قولولي وش راح نطيب لعجوزتي - الصفحة 3

douniazed · 2011-08-26, 15:19

فتلى الكسكس والبركوكس تحبك وديريلها الحنة في يديها ورجليها

sorour43 · 2011-09-06, 16:22

أول شيء تعمليه تطيبي لحلو و تعملي حلو تعيشي لاباس

bassamat · 2011-09-15, 16:53

اذا كان ناسك يميلون للاطباق التقليدية ديريلهم تليتلى او جارى و طاجين حلو لكن زينيه بطريقة جميلة يعنى احشى البرقوق باللحم المرحى ولوحيه فى المرقة وكى يطيب اجبدى حبات و غلفيهم بالجلجلان وستفيهم فى الطبق مع الحبات الاخرى الى ماهومش مغلفين يعنى وحدة بوحدة ثم فورى الاناناس وحطيه فى المرقة قبل لا طفى
وقصيه على اثنين و زينى
اما اذا يميلو للاطباق العصرية ديرى تفاح محشى باللوز وشربة او
ديرى البسطيلة بالدجاج راهى تحمرلك وجهك

jiji26 · 2011-09-15, 16:55

ههههههه
يعطيك الصحة
طيبي واش تعلمك عجوزتك
ربي يكملك

نسمة الربيعM · 2011-10-06, 14:47

اقتباس:

المشاركة الأصلية كتبت بواسطة fouadbb013

أختي حنا عندنا في سطيف أول أكلة تقدمها العروسة تكون فيها الخميرة باش يطلع زهرك كيما الخميرة كي تطلع ومن بعد أنت حرة انا تزوجت لتيبازة و اول مرة طيبت البغرير بالعسل وثاني مرة حبيت نعمل طبق يكون خفيف و بنبن وكان موسم الصيف فطيبت الكمب باللحم المرحي وجا يحمر الوجه اذا حبيتي نعطيك المقادير ونكتبللك قاع الاطباق لب درتها ونا عروسة
ربي يكملك بالخير ان شاء الله

يا اختي انا ثان عندي نفس المشكل يعيشك لوكان تعطيلنا المقادير و تكتبيلنا كامل الاطباق الي درتيها و انتي عروسة و ربي يهنيك حنونة و يرزقك الذرية الصالحة انشاء الله راني نستنى في الرد

جوجو95 · 2012-03-20, 10:03

شكرااااااااااااااااااا هههههههههههههههههههههههههههههههههههههههههههههههههه ه

جوجو95 · 2012-03-20, 10:03

لم يعجبني هههههههههههههههههههههه

فتاة الدعوة · 2012-03-20, 11:13

كلش مبروك يا خليصة انا من رايي اول طبق هو السمك فال خير ورزق ههههههههههههههههههه

ام انس5 · 2012-03-20, 12:44

الف مبروك مسبقا .
انا من راي انك تشوفي عجوزتك واش حابة طيبيلها. لعجوزة تحب تشوف زوجة وليدها شاطرة كل اصبع بصنعة اتعلمي اطياب التقليدي بكل انواعو الكسكسي البركوكس الشخشوخة المحاجب البراج المطلوع البغرير ...وزيدي تفنني باضافة اطباق عصرية .وماننساش الحلويات .
اختي انا درت لعجوزتي البغرير تاع الاخت ميري قعدت تشكر وتزيد خفيف وبنين .
ورانا كامل نتعلموا .:d

اياد الباتني · 2012-03-20, 21:46

انا تبالي تعامل بكل تلقائية مع عجوزتك اي بلا تكلف وسالي زوجك يحددلك الاكلة لتحبها عجوزتك وطيبيهالها اكيد راح يكون شوية ارتباك لكن ثقي بقدراتك و ربي يكمل

soumsouma · 2012-04-02, 11:44

شربة و شطيطحة جاج هدا وش راني ناوية انا و بالاك نزيد معاهم رشتة انا نديرها هايلوة و نديكوريها تان تجي تهبل

~~om ayoub~~ · 2012-04-03, 18:44

الحامضه باللبن

~~om ayoub~~ · 2012-04-03, 18:45

اقتباس:

المشاركة الأصلية كتبت بواسطة soumsouma

شربة و شطيطحة جاج هدا وش راني ناوية انا و بالاك نزيد معاهم رشتة انا نديرها هايلوة و نديكوريها تان تجي تهبل

كيفاش اديكوريها؟

nokia111 · 2012-04-03, 23:45

حنا في مستغانيم عند ربي يديرو لعروسة حوت صابح باش يشيبها كي تنقيه (تمنكير)
هههههههههههههههه
من عندي مطيبيش كامل باش متحصلش فيك الكوزينة احفظي الميم تحفظك (منعرفش مسيتهاش ....الخ) هههههههههه
ربي يهنيك

aminabil · 2012-04-05, 16:54

hna 3andana fi chlef la3roussa tayeb berkoukes