا عين ضربتنا وعمل معمولنا هدا امر مش نورمال هداك جبور تقول مدعي ولا مسحور التحراك مقدرش يتحركو
والله تبهديلة وانا البارح نتفرج في الاخبار كلهم فرحون لخسارتنا والعناوين تتهاطل هداك يقول خسارة العار والاخر خسارة الدل والمهانة .......
ومسكين بن شيخة غاضن في لقطة املا في المؤتمر عقد في المغرب بين بن شيخة ومدربهم كان بن شيخة قاعد وحداه مكروفونين وغيغرس كان يهضر فتوجه شخص نحو بن شيخة واخد المكروفونين ووضعهم امام مدرب المغرب وبن شيخة يتفرج مسكين عومل ك........والله مرق وين يحط وجهو مسكين
والله هدى المباراة راحتلنا هكداك والله كنا نقدروا نربحوا واش تحبى سحرونا 2 اهداف كانو حيدخلوا واصطدموا في العارضة

[هالة القمر]

السر هو الغرور و عدم الإنقياد للدين و العروبة و عليه جازاهم ربي
واحد موشوم و واحد يسب و احد ما علاباليش واشنو
تاوعنا تاع زمان التأهل كانوا يدعوا ربي باه يفوزو ما شي كيما تاع الزمان هاذا يعتامدو على الخمر و المنشطات لا سمح الله

[مانو]

المشاركة الأصلية كتبت بواسطة ميلانو

اهلا وردة واش راكي واش هدي الغيبة يخى قلنا منزيدوش نغيبوا عن المنتدى ...........ولاكن الان اعتقد اننى ساغيب كثيرا لان كل شئ انتهى ولا فائدة من المناقشات والمنتخب فارغ يجوق
اسباب الهزيمة حسب راى
السبب الاول هو غلطة بن شيخة في اقحام دالك اللعب الي سميوه جبور فهو لانفع له في المنتخب وزيد حطو في الهجوم ههه وقالك نسجلوا
ثانيا الضغوطات التي كان تحتها بن شيخة حيث اخد اعتبار من سعدان فترك الدفاع وركز على الهجوم حيث ان الشعب الجزائرى كان دايما يحتم على سعدان الهجوم
وها نحن نكتشف ما كان سعدان ينوى قوله هو ان المنتخب ضعيف ولا يمكن الفوز به والحل هو الدفاع للخروج بتعادل فقط ونظافة الشباك
ثالثا هو عدم اهتمام الاعبين بالفوز او بشعور الشعب الجزائر ليست عندهو الروح القتالية من اجل افراح الجزائر داخلين يجريو برك دون هدف ولعلا هدفهم الوحيد هو النقود فقط ما عدى بعض الاعبين

ههههههههه وانا معك

[مصطفى أبو17]

يا جماعة الخير ماتنساوش الريال وما أدراك كريستيانو .... وخسرت 5-0 ، الأرجنتين + إنجلترا وما أدراك وخسروا 4-0 هذه مجرد حساسية فقط كي ولات مع المغرب
أنا أنقولكم السر ، أرجعوا للتاريخ يقولكم باللي احنا والمراركة نديوها بالدالة مرة لينا ومرة ليهم .
احنا العام اللي فات درنا حالة ، المرة هذي ليهم يديروا حالة .

[مانو]

هه لكن ليس بالطريقة هده الريال اعادت اعتبارها لكن منتخب مونديالي يخسر امام المغرب وافريقيا الوسطى