المراة الماكثة في البيت - الصفحة 3

*سندوسة* · 2015-04-30, 09:41

اقتباس:

المشاركة الأصلية كتبت بواسطة ماريـام

نعم اخي الفيسبوكي انا راني معاك 100 بال 100 المشكل اكبر من ماكثة و عاملة ,,,

من تصنف ماكثة رانا نشوفوهم في الشارع و يخرجو بلاك كثر من العاملة

ياك راكم تقولو عاملات راهم برى و شكون هاذوك الي معمرين ليبوس و المارشيات على 8 و 9و 10 و 11 و 12 و 1 و 2 و 3 ياك اوقات هاذوما اوقات االعمل ولا راني غالطة؟؟ ولا كامل عاملات في مارشيات معروف اوقات العمل الرسمية من 8 الي 4 و تعرفو ان اغلبهم يعملو في قطاع خاص او عام

المارشيات معمرين في كل وقت بكل شاكلة

يا اختي الله يهديك كيفاش الماكثة تظل برا ها لعني شيطان ممكن تلقاي وحدة رايحة تقضي بصح تخرج غير دور بلا سبة هادي وين صرات وفطورها شكون يديره الا اذا كانت عجوزة وتكون مخليا بنتها ولا مرت ولدها من موراها دير لفطور

واه لعاملات راهم برا علاه قاع لعاملات يدخلو 8 كاين لي تدخل 9 وكاين لي تخرج10 وكاين 11

وعشية كاين لي تخدم 1 وكاين لي تخدم 2 وكاين لي تخرج3 اختي كلش راه باين غير نتوما ماراكمش باغيين تعرفو

وكاين لي تخدم غير صباح ولعشية تروح للسوق الله غالب والفت الخرجة

*سندوسة* · 2015-04-30, 08:09

اقتباس:

المشاركة الأصلية كتبت بواسطة الفايسبوكي

السلام عليكم
مصطلح الماكثة في البيت قريبا ينزع من القاموس
و يستبدل بالمرأة غير العاملة لأن الماكثات في البيت حاليا
يعدون على الأصابع حتى لا نتهم كل النسوة بذلك
فتجدهن لا عمل و لا هم يحزنون مع ذلك يقضون معظم
أوقاتهن في الشوارع و الأسواق و المحلات
إلا من رحم ربي

وعليكم السلام ورحمة الله وبركاته
لا يا اخي تسمى المراة العاملة في البيت علاه راك حاسب لي تقعد فدار غير تاكل وتشرب وتقابل التيليفيزيو
يا اخي وعلاش هذا الاتهام نتا كي درت عرفت انه لي راهم يدورو فالاسواق ماكثات بالبيت علاه راهي مكتوبة في جبينهم ماتهدروش غير على الظن فقط

*سندوسة* · 2015-04-30, 07:53

اقتباس:

المشاركة الأصلية كتبت بواسطة ماريـام

راكم غالطين في المرأة العاملة

كل وحدا و ضرفها و نعرف دكاترة استاذات ماشاء الله ولادهم مربيين خير من ماكثة في البيت راكم تخلطو برك

و ماكثات في البيت خرجو ولادها الله يستر ديفواييو نهار كامل و هوما برى رباتهم الزنقة

للمعلومة انا امي كانت تخيط و تبيع مع ابي لقمة العيش صعيبة و رباتني احسن تربية

اما الماكثة في البيت يعني الي معندهاش منصب عمل خارج البيت نفضل نقول هكذا لازم تتكون و لازم الاسرة و الدولة تكونها

اولا دينها و طريقة تبربية الاولاد من كل الجوانب النفسية العلمية و تكوين في ادارة البيت و معاملات الاجتماعية و غيرها

و انا نعتبرها عاملة خاصة المربية

اما الغير المربية و الي عندها ضروف لم تتزوج الخ انا نفضل تفتح لها مناصب للعمل عن بعد او تتفرغ لطلب العلم

الفراغ النفسي مدمر في مجتمعنا و المسلمة اجتماعية و لازم تفيد المجتمع و من حولها

ماراناش نخلطو يا اختي مريام رانا نقولو الحقيقة نتي لي راكي غالطة في حساباتك
حنا قاع لي فواييو نتاع الحي امهاتهم عاملات يعني نتي لي ماتغلطيش روحك كاين لي تربي ولاد ناس وهي مامربياش ولادها
ماماك كانت تخيط فالبيت
ماريام ماتنسيش الماكثة راهي تثقف روحها مالنت وراهي تعرف كل كبيرة وصغير وقاع واش راه صاري فالعالم الخارجي

وناس بكري كانو اميين بصح جابو رجال الله يبارك قوليلي حنا الجزايريين لي دخلت لمرا تخدم كانش مابانو علماء ولا فلاسفة ياك حال نتاع الشباب راه غير ماشي للهاوية سراويل هابطين وقصات شعر مانحكيلكش ولبنات غير خلي البير بغطاه لبنت كي تخرج مالقراية على 3 والوالدة تكون فالعمل هاد لبنت يلا كانت مع رفيقات سوء تأكدي راح ترجع حتى بعد ماتدخل امها لدار ولا تروح لسوق دور مع صحاباتها تقولك ماعنديش مفتاح نتاع دار

optimism · 2015-04-30, 06:54

السلام عليكم
كما قيل ,,,,,,,,,لاتجادل ,,,,,,,,الحياة اكبر من ان تفهم
اخر كلام ,,,,,,,,,,سلام

*سندوسة* · 2015-04-30, 09:44

اقتباس:

المشاركة الأصلية كتبت بواسطة optimism

السلام عليكم
كما قيل ,,,,,,,,,لاتجادل ,,,,,,,,الحياة اكبر من ان تفهم
اخر كلام ,,,,,,,,,,سلام

وعليكم السلام ورحمة الله وبركاته
شكرا اختي
وبارك الله فيك

jhvdo40 · 2015-04-30, 08:07

المراة الماكثة في البيت لا يقل دورها عن المراة العاملة وربما دورها اكبر

*سندوسة* · 2015-04-30, 09:48

اقتباس:

المشاركة الأصلية كتبت بواسطة jhvdo40

المراة الماكثة في البيت لا يقل دورها عن المراة العاملة وربما دورها اكبر

شكرا لك اخي
وبارك الله فيك

baalache · 2015-04-30, 08:57

السلام عليكم سندوسة نسبة الاجابة لصالح الماكثة بلغت 99% من سيتزوج هؤلاء العاملات، وهل يفضل الشباب فعلا الماكثة عندما يحين موعد الزواج ومن الاكثر زواجا الماكثة ام العاملة

*سندوسة* · 2015-04-30, 09:51

اقتباس:

المشاركة الأصلية كتبت بواسطة baalache

السلام عليكم سندوسة نسبة الاجابة لصالح الماكثة بلغت 99% من سيتزوج هؤلاء العاملات، وهل يفضل الشباب فعلا الماكثة عندما يحين موعد الزواج ومن الاكثر زواجا الماكثة ام العاملة

وعليكم السلام ورحمة الله وبركاته
اهلا اخي
ليس لديا اجابات لتساؤلاتك
شكرا لمرورك اخي

sunshine2013 · 2015-04-30, 09:08

السلام عليكم
على حد قولكم الماكثات بالبيت كامل راهم مع الخياطة و الحلويات؟؟؟ و الشغل هادا كل يوم مايخلاصش؟ خاصة اللي ماعندهاش أولاد، واش رايحة دير من الصباح للليل و اسمحولي نكونو صريحين كاين الرجال مانعين حتى التلفاز و النت على نساهم ، إيمالا هاد الماكثة واش دير فهموني؟؟؟
من جهة أخرى ، كاين ماكثات بالبيت و هادي مش هدرة برك راهم جيرانا و ما أكثرهم، ولادهم برا مصباح حتى العشية و معاهم تاني أولاد العاملة ، دوك علاش نفرقو و نقولو أولاد الماكثة أحسن؟؟؟ راهم كيف كيف و هذا الجيل يخرجو كامل كيف كيف راهم في بيئة وحدة مجتمع واحد حومة وحدة إلا من رحمك ربك، غير اللي يوقفو عليه والديه بلاك يخرج مليح سواء كانت يماه قاعدة في الدار ولا خدامة، و وين راه دور الاب في التربية ولا هو يجيب و يرمي؟؟؟ و الحنانة غير من الأم؟؟؟ كاين آباء أحن من الأم و كاين أمهات قاسيات و كاين و كاين
خلاصة القول، فهمنا باللي المرأة خير لها مكوثها في البيت على أن تخرج و تخالط و وووو غير ذلك، بغض النظر عن تلك الي اضطرت للعمل أو حتى تلك اللي اختارت بحرية فربما إن بقيت في الدار لا تنتفع و لا تنفع فليست كل من بالبيت معززة مكرمة و ليست كل عملة مذلة مهانة
إذن ما نخلطوش الهدرة و ماكالاه التعميم؟؟؟ كاين حالات كثيرة في المجتمع لوكان الواحد يطلع عليهم راسو يحبس و يعاود حساباتو مليح مليح....

*سندوسة* · 2015-04-30, 10:01

اقتباس:

المشاركة الأصلية كتبت بواسطة sunshine2013

السلام عليكم
على حد قولكم الماكثات بالبيت كامل راهم مع الخياطة و الحلويات؟؟؟ و الشغل هادا كل يوم مايخلاصش؟ خاصة اللي ماعندهاش أولاد، واش رايحة دير من الصباح للليل و اسمحولي نكونو صريحين كاين الرجال مانعين حتى التلفاز و النت على نساهم ، إيمالا هاد الماكثة واش دير فهموني؟؟؟
من جهة أخرى ، كاين ماكثات بالبيت و هادي مش هدرة برك راهم جيرانا و ما أكثرهم، ولادهم برا مصباح حتى العشية و معاهم تاني أولاد العاملة ، دوك علاش نفرقو و نقولو أولاد الماكثة أحسن؟؟؟ راهم كيف كيف و هذا الجيل يخرجو كامل كيف كيف راهم في بيئة وحدة مجتمع واحد حومة وحدة إلا من رحمك ربك، غير اللي يوقفو عليه والديه بلاك يخرج مليح سواء كانت يماه قاعدة في الدار ولا خدامة، و وين راه دور الاب في التربية ولا هو يجيب و يرمي؟؟؟ و الحنانة غير من الأم؟؟؟ كاين آباء أحن من الأم و كاين أمهات قاسيات و كاين و كاين
خلاصة القول، فهمنا باللي المرأة خير لها مكوثها في البيت على أن تخرج و تخالط و وووو غير ذلك، بغض النظر عن تلك الي اضطرت للعمل أو حتى تلك اللي اختارت بحرية فربما إن بقيت في الدار لا تنتفع و لا تنفع فليست كل من بالبيت معززة مكرمة و ليست كل عملة مذلة مهانة
إذن ما نخلطوش الهدرة و ماكالاه التعميم؟؟؟ كاين حالات كثيرة في المجتمع لوكان الواحد يطلع عليهم راسو يحبس و يعاود حساباتو مليح مليح....

وعليكم السلام ورحمة الله وبركاته
اختي ماراناش فالعصر الجاهلي باش تقوليلي كاين دار مافيهاش تلفاز واذا كاين فعلا لمرا تتلاها بشغل الدار وتقرا القران وهو نهار فات يعني علاه راكم ديرو فصعوبات وكأنه المراة خلقت للعمل خارجا وفقط

ربما نحن مع من قال ان اولاد الماكثة احسن لان الماكثة جل وقتها لاولادها وليس لعملها فمثلا طفل صغير يكون يلعب ويسقط وين يروح يبكي ويرتمي في حضن امه يروح للعاملة يحوس عليها ولا يلقى امه بجانبه هذا مثال فقط

المرا ميزها ربي بالحنانة كثر من الاب
وانا ماعممتش نتوما قريتو غير لقشور نتاع الموضوع رجاءا شوفو المضمون حنا عندنا عقلية نقراو صوالح سطحيا ونبداو نتهجمو على بعضانا كاين حقيقة لازم الناس الكل تعترف بيها ومانخبوش الشمس بالغربال

ويناروز · 2015-04-30, 09:26

السلام عليكم

من يتهم المرأة العاملة بأمور فليتقي الله فيما يقذف فلكل واحدة ظروفها
اما قولكم ان الماكثات بالبيت راهم ملائكة فانتم بعيديدون كل البعد عما يحدث في الواقع
كونوا واقعينن فلم نعد نرى في البيت الا من رحم ربي
اذاكانت المرأة العاملة لاتربي ابناءها فهل الماكثة بالبيت فعلت؟؟؟؟
اصبحت تتسابق على وضع ابنها في الروضة مثلها مثل العاملة
ما اردت قوله ان الماكثة والعاملة سيان فلاتعلو كفة على كفة
والواقع خير دليل
اذهبوا الى الاسواق الى المحلات في ساعات الصباح
اذاكانت العاملة في عملها فمن ياترى نجدها في السوق والمحل؟؟؟؟
ماقلته اسقاط لواقعنا
ولم اعمم طبعا

*سندوسة* · 2015-04-30, 10:15

اقتباس:

المشاركة الأصلية كتبت بواسطة راحـيل

السلام عليكم

من يتهم المرأة العاملة بأمور فليتقي الله فيما يقذف فلكل واحدة ظروفها
اما قولكم ان الماكثات بالبيت راهم ملائكة فانتم بعيديدون كل البعد عما يحدث في الواقع
كونوا واقعينن فلم نعد نرى في البيت الا من رحم ربي
اذاكانت المرأة العاملة لاتربي ابناءها فهل الماكثة بالبيت فعلت؟؟؟؟
اصبحت تتسابق على وضع ابنها في الروضة مثلها مثل العاملة
ما اردت قوله ان الماكثة والعاملة سيان فلاتعلو كفة على كفة
والواقع خير دليل
اذهبوا الى الاسواق الى المحلات في ساعات الصباح
اذاكانت العاملة في عملها فمن ياترى نجدها في السوق والمحل؟؟؟؟
ماقلته اسقاط لواقعنا
ولم اعمم طبعا

وعليكم السلام ورحمة الله وبركاته

اهلا اختي
اختي نحن لم نتهم فقط موضوع للنقاش فكل شخص معرض للوقوع في مشاكل لكن المراة الماكثة في البيت التي لاتكثر الخروج فهي بعيدة عن المشاكل مقارنة مع من تبقى يوميا خارج البيت فهي تتعرض لمختلف التحرشات حتى ولو كانت ملتزمة

وانا لم اقل ان الماكثة ملائكة ولكن هي كذلك تعمل في بيتها وماراهيش غير قاعدة

نعم المراة الماكثة تعيش مع ابنها لحظة بلحة ويلا غلط يتعاقب عكس المراة العاملة التي ترضي ابنها فقط باش ترتاح يعني تقلشه باش يسكتها ويهنيها

عمري ماشفت وحدة ماكثة تحط ولدها فالروضة
انا قلت انه هناك عاملات يدخلو على 9 وكاين 10 وكاين لي تخرج 11

وانا لا اعمم وهذا مجرد موضوع للنقاش
مشكورة اختي

ويناروز · 2015-04-30, 13:17

اقتباس:

المشاركة الأصلية كتبت بواسطة سندوسة يسمين";3993320922][b][i][font="arial

وعليكم السلام ورحمة الله وبركاته

اهلا اختي
اختي نحن لم نتهم فقط موضوع للنقاش فكل شخص معرض للوقوع في مشاكل لكن المراة الماكثة في البيت التي لاتكثر الخروج فهي بعيدة عن المشاكل مقارنة مع من تبقى يوميا خارج البيت فهي تتعرض لمختلف التحرشات حتى ولو كانت ملتزمة

وانا لم اقل ان الماكثة ملائكة ولكن هي كذلك تعمل في بيتها وماراهيش غير قاعدة

نعم المراة الماكثة تعيش مع ابنها لحظة بلحة ويلا غلط يتعاقب عكس المراة العاملة التي ترضي ابنها فقط باش ترتاح يعني تقلشه باش يسكتها ويهنيها

عمري ماشفت وحدة ماكثة تحط ولدها فالروضة

انا قلت انه هناك عاملات يدخلو على 9 وكاين 10 وكاين لي تخرج 11

وانا لا اعمم وهذا مجرد موضوع للنقاش
مشكورة اختي[/font][/i][/b]

عفوا اختي سندوسة
انت وضعت الموضوع للنقاش
لكن انحيازك واضح
عليك بادارة النقاش حتى لا يخرج الموضوع عن هدفه

الله غالب اختي ربما انت بمنطقة كل النساء ماكثات بالبيت مثلك
لكن انا في منطقة الروضة تستقبل ابناء المرأة العاملة والماكثة بالبيت
وتعالي لمدينة في الشرق تجارية وشوفي بعينك

*سندوسة* · 2015-04-30, 14:19

اقتباس:

المشاركة الأصلية كتبت بواسطة راحـيل

عفوا اختي سندوسة
انت وضعت الموضوع للنقاش
لكن انحيازك واضح
عليك بادارة النقاش حتى لا يخرج الموضوع عن هدفه

الله غالب اختي ربما انت بمنطقة كل النساء ماكثات بالبيت مثلك
لكن انا في منطقة الروضة تستقبل ابناء المرأة العاملة والماكثة بالبيت
وتعالي لمدينة في الشرق تجارية وشوفي بعينك

اهلا اختي رحيل
اكيد الموضوع للنقاش ولكن انا لم اتهجم كل واحد يعطي رايه ووجهة نظره انا عجبني الموضوع على الماكثات وانا ماننكرش انني ماكثة ورايي ان افضل للمراة مكوثها في البيت

كل واحد يدافع عن رايه ولكن ماتتهمونيش كيما قالت العضوة فوتوشوب الملائكي انا ماعندي حتى غرض باش نزين صورتي هنا فالمنتدى علاه كانش واحد يعرفني هنا ؟؟؟؟؟؟ ربي يهديها

بالعكس المنطقة لي نسكن فيها اغلبية سكانها عاملات على الاقل وحدة او الاثنين في العائلة وانا قلت اغلبية ولم اعمم
وانا وين نسكن مزال ماسمعتش بوحدة ماكثة دخلت ولدها للروضة