استفسار حول عيادة الليزك تونــس

[سطايفية بكل فخر]

السلام عليكم اخي
نرجع باش نرد عليك بالتفصيل وسمحلي على التاخر لكن متخافش منسيتش امرك
بخصوص الاوسيتي قاتلي الطبيبة راهو مليح وقاتلي قولو يستمر في مراقبة عينو كل مرة باش كون كاش ميقدر ربي ويكون كاين ثقب اخر يفيقولو ويعالجوه لانو كيما قتلك لاميوبي فورت تاثر على الشبكية لانو رقيقة
بخصوص الليزك اخي قاتلي في الجزائر مستحيل راهو طالعة لاميوبي قاتلي راهو يحبسو عند 8 و7 ملقري التييوريك يقول اكثر
وبالنسبة للعدسة قاتلي منقدروش نتجاهلو لاستيقماتيزم وايضا قاتلي بلي هذا وين راهو في سن لي تستبيليزا فيها الميوبي على الاقل يقعد اربعة سنوات بنفس الكوراكسيون يعني متتبدلكش باش نقدرو نحكيو على العملية تاع الزرع وقاتلي منا لهذاك الوقت احتمال يطور الطب عدنا ويجي الجديد ويصبح حالتو سهلة وفي متناولنا
قاتلي حاليا يركز على العدسات اللاصقة والنظارات باش نتاكدو من سطابيليتي تاع الميوبي
هذا وشا خبرتني بيه الاستاذة تاعي
]
و حبيت نقلك على العدسات في بعض الأحيان إن لم أقل غالب الاحيان كي نركز في الكمبيوتر لعدة ثواني نحس عيني اليمنى جافة و تولي تزعجني العدسة , و قضية الليزك هل تنصحيني بيها أم لا ؟ واش رايك ؟

[/size][/quote]

نرجع الان للرد عليك ونعطيك رايي الشخصي والنصائح استنادا لما قالته لي الاستاذة لاني انا كميا قتلك منيش طبيبة وبما انو عندي الراي الطبي على اساسو نقدر ننصحك في النظارات والعدسات
1) شوف اخي حاليا ننصحك اذا عندك مدة مدرتش كونسيلطاسيون شوف طبيب اخر باش يديرلك كوراكسيون ونتاكدو من لاستيجماتيزم ودرجتو لانو لاستيجماتيزم كي يكون مع الميوبي نخافو من تطور القرنية الى قرنية مخروطية الحمد لله انو معندكش حساسية عين لانو جينيرالمون ديكلونشي منها هكا باش تتكد من الكوراكسيون وشوف كاش واحد يكون يدير كروكسيون مليحة مش يخطل كيما راهم يخلطو وايضا تتاكد من الشبكية وتكونطروليها,
2) قولو يديرلك لادابتاسيون تاع ليلونتي ويسيلك من جديد ليلونتي قبل متشريها مش يديرلك غير النظارات وميجربلكش ليلونتي عندو واذا كان هذا الطبيب معندوش ليلونتي تاع ليسيياج متروحش عندو سقسي على واحد عندو لانو في حالتك لازم نديرولك بونادابتاسيون باش العدسات ميلعبولكش في عينك كيما راك تقول وايضا يشوف وينا عدسة لي تناسبك
3) في حالة ما الكوراكسيون بقات نفسها اخي حاول تمد لو عدساتك لقديمة ويسييهملك اذا كانو ملاح خليهم اذا مكانوش ملاح وميناسبوش عينك بدلهم شخصيا راني شاكة فيهم مش طوريك لانو السعر لي قلتولي مش كيفكيف عدنا
4) بخصوص المحلول لي راك تستعملو للعدسات وشا اسمو؟ وهل الطبيب لي عطاهولك او الاوبتيسان
5)ايضا اخي ننصحك تبدل لوبتيسيان لي راك تخدم معاه لانو صراحة مفهمتش واش راهو مادلك خاصة في ليلونتي
لازم عليك دير طوريك وشخصيا ننصحك تبعد على كورنيليا لانو مبقاتش كيما بكري دخلو عليها مركات جدد ومركات احسن
شوف اخي باش نكونو شوية اقتصاديين اذا قالك الطبيب خليهم كمل بيهم وبعد ما تخلاص مدة صلاحيتهم بدل لامارك
اذا قالك لازم تتبدل اما دير سوفلاكس ومراهمش يخدمو فيها بزاف في الوسط وفي الغرب راهي عدنا في الشرق او دير ميليكون مي شوية غالية اخي لكن مليحة بزاف
+
نولهكل لنقطة لازم دير طوريك في زوج مش وحدة طوريك وحدة سفيريك هكا دوخ وتاثرلك في الشوفة
6) بخصوص النظارات اخي اذا توافقو مع الطبيب خليهم وحاول تديهم لوبتيسان واحد اخر يفينيهملك مليح
اذا متوافقوش بدلهم ودير الطوب ولكن دير في بالك بلي يجي رقيق في النص وخشن في الحواشي حاول تخير كادر صغير باش يتنحاو لحواشي كل ماكان الكادر مش كبير يكون لفينيسون مليحة
هاهو شكل الزجاجة كيفاش تجي

شوف كي يكون الكادر كبير

شوف لكادر الصغير


بالنسبة لاطباء تونس
انا ننصحك اخي تبقا تسويفي عد الاطباء تاعني في هذي المدة لي نتاكدو بيها بلي الميوبي سطابيليزات وكي تشجيك فرصة لتونس متراطيش اخي كيما قتلك راهم هاربين علينا بزاف في طب العيون
ريب يشافيك اخي
اي سوال اخر تفضل بيه راني في الخدمة

[karim2006]

أين أنت على رصيف الأمل ؟؟؟

[سطايفية بكل فخر]

السلام عليكم
اعتذر لعدم الرد من قبل كنت غائبة
+
قولي رحت لتونس او لا وهل شفت طبيب اخر واش قالولك اذا رحت
+
ساجيبك بالتفصيل لما اعود الان علي المغادرة

[Houssam relizani]

wech sahbi kach khbar 3andek kach madert fiha
psq meme ana 3andi myopie forte w lazem ICL ya3ni yezar3ouli lentilille ydirouha 7na mais galiya bagi ne3raf lprix ta3ha f tounes mrc

[سطايفية بكل فخر]

المشاركة الأصلية كتبت بواسطة houssam relizani

wech sahbi kach khbar 3andek kach madert fiha
psq meme ana 3andi myopie forte w lazem icl ya3ni yezar3ouli lentilille ydirouha 7na mais galiya bagi ne3raf lprix ta3ha f tounes mrc

ظرك نسقسيلك عليها هنا
تونس غالية شوية عليا لانو دراهمهم اغلى من تاعنا
لكن الطب مليح ثما
+
كاينني عدنا مستشفيات يديروها مجاني

[karim2006]

السلام عليكم مرحبا من جديد ، و الله أخي حسام لحد الان مازلت متردد بخصوص العملية بتونس . يا أخي مبلغ كبير يظهرلي الواحد يدير بيه مشروع صغير أحسن و في المستقبل يدير العملية من دراهم المشروع هههههههه .
بالنسبة لتكلفة زراعة عدسة بالجزائر العدسة تمنها 15 أو 17 مليون و تكلفة العملية حوالي 5 ملايين و في تونس تقريبا نفس الثمن لكن نصيحتي ليك إحذر الدفع باليورو لأنه مكلف إدفع بالدينار التونسي أحسن لأن عملية الليزك سألت العيادة قالولي باليورو 1700 ما يعادل 30 مليون سنتيم جزائري و بالدينار التونسي 29.000 ما يعادل 23 مليون سنتيم جزائري .
و أنصحك بأن تتأكد من ثبات نقص النظر لسنة عل الأقل انا الحمد لله ذهبت للطبيب الأسبوع الفارط و قالي النقص راهو ثابت .
و ممكن تقولي كم نقص النظر عندك و هل تستعمل نظارة أم عدسات و كم قوة الابصار بالنظارة عندك .
و إذا حبيت كاين عيادة ديار السعادة هي الراءدة بدون منازع في زراعة العدسات لأنهم عملوا الكثير من العمليات الناجحة حسب ما سمعت .
في انتظار تدخل العضو على رصيف الأمل ، على فكرة عندي بعض الأسئلة لرصيف الأمل.
شكرا وتقبل مروري و صح رمضانكم

[سطايفية بكل فخر]

المشاركة الأصلية كتبت بواسطة karim2006

السلام عليكم مرحبا من جديد ، و الله أخي حسام لحد الان مازلت متردد بخصوص العملية بتونس . يا أخي مبلغ كبير يظهرلي الواحد يدير بيه مشروع صغير أحسن و في المستقبل يدير العملية من دراهم المشروع هههههههه .
بالنسبة لتكلفة زراعة عدسة بالجزائر العدسة تمنها 15 أو 17 مليون و تكلفة العملية حوالي 5 ملايين و في تونس تقريبا نفس الثمن لكن نصيحتي ليك إحذر الدفع باليورو لأنه مكلف إدفع بالدينار التونسي أحسن لأن عملية الليزك سألت العيادة قالولي باليورو 1700 ما يعادل 30 مليون سنتيم جزائري و بالدينار التونسي 29.000 ما يعادل 23 مليون سنتيم جزائري .
و أنصحك بأن تتأكد من ثبات نقص النظر لسنة عل الأقل انا الحمد لله ذهبت للطبيب الأسبوع الفارط و قالي النقص راهو ثابت .
و ممكن تقولي كم نقص النظر عندك و هل تستعمل نظارة أم عدسات و كم قوة الابصار بالنظارة عندك .
و إذا حبيت كاين عيادة ديار السعادة هي الراءدة بدون منازع في زراعة العدسات لأنهم عملوا الكثير من العمليات الناجحة حسب ما سمعت .
في انتظار تدخل العضو على رصيف الأمل ، على فكرة عندي بعض الأسئلة لرصيف الأمل.
شكرا وتقبل مروري و صح رمضانكم

السلام عليكم
راني شفيت مليح عليك لما قريت الموضوع هذا
عندي مدة متلاقيتكش ومزدتش بنت سيبورسا نسيت الموضوع شفيت برك على الاسم
+
فعلا اخي اليورو حولوه للدينار التونسي احسن
+
بالنسبة لثبات النظر لازم على الاقل من سنة الى اربع سنوات بعد سن الثبات يعني بعد 25
+
الحمد لله لي راهو ثابت وزيد راك في سن الثبات اخي
+
وشا من كبيب راك تفوت عندو اخي في ديار السعادة نعرف اثنين منهم
ممكن تقولي الاسم
+
ديار السعادة كلينيك محترمة جدا ونسمع عليها كل خير شخصيا كاين طبيبين ثما ننصح بيهم
بخصوص الزرع رايحة نسقسيلكم عن الاحسن في الجائر كاملة
وفي تونس
+
تفضل اخي كريم راني في الخدمة

[karim2006]

السلام عليكم و رحمة الله , بالفعل أنا صاحب الموضوع الذي سبق و تحدثنا فيه .
بالنسبة لزراعة العدسات في الجزائر العاصمة العديد من الأطباء شكروا عيادة السعادة فهي الرائدة في هذا المجال و الله أعلم لأنهم قاموا بالعديد من العمليات الناجحة .
أنا صراحة أتابع عند طبيب في بسكرة في ولايتي و لم يسبق لي زيارة ديار السعادة .
بالنسبة للاستفسار هو أنا مؤخرا ضاعت مني عدسة عيني اليمنى فذهبت للطبيب لكي أفحص عيني و نفس الوقت تجديد العدسة اليمنى المهم إليكي النتيجة :

المهم عند ذهابي للاوبتيسيان لطلب العدسة قال لي تطول باش توجد حوالي 20 يوم و سعرها 6.000 د ج نوع كورنيليا و أنا كنت محتاجها في اقرب وقت فأقترح علي عدسة عادية يعني لا تصحح الاستجماتيزم يعني sphirique و ليست torique فذهبت لاستشارت الطبيب قالي عادي نورمال فطلبتها و و جهزت في ظرف يوم واحد و هي من نوع سوفلاكس لونها ازرق ب3.000د ج
لكن المشكل أني لا أرى بها جيدا خصوصا عندما استعمل الكمبيوتر و الهاتف النقال و في بعض الأحيان أحس بأنها توعجني في عيني .
و عند فحص نظري وجد الطبيب قوة الابصار بالعدسة 8/10 و العام الفارط كنت ارى 9/10 بعدسة -7.50 torique .
هنا دخلني الشك بأن نظري ضعف أكثر من -10 لأن القصاصة التي تخرج من جهاز فحص النظر رماها الطبيب للأسف و لم أحصلها منه لذلك شككت في أنه لم يرد أن يصدمني وقال لي بأن الميوبي ثابتة مقارنة مع مع العام الفارط .
و وصف لي قطرات fluidabak لترطيب العين عند ارتداء العدسات .
المشكل الثاني هو زراعة العدسة أنا لم افهم هل المريض اللي عندو مثلا -16 كيما حالتي في العين اليسرى هل بعد زرع عدسة يرى مثلما كان يرى بالنظارة ؟؟ أنا أرى بالعدسة 4/10
لأنني سمعت بأن أشخاص استعادو نظرهم بالكامل 10/10 ؟؟؟
و هل هناك لي عندو نقص -16 و يرى بالنظارة 10/10 أم الجميع 4 و 5/10 ؟؟؟
و في الحقيقة أردت نصيحة منك بخصوص نوع الزجاج الخاص بالنظارة لنقص النظر الكبير لأني أفكر في الرجوع للنظارة و التخلي عن العدسات لأني متخوف أن يسببوا لي مشكل عويص خصوصا بعدما ظهروا les corps flottants حيث تزايد عددهم منذ استعمالي للعدسات اللاصقة هل للعدسات دور في الأجسام الطائرة ؟؟
أرجو أن لا أكون قد أكثرت عليك و جزاك الله كل خير

[سطايفية بكل فخر]

السلام عليكم
صباح الخير عليكم
اليوم اخر يوم في رمضان
ربي يتقبل انش اء الله
شوية ونجاوبكم

[Houssam relizani]

hhhhhhhhhh dsl nssit stayfa hhhhh

[سطايفية بكل فخر]

الاولى معليش تنسا ليمارك
لكن الثانية تنساها تشوف وشا ندير فيك
اهم حاجة نحافظو على لالونتي باش نحافظو على صحة العين

[Houssam relizani]

hhhhhhhhhhhhh kont ndirhom foug lentilles mais ca fait chi 3 jrs rani n7othom 9bel mrc khti

[سطايفية بكل فخر]

المشاركة الأصلية كتبت بواسطة Houssam relizani

hhhhhhhhhhhhh kont ndirhom foug lentilles mais ca fait chi 3 jrs rani n7othom 9bel mrc khti

اهلا اخي حسام صح عيدك وكل عام وانت بخير
وزاهي وباهي وان شاء الله الاعوام الاخرى نلقاكم تشوفو انت واخي كريم 15 على 10
+
مممممممممممم واش نديرلك ظرك نشاقلك لغيليزان جرجرك نفوتك في كل بلايصها واد رهيو مازونة زمورة بلعسل وغيرهم ونزيد نفوتك على كل بلديات وهران
حتى تبطل دير اي حاجة فوق لي لينوتي تاعك راهم سوبل ويبسوربيو المواد ومع مرور الوقت يتلونو ويديلو ليديبو كولوريك لي يضروك في عينيك لا سمح الله
المرة هدي نفوتهالك العيد المرة الجاية نزعف منك اخي
اخر حاجة تتحط في العين هي لالونتي متفاهمين؟

[karim2006]

عيدكم مبارك
أنا أيضا كنت في السابق نقطر vitabact و fluidabak نقطر فوق العدسة و هي موضوعة بعيني حيث الطبيب هو لي قالي
حسبي الله و نعم الوكيل أما الآن نقطر بربع ساعة قبل وضع العدسة .
بخصوص العدسة اليمنى أختي رصيف الأمل هل يمكن تجاهل الاستجماتيزم أم يجب طلب عدسة أخرى طوريك ؟؟
وبحصوص زجاج النظارة هل عندك فكرة عن أقل سمك يمكن توفيره
وشكرا

[سطايفية بكل فخر]

المشاركة الأصلية كتبت بواسطة karim2006

عيدكم مبارك
أنا أيضا كنت في السابق نقطر vitabact و fluidabak نقطر فوق العدسة و هي موضوعة بعيني حيث الطبيب هو لي قالي
حسبي الله و نعم الوكيل أما الآن نقطر بربع ساعة قبل وضع العدسة .
بخصوص العدسة اليمنى أختي رصيف الأمل هل يمكن تجاهل الاستجماتيزم أم يجب طلب عدسة أخرى طوريك ؟؟
وبحصوص زجاج النظارة هل عندك فكرة عن أقل سمك يمكن توفيره
وشكرا

اهلا اخي كريم
فيتاباكت مش لارم ارتيفيسيال اخي راهو اونتي سابتيك يمدوه في حالة ليزانفاكسيون تاع العين
+
لا اخي بعض مكونات الدواء تتسبب في تلوين العدسات وبالتالي تصبح غير قابلة للاستعمال لانها تاثر في العين
بما انكم ترتديو عدسات سوبل وهي الاكثر عرضة للاخطار ديما قطرو الدوا اولاوبالنسبة للبنات حتى الماكياج ديروه اولا ونحيو العدسة باش تنزعوه
لانو ايضا ليبرودي كوسميتيك ياثروا في العدسة
+
ياخي واش نقلك انا شخصيا كي كنت في السطاج ديما لي يديرو عدسة تور يك وعدسة سوبل ميستراحوش فيها
بما انو سعرهم غالي اخي ومزالت جديدة حاول تتاقلم معاها اخي اذا مدوخاتكش ومجيناتكش كمل بها حتى تبدلهم في زوج
واذا مقدرتلهاش نصيحتي بدلها
وبما انو عندكم لامارك سوفلاكس
نصيحتي اخي كي تبدل العدسات تاعك ديرها هي
+
بخصوص ليلونتي جوتابل ولا تاع 15 يوم او شهر هوما ثاني ملاح بصح غاليين شوية
وفيهم اصناف بزاف وكوني شفيت على حالتك جيدا خليني نصقسيلك على الماركة ونوع المناسب لعيينك
لانو كاين بزاف اصناف فقط امهلني بعض الايام
+
بخصوص الزجاج صديقتي اكدتلي بلي top رجع وقاتلي بلي كاين الجديد
خليني ندير دورة ونشوف شكون الاحسن والرقيق فيهم ونمدلك اسمو تكومونديه من ثم
يعني اخي مسالة ايام فقط ونجاوبك
ربي يوفقكم ويشافيكم