ارجو المساعدة

[Nadia82]

صحيح أنه الفتى تقدم الى الفتاة باه يخطبها لازم عليه بعد ما تعرف عليها مليح مليح و أعرف عنها كل أخبارها سواء أين تعيش أو امكانياتها المادية ، لأنه هو لي راهوا رابح ، راني شفت بلي ظلمتوا بزاف باباها بصح هو اللي راهوا أصح ، خصوصا كي قالها بدون علم أبيك ، لوكان أنا في بلاصتها هنايا نحبس
حبيت نقول للفتاة أنه في كل الأحوال ستتزوجين به لأنك مصرة عليه ، و سيقبل به والدك بعد نقاشات حادة أو الى غير ذلك لكن المشكل أن تلك الفتاة من النوع المكشوف أي كل أخبارها عند عذا الرجل و الأب بطبيعة الحال عنده نظرة في الرجال، وما أضحكني أنه يريد العيش معك في فرنسا لكن كل هذا واش قولتي لهذه الفتاة سوف تقولك لا لا راكي غالطة فيه وماتعرفيهش مليح والى غير ذلك .......

[anoousa]

عندك الحق اختى نادية كيما نحاول نفهمها ما تفهمنيش
سلبلها عقلها
ما تشوفش فيه سلبيات بالنسبة ليها هو الرجل الانسب

[norhane taha]

و الله يا ختيتي غير قرار صعب بزاف
لكن نشوفي نقولك شيء هو بابها خايف عليها على هذيك رفض فهمتي
وهي كيما يقولو تخمم يقلبها ماشي بعقلها
لكن في بالي هذا ماشي تصرف عقلاني وكيما واحد ميحبش للأختو تتصرف تصرف ماشي مليح هو تانيك بنت ناس ميقوللهاش أهربي من ورا داركم
لأنو يجي نهار وين هادا تصرف ينقلب ضدها يمكن في لحظة غضب يفكرها به ولا متلا تزعف تتقلق وين تروح
على هذيك نقولك شيء تستخير وتصلي ركعتين وتدعي ربي
تصوري واحد يربيك ويسهر عليك ليالي ويعمل بكل جهدو باش يرضيك ويعيشك بأحسن عيشة مع لخر ديري تصرف هذا راح تكون أنانية اذا خمت هكذا
وهو واش ذنبوا يتفضح قدام ناس عليها

لكن منطق يقول ودين يقول أنو والدين يعرفوا ويحسوا قالك ربي اذا كافروا بيا وأحكي معاهم بالتي هي أحسن كفر ما بالك في تصرف كيما هادا يا ختيتي صلي الإستخارة
وتقولو منقدرش ندير حاجة من ورا دارنا ونظلمهم معايا مراحش نعيش مهنيةوديري في بالك أنو رايحة ترفضي روحك وتحمي داركم وبباك وتانيك تكوني بنت ناس صح بهادي كلمة
وحاجة بيد ربي متشقايش تخسري علجالها وتقعد تحاجي وتفري كل شيء راهو مسجل في كتاب ربي من نهار زدتي
متخسريش روحك وذاتك على حاجة ماشي مضمونة وتمشي عكس الدنيا
النت هادي راهي لعبة يا ختيتي ردي بالك تغلطي
تصوري تأمني إنسان من كتبت ومن يديه و ساهلة هادي بزاف بزاف
حتى في مشاريع والإقتصاد ياك بنوك تطلب ضمان حتى في تفكير العقل بشري قوليلي واش هو ضمان ديالك
مكانش غير ربي أمالا شدي فيه خير باش متتعبيش وتندمي
ربي يفتح عليك
وخليها على ربي
وتصبر

[Nadia82]

المشاركة الأصلية كتبت بواسطة anoousa

عندك الحق اختى نادية كيما نحاول نفهمها ما تفهمنيش
سلبلها عقلها
ما تشوفش فيه سلبيات بالنسبة ليها هو الرجل الانسب

المهم أنت كوني دايما قريبة ليها، باه تحكيلك ماتكونيش دايما سلبية معاها، أنا قريبتي كان عندها تقريبا نفس حكايتك و أنا قريبتي تحكي كل شيء سواء ماتملكه أو مايحدث في البيت كان يعرف كل أخبارها و كي كنت ننصحها تفولي ما تعرفيهش مليح ، المهم حكايتها طويلة و خلاصت أنه ربي هناها منه وبعد هذه التجربة كي بدينا نتفكروا تقولي تشفاي كي كنت تنصحيني و أنا كنت عمياء لكن بعد فوات الأوان نفطنوا هذا هو المشكل ، المهم هي تمشي بنيتها و ربي انشاء الله معاها، و انشاء نكونوا مخطئين بصح ماشكيتش ، الراجل لي يقلك نتزوجوا بلا مايعرف باباك ماشي راجل ، ماقالش نستناك راني معاك حتى ربي يفرج لأنه راهوا مزروب يروح فرنسا ماعندوش الوقت.

[anoousa]

ما اجمل عباراتك اختى الكريمة
تدخل للقلب
ربي يحفضك

[عُضو مُحترم]

في الحقيقة هو عاشق

و محب



للوثائق

و لو يجد عجوز شمطاء

عندها les papies


يتزوجها

ههههههههههههه

[الخالدي59]

أختي الكريمة

الرسول صلى الله عليه وسلم يقول /لانكاح إلا بولي / أي لازواج شرعي الا بحضور الأبي

وهذا الخطيب ضرب هذا الشرط عرض الحائط المهم أن يتزوج بها بأي وسيلة كانت كما يقال الغاية تبرر الوسيلة

وكم تأسفت أن أجد من بين الردود من يقف بجانب هذا الخطيب وكأنها إبنته وهل منا من يرضى أن تتزوج أخته أو إبنته سرا ودون علم

منه أما لا يهم مادامت من المغتربين لأن كل شيء مباح في اوربا

أتدرون أي خطإ كبير وفادح أرتكبه هو كما ذكرت الاخت /بعد هدا الموقف من الاب طلب الشاب من الفتاة ان تدهب معه و تتزوج به من

غير علم اهلها/

فرضا فعلت ذلك وبعدها حدث خلاف ووقع الطلاق الى أين تعود وهل ترضى بعودتها اسرتها وهل تفتح الباب الذي خرجت منه دون إذن

منهم وهل تفعلون أنتم كذلك

الخطأ الكبير الذي ارتكبه هو عندما رفض بقائها لمدة مع اسرته بعد الزواج هذا أكيد هناك معلومات كثيرة مغلوطة ومزيفة قدمت

لهذه البنت المسكينة

أنصح هذه الفتاة إذا قبلت به كزوج أن يكون أبوها على علم بذلك

ثانيا أن يذهب أبوها الى بلدته ويطلع على أحواله عن قرب ويسأل عنه أحب أم كره وأنا على مايبدو لي أن البنت هي التي سوف

ترفض قبل أن يرفض أبوها

هذا الشاب يريد ان يتزوج معها وهو يحمل معه الحب فقط ويأتي الى فرنسا وتحضر له اوراق الاقامه والسكن والعمل وتكاليف الزواج

علي نفقتها الخاصة

يبدو أن أباها ربما قليل الحوار معها وهذا ترك فراغا عاطفيا وعرف هذا الخطيب كيف يستغل هذا الفراغ الى درجة اصبحت هذه البنت

المغلوبه على أمرها لعبة يحركها ويلهو بها كيفما شاء

أرجوكم إتقوا الله في بنات الناس فأهل مكة أدرى بشعابها وبعد الطلاق أين تذهب إذا تزوجت سرا دون علم أبيها

الله أعلم

[nabil aya]

السلام عليكم على الشاب ان يجاهد في سبيل ارضاء أهل الفتات
وان لا يفقد الامل
لان من يحب يجب ان يتوكل على الله ومن كان يكذب فانه سوف يذهب بعيداااااااااااااااااااااا
وان الحب الحقيقي لا يدعوا من الشاب ان يحرض الفتات على ترك أهلها لاي سبب من الاسباب
ويجب ان يحاول الى ان يرض ابوا الفتات
وان يبين نيته الصادقة
وان يكون صابورا ويحب لها الخير والسعادة ولا ينضر فقط الى سعادة نفسه فقط
وان هناك اناس ابوا الفتات يكن لهم التقدير فيجب على الشاب ان يحاول الى ان يصل الى قلب ابي الفتات
ان كان صادق