اجيبوني بسرعة و في اسرع وقت

[sabi.k]

السلام عليكم يا أخي واش بيك؟ راك مازلت صغير وهي ثاني صغيرة واش بيكم؟ إذا الحياة توقفت عند واحد بغا واحدة وما بغاش باباه يخطبهالو، ما يبقى حتى راجل في الدنيا، واقيلا الرجال راهم قلو غير من هذا التفكير نتاع الإنتحار، استغفر وشهد وادعي ربي وماكان لاه تزرب الأمور وراهو كلش يكون بالتروي حتى الكون راهو ما تخلقش في يوم واحد وبالنسبة للأب، أنا نظن بللي الوالدين راهم يشوفو حوايج أحنا ما نشوفوهمش حتى يفوت وقت باش نشوفو واش راهم شايفين وماكانش أب يبغي الضر لأولاده في هاذي الدنيا واصبر وشد في ربي وإن شاء الله ما يكون غير الخير وهي مازالت صغيرة وتبغي تكمل قرايتها أصبر عليها حتى يفوت وقت وبالاك ربي يهدي باباك ويبدل رايو وربي يكتبلك اللي فيه الخير

[lilyann]

باباك علاش ماش قابل؟
انا نشوف فيها مخربطة بويك من ناح و هي من ناح و خاوتها
وانك تنتحر ولا تهرب معاها تبين بلي مازالك صغير و ماش قد المسؤولية
خمم مع روحك اذا مكتبهالك ربي راح تديها برضى الكل وااااعلاه تكسار الراس هذا
صلي استخارة وادعي ربي تضرعا و في الليل
ربي يجيبلك لي فيه خير وصلاح
الدنيا محبستش عندك والا عندي الدنيا مراحل وابتلاءات
واصبر عليها العام هذا كون جات مسؤولة خاوتها ميؤثروش عليها مي الله غالب راكم في زوج صغار
واش نقولك
ربي يكتبهالك و تكبرو مع بعض ربي يسهللكم و سفرج عليك
وخمم ديما بعقلك ماشي بقلبك
ارجوا ان تاخذ رايي بعين الاعتبار مكالاه الزعاف مجرد راي

[fatih84]

راني مانيش قادر نصبر نواجه بابا أخر مرة إذا رفص رايح نهلك روحي قدامو و هكذا يفهمنى و راني مصر غلى قراري راني وصلت لدرجة راحو عقلي راح

[*أنسام*الجنة*]

المشاركة الأصلية كتبت بواسطة fatih84

راني مانيش قادر نصبر نواجه بابا أخر مرة إذا رفص رايح نهلك روحي قدامو و هكذا يفهمنى و راني مصر غلى قراري راني وصلت لدرجة راحو عقلي راح

السلام عليكم رحمة الله

يا اخي الفاضل ..لو هلكت نفسك أنت المتضرر الوحيد لا غير
وسيكون هلاكك في الدنيا بعدم رضى والديك وفي الاخرة بدخولك جهنم في حال الانتحار..

استهدي بالله واستغفر وصلي وأدعي ربي يرضى والدك
كن اكيد لن تنعم بالسعاده وراحة البال إن لم يرضى عندك والديك
تخيل لو لم يحضر والديك ووالدتك ليوم زفافك وهو اليوم الذي عاش طول هاته السنين ينتظرانه..أي سعادة ستأتيك وهما غائبين وحيين
*تذكر كما تدين تدان سيأتيك يوم وتتواجه أنت وولدك وستعرف شعور والدك يوم وقفت في وجهه وصرخت ..

ربي يسرلك أمورك بعيدا عن الانتحار

إن شاء الله في القريب العاجل تكتب لنا موضوع لنبارك لك خُطبتك على الفتاة التي تريد وبرضى والديك..

[طيب وابن حلال]

انت ما تترددش واش تقدر تعمل اعمل مدام لي حابو هو حلال في حلال سمي باسم لله وتقدم الى الامام

[طيب وابن حلال]

اسف على السؤال هل عند مواصفات القدرة على الزواج..............يعني خدمة وسكن ...........تعايلي فيك ماكش كبير بزاف...؟؟؟

[fatih84]

المشاركة الأصلية كتبت بواسطة طيب وابن حلال

اسف على السؤال هل عند مواصفات القدرة على الزواج..............يعني خدمة وسكن ...........تعايلي فيك ماكش كبير بزاف...؟؟؟

كل شيء متوفر

[opto]

اعرف فتاة حدثت لها نفس القصة.....
كانت تحب استادها.....وهو ايضا....
عندما تقدم لخطبتها...رفض اهلها بحكم صغر سنها....
فمادا فعلت؟......حاولت الانتحار.....لكنها نجت...لولا رحمة الله....
فيما بعد تقدم لحطبتها مرة اخرى...فوافق اهلها......
وفي نفس العام الدي نجحت فيه البكالوريا.....تزوجا.....
اختارت شعبة الادب....ودرست 4 سنوات.كاملة....بالرغم من ان الجامعة كانت في مدينة اخرى.......وهدا العام تخرجت...
وزوجها ساعدها و كل شيئ عادي
اما عنك.....فانصحها بان تختار شعبة سهلة...تكون ادبية.....
ومع النظام ل م د ...3 سنوات ....وعام الخطوبة.....سيبقى لها سنتان...تدرس...وتتصرف كانها امراة عاملة....يعني تقوم بتحضير كل شيئ في المساء....

لا تحاول ان تقنع والدك ....ربما والدك يرفض فكرة الدراسة...بحكم الاشغال المنزلية....انما حاول اقناعها هي بان تكون بقدر المسؤولية....فان كانت تحبك حقا فهي ستفعل المستحيل و ستحاول التوفيق بين دراستها و الامور المنزلية...وان كانت لا تريد .........فانصحك بان تختار غيرها....اعلم بان هدا صعب......لكن التضحية يجب ان تكون من الطرفين......
.
.

[fatih84]

المشاركة الأصلية كتبت بواسطة opto

اعرف فتاة حدثت لها نفس القصة.....
كانت تحب استادها.....وهو ايضا....
عندما تقدم لخطبتها...رفض اهلها بحكم صغر سنها....
فمادا فعلت؟......حاولت الانتحار.....لكنها نجت...لولا رحمة الله....
فيما بعد تقدم لحطبتها مرة اخرى...فوافق اهلها......
وفي نفس العام الدي نجحت فيه البكالوريا.....تزوجا.....
اختارت شعبة الادب....ودرست 4 سنوات.كاملة....بالرغم من ان الجامعة كانت في مدينة اخرى.......وهدا العام تخرجت...
وزوجها ساعدها و كل شيئ عادي
اما عنك.....فانصحها بان تختار شعبة سهلة...تكون ادبية.....
ومع النظام ل م د ...3 سنوات ....وعام الخطوبة.....سيبقى لها سنتان...تدرس...وتتصرف كانها امراة عاملة....يعني تقوم بتحضير كل شيئ في المساء....

لا تحاول ان تقنع والدك ....ربما والدك يرفض فكرة الدراسة...بحكم الاشغال المنزلية....انما حاول اقناعها هي بان تكون بقدر المسؤولية....فان كانت تحبك حقا فهي ستفعل المستحيل و ستحاول التوفيق بين دراستها و الامور المنزلية...وان كانت لا تريد .........فانصحك بان تختار غيرها....اعلم بان هدا صعب......لكن التضحية يجب ان تكون من الطرفين......
.
.

انا مشكلتي العكس فاهلي من يرفضون و هي العام القادم 3ثانوي

[dream_2oo9]

الحل فى راى تتكلم معها اخر مرة وتشوف ادا راهى قادرة تترك الدراسة وتتزوج اوكى وادا ما قبلتش كون رجل وحوس على وحدة اخرى بلاك ربى راه مكتبلك مع وحدة اخرى

[alaaemica]

يااخي انا من رايي انك اول حاجة ديرها تقنع باباك باش تخطبها وانا مافهمتش بصراحة علاش باباك رافض مع انك قلت انك راك واجد باش تخطبها وتتزوجها ولازم عليك ثاني تحاول تهدر معاها وتفهم من عندها سباب التغير نتاعها ومتنساش بلي راهي في فترة حساسة انا فوتها وحاسة بيها علا خاطر القرار نتاع تحبس القراية صعيب بزاف على خاطر اي وحدة تحلم بالجامعة.والزواج راهو مكتوب والي كاتبهولك ربي ماينحيهولك العبد .

[fatih84]

المشاركة الأصلية كتبت بواسطة alaaemica

يااخي انا من رايي انك اول حاجة ديرها تقنع باباك باش تخطبها وانا مافهمتش بصراحة علاش باباك رافض مع انك قلت انك راك واجد باش تخطبها وتتزوجها ولازم عليك ثاني تحاول تهدر معاها وتفهم من عندها سباب التغير نتاعها ومتنساش بلي راهي في فترة حساسة انا فوتها وحاسة بيها علا خاطر القرار نتاع تحبس القراية صعيب بزاف على خاطر اي وحدة تحلم بالجامعة.والزواج راهو مكتوب والي كاتبهولك ربي ماينحيهولك العبد .

بابا رافص معجبتوش هو عقلية بكري يحوس هو لي يختار نسابو لي يحبهم هو و زيد ما يفهمش واش معنى الحب خاطر هو كي انا ديت الباك رايح يخطبلي و حدة خيرها هو و انا رفصت - بابا صعيب بزاف و ما يدير الثقة حتى في واحد و الناس كل يقول عليهم ماشي ملاح

[لؤلؤة الفردوس]

اصبر خويا خليها تجوز الباك و امبعد شوف و خليها تكمل قرايتها ديجا ما زالك و ما زالها صغيرة اصبر ووكل امرك لله و صلي صلاة الاستخارة ما تستعجلش و ربي معاك ان شاء الله

[سارة المحبة]

كيما يقولوا كل شى قسمة و نصيب
نقلك روح اخطبها و ادا كانت تحبك صح راح تقبل رغم كل الظروف
مع المحاولة انشاء الله بباك راح يقبل
ربي يتمم على خير و يربي يحققك لفبالك
و راح ندعيلك من قلبي لاني منحبش هده التصرفات من الاهل
ربي يفرجها عليك
الله يمهل و لا يهمل
دير ربي ديما في بالك
بالتوفيق اخي

[alaaemica]

واش راح نقولك يا اخي بعد الجواب اللي جاوبتتني بيه مابقى مانقولك غير حاجة واحدة واعتبرها نصيحة من اخت لخوها رضاية الوالدين فوق كلشي علابالي بلي راح تجيك صعيبة بزاف باش طبقها بصح تكمل حياتك وانت والديك راضيين عليك خير من انك دير واش بغيت و تغضب والديك مهما كان الوالد نتاعك غالط في حقك وظالمك انو ما حبش يرضى بلي خيرها قلبك ماتزعفوش وما تغضبوش و ما تدري الزمان واش مخبيلك ان شاء الله غير الخير و ليكتبهولك ربي ما ينحيهولك العبد.و ان شاء الله ربي يهنيك.