خويا خلي ثقتك بنفسك عالية مزال باقي الوقت الارادة تفعل المعجزات بالتوفيق و بلاك دير على لي راهم يقولو مبقاش
كاين لي يقرى ليلة الباك يديه و لي يقرى عام كامل ميديهش + انا مترشحة حرى وتجربتي اكبر من تجربتهم
حاول تقرى اليوم المادة لي ناقصاتك مثلا الرياضيات حاول تقرى قد 10 اكيد تعرف تجاوب على نهايات الاشتقاق جدول التغيرات و تزيد شوي في الاعداد المركبة و الهندسة في الفضاء تلحق هذيك 10 المهم لي ديره كونك متاكد منه مضيعش نقاط في صوالح تعرفهم
اما انجليزية لا انصحك بحفظ فقرات احفظ القواعد فقط وركز عليها + في الجزء الاول كل الاسئلة من النص اذا معرفتش شوف الكلمات لي في السؤال وحس عليهم في النص و اكتب هذيك الجملة و اما الفقرة دير لي يمدولك فيها مساعدة و زيد دي كلمات من النص وتوصل اكثر من 12
يوم السبت حاول تكمل فيه الاسلامية لانها تعاون بزاف في رفع المعدل و قرى عربية و اختار نص اذا مراكش متاكد من الشعر تلقاه اسهل و زيد نوض صباح عاود راجعها
و كي تجي عاود دروس الاسلامية لي مراكش حافظها غايا و اختار موضوع لي فيه الحذيث اذا كان فيه شراك حافظ لان يمدو فيه بزاف نقاط و الاية اصعب في تفسير
و في المساء راجع الرياضيات و حتى تقدر تنوض صباح وتراجعها مثلا عشية نراجع اعداد مركبة وصباح نوض للهندسة في الفضاء و كي نجي م الامتحان ننسى واش درت ونرتاح شوي و نراجع الانجليزية مثلا td we id
وكي تكمل ترقد شوي وتراجع العلوم مثلا الطاقة و غدوة صباح تنوض 4 وتراجع تركيب بروتين وحاول تفهم مليح الوثائق و لا طلب منك تحلل غير قرا الوثيقة ولا طلب منك تفسر كتب كل لي تعرفه وكثر من الكلمات العلمية هي لي تربحك نقاط
و الفرنسية نفس طريقة الانجليزية
تبقى تاريخ و الجغرافيا مثلا كي تجي عشية بعد اخذ وقت من راحة حفظ كل مصطلحات الجغرافيا وبكر غدوة و حفظ مصطلحات و شخصيات تاريخ و الفقرة اذا مش حافظ الدروس اكيد تعرف دير مقدمة وخاتمة و في العرض دير شراك حافظ ولا فاهم يعني تسهلها على روحك تسهال عليك
وعشيا مكانش قرايا ديرها نت للفيزيك الوحدات لي مراكش قاريهم سيي تقراهم مثلا rc تعرف ترسم دارة معادلات تفاضلية كاين صوالح ينحفظو وكي تكمل راجع شوي فلسفة
وعند اختيارك للموضوع متهربش من موضوع فيه تمرين مش شايفه مثلا الموضوع الاول فيه وشيعة وانا قاري مكثفة نهرب للزاوج علاه نت راك متاكد تدي 20 في 2
لازم تدي موضوع لي تقدر تجيب فيه نقاط اكبر حاول تلم نقاط من كل تمرين تلحق 8 احسن من 5 ولا 10 احسن من 8
وتبقى الفلسفة حفظ الطرق ودي الموضوع لي تعرف بلي تكتب فيه اكثر و كثر من الامثلة
+ اذا مخدمتش في رياضيات مثلا انساها ومتخممش فيها عندي صديقة جابت 4 في الرياضيات و 7 في الفيزياء و 13 في العلوم ودات الباك عاونوها المواد الادبية الاسلامية و تاريخ
وبلاك تخلي سؤال بدون اجابة تفاءل خير تجده و نقلك حاجة خويا توصل غير شكاتبلك ربي وكي متكونش عارف هذيك حاجة تركز فيها كاين لي يعرفها من الفرحة ينساها وهذو لي راهم يقولو متلحقش لي راهم حاسبين وصلو قادرين صوالح مش قاريينهم يطيحو ولا ينسوهم من التوتر و نت تكون قاريهم في الصباح ملا متخليهمش ياثرو عليك وتدي الباك ان شاء الله وكامل ندوه ربي يسهلها علينا
بالتوفيق
( تقرير عن مشاركة سيئة )، و الموجودة أسفل كل مشاركة .
2015-06-05, 09:45
العرض المتطور
