هيا أطلعونا بمعدلاتكم لهذا الفصل الثاني

[رمز الأوراس]

عندي 11.25

[النجم رابح]

و الله غير نسيت باه نخبركم بمعدي
في الحقيقة نقصت مقارنة مع الفصل الأول

وهذه الفترة جبت 16.69

[النجم رابح]

الله يبارك ربي يزيدكم

[dali rami]

انا بكل صدق ..

[fattouna]

جبت المعدل 13.30 وأنا الثانية في قسمي وشكيت غلطولي لخاطر طلعت على الفصل الاول ونقول مبرك لاميرة ونشالة نجيبو الباك

[فراشة المحبة]

الله يبارك

أحنا مازال مامدولناش مينظن 17 يا حسراه على 18 تاع العام لي فات والله السنة الثانية الأساتدة راهم غير يزيروا زعما يوجدونا للعام ليجاي والله يحطلك سوجي متقدرش تتحرك معاه و يقلك باش تخدم عقلك ومتوالفش مع الساهل والله يا خاوتي نقرى ونقرى أكثر من أي عام ومنديش على كل حال نحمد ربي لأني مكلاسيا في الليسي تاعنا اللي معروف بالتزيار تاع الأساتدة وانشاء الله نحافظ على الرتبة الأولى أدعوا معايا امييييييييييين.

بالتوفيق للجميييييييييع

أدعولي غدوا يبان معدلي ولوكان يسبقوني حتما سأصاب بانهيار عصبي الله غالب والفت نكون في المقدمة ماشي أنانية مي والفت .

[nihal036]

ان معدلي 15.55

[أسيرة الغموض]

j'ai eu un 17,08

[ابنة الاسلام]

الله يبارك معدلات اكثر من رائعة الف مبرووووك ...واكيد تعكس عملكم وكدكم من اجل تحقيق افضل النتائج ربي يوفقكم كامل

تاجي حجابي فرحت لك بزاف رغم العلاقة السطحية بصح قريت شخصيتك من وراء الشاشة هههه

ان شاء الله تحافظو على هده المعدلات في الباك ..وحقيقة النتائج تاوعكم يشجعوني علابال مازال ما وصلت 16.....هههه

اليوم راني نضحك وغدوا نجي نبكي ..

[غصن الأمل]

علاش أختي إبنة الإسلام بعيد الشر عليك ربي يدوم فرحك إنشاء الله

[ابنة الاسلام]

اتمنى دلك ...بصح راني عارفة روحي ...علابال مانعملش ياسر ومن بعد نقول علاه مانديش ...مراجعتي اليومية لا تتجاوز ساعة ولا احل الكثير من التمارين وفاقدة للتركيز ....الخ ....كلها عوامل تجعلني لا احصل على نتائج ترضيني ...

شكرا لك اختي طالبة حي الرويسات اتمنى لك التوفيق....والنجاح

[saifogas]

أنتم رااااااائعيييييييين ...ربي يحفضكم من العين....والله نحبكم في الله


مع تمنياتي لكم بالحصول على أعلى المعدلات في الفصل الثالث....ايها المتميزووووون

[موحدة الله]

السلام عليكم ورحمة الله وبركاته
انا معدلي هو15.38 والحمد لله على كل حال
اختي فراشة المحبة لم تصابين بانهيار عصبي المهم في البكالوريا نخدموا الان هذه المعدلات لا تهم كما ان المعدل لا يعبر بالضرورة على المستوى الحقيقي للطالب ويسر الله لك بان تكوني الاولى ان شاء الله

[ٵڶقًـ۾ًـږღٵڶڝۼےـړ]

المشاركة الأصلية كتبت بواسطة ابنة الاسلام

الله يبارك معدلات اكثر من رائعة الف مبرووووك ...واكيد تعكس عملكم وكدكم من اجل تحقيق افضل النتائج ربي يوفقكم كامل

تاجي حجابي فرحت لك بزاف رغم العلاقة السطحية بصح قريت شخصيتك من وراء الشاشة هههه

ان شاء الله تحافظو على هده المعدلات في الباك ..وحقيقة النتائج تاوعكم يشجعوني علابال مازال ما وصلت 16.....هههه

اليوم راني نضحك وغدوا نجي نبكي ..

الله يبارك فيك و يهنيك و يخليكـ خيتوو ابنة الاسلامـ ,, الله يستركـ و يخلي ايامكـ كلها فرح


يسرني جدا ان تصبح العلاقة معمّقة و لم لا ،، اهلين فيكـ


ان شاء الله غدوا تجي فرحانة ،، الفصل الجاي العام الجاي و كل الأعوام القادمة ،، آمين يا رب


موّفقة

[✗ ┋ وَړْﮃَةُ آلـﭴَزآئـړْ ┋ ✗]

الله يبارك معدلاتكم مليحة بزاف يا تلاميذ السنة الثانية


أنا تلميذة في القسم النهائي وجيت نضرب طلة عليكم إذا ماكانش مانع

إن شاء الله تبقاو بهاذ المستوى العام المقبل في البكالوريا لأنو حنا راهم يزيروا علينا بزاف يعني يحطو الصعيب تع الصعيب في الاختبارات

نصيحتي ليكم أقراو السنة الثانية تاعكم مليح لانو بدون دروس السنة الثانية ما تقدروش تقراو السنة الثالثة

ربي يوفقكم كامل ومبارك عليكم المعدلات وإن شاء الله تجيبوها في بكالوريا 2012

ادعولي نجيب الباك تاعي بـ 16 أو 17 هاذ العام