لمااااااااااااذا؟؟؟؟؟؟؟؟؟؟؟؟؟؟؟؟؟

[أمـــــــــِينَــــة♡]

المشاركة الأصلية كتبت بواسطة *فراشة الربيع*

والله غير قريت الفيزياء وحليت تمارين وللأسف مخدمت مليح حتى مكملتش الحل
اللوم قع على الاستاذ يتغيب ومبعد كي يجي يولي يزربلنا في الدرووووووووس ويقوللنا طبقو طول القانون
درنا الاختبار تع الفيزياء ودارلنا تمارين على دروووس مقريناهمش (قوانين) وكي جا لينا قاللنا اللي ميخدمش مكلاه يجي يقرا يقعد في دارهم خييييييييير
مخدمت رياضيات مخدمت فيزياء غير شتيت نعيي روحي في المراجعة نتاع الفيزياء ونحل التمارين
قلت الفصل الثاني نعوضها ساعة خليتها اوووووووووووووووووف مليييييييييييييييت وعييييييييييييييت من القرايا

~ هدى~

كامل راهم هاكدا يا ختيتو تعرفي حنا المشكل ماشي فلاختبارات لا
هو يحضر معانا حصة وحدة في الاسبوع ديما و منديروش دوفوار الزاوج و بالاخير يعطينا كامل نقاط من عنده سواء في الاختبار او في الدوفوار الاول و عنده المهم يعطيلك معدل 10
ايماجيني نتي تكوني داية 20 و لا 18 ،، و تلقاي المعدل 10 خطرة وحدة
الله غالب اساتذة نتاع دروك

[هدى المتفائلة]

المشاركة الأصلية كتبت بواسطة رونق الصبح

السلام عليكم و رحمة الله تعالى و بركاته

اظن انّ المشكلة قد تجدّدت , نفس اخطاء الفصل الثاني و الكلّ يشتكي

ما مضى قد مضى , فكري في المستقبل الان و صححي اخطائك .

لكن هل تعلمين انّ ما تمرين به الأن هو احباط نفسي و تفكير سلبي يطغى على نفسك
فشلتي في تحقيق ما كنتي ترمين اليه , لكن هل تعلمين ما هو الفشل الحقيقي

الفشل الحقيقي هو اسقاط الاسباب على الغير فالناجح لديه خطّة و امّا الفاشل فلديه تبريرات

و الفشل ليس ان تتعثر او تسقط انّما الفشل ان تبقى متاثرا بسقوطك
لكن الانسان الذكي هو الذي يقف رغم الالم و رغم عمق الجرح , نعم سيقف ليزيل الغبار عنه و يبدا من جديد

واعلمي غاليتي ان وراء كلّ قصة نجاح فشل يصاحبه

لقد فقدتي ثقتك بقدراتك لكن عليك تدارك مافاتك و انصحك ب :

• التوكل على الله
• التفكير بايجابية و ترك الكسل و الخمول
• التخطيط و الاستفادة من الاخطاء
• حاولي حلّ اكبر قدر من التّمارين
• استفسري عن كلّ شيء فمن اسرار النجاح اسئلة الصغار
• لا تكتفي بما يقدمه الاستاذ بل ابحثي و توغلي جيّدا
• و انصحك بالمراجعة الجماعية فهي مفيدة جدا
• اجتهدي و ادرسي جيّدا و عليك بالدراسة في المنزل فهي من مفاتيح التّفوق

و اعتذر ربما ثرثرت و طلت في الكلام
و لا تياسي و تحلي بالثقة

و من اجمل ما قرات في الصمود و الثّقة :

و ان سئمت من الوجود لبرهة
فاجعل من الواو الكئيبة سينا
و اذا تعبت من الصعود لقمة
فاجعل من العين البئيسة ميما

بارك الله فيك أختي على نصائحك
لكن صدقيني حليت بزاااااف تمارين بلا فايدة أوووووووووووووف,,,,,, أستغفر الله
صحيح عندك الحق كي نجي رح نقرا نتقلق ونمل ونفشل ويجيني الكسل وحدو ونعاود نتكاكا في روحي وبلا فايدة
كل مرة نقول نعوضها في اللي جاي لكن للأسف
أشكرك مرة اخرى
بالتوفيق

[هدى المتفائلة]

المشاركة الأصلية كتبت بواسطة warrior1

اختي ما تقلقيس روحك انتي درتي لعليك و الباقي على ربي المهم انتي حاولتي و راح اجي انهار لتدي في 20 ان شاء الله

إن شاء الله أخي
شكرا

المشاركة الأصلية كتبت بواسطة امينة 23

كامل راهم هاكدا يا ختيتو تعرفي حنا المشكل ماشي فلاختبارات لا
هو يحضر معانا حصة وحدة في الاسبوع ديما و منديروش دوفوار الزاوج و بالاخير يعطينا كامل نقاط من عنده سواء في الاختبار او في الدوفوار الاول و عنده المهم يعطيلك معدل 10
ايماجيني نتي تكوني داية 20 و لا 18 ،، و تلقاي المعدل 10 خطرة وحدة
الله غالب اساتذة نتاع دروك

سبحان الله أستاذنا تاني هكاك نديرو الفرض 2 بعد الاختبارات وزيدي بالزيادة منصحوش كامل الفروض ويدير نقاط تع الفروض من عندو مالغري تكوني خدمتي بصح يحبطلك النقطة على حساب الاختبار ويزيدلك 2 أو 3 نقط في الفروض مثلا تدي 10 في الاختبار يديرهالك 12 او 13 تكوني خدمتي في الفرض ولالا معندوش مشكل اوووووووووووف

[malak.math]

كلنا كذلك


كان املي كله في الفصل الثاني

لكن ياللاسف ادخل الامتحان فانسى كل ما راجعته فاخرج ابكي و لم اكمل حل المواضيع تقريبا في جميع المواد

ما عساي ان اقول سوى الحمد لله الحمد لله


بالتوفيق للجميع

[ملامح خجولة.]

المشاركة الأصلية كتبت بواسطة *فراشة الربيع*

اهلا منار
بصح غاضتني اللي قريت وحليت بزاف تمارين ومبعد النتيجة رح تكون كارثية
ربي يهديه والله
آمين ولك التوفيق

سلاام
والله حاسة بيك راني نعاني كيفك بعد ومشكلتي مع العلوم حطيت موضوع كيفك قبل واش نديرو
ربي يهدي هذ الاساتذة بركك
انا نقرا نقرا ومنديش مليح نجيب ١٤ فيها ولا اقل
معليش ربي يسهللنا

[sweet mimi]

ih ana tan wllh ghir rani kima ntouma 1 trim 5litha dit 14.82 w tani ma3labalich ch7al ms hasab les compo rani hardtha manich 5adma bien bil mouraja3a w l 7ifad w walo mal9it mandir
b9ali rabi w sayer ntoma rabi m3akom

ih radwa 3andi i5tibar f fisi pplllzzz hana nafham darass ta3 تاثير الفعلين المتبادليلن
a3toli tamarin w tkon ma7lola ssvvppp

[الدرر البهية]

شكرا على الامثال و لكن يجب ان تستفيدي منها ====فراشة الربيع
وفقك الله

[هدى المتفائلة]

المشاركة الأصلية كتبت بواسطة malak.math

كلنا كذلك


كان املي كله في الفصل الثاني

لكن ياللاسف ادخل الامتحان فانسى كل ما راجعته فاخرج ابكي و لم اكمل حل المواضيع تقريبا في جميع المواد

ما عساي ان اقول سوى الحمد لله الحمد لله


بالتوفيق للجميع

وانا ايضا كان املي في الفصل الثاني
سبحان الله حتى انا ننسى كلش وكي نزيد نشوف السوجي نزيد ننسا كثر وكثر
والله صحيح الحمد لله على كل حال

[هدى المتفائلة]

المشاركة الأصلية كتبت بواسطة # مَلآمِحْ خَجُؤؤلَهْـً ,*

سلاام
والله حاسة بيك راني نعاني كيفك بعد ومشكلتي مع العلوم حطيت موضوع كيفك قبل واش نديرو
ربي يهدي هذ الاساتذة بركك
انا نقرا نقرا ومنديش مليح نجيب ١٤ فيها ولا اقل
معليش ربي يسهللنا

نقلك الصح حنا لاباس بينا نحطو رصانا ونقراو خاصة اذا حليتي تمارين بزاف بلا فايدة كي شغل مدرتي والو ..... المشكل في الاساتذة خاصة اللي داخلين جدد مش كامل الاساتذة بصح كاين منهم وكي يترسمو يولو يتغيبو و ميقروش مليح وتتبدل العقلية نتاعهم
ربي يهديهم المواد الاساسية .... الاساتذة اللي يقرونا فيهم جدد ويجيبو الدروس من الانترنت وكي يجي يشرحلك ميشرحلكش مليييييييييييح
ربي يكون معانا

[هدى المتفائلة]

المشاركة الأصلية كتبت بواسطة sweet mimi

ih ana tan wllh ghir rani kima ntouma 1 trim 5litha dit 14.82 w tani ma3labalich ch7al ms hasab les compo rani hardtha manich 5adma bien bil mouraja3a w l 7ifad w walo mal9it mandir
b9ali rabi w sayer ntoma rabi m3akom

ih radwa 3andi i5tibar f fisi pplllzzz hana nafham darass ta3 تاثير الفعلين المتبادليلن
a3toli tamarin w tkon ma7lola ssvvppp

malheureusement hadi hiya l 7ala
dsl khti doros li kano 3andi f pc na7ithom ga3 mn te9la9 ta3 l bare7 hhhhhhhh
rabi ykoun m3ana

[هدى المتفائلة]

المشاركة الأصلية كتبت بواسطة شدا الربيع

شكرا على الامثال و لكن يجب ان تستفيدي منها ====فراشة الربيع
وفقك الله

العفو أختي اكيد لقد قرات الامثال هي جد مفيدة
بالتوفيق

[*أنفآل*]

أهلااا هدى

كيف الحال؟؟إشتقتلك بزاااااااف

للأسف رانا قاع كيف كيف نحل ونحل نجيب les sujets ونحل من الكتب ونجيب من الأنترنت ومكان والو


مي معليش لازم نصبرو ونديرو لي علينا ونتوكلو على ربي هو اللي يسهل علينا

ودعيلي معاك دوك عندي اختبار في التاريخ والجغرافيا

في أمان الله

أنفال

[هدى المتفائلة]

المشاركة الأصلية كتبت بواسطة خواطرالروح

أهلااا هدى

كيف الحال؟؟إشتقتلك بزاااااااف

للأسف رانا قاع كيف كيف نحل ونحل نجيب les sujets ونحل من الكتب ونجيب من الأنترنت ومكان والو


مي معليش لازم نصبرو ونديرو لي علينا ونتوكلو على ربي هو اللي يسهل علينا

ودعيلي معاك دوك عندي اختبار في التاريخ والجغرافيا

في أمان الله

أنفال

أهلا أهلا حبيبتي أنفال
والله نقول الحمد لله وانت؟ وانا تاني توحشتك هادي غيبة
للأسف
ربي يكون معانا
ربي يوفقك حبوبتي ان شاء الله تخدمي
بالتوفيق

[Nouriko]

هل سمعت ان الحزن يعدك للماضي لا
هل سمعت ان الانشغال في الهموم يصلح الاخطاء لا
فلما التفكير
راحة القلب في قلة الاهتمام --------علي بن ابي طالب
مادمت تتوكلين على الله فهو لن ينساك
انسي كل شيء و امشي مع الحياة
اقدارنا مكتوبة فلنعش بهدوء
فلو انشغلت بالحزن فاتك الكثير من الضحك
وفقك الله اتنمى اني افدتك يا حبيبتي هدى

[Nouriko]

لقد طلبت منك احد البنات البحث عن حكم عن الابتلاء اظنها والله اعلم انها كانت تود ان تهديها لك لانك عندما تقرئينها بإدن الله سيعود لك الامل وهي قالت لك انها مفتاح همومها
اي انها تقول لك اجعليها مفتاح همومك اتمنى اني افدتك
لاتنسى توكلي على الله