الاخت [[حياة نور الدين]] معنا تحت المجهر

[بيان 5]

حياة يعطيك الصحة وألف تحية مني ليك
افدتني كثيرا
اتمنى لك حياة سعيدة مع زوجك واولادك

[x ام رحاب x]

هلا وغلا قدمت أهلاً ووطأت سهلاً يسعدني أن أرحب بك أجمل ترحيب.

يا مرحبا باللي طلته علينا مثل ضو القمر وسيل المطر وفوح الزهر.

مرحبا بك بين زهور الأبداع ورحيق الاخوة وشهد المحبة اتمنى لك اقامة هادفة.
هي اخت وحبيبة وقلبها يسع كل من في المنتدى الطبخ هي امراة مثابرة وواقفة ومسؤولة كون نقعد نشكر فيها مانوفيهاش حقها الله يحفضك لعائلتك حبيبتي
عندي سؤال ليك لو ايعود عليك الزمان للوراء واش حبيتي اتكوني
نتمالك وقت ممتع حبيبتي وتستاهلي كل خير

[x ام رحاب x]

هادا باروكي ليك حبيبتي حبيت انحط الحلوة باه ايفوتو نهارات هادو حلوين كي العسل



انت مولات واجب ولازم علينا يحضر واجبك

[أم عبد الكريم]

مع شفت بلي الضيفة عي العويزة حيوتة جيييبت نجري ..........و بغيت نقةلك نتي و الزميلات في الكوزينة انتن من خلى قسم الطبخ مزال منتعش و تعلمنا منكم حوابج بزااااااف....انا كنت ندخل في 2015 و ضرك دخولي قليل مع مشاغل الدنيا

حياة و الله نحبك في الله انت و بناتك و يبانلي عندك ضرك طفل ربي يصلحهملكم و يحفظهم

سؤالي هو ........شحال عندك زواج ...و كيفاش تتخطاي المشاكل ربي يبعدهم علينا بينك و بين زوجك ابو عيالك هل تعتمدين سياسة الصمت او النقاش و هل تغضبين لداركم لا لا......مجرد فضول برك هو لي خلاني نسال الاسئلة هذي
السؤال الثاني انسان جرحك و هدر فيك و هو انسان قريب ليك هل تخبرينه ولا متقوليلوش و تبقاي تتحشاي فيه و تنقصي من الهدرة معاه ...وهل تبقاي شادة في قلبك من جيهتو ولا تنساي الموضوع و ترجعي معاه عادي

[سحابة باردة]

السلام عليكم
أحلى صباح على صديقتنا ومشرفتنا الغالية حياة نور الدين والله بصدفة شفت الإستضافة
ماخبرونيش الشيرات في الكوزينة مبعد نوريلهم ههه
حيوتة منورة هنا وفي كل مكان تعطريه كي الوردة الفواحة أكيد عرفناك بشخصيتك القوية شجاعتك في أشهر وأنجح قسم في المنتدى قسم الطبخ رغم
الصعوابات
أن شالله توفقي في حياتك كيما هنا وتضلي دوما أفضل زوجة وأم ماشاءلله عليك تساهلي كل الحب والتقدير منا جميعا
لما قدمتي وتقدمينه لنا رغم المشاغل والمسؤليات
نخمم في الأسئلة ونرجع

[سحابة باردة]

سؤال فجأة جاني كيف كانت حياة في طفولتها مشاغبة عاقلة مدللة تحب العرايس مثل كل البنات ولا تفضل اللعب الجماعي في الخومة
ماهو رقمها بين أخواتها
كيف كانت علاقتها بالوالدين قبل الزواج وكيف كانت الحياة بعد البعد عنهم تعودتي بسهولة على فراقهم ؟ ولا أخذتي وقت طويل
أن شالله نكون رجعتك للماضي الجميل

[حياة نور الدين]

المشاركة الأصلية كتبت بواسطة x ام رحاب x

هلا وغلا قدمت أهلاً ووطأت سهلاً يسعدني أن أرحب بك أجمل ترحيب.

يا مرحبا باللي طلته علينا مثل ضو القمر وسيل المطر وفوح الزهر.

مرحبا بك بين زهور الأبداع ورحيق الاخوة وشهد المحبة اتمنى لك اقامة هادفة.
هي اخت وحبيبة وقلبها يسع كل من في المنتدى الطبخ هي امراة مثابرة وواقفة ومسؤولة كون نقعد نشكر فيها مانوفيهاش حقها الله يحفضك لعائلتك حبيبتي
عندي سؤال ليك لو ايعود عليك الزمان للوراء واش حبيتي اتكوني
نتمالك وقت ممتع حبيبتي وتستاهلي كل خير

المشاركة الأصلية كتبت بواسطة x ام رحاب x

هادا باروكي ليك حبيبتي حبيت انحط الحلوة باه ايفوتو نهارات هادو حلوين كي العسل



انت مولات واجب ولازم علينا يحضر واجبك

اهلااا باختنا الكبيرة ذات القلب الكبير والطيب وبنت الاصل والجود والكرم كلامك روووعة وترحيبك اروووع ترحب بك الجنة حبيبتي وربي يحفظك ويخليك على الواجب كريمة حبيبتي وربي يرحم والديك والبطن لي حملاتك يا رب
بالنسبة لسؤالك الحمد الله راضية بواش راني بصح لوكان يرجع بيا الزمان نعاود حساباتي في التنازل على بعض الامور لوكام يرجع بيا الزمن ابدااا ما نتنازل عليها والحمد لله

المشاركة الأصلية كتبت بواسطة أم عبد الكريم

مع شفت بلي الضيفة عي العويزة حيوتة جيييبت نجري ..........و بغيت نقةلك نتي و الزميلات في الكوزينة انتن من خلى قسم الطبخ مزال منتعش و تعلمنا منكم حوابج بزااااااف....انا كنت ندخل في 2015 و ضرك دخولي قليل مع مشاغل الدنيا

حياة و الله نحبك في الله انت و بناتك و يبانلي عندك ضرك طفل ربي يصلحهملكم و يحفظهم

سؤالي هو ........شحال عندك زواج ...و كيفاش تتخطاي المشاكل ربي يبعدهم علينا بينك و بين زوجك ابو عيالك هل تعتمدين سياسة الصمت او النقاش و هل تغضبين لداركم لا لا......مجرد فضول برك هو لي خلاني نسال الاسئلة هذي
السؤال الثاني انسان جرحك و هدر فيك و هو انسان قريب ليك هل تخبرينه ولا متقوليلوش و تبقاي تتحشاي فيه و تنقصي من الهدرة معاه ...وهل تبقاي شادة في قلبك من جيهتو ولا تنساي الموضوع و ترجعي معاه عادي

اهلاا اختي ام عبد الكريم واش راكي واحبك الذي احببتني فيه والله شعور متبادل برك الوقت والمشاغل بعدزنا على بعضنا بصح راكم في القلب ومعرفتكم احل. ذكرى
بالنسبة لسؤالك الاول مكانش بيت مافيهش المشاكل وكنت نتخاصم انا وزوزجي بزاف كي كان يخدم في الصحرا تعرفي الضغط عليه وعليا والبعد وزيد بعيدة على اهلي وكانوا مشاكل في الهاتف طبعا وعلى تفاهات ههه وبعدها كي رجعنا كيف كيف عايشين كاين مشاكل مي الحمد الله عمرنا لا جازت علينا 24 ساعة متنايفين ولا متعاديين انا قلبي ابيض وزوجي ثان يتنارفا وقبيح مي بلخف يبنسى وانا اكثر وانا منعرفش الصمت هههه اما ناقش وادا كان نقاش عقيم يؤعني غير من جهتي نقلب الفيستا ونخرج الوجه الاخر هههه
والحمدظ الله زوجي متقي الله فينا انا ووليداتو ويوفرلنا على حساب مقدورو وربي يخليهولنا برك عندو عيب شوية عمدوا لامبالاة يعني حاجة تتخسر لازم كل يوم تهدري ويا ربي حتى تولي وحش هههه باش يسقمها
ودارنا عمري لا نحكيلهم على خلافاتي ولا نروح غضبانة اصلاا بعاد ما نجي نروح يكون راح الزعاف هههه

انسان جرحني نقولوا ونزاجهوا يا اما يبررلي التصرف تاعو نسامحوا ونكمل عادي معه او نسامحوا ومنعاودش ندور به على حساب الموقف والتصرف لانه من طبعي لوكان نخلي في قلبي منقدرش نشوف فيه منعرفش نضحك معه وقلبي معمر عليه
وشكرااا حبيبتي

المشاركة الأصلية كتبت بواسطة سحابة باردة

سؤال فجأة جاني كيف كانت حياة في طفولتها مشاغبة عاقلة مدللة تحب العرايس مثل كل البنات ولا تفضل اللعب الجماعي في الخومة
ماهو رقمها بين أخواتها
كيف كانت علاقتها بالوالدين قبل الزواج وكيف كانت الحياة بعد البعد عنهم تعودتي بسهولة على فراقهم ؟ ولا أخذتي وقت طويل
أن شالله نكون رجعتك للماضي الجميل

اهلااا سحوبتنا ههههه غاضوني البنات في الكوزينة كنت حطيت الرابط بلاك مشفتيهش برك عندهم براءة هههه وشكراا على كلامك وترحيبك وسبحان الله كنا في غرفة واحدة وكنا سلام سلام من بعيد ههههه وكي دخلنا قسئم الطبخ تعرفنا اكثر على بعضنا وربي يدومها يا رب

بالنسبة لسؤالك على طفولتي نحب اللعب الجماعي بالعرائس او غيروا اصلا تربيت في محيط غاشي كنا نسكنوا مع الجيران كما تع لالا عيني في دار سبيطار زكنا كامل تقريبا نفس العمر وكانت احلى ايااااام
رقمي الاول انا بكرية امي وكبيرة الدار وبالنسبة للمشاغبة اكيد مرات نبين ومرات من تحت لتحت وكان عندي اسلوب اقناع فضيع هههه حتى للان باش نخرج من مشكل هههه

حياتي كانت رووعة مع والديا بابا كان عندوا هبة كبيرة ونهار نهدروا ويضحك معنا اليوم عيد هههههه وهوكان يخدم بعيد اصلا علاقتنا كانت قليلة معه عكس امي هي لي رباتنا وكانت صديقتنا وامنا وكلشي بصح لا دلال لا والو تحكمك بالمطرق تخرجلك قلبك هههه والحمظ الله رباتنا احسن تربية وبسيف باش تعودت على بعدي عليهم حتى جبت دعاء زرجعت تونسي شوية وهكاك شوقي لهم دائما وحتى هوما مزال للان كي نكون ثم ونجي جاية يما تبكي وتمرض هداك النهار وتحزن
وبابا قتلك كانت عندوا هبة معنا ونهار جاو يدوني يبكي كما الطفل الصغير ويوصي فيهم يقولهم امانة وكنت كي نروح لوكان يصيب يجيببلي لبن العصفور وربي يحفظهم ويطول عمرهم
وشكرااا ديتيني رحلة للزمن الجميل

[crono]

المشاركة الأصلية كتبت بواسطة حياة نور الدين

[size="5
اهلاا اختي ام عبد الكريم واش راكي واحبك الذي احببتني فيه والله شعور متبادل برك الوقت والمشاغل بعدزنا على بعضنا بصح راكم في القلب ومعرفتكم

حياتي كانت رووعة مع والديا بابا كان عندوا هبة كبيرة ونهار نهدروا ويضحك معنا اليوم عيد هههههه وهوكان يخدم بعيد اصلا علاقتنا كانت قليلة معه عكس امي هي لي رباتنا وكانت صديقتنا وامنا وكلشي بصح لا دلال لا والو تحكمك بالمطرق تخرجلك قلبك هههه والحمظ الله رباتنا احسن تربية وبسيف باش تعودت على بعدي عليهم حتى جبت دعاء زرجعت تونسي شوية وهكاك شوقي لهم دائما وحتى هوما مزال للان كي نكون ثم ونجي جاية يما تبكي وتمرض هداك النهار وتحزن
وبابا قتلك كانت عندوا هبة معنا ونهار جاو يدوني يبكي كما الطفل الصغير ويوصي فيهم يقولهم امانة وكنت كي نروح لوكان يصيب يجيببلي لبن العصفور وربي يحفظهم ويطول عمرهم
وشكرااا ديتيني رحلة للزمن الجميل
[/size]

بكيتيني وتأثرت بزاف فكرتيني في بابا الله يرحمو كان حنيني عليا اشتقت له كثيرا ربي يحفظ والديك ويطول في عمرهم

[طيور الجنان]

حياة راني متتبعة للاسئلة و نستمتع باجاباتك و راني نتعرف عليك اكثر بصح بكيتيني كي حكيتي على والديك ربي يحفظهملك فكرتيني في ميمتي كي نجي نروح نخليها مدايرة حالة بالبكا ربي يخليها لي.

[سحابة باردة]

ربي يدوم لمتنا ومحبتنا ومعريفتك شرف كبيرة لينا كامل
شكرا على سعة صدرك حبيبتي ونا ثاني سافرت معك لزمنك الجميل والله تخيلت كل لحظة وتأثرت معاك
الله يحفظلك والديكي وتتلاقي بيهم عن قريب وتقر عينك بشوفتهم
وعجبتني موهبة الإقناع اللي عندك أكيد خرجاتك من مواقف صعبة كثيرة
وراني سامحت الشيرات على خاطرك ههههه
ومازالنا هنا متتبعين للإستظافة الممتعة

[أم عاكف ( الأم المعلمة )]

مرحبا بالجميع
رغم قلة دخولي لقسم الطبخ
الا أن الضيفة غنية عن التعريف
استمتعت بما طرحه الاعضاء من أسئلة
فأبيت الا أن أزور الاستضافة
حاليا لم يخطر ببالي أي سؤال
ربما لا حقا
أوقات ممتعة أتمناها لك حياة

[حياة نور الدين]

المشاركة الأصلية كتبت بواسطة طيور الجنان

حياة راني متتبعة للاسئلة و نستمتع باجاباتك و راني نتعرف عليك اكثر بصح بكيتيني كي حكيتي على والديك ربي يحفظهملك فكرتيني في ميمتي كي نجي نروح نخليها مدايرة حالة بالبكا ربي يخليها لي.

ربي يحفظ الوالدة سعيدة واسمحيلي بلكيتك

المشاركة الأصلية كتبت بواسطة سحابة باردة

ربي يدوم لمتنا ومحبتنا ومعريفتك شرف كبيرة لينا كامل
شكرا على سعة صدرك حبيبتي ونا ثاني سافرت معك لزمنك الجميل والله تخيلت كل لحظة وتأثرت معاك
الله يحفظلك والديكي وتتلاقي بيهم عن قريب وتقر عينك بشوفتهم
وعجبتني موهبة الإقناع اللي عندك أكيد خرجاتك من مواقف صعبة كثيرة
وراني سامحت الشيرات على خاطرك ههههه
ومازالنا هنا متتبعين للإستظافة الممتعة

بلا مزية سحابة والف مرحبااا اختي في خبمتي

المشاركة الأصلية كتبت بواسطة أم عاكف

مرحبا بالجميع
رغم قلة دخولي لقسم الطبخ
الا أن الضيفة غنية عن التعريف
استمتعت بما طرحه الاعضاء من أسئلة
فأبيت الا أن أزور الاستضافة
حاليا لم يخطر ببالي أي سؤال
ربما لا حقا
أوقات ممتعة أتمناها لك حياة

اهلاا اهلااا وشكرااا على كلامك حبيبتي ودخولك زادني شرف

[ام هدول]

مسا الخير لبنات.....ههه ..وسلامي الحار للبنات تع الكوزينه. لمتكن حيوته هنا....
حيوته...تتبعتت تفاصيل حياتك لقيت تشابه..خاصه في الطفوله وعلاقتك مع الوالدين ...ومع زوجك..
سؤالي.: كيفاش دخلتي للمنتدى....وهل مباشره رحتى لقسم.الطبخ?

[مياسم الصمت]

السلام عليكم ورحمة الله وبركاته
ونسجل الحضور ولو رمزيا
فعذرا لم يسمح لنا الانشغال و المرض
حياة
وفي مجال تخصصك المنتدياتي
سأتحدث عن اضافة اللمسة العصرية لأطباقنا التقليدية
بعض التحديث محبب

لكن البعض أراه بالغ في الأمر
قالك مثلا الغرايف ( البغرير) بالألوان و متعدد الأشكال
حتى ما تعرفيه :d
------
نظرية ناكل بعيني
إلى أي حد تتوافق مع الحقيقة
طبق تاع حلزون مثلا
هل يمكن يمكنأن تفكري في تناوله أو تقديمه كوجبة لعائلتك
رغم ان الكثير يتسلذه
شخصيا و أهمس في أذنك
مالا أتقبله بالعين لا أتذوقه مهما كانت لذته
-------------------------
لاحظت في الفترة الأخيرة
بعض محترفي الكيك في الغرب
يبدعون في أشكال دموية لكيكاتهم
مثلا كيكة على شكل مصاص دماء
و أشكال مرعبة من هذا القبيل
ماذا لو طلب منك ابنك كيكة لمصاص دماء مثلا
هل تفعلين
.....................

و على سيرة الأطفال
هل حياة من النوع لي يبالغ في دلال أولاده
كل طلباتهم مجابة مادامت الحالة المادية تسمح على سبيل المثال

[حياة نور الدين]

وتفضلوا فلام روووعة بلا فرن للسهرة