سلام
نحكيلكم تجربتي ولكم الحرية العام لي فات أنا قريت في رمضان من 9 لغاية 12 ولا 1 قبل رمضان في تكوين وكانت رح تطيحلي اختباراتي ب الاسبوع الاول نتاع رمضان بعدها 10 ايام وتجي امتحانات الباك دوك 3 ايام مرضت فيهم بقى اسبوع برك
كنت نوض صباح نحفظ منطولش من 8 لل10 ولا 12 وتكون متقطعة شوي بعد الفطور بساعة نحكم نقرى حتان 10 ولا 11 ونرقد نوض وقت سحور نسحر نقرى اقلها ساعة ونولي نرقد نوض بكري ونعاود نفس الطريقة كنت رياضيات وادب وياسر مواد مقريتهمش عام كامل .
في فترة اسبوع قريت بذكاء مشكلتي نسيت كفاش درتها , لي رح ننصحكم بيها دوك اذا كنتم من الشعب العلمية متخدعوش رواحكم تقدروا وتقدروا وتقدروا انا عرفت علميين قراو في 15 يوم و10 ايام وجابوا وعادي بصاح هذاك الضغط مش مليح بخاصة تكونوا علوم ومتضوش يعني قع ممشيتوش في البرنامج يعني كي تخموا فيها في حدود المعقول كل واحد يعرف طاقتوا مش متقراش عام كامل ومبعد تقول 15 يوم ونقرى لخطرش مبرمجتش نفسك تتعب , مالا هذا الوقت يكفيكم وبشكل كبير يعني شهر وحاجة تكفي واكثر ., اما اذا كنتوا ادبيين 10 ايام اسبوع 15 يوم تكفي وعادي لخطرش البرنامج اغلبوا ثقافة عامة مش تقليلا في الادبيين وباش نقول بلي ميقراوش انا عن نفسي شعبة لغات , نحيوا الفيسبوك بعدوا سوشال ميديا وتلفزيون ومتقلقوش رواحكم حطوا كلش قدامكم لي يعرف روحوا يفشل يصدم طول لو كان يقعد يدير برنامج على برنامج ميمشيش الحال واخيرا ادبي ولا علمي متروحش تقرى الحاجة لي تعرف تقراها وتعرف عفايسها باش تصبر روحك روح للحاجة لي متضويش فيها وتعلم عفايسها شوف الباكات التمارين لي عليها النقاط ولي فيها قواعد تتحفظ برك وعفايس ساهلين وثابتين في باك ,في تالي كامل منطولش عليكم اي نصيحة اي سؤال اي استفسار تفضلوا
لي رح يسقسوا على باك انا كنت علمية لعامين اكثر عامين قريت فيهم من البداية للنهاية بصاح معرفتش نقرى وخلعت المنهجية هي الصح وبعد ما حولت لغات وقريت سمانة وعرفت كفاه ذيك سمانة عوضت عام كامل , متخلعوش اهم حاجة واعرفوا كفاش تقراو .
الباك الاول : 7.47
الباك الثاني : 7.73
الباك الثالث:9.03
كل خطرة نزيد شوي ههههه ايا بالتوفيق.
( تقرير عن مشاركة سيئة )، و الموجودة أسفل كل مشاركة .
2018-05-09, 17:13
العرض المتطور
