هل 4000 دج في 3 شهور تكفي و زعم يسموها منحة

[mahboubi73]

أريد ان اقول للفهماء و الذين حاسبين روحاهم فاهمين كلش و يقولك لابورس تكفينا
اقول لكم اذهبوا الى الحجيم و بركونا ماتلعبوها لينا فاهمين كلش و كايفتكم انا نتحدى اي واحد تكفيه 4000 الف كل شهر
لي يقول النقل مجاني اقول له اولا
لازمك تبكر باش تقبض النقل و زيد الغاشي و زيد مايجيش في الوقت تاعوا تحامر على الكوس حتى تولي كي الفلوس
الوجبة باطل
انا معاك الوجبة باطل
بصح مع هاذيك لاشان ساعة و ياربي اذا كنت توصل واش من ماكلة ربي يحفظ ماراناش مسكين
الدراسة
اين المخابر اين الوسائل الكتب قديمة احدثها في سنة 2000 و تقولي باطل العلم مابين البارح و اليوم راه يطور و كل يوم راه كاين جديد

و نزيدك خويا شوف النقل مابين الولايات و الطاكسيات و دراهم الفليكسي و الدوس و الحلاقة و البنات مانيش حاب نهدر اذا كانت تكفي 4000
نحن في دولة البترول جولة الغاز دولة الماء من المفرض يزيدوا لينا المنحة ماتكفيناش البترول راه 120 دولار للبرميل فيقوا يا طلبة فيقوا
و لي راه يقول بالي تونس كلش بدراهم راني معاه كلش بدراهم بصح شوف الخدمات كي دايرة تحسب روحك امير كلش جديد كلش بالنظام يستاهلوا الدراهم اذا كانت الخدمات مثل ذلك النوع كلش متوفر الانترنت موفرة الكتب الجديدة المخابر و زيد زيد
و لي راه حاب يفهم نفهمه

[hafid47200]

المشاركة الأصلية كتبت بواسطة mahboubi73

أريد ان اقول للفهماء و الذين حاسبين روحاهم فاهمين كلش و يقولك لابورس تكفينا
اقول لكم اذهبوا الى الحجيم و بركونا ماتلعبوها لينا فاهمين كلش و كايفتكم انا نتحدى اي واحد تكفيه 4000 الف كل شهر
لي يقول النقل مجاني اقول له اولا
لازمك تبكر باش تقبض النقل و زيد الغاشي و زيد مايجيش في الوقت تاعوا تحامر على الكوس حتى تولي كي الفلوس
الوجبة باطل
انا معاك الوجبة باطل
بصح مع هاذيك لاشان ساعة و ياربي اذا كنت توصل واش من ماكلة ربي يحفظ ماراناش مسكين
الدراسة
اين المخابر اين الوسائل الكتب قديمة احدثها في سنة 2000 و تقولي باطل العلم مابين البارح و اليوم راه يطور و كل يوم راه كاين جديد

و نزيدك خويا شوف النقل مابين الولايات و الطاكسيات و دراهم الفليكسي و الدوس و الحلاقة و البنات مانيش حاب نهدر اذا كانت تكفي 4000
نحن في دولة البترول جولة الغاز دولة الماء من المفرض يزيدوا لينا المنحة ماتكفيناش البترول راه 120 دولار للبرميل فيقوا يا طلبة فيقوا
و لي راه يقول بالي تونس كلش بدراهم راني معاه كلش بدراهم بصح شوف الخدمات كي دايرة تحسب روحك امير كلش جديد كلش بالنظام يستاهلوا الدراهم اذا كانت الخدمات مثل ذلك النوع كلش متوفر الانترنت موفرة الكتب الجديدة المخابر و زيد زيد
و لي راه حاب يفهم نفهمه

chéffft yakhi yakhi w ygoulék 4000 da tékfi

[دلوعة2]

لا لا حشمو شوية الناس ما لقاتش دراهم باش تحضر محاضرات وتخدم ليل مع النهار وانت ما تحضرش تتفشش وزيد عنك منجة خير ما يقولولك جيب كل 3 شهور 7 ملاين

[hafid47200]

المشاركة الأصلية كتبت بواسطة دلوعة2

لا لا حشمو شوية الناس ما لقاتش دراهم باش تحضر محاضرات وتخدم ليل مع النهار وانت ما تحضرش تتفشش وزيد عنك منجة خير ما يقولولك جيب كل 3 شهور 7 ملاين

hhhhh wéllah ghir raki da7ki
je panse ma9ritich ga3 wach rana katbine
déja la tunisi ykhalsou lé9raya
mais ch7allll ykhalsou ...
ana ngoulék
86 dinar
100 euro =160dinar
yakhlsou 43 w mba3da 43
méme pas 10000 DA
DONC MAHICH 7AJA

[محمد 13]

أكبر منحة أنك تتمتع بالاستقلال ، فكن في مستوى هؤلاء الذين باعوا أنفسهم إلى الله .

رحم الله شهداءنا الأبرار

[جزايري مان]

روحو شوفو مصر مساكن حنا كلش بلاش ومش نقرو لو كان مجاوش يعطونا فالدراهم ملا قع منقراوش

[nour2006]

هدا هو المشكل في الجزائر واحد ما يحس بخوه المهم هو مرتاح يظن الناس الكل مرتاحة و طروف الناس الكل راهي مليحة .. يكفي انانية و لو كان نحسوا ببعضنا البعض لكان حالنا خير من هاكا اسال الله العفو و العافية

[djamel123]

الجزائر هي الدولة الوحيدة اللي تعلمك مجانا وتسكنك مجانا وتوكلك مجانا وتوصلك لداركم وتجيبك مجانا وفوق هذا تعطيك منحة....

لا تسألوا ماذا قدمت لنا الجزائر بل اسألوا ماذا سنقدم نحن للجزائر

[العلماء]

الصحة والهناء ومعاها شويا حنا مانقارنوش رواحنا بالدول المتطورة خطراكش كون نهدرو علا لابورس اللي حنا نديوها وهوما مايديوهاش هوما ياكلو مليح ماشي كي حالة الريسطو نتاعنا ماشي مطعم يقولولو مطعن يطعنو في الناس هوما الماكلة والنظافة الله الله والقراية العزيزة والمستوى طاااااااااااااااالع..................الخ خلي البير بغطاه برك واستر ماستر ربي

[BIL ALG]

أحمد ربي . ولي يسكنو بعيد ربي يكوب معهم....

[ouna2006]

اتحدى اي واحد يقولك راني نقرا ب 4000دج و مايدي حت دورو من عند باباه خليونا من هادوك لي يسكنو في الولاية لي فيها الجامعة اللي يقراو فيها.باغي تقلولي رانل نقراو باطل لالا انا شخصيا ماشي قاعدا في الحي الجامعي نسكن 100كلم على الجامعة كل يوم عندي 300دج غير transport بلا ماكلة و كي جيت ندير memoire il yavé pa de produit اظطريت نشري وحدي و راكو عارفين شعال’؟؟؟؟؟؟؟؟؟؟؟؟؟؟ اه نسيت في البداية بغيت نقعد في الحي الجامعي و لكم ان تتخيلو الوضع هناك الحيط يسي منو الماء و ماكانش مياه نهبط مل 4eme حتى للتحت باش نجيب الماء و ماكانش دورة مياه علاش لاخطرش كلش مطرطق و شكاو الطلبة لكن لا حياة لمن تنادي و المطعم زعما مطعم في العشاء يعطوك 2 portion fromage (il ya pa de marque sur l'emballage et yaourt et du pain و مقولكش قداه لاشان نزيدكم حاجا كي يجي اليل الضو يطفي يقولك ما عندنا ما نديرو la charge و ما نحكيلكمش على النظافة
تقولي فالخارج يخلصو باش يقراو يخي كو غير جيت نخلص و نقرا في جامعة كاملة مكملة متوفرة جميع الوسائل فيها خاصة الكتب الجديدة و المخابر مجهزة مشي كيحالتنا كي كونا نجيو نديرو tp يقولك تخيل كلش théorie و مبعد كي تروح تخدم ما تعرف والو يقولك هدي هي القراية اللي كنت تقراها و الطالب في الخارج كي يخلص يعرف روحو كي يكمل يتلاقا خدمتو مشي كيما حنا يعطيك 4000 في 5 سنين و لا 4 و مبعد تستنا 10 سنين باش تتلاقا خدمة و الا تلاقيت كونو واقعيين اخوتي و الله هاد الشي الي حكيتاه ما يبان والو مع اللي راني شايفاته ربي يجيب الخير الحمد لله على كل شيئ