|
|
|
|||||||
| أرشيف منتديات الاسرة و المجتمع هنا توضع المواضيع القديمة والمفيدة |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
راااه قرّب الصيف...و تبدأ الأعراااس...تعرفوا واااش كاااين مور العرس؟؟؟...هههههه...شاااركوناااا
 |
|
|
أدوات الموضوع | انواع عرض الموضوع |
|
|
2010-04-30, 16:52
|
رقم المشاركة : 1 | |||||
|
اقتباس:
بوه أنا مازالني عويتقة
و كي نتزوج ان شاء الله نخلطها تصفا 
|
|||||
|
|
2010-05-01, 11:52
|
رقم المشاركة : 2 | ||||
|
اقتباس:
ربي يسهّلك إن شااااء الله  |
||||
|
|
|
2010-04-29, 16:38
|
رقم المشاركة : 3 | |||
|
 موضوعك متنوع مشكورة أختي بالنسبة لعائلتنا ليست هناك مشكلة في الذكر أو الانثى فنحن سواء عند والدينا عندنا الوالد يدلل فينا احن البنات بصح ماما تدلل في الدراري عجب رانا عايشين بالعكس و الحمد لله أسرتنا متدينة و مثقفة بما يكفي ليعلم الأب أن تحديد جنس المولود يكون من خلاله فكما نعلم الأب لديه كروموزم جنسي XY أما الأم لديها XX و المولود المحتمل يكون بتطبيق الخلط المورثي للجينات يعني حتى يكون لدينا ذكر لازم XY أو أنثى لازم XX و المعنى أن الأم المسكينة ما عندهاش Y لي عند الأب باه يلومها على الأنثى.... هذا بين قوسين فقط للآباء و للمقبلين على الأبوة ربي يهدينا أجمعين بالنسبة للتسمية في دارنا لي يسبق للطبيب منهم في زوج يسميه هو بابا سماني و سمى الدراري و ماما لحقت و سمت غير أختي  و لكان الزوجة تتعب و تجيب الأولاد و تهتم براجلها و الله ماهي خسارة فيها مليون منصورية و ما فيها والو ساعة على ساعة تنحي على بالها تلبس المنصورية مكان مئزر المطبخ و دير العطر مكان رائحة الثوم و البصل و دير ماكياج بدل الغبار مادابيا نشوف ماما تحط الحطة في لعراس كنشوفها فرحانة بالدنيا و ما فيها و مادابيا الأزواج ساعة على ساعة يتفكروا نساهم بهدية بسيطة دون مناسبة.... مع العلم أني ما نروحش لعراس ههههه يكسرولي راسي بالحس وزيد غير المشاكل و أهم ما فيه يديرولك سكانار مع الدخلة وش لابسة..كفاه تمشي...و قداه مديت العون والا الكادو....يا يمى على النساء  و العرس كان وحد الزمان غير في الدار يديروه درك احم احم ندير عرس ولدي والا بنتي في لاصال و الا ماكان لاه و زيد لازم فرقة عيساوى تدخل لعروسة من الطوموبيل حتى لاصال لداخل مبعد فقيرات مع العشية +قهوة +حلويات بين قوسين عصرية غير الللللللوز يخبط*هلكونا بعجينة اللوز القاطو كامل كيف كيف غير اللون و الشكل يختلف هههههه* لعشيه يجيبوا فنانة مشهورة لازم للنساء في لاصال والرجال راكم تعرفوها*تحيي السهرة فرقة فلكلورية* ههههه و لي ما عندوش باه يجيب فنانات والا فنان لازم Dj مليييييح و الحمد لله كاينين ناس يديروا العرس بالأناشيد الدينية و كاينين لي يجيبوا فرق ملاح العشاء يبداوا يعشيوا الناس البرانية مبعد يعشيوا لافامي هههههه مساكن و العشاء كل واحد و مقدوره على العموم شوربة+كسكسي والا شخشوخة+مرقة زيتون+سلطة+ديسار+ليموناد والا عصير عندنا في لا فامي احم احم يديروا شوربة+كسكسي+دولمة بالزيتون+دجاج محمر وحده +سلطة متنوعة يعني فيها كلشي *ماسيدوان*+ديسار+عصير*و ساعات تلقاي لي يدير مرقة حلوة*باللوز تاني هههه* احم احم يعني لي يجي عندنا لازم يكون تقريبا صايم نهار كامل و ادا غلط و جانا متغدي خلات عليه السبيطار يعيط *لا قدر الله* راني نضحك معاكم برك العروسة قبل ما تجي سيييير خطبوها كاينة منها يعني كاين خاتم خطوبة+لاطارت *لازم كبيرة* هههههه و يتفاهموا على الشرط فيها كل واحد و عقليته بصح على العموم عندنا يقولوا مالين لعروسة. احن ما نشرطوش مالين لعريس.كي ما تشرطوش احن نشرطو على ارواحنا صداق بنتكم 10 ملايين سنتيم+مقياس نحاس هههه ذهب باينة خلاص*و كاين لي يجيب طقم بارير بالعربية +و خاتم للعقد+خاتم للفاتحة+*ادا حبوا سلسلة مع الصوف* و الصوف لازم يكون تع كانيش ههههه و كيفاه ....عبالكم لازم لاكاليتي بالنسبة للعائلة نتاعي يقولك الفايدة في لهنا *يلعبوها برك أو فاقوا هههه سير كون يقولوا مالين لعريس نقدروا نجيبوا غير الخاتم بابا علابالي بيه نورمال بصصصصصح ماما....بعد ما يروحوا نعلقولها السيروم في السبيطار لاتونسيون طاحت وين راح بالك.... لالا.... مسكينة ملفرحة بالخطابة ما كلات حتى حاجة حلوة من الصباح علابيها طاحتلها لاطونسيون هههههههههه من جهتي لوكان نصيب ندير كلشي في نهار واحد و كي ندير الخطبة ندير العرس وراها بشهور برك باه ما نكتروش على العريس راكم تعرفوا....هدا عيد صغير...وهدا عيد كبير...والمولد يعيط..... و لازم ندير الخطوبة وراء عيد ميلادي و لعرس قبل ما يلحق عيد ميلادي الجاي ههههههه و الحق تاع ربي لوكان نشرط نشوف قيمتي في هداك الشرط و انا قيمتي اكبر من أي شرط و الفاهم يفهم الفايدة في لهنا و راحة البال أقلهن مهورا أكثرهن بركة و للشباب ادا العروسة عاونتكم هدا ما يخليكمش تحطوا من قيمتها من بعد.....راكم فاهمين واش راني نهدر و بارك الله فيكم بين قوسين التقاليد و العادات لي هدرت عليها راهي من الشرق الجزائري المهم بالاك كترت ملهدرة أختي ام انفال الله غالب رانا غارقين في مجال البحث العلمي و هدا الموضوع نحالي على بالي و خلاني نهدر....نهدر...نهدر اففففففففففف غلبت راني نزيد نولي و الحاجة لي نتفكرها نزيدها . . . . . . |
|||
|
|
|
2010-04-29, 20:37
|
رقم المشاركة : 4 | ||||
|
اقتباس:
ماااا شااااء الله
قلتي و فصلتي ماااا خليتي وااااالو ربي يجيبلك ولد الحلاااال و يعطيك على حسااااب قلبك فعلاااا رد راااائع أنت لي نحيتيلنااا على قلبنااااااا مشكوووووورة أختي و أهلاااا بيك في أي وقت |
||||
|
|
|
2010-04-29, 17:06
|
رقم المشاركة : 5 | |||
|
مشكورة يا أختي على الموضوع
و لكن للأسف أشعر بالغم عندما يكلمني أحد عن الأعراس و عن الزواج بصفة عامة لأنه صار من المستحيلات السبع عند جل الشباب نظرا لتكاليفه الباهضة ناهيك عن غلاء السكن للإيجار أو للبيع. إذا فالتفكير في الزواج هو مرض بحد ذاته،والله غير تغيضني عمري كي نشوف الأعراس و الكورتاج فيه تقريب 30 سيارة ماركة هاذي كورولا وهاذي ميجان كاسكيطا و هاذي شيفرولي و هاذي كابتيفا ووو و البارود و التزغريد و الكاميرا HD تصور في العرس و الديجي و الطعام و اللحم 10 نعجات و القاطو على كل لون،و أنا و غيري الكثير يشقى و يتعب و يسافر و لكن دوما نحن في الزيرو ما درنا والو،هناك فتاة من أقاربي طلبتها للزواج على بالكم واش قالتلي قالتلي يا إما أتدير كيما الناس أي كما ذكرت سابقا يا إما درق وجهك علينا و هاذ الهدرة ما تزيدش تعاودها،علاش كون ما عنديش الدراهم باش ندير عرس ب 40 مليون و نشري شامبرا ب 6 ملاين أو أكثر رغم أني عامل و عندي دخل محترم يسمح لي بالعيش الكريم و لكن العقبة الوحيدة في طريقي هي الزواج اللذي أصبح كابوس مفزع،أكره الأعراس أكره الصيف و الخريف و الشتاء و الربيع و كل الفصول الأربعة أكره كل شيء من حولي. آســــــــــــــــــــــــــف و أرجــــــــــــــــــــــــوا المعـــــــــــــــــــــــــــــــــذرة أني اثرت الهموم في نفوس الكثير و لكن للأسف هذه هي الحقيقة المرة و في الأخير 123 viva l'algerie |
|||
|
|
|
2010-04-29, 17:20
|
رقم المشاركة : 6 | ||||
|
اقتباس:
انت نويت لحلال و حبيت السترة ليك وليها و هي شافت لحلال في واش يديروا الناس ربي يطيحها في لي يجيب كيم الناس و ربي يطيحك في لي حابه لحلال كيفك خلاصة القول الطيور على أشكالها تقع بالتوفيق |
||||
|
|
|
2010-04-29, 21:41
|
رقم المشاركة : 7 | ||||
|
اقتباس:
اللهم آااااااااااااااميييين
و نعمة القول |
||||
|
|
|
2010-04-29, 21:17
|
رقم المشاركة : 8 | ||||
|
اقتباس:
لا تتأسف أخي
كااانت فرصة و فرّغت لي في قلبك و هو حاااال الكثيرين من الشبااااب للأسف ربي يعطيك الزوجة الصاااالحة و يفرّج ان شااااء الله أسعدتني مدااااخلتك أخي أهلااا بك |
||||
|
|
|
2010-04-29, 23:53
|
رقم المشاركة : 9 | ||||
|
اقتباس:
اراك اخي متأثر كثيرا بهذا الموضوع .اولا ارى ان الشروط عندكم كثيرة ضف الى ذلك كون الفتاة التي اخترتها هي ترى من الزواج مجرد مظاهر براقة سيارة فخمة (ليموزين) وكورتاج .كاميراو....... والمسؤلية التي تنتظرها بعد ذلك لا تعيرها اهتماما...ربي يهديها تقبل مروري.انا لا الومك ان كرهت الموضوع والله المجتمع وعباده يفرضون ذلك 
|
||||
|
|
|
2010-04-30, 12:51
|
رقم المشاركة : 10 | ||||
|
اقتباس:
جزااااك الله خيرااااا
على اسداااائك النصيحة له و الله كااااين عباااااد للأسف يفشلوا و يخسروا النية ربي يجيبلوااا مااا خير منهاااااا ان شاااااء الله |
||||
|
|
|
2010-04-29, 21:45
|
رقم المشاركة : 12 | ||||
|
اقتباس:
ايييييه ... بصّح احكيلنااا وااااش تعرف على الأعرااااس
واااش هي عاااداااتكم في الأعرااااس... في تسمية المولود... أي حااااجة متعلقة بقبل العرس او بعده في انتظاااارك أشكر لك مشااااركتك أخي الكرييم |
||||
|
|
|
2010-04-30, 16:46
|
رقم المشاركة : 13 | |||
|
احنا في عنابة .......عادت لعراس هبال |
|||
|
|
|
2010-05-01, 10:23
|
رقم المشاركة : 14 | ||||
|
اقتباس:
صح المشكل تاااع لاااصااال كااااين
في كل مكاااان لااازم تريزاااارفي عااام من قبل قوليلي وااااش فيهاااا الفااااليزااا؟؟؟ و لااا فااارغة؟؟؟ مااا فهمتش وااااش هي لفقيراااات !!! و الله مااا كااانش كيمااا البسااااطة ربي يجيب الخير أتمنى عوتك لتشرحي لنااا أكثر شكراااا لك |
||||
|
|
|
2010-04-29, 20:17
|
رقم المشاركة : 15 | |||
|
مشكورة اختي الكريمة على الطرح المميز اما عن الاعراس في منطقتنا اليكي هذا الرابط واقرئي المشاركة رقم 10 ستجدين الشرح المفصل عن عادات وتقاليد اعراسنا |
|||
|
|
|
| الكلمات الدلالية (Tags) |
| الأعراس |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
العرض المتطور
