السلام عليكم
معكم طالبة متحصلة على معدل 17
أنصحكم بالتوكل على الله اولا
و حسن استغلال الوقت ثانيا
و النوم الجيد ثم النوم الجيد ثم النوم الجيد ثالثا لان اغلب التلاميذ يظنون ان الاكثار من ساعات السهر هو مفتاح النجاح
كل واحد علابالو وش هوما المواد لي راهو ضعيف فيهم
لازم كل تلميذ يعطي أهمية لجميع المواد دون استثناء و يقوي نفسو في المواد لي هو ضعيف فيهم
العلووووم انا شخصيا رحت للبكالوريا تقريبا خافظة الكتاب لاني كل فرض و كل امتحان نعاود نقراه من الاول
اعتمدوا على صفحة الاستاذ بو الريش لان تمارين البكالوريا العام الماضي جاو منها
انا شخصيا لم يعجبني احمد امين خليفة
تعلموا المنهجية
الرياضيات و الفيزياء حلوا بزااااف التمارين و مش لازم تخلصوا لي فالكتاب كامل انا شخصيا ما خلصتهمش
الاسلامية اعتمدوا على الكتاب لانو فيه كل شيء تقريبا
العربية ما تسقسيونيش ما كنتش مليحة بزااف فيها
الفلسفة ما ننصحكمش بالسامي انا ما عجبنيش لكنن نصحكم بواحد لونه بني على ما أذكر و فيه الازرق اظن و الله اعلم المغني عاوني بزااف
اللغات انصح باثراء الرصيد اللغوي و الاكثار مت حل المواضيع
بالنسبة للانجليزية ركزوا ملييييح على القواعد و الدروس لان اغلب التمارين عليهم مش على النص
موفقين الى ما فيه الخير باذن الله
( لا تتحمسوا كثيرا للجامعة فهي ليست بتلك الروعة استمتعوا الان بكل لحظة ... كلها ستغدوا ذكريات رائعة فيما بعد حتى لحظات الالم )
دعواتكم لي بالتوفيق
تقبوامروري
( تقرير عن مشاركة سيئة )، و الموجودة أسفل كل مشاركة .
2017-04-21, 22:17
العرض العادي
