تارتة البرتقال من اعدادي مممممممممم

[samsoon city16]

تارتا اقتصادية
ساهلة ماهلة
تديلك من الوقت في التحضير 20دقيقة
و في طيابها 45 دقيقة على الاكثر


مقادير العجينة:
200غ فرينة
قريصة ملح
100غ زبدة جامدة مقطعة مكعبات
زبدة باش ندهنو المول

الكريمة:
3 بيضات
150غ سكر cristalisé
150غ قشطة تكون تقيلة creme fraiche
عصير و zeste تاع 2 حبات برتقال
75غ زبدة
الناباج:
1/4 ل عصير برتقال
1 كيس بودرة الجيلاتين
أو ديري la gelée ديراكت

كيفية تحضير العجينة

خلطي الفرينة + الملح + الزبدة امزجيها مليح حتى تمتصها الفرينة
زيديلها 1 أو 2 ملعقة تاع الماء نتي وميزان عينك
اعجنيها مليييح بضع دقائق و شكليها كرية و غلفيها بــ un film alimentaire او ادا ما كانش بكيس بلاستيكي و حطيها في التلاجة شوية

في هاداك الوقت شعلي الفور ديالك Th.6 باش يسخن و ادهني المول تاع التارت بالزبدة

ابسطي العجينة بالحلال على un plan de travail fariné
وحطيها في المول و طيبيها 20دقيقة à blanc

لما طيب خرجيها و نقصي للفور Th.5

أما الكريمة:
اخدمي البيض مع السكر حتى تتحصلي على une crème mousseuse
خلطي القشطة + العصير و le zeste زيدي الزبدة مقطعة مكعبات صغار ثم حطيهم في mixeur
و ضيفيلهم la crème mousseuse.

حطي خليط كريمة البرتقال هادي على التارتة و عاودي رجعيها للفور 45 دقيقة باش تتقال شوية

في هاد الوقت حضري الجيلاتين مع العصير أو ادا كان عندك الجولي سخنيها و جبدي التارت و سيحيها على الكريمة و غلفيها بورق الالمنيوم و حطي عليه دوائر البرتقال بش تتحمر شوييييييييية
و زيني بيها في الاخير مع رشة sucre glace