الى الفتيات ..........هل تقبلي أن يخطبك شاب متخرج و لم يحصل بعد على وظيفة...جاوبي بصراحة - الصفحة 3

نوار الصباح · 2011-04-09, 17:18

انا نقبل اذا كان انسان لاباس بيه يعني عندو غير مشكلة العمل وبما انك تقول كمل قرايتو نصبر معاه حتى يفرج علينا ربي ونقولك ننخطبو كي يصيب خدمة نتزوجو لكن نتزوج بيه دون خدمة اكيد لالالا المعيشة راهي غالية ومحال تعيش عائلة دون خدمة هذا راييي

اسيل · 2011-04-09, 17:19

انا حسب نظري لابد من عمل حتى ولو كان في قطاع الخاص 15000دج خير من مكانش توكل على ربي وابدى ابحت في القطاع الخاص احسن من انتظار المسابقات ولا تفوت الفرصة ان وجدت امامك مسابقة وانشاء الله تلم روحك ووتزوج بلي حابها قلبك

عُضو مُحترم · 2011-04-09, 18:30

ههههه راحت عليا

على حساب الشوفة

نموت عازب

medmay86 · 2011-04-10, 14:59

اقتباس:

المشاركة الأصلية كتبت بواسطة *الفتى الصغير*

ههههه راحت عليا

على حساب الشوفة

نموت عازب

و الله غيل قتلتني بالضحك.

thorpe · 2011-04-09, 18:37

انا كون تتقدملي فتاة عندها وضيفة اكيد سوف يقبل اهلي وسوف اقبل ونوعدهــــا بلي مايكونش هناك شروط والمهر الي تقدمهولي رايح يكون معقول ليسونسيال تكون عندها فيلا فيها لابيسين هههههه

اييييه يا خويا ربي يكون الخير انقلبت الموازين الشركة الي نروحلها يقولولي يقبلو غير البنات للخدمة خليها عند ربي برك

ramzis · 2011-04-09, 19:15

السلام عليكم

والله غير قريت هذا الموضوع وليت نخاف من الزواج حتى ونعود خدام ما شكيتش نزوج.. ياناس الرزق راه على ربي هو لي يعطي الرزق وهو لي ينحيه ولو كان واحد تزوج وهو خدام وبعيد الشر راحت الخدمة كيفاش يصرى ؟؟؟
لاه في حياتكم اسمعتو بعايلة ماتت من الجوع ؟

واذا عاد كاين انسان في هذه الدنيا يبقى طول حياتو بطال فهذا اعتبره انسان غير عاقل و غير سوي. و نعني بالبطال لي يضال راقد ومايقدرش حتى يصور حق خبزة

الأمل الحقيقي · 2011-04-09, 19:40

اقتباس:

المشاركة الأصلية كتبت بواسطة ramzis

السلام عليكم

والله غير قريت هذا الموضوع وليت نخاف من الزواج حتى ونعود خدام ما شكيتش نزوج.. ياناس الرزق راه على ربي هو لي يعطي الرزق وهو لي ينحيه ولو كان واحد تزوج وهو خدام وبعيد الشر راحت الخدمة كيفاش يصرى ؟؟؟
لاه في حياتكم اسمعتو بعايلة ماتت من الجوع ؟

واذا عاد كاين انسان في هذه الدنيا يبقى طول حياتو بطال فهذا اعتبره انسان غير عاقل و غير سوي. و نعني بالبطال لي يضال راقد ومايقدرش حتى يصور حق خبزة

أنتظر بعد 4 أو 5 سنوات وترى بعينك ماذا سيكون عليه الحال في بلد الميلون ونصف مليون شهيد ولالا نسومر

وحسيبة وغيرها

مطيعة الله · 2011-04-09, 18:51

كل واحد واش كتبلو ربي في هدي الدنيا
بلاك مايكونش خدام او كي يزوج مرتو تربح عليه
اللهم اهدينا ليما تحبه و ترضاه

samira43 · 2011-04-09, 18:53

لم افكر في الامر قبلا
لكن المادة اكيد ليست مقياس نعتمد عنذ كل الفتيات

كلما كانت الاخلاق عالية كلما نقص النظر في الماديات

و للاسف هته الاخيرة و الله نقصت كثيرا عند شباب اليوم

كما ان المادة طغت عند الكثير من العايلات و البنات و الذكور كذلك
ربما قبلا كنت لاقبل بذلك سابقا
لكن و بصراحة ذات مرة كان سؤال من بنت في فتاوى على الهوى لي تبثها اليتيمة
و كان جواب الشيخ جد مقنع
و هو انو لازم يكون الشاب واجد باه يتقدم للزواج

يعني الخطبة و هو غير واجد ما الفائدة منها
و هو ما يجعل فترتها تطول كثيرا و هو ما يتسبب بمشاكل عديدة و متنوعة
كما انه المظلوم الكبير فيها هي البنت التي لا تجد من يعوضها عن سنوات شبابها ان لم يج العمل
و يبقى كل شي مكتوب
قادر بمجرد يخطب يجد عمل و حصلت كثيرا
و كاين لي خطب و ضيعلها سنوات من عمرها و م بعد بطل و راحت تزوجت باخر
و كاين لي كان يخدم و حبس بعد ماخطب
و كاين و كاين

ربي يفرج على شباب المسلمين و يكف المفسدين عن السرقات و اختلاس الملايير دون اي استثمار

الأمل الحقيقي · 2011-04-09, 18:58

بارك الله فيك أخي.

أقول لك بصراحة وصلنا لمرحلة صعبة فتياتنا مخيرات بين أمرين لا مفر منها بإعتبار أن أغلب الشباب لا يعملون ولا يملكون سكنا :

إما أن تتزوج وتخاطر بواح بطال وليس له سكن وقد تنتهي بنهاية مأساوية.

وإما أن تبقى للعنوسة ومخاطرها.

وإما أن تدخل للرذيلة.

ولعلمك أخي أتعرف من يتزوج في هذا الزمان هم القلة القليلة التي تعرف الله والحرام .

أما الأغلبية من الجنسين التي لا تعرف شيئا فذلك الصنف لا يتزوج في أغلب الأحيان.

مصريه جدا · 2011-04-09, 20:23

وعليكم السلام ورحمة الله وبركاته

لو كان الشاب دا انسان كويس مفيش مشكله بس يبقى انسان عنده عزيمه ويحاول يبحث عن عمل
يعنى ربنا بيقول اسعى ياعبد وانا اسعى معاك
ومش شرط يعنى وظيفه معينه ممكن يكون اعمال حره وله هدف فى الحياه
ان شاء الله ياصراره وارادته يوصله
اما لو انسان كسلان سايب الوظيفه تجي وقت ماتيجى
يبقى مستحيل طبعا

alexandar · 2011-04-09, 20:59

عن نفسي الزواج قسمة و نصيب و بنات الحلال راهم بزاف اما الي تحوس على التقلاش و الميلياردية و ماديها الزف نشاء الله ما نتلاقاش بيها .---و النبي صلى الله عليه و سلم نصح بذات الدين....و دير في بالها ان الزمان ما يرحمش و الي تقراها حيلة تخرجلك عجب و في الدنيا دروس لمن احب ان يتعظ- مشكور اخي الكريم .

Dj BoBo · 2011-04-09, 22:13

الســــــــــلام عليكم

شكرا لكل الأعضاء و العضوات على المشاركة و التفاعل مع الموضوع

قصدت عن الشاب المتخرج الذي لم يحصل على و ظيفة أي أنه ليس له وظيفة معينة و مترسم

أي أنه يعمل عمل مؤقت كالأدماج او يعمل عند القطاع الخاص و دائما ما يكون الراتب زهيد

و التي يمكن أعتبارها وظيفة مؤقتة

كنا نحلم بوظيفة و مسكن خاص و سيارة و .........؟؟

أصبح طموحنا اليوم وظيفة فقط..........

و غدا يا ترى ماذا سيصبح طموحنا ............

والله أصبحت كلما أفكر في المستقبل يوجعني رأسي ......

يقولون القفازة ....أي لازم تكون قافز ....

هل الغش قفازة .....هل الرشوة قفازة .... هل الربا قفازة.....بل حرام

و هل يبدأ الأنسان حياته بالحرام .....

سلام

samira43 · 2011-04-09, 22:27

هون عليك يا اخي التغيير قادم ان شاء الله

دوام الحال من المحال

و الدنيا بدالة و دوارة

و سنة الحياة التغيير مهما كان نوعه

اقنع بالقليل يجيك لكثير

و الانسان يبعد على كل انواع الحرام و يتقي الله في كل خطوة و كل دقيقة من عمره كي يعيش مرتاح و ينال رضى و بركة الله

يبكر و يتعب و لا يجعل الربح هدفه و كل بداية تكون صعيبة و بالصبر يفرج ربي

راح يزول اويحي ووووو و نتهناو لكا ان شاء الله

ضيف السلام · 2011-04-09, 22:28

انا شاب جامعي 30 سنة بطال من تقبل بي

روح فركت علئ خدمة ان شاء الله تلقئ وبعد لبنات يعودو يجرو وراك انا الاولئ ههههههههههه