الى كل من اراد المشاركة في بكالوريا 2011مثلي.....

[hicham200810]

سلام عليكم حتى أنا راني نعاني ديت 14.48 و راني فلاحة فالحراش بصح رايح نعاودو . نقرا فالجامعة الفصلين الأول و الثاني ومن بعد نبدا نحضر للباك و اذا لقيت روح ندور فالفيد نبلوكي العام و نلها بالباك و حدو. صحا فطوركم

[khaled34sd]

المشاركة الأصلية كتبت بواسطة hicham200810

سلام عليكم حتى أنا راني نعاني ديت 14.48 و راني فلاحة فالحراش بصح رايح نعاودو . نقرا فالجامعة الفصلين الأول و الثاني ومن بعد نبدا نحضر للباك و اذا لقيت روح ندور فالفيد نبلوكي العام و نلها بالباك و حدو. صحا فطوركم

lah n9drou nbloquiw l3am fi
fevrier wla mars
+ rani ecole prépartoire s & t annaba

[المهندس الجزائري]

لا أظن أن إعادة الباكالوريا فكرة مليحة لأنه العام الجاي راح يدخلوا الدرو اللي ماقريناهمش مثل : التكامل و الدالة الأصلية , الأسترة , التنفس ................. ويمكن أن يكون معدلك أقل .
amouna18 لديك معدل جيد , و يمكن أن تنجحي في الهندسة المعمارية , كل شي بالمكتوب.
بالتوفيق.

[°واحد من الناس °]

الى جاب الباك فوق 13 ننصحو مكلاه ياعاودو
في حالة التوقف عن الجامعة

مي اذا كمل عامو الجامعي

يجوز على روحو

نصيحة اخوية فقط

[siraj00]

راك تقول الي جاب الباك ب.. 13.60ماكان لاه ايعاود واش اعطاولهم كيما اصحاب ال10
انا علوم المادة مدوها لاصحاب ال10

[faridsahraoui]

انا ايصا راح نشارك ربي يوفق الجميع

[°واحد من الناس °]

يا اخي يملاو في البلايص

حتى بجماعة 15 ملاو البلايص وسقسي تسمع





انا نصحتكم

اذا بلوكيتو العام تتفر غير فيكم برك


الباك

مش مشكل اذا عاودتو مي قرايتك نتا عليونوفارسيتي متفرطش فيها

[hicham91]

أنا درت رياضيات وإعلام آلي في بسكرة
بصح رايح نعاود الباك لعام لجاي بإذن الله

[sara]

رح نعاود والحكمة في ربي

[silentman]

أتمنى أن تستفيدوا من موضوعي الموجه لكم حول إعادة الباكالوريا
https://www.djelfa.info/vb/showthread.php?t=376531

[رجل الاحلام الحزين]

السلام عليكم ،،
موضوعك مهم و خصوصا انه يوجد الكثير من الطلبة غير مقتنعون بشعبهم الحالية
منهم انا طالب هندسة معمارية ،، بسكرة >> جامعة محمد خيضر ،،
ماكانتش هادي الرغبة تاعي ،،
راني حاب نعاود لباك او مام تون مانيش حاب نبلوكي العاام تاعي في الجامعة ،،
سيرتو بعد ما حكاولي على الهندسة ،، و زدت شفت وحااايد متخرجين منها و يخدموا ما شاء الله ،،
الارشي قالوا بللي قرايتها صعيبة شوية و لازمها الدمااغ يكون لاتي غير بيها هي ،،
يعني في نظري اذا كنتي بااش تعااودي غير بلوكي العام ،،
و لا انسااي الباك و اقراي الارشي ،،
ما عندكش وقت طويل بااش تخممي بويسك بعد اكتوبر مش رايحة تقدري تشاركي في الباكالوريا ،،
انا قلت ان شاء الله نكمل الارشي ،، 5 سنين >> ما كان والو
و من بعد الا ما وفقنيش ربي في خدمتي نزيد نعاود لبااك ،،

[عبير الجزائر]

السلام عليكم و رحمة الله تعالى و بركاته
أنا تاني راني حابة نعاود الباك
متحصلة على باك 2009
بالتوفيق للجميع

[sousou051]

السلام عليكم انا تاني جبت الباك تاعي بصح معدل مش مليح 12.34 وجهوني رياضيات واعلام الي وحابة نعاود هد العام باش نجيب معدل مليح ماعلى باليش لا نقدر نوفق بين قراية الباك والجامعة ولا لا انصحوني من فضلكم

[asma1856]

وعلاه تعاودوا معدلاتكم مليحة 15 واش خصها

[انورحاج محمد]

السلام عليكم خاوتي انا تاني نحوس النعاود الباك عندي معدل 13.31 دك راني في باب الزوار رياضيات واعلام الي كنت تقني رياضي واش تنصحوني نقدر نجيبوا بمعدل كثر ولا لا مع اني راح نقرى في الجامعة............براك الله فيكم