سحر الترتيب

[omelbanin]

صباح الخير عليكم فراشات ،ربي يجازيك ويعينك ختي حبيبة .
انا اليوم راح نظف ونسرج ليزيليمو ونرمي ما بجب رميه .
يومكم موفق سلاااااام.

[جهينة اليقين]

سلام عليكم اختي حبيبة* لما قلت نبدا بالملابس فاني مرغمة اختك لا بطلة هههه
الزوج كل يوم الجاكيطة الفلانية اجبديها السروال الفلاني* التريكو العلاني راهو دخل البرد* انا قلت قولة حبيبتي ام هاجر المشهورة ضربة بصرعة هههه
وهذا ما يمنعش اني ما نخلصش حتى للخميس ان* شاء الله لاني فرغت البلاكار وراني نفرز غير بالعقل ومع الروتينات* راكم تعرفو اختكم راهي تعجز غير حبة حبة*
يوم سعيد للجميع*

[arwa alaa]

صباح الخير فراشات
الف مبروك افتتاح الدورة الجديدة

[حبيييبة]

حياتي كلها أمل
أهلا و ألف مرحبا بك
واش راكي ان شاء الله بخير
ربي يوفقك و يعينك ياا رب





omelbanin شكرا لك
آمييين ياا رب
اهلا و الف مرحبا بك واش راكي ان شاء الله بخير
ربي يوفقك و يعينك و يقدرك ياا رب



قرويجة اهلا حبيبتي
ربي يعاونك و يقدرك ياا رب
بالتوفيق و نكملوا مع بعض باذن الله



جهينة اليقين شكرا لك حبيبتي
أأأمييين ياا رب
اهلا و ألف مرحبا بك
هههه الله يكون في عونك
أنا زوجي يخرج كل ملابسه كلما يحب يلبس
اللي معلق و اللي مطبق
و مرات يبدل اكثر من مرة في اليوم
الله يكون في العون و خلاص



رندة.اهلا و ألف مرحبا بيك حبيبتي
اللهم آآمييين
ربي يقدرنا و يعينا
الله الله عليك ربي يحفظك و يحميك على مجهودك
شكرا لك الف شكر
ان شاء الله كامل تقروا الكتاب و تستفادوا بيه لان هاذي بيوتنا اللي راها على المحك
لازم نتعلموا اي شيء و كل شيء يرجعها نقية و منظمة و بالنا فيها مرتاح و قلوبنا فرحانة
في وقت قصير و ببذل مجهود قليل لكن باكثر فعالية


crono حبيبتنا كلنا
دائما في القمة
ربي يخليك ياا رب و يحفظك
آآآآمييين ياا رب شكرا لك



ام شمسو محمد أهلا و الف مرحبا بك
شكرا لك حبيبتي
ربي يخليك و يوفقك ياا رب
ماشاء الله عليك
بما أنك استعملتي مصطلح power hour
هذا يعني انك على اطلاع دائم بكل ما هو جديد في مجال التنظيف و التنظيم المنزلي
و أنك تبحثين عن تطوير مهاراتك في العناية ببيتك لترتقي الى ربة بيت ممتازة 100/100
أقدر لك مجهودك حبيبتي اتمنى لك التوفيق و المواصلة
و حبيت نطلب منك أنك تشرحي معنى power hour
هناك من تعلم معناها و فائدتها و طريقة تطبيقها
و هناك من لا تعلم
ارجو أن تفيدينا عنها من خلال تجربتك لها حبيبتي
لان فيها فائدة كبيرة للجميع
شكرا لك الف شكر



ام هزار أهلا و الف مرحبا بك حبيبتي
ربي يوفقك و يعينك ياا رب
هههه والله ضحكتيني ربي يجازيك خيرا
الحرب راهي قايمة بين العقل الواعي و اللاواعي
نحب نقدملك معلومة ممكن تفيدك و نفيدنا كلنا
التخيل.. التخيل يجعلك تقومين بكل ما تريدين مهما كانت حالتك الجسدية و النفسية
ويجعلك تتحكمين في عقلك اللاواعي
كيف ذلك.. عندما تجلسين باسترخاء في هدوء و تتنفسين بعمق
و تغلقين عينيك و تتخيلين نفسك تقومين بالعمل المراد القيام به اليوم او في الغد او تتخيلين نفسك تحققين الهدف الفلاني
الذي تتمنين نحقيقه و تستشعرين كل المشاعر المفروض تشعرين بها خلال قيامك بذلك العمل و تلك التي تشعرين بها لدى فراغك منه و تحقيقك لمبتغاك
كل ذلك لا يدركه العقل اللاواعي بانه خيال
فالعقل اللاواعي لا يفرق بين الحقيقة و الخيال و انت بذلك تقومين بتدريبه على ذلك الفعل او ذلك العمل دون أن يعلم
لذا عند حلول موعد تطبيقك لذلك العمل سيقوم به بدون تردد و ينغمس فيه بسهولة تاااامة و دون تراجع الى أن يتمه و تشعرين بكل تلك المشاعر و الاحاسيس
و لن يجعلك تتوقفين حتى تصلي لتلك المشاعر
فالتدريب اقوى من التعلم لوحده فقط
التعلم + التدريب على تطبيق ما تعلمناه في يوم واحد فقط يساوي شهرين من التعلم لوحده
فسبحان خالكقنا و هنيئا لمن عرف كيف خلقه الله و كيف يستعمل القوى الكامنة التي خلقها الله فيه
لكل ما فيه خير له و لمن حوله



بنت الجزاير الغالية أهلا و الف مرحبا حبيبتي
كيف حالك ان شاء الله بخير
و فيك بركة حبيبتي شكرا لك

حبيبتي أم صفصف اهلا و اف مرحبا بيك
واش راكي ان شاء الله بخير
شكرا لك راكي وفيتي و كفيتي
و نتمانلك التوفيق و الاعانة من الله في تطبيق البرنامج



الزهرة الرمادية أهلا و ألف مرحبا بك حبيبتي معنا
التحقي بالركب على بركة الله



arwa alaa أهلا و الف مرحبا بيك حبيبتي
واش راكي ان شاء الله بخير



nassimab82 واش راكي حبيبتي ان شاء الله بخير
باذن الله رايحة نحطلكم بماذج و افكار للعاملات
و حتى للماكثات في البيت
ان شاء الله ما نبطاش عليكم



miss hapiness أهلا و الف مرحبا بك معنا
الله يجعل ايامك كلها سعادة

[جهينة اليقين]

اهلا وسهلا بالجميع تقبل الله صلاة الجميع اللهم صل وسلم على سيدنا محمد
ام هزار البراس نحي لها الجوان ونحي الصفاية ونقيها من الداخل او طلعي فيها الكربونات مع الخل وشوفي
حبيبة انا كذلك نعمل بهذه الحيلة تاع العقل الباطن غير من راسي هههه ومعاونتني بزاف بزاف في حياتي في كل المجالات كي نكون مسافرة نخمل كل شي في الليل في راسي والصباح نطبق في وقت وجيز نكون واجدة وما نقعدش ندور كذلك كي يكونوا الضياف جايين نطيب ونوجد في عقلي الباطن ومن بعد نطبق جربوها يا لبنات والله نافعة جدا

[crono]

المشاركة الأصلية كتبت بواسطة ام هزار

[font="amiri"][size="5"][color="darkorchid"]مرحبا بالجميع

لبنات اللي عندها تدبيرة حول براس القهوة عندي مدة ما استعملتوش و عاد ما يخرجليش القهوة مليح جربت نطلع فيه ماء و خل و سائل اواني لكن دون فايدة بقالي نزيد نقيلو الصفاية تاعو بالابرة عل و عسى للعلم فقط هو من حجم كبير يعني نادرا وين نستعملو نكتفي غير بالصغار و شكرا مسيقا
تصبحون على خير حبيباتي

المشاركة الأصلية كتبت بواسطة جهينة اليقين

اهلا وسهلا بالجميع تقبل الله صلاة الجميع اللهم صل وسلم على سيدنا محمد
ام هزار البراس نحي لها الجوان ونحي الصفاية ونقيها من الداخل او طلعي فيها الكربونات مع الخل وشوفي
حبيبة انا كذلك نعمل بهذه الحيلة تاع العقل الباطن غير من راسي هههه ومعاونتني بزاف بزاف في حياتي في كل المجالات كي نكون مسافرة نخمل كل شي في الليل في راسي والصباح نطبق في وقت وجيز نكون واجدة وما نقعدش ندور كذلك كي يكونوا الضياف جايين نطيب ونوجد في عقلي الباطن ومن بعد نطبق جربوها يا لبنات والله نافعة جدا

صباح الخير عليكم نزيدلك هاد تدبيرة انا نعمل
ندير الملح مكان القهوة :dوندير الماء ونحطو كشغل رايحة تطيب القهوة وكيطلع الماء ينقي وينظف البراس طريق ة مجربة و رائعة
و مندك نقيها
بلخل الابيض الكربونات و قشر الرمان و االقرس و ازيس هادي الطريق راك تعطيك تعقيم للاجزاء كامل

[nassimab82]

السلام عليكم
نشكرك الأخت حبيبة من كل أعماق قلبي
و ياريت لو تحطينا الروتينات الخاصة بالمرأة العاملة
و يجعلها ربي في ميزان حسناتك ان شاء الله
شكرا جزيلا حتى و لو مانقدرش نطبق كلشي
لكن نحاول

[miss hapiness]

السلام عليكم
باسم الله و الصلاة و السلام على رسول الله و على بركة الله اسجل انضمامي لهذه الدورة .
ربي يجعلها مباركة ...امين

[ام هزار]

مرحبا بالجميع
انا مساء بعدما انصرفت من عملي اخدت بنتي و تسوقت بهدف واشح حيث اشتريتسلسلة اوناني كاسغول بين قوسين من نوع ستانلس باه نرمي اللي راهي عندي في الدار و مخططتلها من مدة لانها مصنوعة من الالمنيوم و بعضها من التيفال اللي بدا يتغير و هدا كما هو معروف خطير جدا على الصحة و اللي حبت تزيد معلوماتها تتابع الدكتور محمد الفايد جزاه الله عنا كل خير
لقيت زوجي قضالي للاسبوع و بعدما صليت العصر و ريحت شوي و شربت حليبي فرزت المقاضي و درت وجبة العشاء السريعو و الخفيفة لان زوجي معروض في عرس و غسلت الاواني و رتبت المطبخ و راني رايحة بادن الله نصلي العشاء و نتعشاو انا وبنتيو نسهرو شويييييييييييييية و نرقدو
غدا الجمعة بادن الله رايحة نكمل الجزء المتبقي من الخزائن تاع المطبخ و نخطط للاسبوع القادم اضافة الى الروتينات الثابتة
حبيبة بارك الله فيك على التلخيص طحتي معايا قدقد واش نحب نتخلص من الاغراض الزائدة
لبنات اللي عندها تدبيرة حول براس القهوة عندي مدة ما استعملتوش و عاد ما يخرجليش القهوة مليح جربت نطلع فيه ماء و خل و سائل اواني لكن دون فايدة بقالي نزيد نقيلو الصفاية تاعو بالابرة عل و عسى للعلم فقط هو من حجم كبير يعني نادرا وين نستعملو نكتفي غير بالصغار و شكرا مسيقا
تصبحون على خير حبيباتي

[حبيييبة]

صباح النووور حبيباتي
جمعة مباركة

[ام هزار]

جمعة مباركة حبيباتي
حبيبة يعطيك الف صحة على المعلومة القيمة اللي تفضلتي بيها الصراحة انا كنت نتخيل في اللحظة اللي نقوم بيها في الشغل و انت زدت سهلتي علينا الامر ربي ييسرلك امورك و نزيد نضحكك اكثر عدت كي نشعر بالتعب نتكلم مع نفسي كيما اليوتيبرز شغل راني مدايرة فيديو و نشرح للناس طريقة العمل و الترتيب ما تتخيليش قداه نرتاح و نتقن عملي هههههه
جهينة بارك الله فيك على التدبيرة رايحة نجربها بادن الله و نردلك الخبر
البقية وين راكم

[takwazakou]

دورة رائعة ربي يكون في العون ان شاء الله

[حبيييبة]

صباح السعادة و الكلمة الطيبة
ربي يباركلكم حبيباتي و يعينكم في أشغالكم
اليوم عطلة ان شاء الله تغتانموها و ترتاحوا قليلا و تستمتعوا مع أسركم حبيباتي

[حبيييبة]

على ما يبدو أننا لم نكمل تنظيفاتنا و تنظيماتنا مع المطبخ
واش رايكم حيباتي
نكمل هاذ الاسبوع أيضا مع المطبخ
أم ننتقل الى غرفة أخرى؟

[قرويجة]

السلام عليكم
نتمنى كل الفرشات يكونو بخير
نعم أختي حبيبة أنا مع فكرة أن نكنل تنظيفالمطبخ .....ربما الأخوات يوافقوني الرأي شخصيا أنا نبدأ بالمطبخ لأني نخافو