هل من معدلات؟

[صمود خديجة]

اناديت 15.98

[رانية ة]

انا معدلي 15.90

[ندوشةة]

السلام عليكم أيوتة
بالنسبة للمعدلات دارو مجلس الاقسام البارح و اليوم مدولنا ديت 18.19
الحمد لله انا الاولى على مستوي قسمي لكن في القسم الآخر كاين 18.30
و المفاجأة الكبرى وحدة فالليسي لي قدامنا تقري فيها امها دات 19.60 طاحلي المورال خلاص يعني كاين وحدة روبو تدي 19.60 ؟؟؟؟؟؟
رأيكم يا جماعة ؟

[☜ ندى ☆]

ما شاء الله ندوشتي ربي يبارك العقوبة لنجاحات اخرى
ماتقارنيش روحك بالغير ربما اختباراتهم كانو ساهلين و ساعدوها في المراقبة المستمرة حققتي نجاح رائع واصلي

[صمود خديجة]

الله يبااااارك
عجبتني معدلاتكم بزاااااااف خاصة ندوشة وندى
والله غير سخفت نكون كيفك
ماعمباليش وين راه المشكل انا نقرى عادي
والمستوى تعنا هايط يعني انا الاولى 15.98
اعطيوني طريقة ولا اي حاجة نتبعها باه نطلع المعدل
موفقات حبيباتي في حياتكن

[☜ ندى ☆]

مساء الخيرات أُخيتي خديجة ربي يوفقك ان شاء الله في دراستك و تتحصلي على اعلى العلامات الحاجة لي عاونتني بزاف خصوصا في الفيزياء هي حل التمارين نحل اكبر عدد من التمارين استعنت بكتاب الهباج فيه حلول تمارين الكتاب المدرسي اضافة الى تمارين اخرى و تاني وضعيات الاستاذ فرقاني فارس ام معاهم الحلول و الرياضيات بالنسبة ليا الحمد لله كانت سهلة تمارين ايضا نحلهم نفهم بسهولة و العلوم اهم حاجة انك تتعلمي منهجية الاجابة يعني كيفاه تحللي وهذوك و كي تجي تجاوبي يقولولنا الاساتذة اقرى الموضوع كاملا باه تعرف وش تجاوب على سبيل المثال في العلوم تشوفي الوثائق و تبداي تجاوبي طول على اول سؤال و ممكن تجاوبي في ضمنه سؤال تحته اذن لازم تقراي باه تدققي الاجابة في كل سؤال ان شاء الله تكوني فهمتي قصدي مواد الحفيظة ما ركزتش بزاف عليهم تقريبا غير راجعت تاع الفرض لانهم ماكانوش زايدين عليهم بزاف دروس كنت حافظة مسبقا يعني و اللغات نتبع مع الاستاذ فقط
اخيرا وفقك الله

[صمود خديجة]

شكراااااااا لك حبيبتي ندى ان شاء الله نتبع طريقتك
جزاكِ اللّه خيرا موفقققة 😁😄

[rayane ham]

ماشاء الله مبرووك لندوشة ممكن تمدينا برنامجك اليومي بالتفصيل و للجميع
معدلي 16.59

[☜ ندى ☆]

العفووو حبيبتي خديجة موفقة أنت أيضا ان شاء الله ��

[فطيمة فطيمة]

للاسف انا مخدمتش ادعولي نعوضها في الفصل الثاني ديت 10.81




انا الفيزيا مخدمتش فيها هي لي هبطتني ممكن تعطوني منين راكم تراجعوها =(

[اسراء المعراج]

وقتاش رايحين تبداو تريفيزيو في العطلة تبدوا من السمانة لولى ولا حتى من بعدا

[فتاة مغامرة]

المشاركة الأصلية كتبت بواسطة ☜ ندى ☆

مساء الخيرات أُخيتي خديجة ربي يوفقك ان شاء الله في دراستك و تتحصلي على اعلى العلامات الحاجة لي عاونتني بزاف خصوصا في الفيزياء هي حل التمارين نحل اكبر عدد من التمارين استعنت بكتاب الهباج فيه حلول تمارين الكتاب المدرسي اضافة الى تمارين اخرى و تاني وضعيات الاستاذ فرقاني فارس ام معاهم الحلول و الرياضيات بالنسبة ليا الحمد لله كانت سهلة تمارين ايضا نحلهم نفهم بسهولة و العلوم اهم حاجة انك تتعلمي منهجية الاجابة يعني كيفاه تحللي وهذوك و كي تجي تجاوبي يقولولنا الاساتذة اقرى الموضوع كاملا باه تعرف وش تجاوب على سبيل المثال في العلوم تشوفي الوثائق و تبداي تجاوبي طول على اول سؤال و ممكن تجاوبي في ضمنه سؤال تحته اذن لازم تقراي باه تدققي الاجابة في كل سؤال ان شاء الله تكوني فهمتي قصدي مواد الحفيظة ما ركزتش بزاف عليهم تقريبا غير راجعت تاع الفرض لانهم ماكانوش زايدين عليهم بزاف دروس كنت حافظة مسبقا يعني و اللغات نتبع مع الاستاذ فقط
اخيرا وفقك الله

جربت هذه الطريقة ولكنها لم نتجح ولا اعرف اخلل
هل من طريقة اخرى

[شمس الأمنيات]

نصيحة :
خدوا قسطا من الراحة
ثم تداركوا ما فاتكم فدروس السنة ثانية هي العمود الاساسي للبكالوريا
وستسهل عليكم الامر كثيرا وركزوا على الفهم جيدا حتى تكون السنة المقبلة سهلة عليكم ولن تواجهوا بإذنه تعالى اي
مشكلة
ولمن ثبطت عزيمته وتراجعت همتهُ مزال هنالك فصلان يمكنك التميز =)
وتذكر انك ولدت لا تفقه شيئا وتعلمت خطوة خطوة فلا تعقد الامر حتى لا يزدد عليك سوءا

سلام ~

بحاجة لدعواتكم

[~عيون القلب~]

السلام عليكم
الله يبارك معدلاتكم كامل ممتازة لعقوبة الباك
ولعقوبة ليا ادعولي حتا لبعد العطلة يعطونا المعدلات

[☜ ندى ☆]

السلام عليكم
اسراء انا مقررة ندير واجباتي اليوم و غدا ان شاء الله مبعد نبدى التحضير للثلاثي الثاني و انت وقتاش حابة تبداي
#فتاة مغامرة انا هذه الطريقة نجحت معايا الحمد لله قوليلي انت كيفاه كنتي تراجعي بالتفصيل ربما نقدر نساعدك
شمس الامنيات شكرا جزيلا على النصيحة جزاك الله خيرا
حسنة الجيد العقوبة ليك ان شاء الله ربي يوفقك اختي