لماذا زوجة الابن دائما مضطهدة من قبل الام والأخوات

[16sabah]

السلام عليكم ورحمة الله وبركاته
اردت ان اشارككم هدا الموضوع الحساس والشائك الدى اصبح ىهدد اغلب الاسر الجزائريه على وجه الخصوص
مالاحظته عن عائلة الزوج انها تسعى لتزويج ابنها بكل الطرق بداية من سعيها لاقناعه بفكرة الزواج اولا الى سعيها فى البحث عن الزوجة التى تلىق به الام تجدها فى بداية الامر فى قمة سعادتها والاخوات كدلك لكن ماان تاتى هده العروس وتدخل هدا البيت جتى ينقلب كل شىىء راسا على عقب الام تحس ان هده المراة قد سرقت منها ابنها وانه صار يهتم بزوجته اكتر منها اما الاخوات فانهن يشعرن ان الاح قد ابتعد عنهن ولم يعد دلك الاح الدى يلاطفهن ويحنو عليهن
وحقيقة الامر والدي يجب ان تعلمه كل ام وبنت ان هدا الابن قد تزوج وان حياته كرجل متزوج تختلف تماما عن حياة الاعزب لكثرة مافيها من مسؤوليات ومشاغل كان معفى منها عندما كان اعزبا ثم هو نفسه وزوجته يلزمهما بعض الوقت حتى يالف كل منهما طباع الاخر والحياة الزوجية بصفه عامة لدا وجب على الجميع الابتعاد وعدم التدحل فى الشؤون الخاصة حتى لا يحدث مالا يحمد عقباه

[عبدالرحيم75]

بارك الله فيك أختي الكريمة هذا عين الواقع

[hodayena]

اكتفي بالقول لوكان تقطعي لحمك وتمدي عينك ومتنحبيش
لوكان نحكي حكايتي وكل المنتدى علابالو بيها ووصل الامر بيه ليطلقني ويرمي بابنه
وملي جابني للبيت متفكرش وليديو ولا مرة تخيلة يجي يدي الطفل وشكون يجيبو باباه يجي معاه اذا جاء باباه يجي واذا باباه مشغول ميجيش والمسافة قصيرة 5د وهو هنا
الامر من هذا 7 شهور متفكرش فلذة كبدو جيت صيف والان شتاء كواة في البيت ومتفكرش يجيب وحدة او يشري لولدو حاجة مع اني كنت دايمن نفكرو في امو وخياتو حتى قبل العيد الصغير في شعبان لما كنت عندو قتلو العيد هذا انشاء نشرو حوايج لاختك الصغيرة كيما شرينا لوليدي باه متغيرش وباباها لباس بيه لكن باه متحسش بانو خوها بعد عليه ا
وولدي والي هو حفيضهم متفكروهش مرة تقيا حشاكم في الطنوبيل جابوهولي هكذاك موسخ وقال لابي اعطيني حوايج ولوكان جا راجل يروح يشري لوليدو ماشي يطلب
كلن كل معانات الزوجة تكون من ضعف شخصية الزوج مهما كانت الام والاخوة متسلطين اذا كان الزوج قادر ويعدل ميسمحش لتدخلات تع العايلة ديالو
عن نفسي لو كان كان واقف معايا ومع الحق نصبر على جالو مي هو العايلة ديالو ربي قضى بالطلاق والحمد لله

[الألماسة]

ظلم زوجة الابن كم صعبة يا ناس
عن نفسي ام زوجي و اخته ظلموني فالبيت و حتى المتزوجات كي يزرو بيتهم نهاية الاسبوع يزيدو الطين بلة
مع انهم عايشين كيما يحبوا لكن انا حبوني عبدة و فقط
ماعنديش حتى حق الرد ياناس و الا يومي راح يكون اسود
هذا من ضعف شخصية زوجي اكيد اللي يحب يرضي امه على حساب كرامتي
لازم نسكت و ما نردش على الاهانة
تخيلوا حتى اصبت بانهيار عصبي من كثر الضغط عليا و انا نسمع و نسكت
لقيت نفسي في مشفى و انا الان نتناول المهدئات يا ناس
لكن تعرفوا الان واش قررت امو و اخواتو؟
انا مريضة و لازم يطلقني و يعاود يتزوج
شفتوا ظلم كيما هذا؟
حسبي الله و نعم الوكيل فيهم
حسبي الله و نعم الوكيل فيهم
حسبي الله و نعم الوكيل فيهم
حطموني كلياااا و الله بكيت لما قريت هذا الموضوع
و راني نبكي و انا نكتب في هذا الرد
حسبي الله و نعم الوكيل

[عبدالرحيم75]

شكرا للأخوات hodayena و الألماسة على صراحتهن وعلى صبرهن فماذا عساي أن أقول لكن بالصبر واليقين تنالين ما ترغبين ،المهم أغلب الأسر الكبيرة نجد فيها أولادهم يمتازون بأذنين كبيرتين واحدة يمدها لأمه والثانية لاخواته وزوجته راهي برانية حتى كي تدخل عليهم يبدلو الحديث وما يتشاوروش قدامها ،وإذا راهي حاضرة قدامهم يتكلموا غير على أحوال الجو البرد والسخانة والمطر والجليد والغلا نتاع السلعة والبصلة والطماطم ،واش طبختو اليوم وهكذا
يجب على المجتمع أن يعي وخصوصا اسرنا المرأة لما تخطب وتزوج لإبنهم تصبح هي السيدة ( لا أقول الأمرة والناهية ) بل تكون عندها مكانة في العائلة من حيث الحنانة - القيمة والقدر - الإستشارة -....

فحتى إن كانت في بادئ الأمر لا تستحق كل هذا أو لا تعي هذه القيم المرفوعة أمامها فسوف تعي مع مر الزمان ،ويجب أن يكون زوجها هو بجانبها فهو الأب والزوج والناصح الأمين والمعلم والمدافع وكل شيء ،إذا الراجل ما يصبرش على جنبو لي هي زوجته راه يبقى ديما عازب ولي يتبع الأخوات والأمهات في كل شيء من حيث رغباتهن يبقى بلا دار ( علماً أنني أتكلم في حدود المقيد وليس المطلق )
وربي يدلنا للخير ويهدينا ويهدي كامل أمة محمد

[لحن الحياة.]

المشاركة الأصلية كتبت بواسطة عبدالرحيم75

شكرا للأخوات hodayena و الألماسة على صراحتهن وعلى صبرهن فماذا عساي أن أقول لكن بالصبر واليقين تنالين ما ترغبين ،المهم أغلب الأسر الكبيرة نجد فيها أولادهم يمتازون بأذنين كبيرتين واحدة يمدها لأمه والثانية لاخواته وزوجته راهي برانية حتى كي تدخل عليهم يبدلو الحديث وما يتشاوروش قدامها ،وإذا راهي حاضرة قدامهم يتكلموا غير على أحوال الجو البرد والسخانة والمطر والجليد والغلا نتاع السلعة والبصلة والطماطم ،واش طبختو اليوم وهكذا
يجب على المجتمع أن يعي وخصوصا اسرنا المرأة لما تخطب وتزوج لإبنهم تصبح هي السيدة ( لا أقول الأمرة والناهية ) بل تكون عندها مكانة في العائلة من حيث الحنانة - القيمة والقدر - الإستشارة -....

فحتى إن كانت في بادئ الأمر لا تستحق كل هذا أو لا تعي هذه القيم المرفوعة أمامها فسوف تعي مع مر الزمان ،ويجب أن يكون زوجها هو بجانبها فهو الأب والزوج والناصح الأمين والمعلم والمدافع وكل شيء ،إذا الراجل ما يصبرش على جنبو لي هي زوجته راه يبقى ديما عازب ولي يتبع الأخوات والأمهات في كل شيء من حيث رغباتهن يبقى بلا دار ( علماً أنني أتكلم في حدود المقيد وليس المطلق )
وربي يدلنا للخير ويهدينا ويهدي كامل أمة محمد

لو كنت أخي لقطعتك دهرا .......]..........على الاقل تذكر ان بعض الكناين مين يجي الراجل يبداولو (المسلسل تاع داركم حقروني ماهدروش معايا قالولي كذا عملولي كذا .........)

[عمار79]

الحل كل واحد يسكن وحدو و لا يكري و لا حتى واحد ما يتزوج...الزواج مسؤولية مش لعب ...التربية مع الاولاد اصعب ...الزوجات ربي يهديهم و الامهات ما عندنا ما نقولو ا ... الاخوات ؟؟؟؟؟؟؟؟؟

الله يجيب الخير

[لحن الحياة.]

بصراحة ............................
تسرقلي خويا ............

راني نحمد في ربي ما عدناش كناين ............... هذي راها ردة فعل اوتوماتيكية و مش مقصودة نقللك علاه


أنا كنت نشوف الدنيا غوز ..و الكناين يشففو ............. و نقول كون أنا نولي كنة .............

امبعد عرفت بلي صح كي تكوني وحدة هي كلللللللللللللللللللللللش في دارهم و اخوتها يعزوها و يجيبولها الهدايا و يدوها تحوس و يعلقو على شعرها كي يكون طاير ........ قمممممممممممممة السعادة(وراها صايرة معي حاليا)

امبعد تجي وحدة .............و ينساني اخي و تولي هي كللللللش (قممممممممة القهر) ++++++ تولي تزعبل عليا و تشوف بلي راني مخلوق غير مرغوب فيه. نولي قريب نقطع شعري


شفت ثاني وحد الناس عدهم زهر جابلهم ربي كناين عاقلين و طيبين ..................يهبلو...بصح قلييييييييييييييييل

[بشيرة 13]

ولي عندهم كنة نااااااااااااااااااااااااااااااااااااااااااااااااا ااااااااااااااااااااااااااار تحت التبن والبعل نتاعها خرووووووووووووووووووووووووووف ليها
والعجوز متقول والو والاخوات خاطيهم
ماذا تقولون
ولا كل حاجة تصرا الخواتات هما السبة حتى كناينات هاذ الوقت مشي ساهلين

[16sabah]

الكنة التى لا تتكلم ليس معنى دلك انها راضيه وسعيدة هى فقط تكتم احاسيسها فى قلبها ولا تحسن الدفاع عن نفسها
ولكن هده الكنة سينتهى بها المطاف الى الانهيار العصبي وساعتها لن ينفعها احد بل سيحاول اهل الزوج التخلص منها وتزويج الابن مجددا........................ قمة الظلم وكان بنات الناس لعبة
وكما يقال اسال المجرب ولا تسال الطبيب

[حورية38]

وكما تدييييييييييييييييييييين تدان ماكانش نار بلا تبن وعمر الانسان ما يتبلى غير في الفراغ والبنت او الام عمرها ماتتمنى الشر لوليدها مهما كان وكاين لي كما قالت الاخت نيلي كي تتزوج البنت تحب تدير كلشي يمشي على حسابها زعما مسؤؤؤؤؤؤؤؤؤؤؤؤؤؤولة
ربي يبقي الستر على لبنات كامل ويتزوجو قبل خوتهم باش ما تشتكوش منهم والحمد لله عندنا كنة واحدة لكن الحمد لله كان وحدة شرات مشوار تشري لها معاها والعكس بالنسبة ليها
والسؤاااااااال لما دائما اخت الزوج هي المضطهدة
شوية عليا وشوية عليك تمشي السفينة

[محمد مصطفى الحبيب]

نعم معك حق و لك حجة دامغة تمكنك من قصم كل من تًنكر شرّ أخت الزوج تجاه زوجته فالكثير يحقدن و يتحينّ الفرصة بالكنّة ليهاجمنها و يحملنها مسؤولية المشاكل العظام التي حلّت بالبيت و يُكرهنها على التطبع بسلوك تستهوي خاطرهنّ فمن أراد الله به خيرا يتمكن من شراء شقّة يأوي فيها نفسه مع شريكة حياته بعيدا عن المكر و مشاكل "استعملتلي سيشواري و مقاتليش صباح الخير " الحمدُ لله فأنا أسكنُ بمفردي حاليا في انتظارقضاء الله عز وجل و أُتقنُ الطبخ و أتفنن في شغل البيت بفضل الرحمان و الأهم الابتعاد عن صداع الرأس .

[لحن الحياة.]

المشاركة الأصلية كتبت بواسطة place audin

نعم معك حق و لك حجة دامغة تمكنك من قصم كل من تًنكر شرّ أخت الزوج تجاه زوجته فالكثير يحقدن و يتحينّ الفرصة بالكنّة ليهاجمنها و يحملنها مسؤولية المشاكل العظام التي حلّت بالبيت و يُكرهنها على التطبع بسلوك تستهوي خاطرهنّ فمن أراد الله به خيرا يتمكن من شراء شقّة يأوي فيها نفسه مع شريكة حياته بعيدا عن المكر و مشاكل "استعملتلي سيشواري و مقاتليش صباح الخير " الحمدُ لله فأنا أسكنُ بمفردي حاليا في انتظارقضاء الله عز وجل و أُتقنُ الطبخ و أتفنن في شغل البيت بفضل الرحمان و الأهم الابتعاد عن صداع الرأس .

ديجا كون تستخدملي كنة سيشواري نلصقلها علكة في شعرها ............... ولا امزح في هاذا اطلاقا .......لازمها تجي و تقلي ربي يحفظك وووووووووو الكثييييير من الكلام الجميل باش نسلفولها ....+++ مالا علاه ندولهم دراهم الشرط ....ياك باش يشرو سيشوار يملسو بيه الزجة لي فوق ريسانهم

[الملتزمة بالدين]

السلام عليكم
ليست كل الاخوات نتاع مشاكل
عن نفسي لم أتسبب يوما في مشكل مع زوجات اخوتي لا انا ولا اخواتي ولكن بالرغم من هدا افتعلن المشاكل ليستقلن وكان لهم دلك
ربي يهدينا كامل و.كما تدين تدان.
شكرا أخي الفاضل على الموضوع

[sraya]

شكرا على الموضوع القيم
غير هذي الايام أخبرني زوجي بأن أخت صديقو راها في الطلاق بسبب مشاكل من أخت زوجها .........الله يستر كل امرأة
من وحهة نظري سواء الزوجة أو أخت الزوج الاثنين يعتبرو مزالو صغار يعني معندهمش تجربة كبيرة في الزواج == الزوجة معندهاش الحكمة الكافية باش تتفادى هذه المكائد و كذلك الاخت ممكن اذا كانت عزباء تتميز بالغيرة و اذا كانت متزوجة تقول كيما يديرولي اخوات زوجي ندير انا ههههههه
المهم انا من رايي الام يعني ام الزوج هي المسؤولة بالدرجة الاولى لانها هي اللي تعرف بناتها و تقدر توقفهم عند حدهم اما بالنسبة للكنة فهي تعتبر امانة عندهم و هي ام احفادها ******* وجهة نظر فقط*******
للعلم فقط انا كذلك عانيت الامرين مع ان زوجي يتيم الام و عنده زوجة اب الله الله عليها و لكن بحكمة و صبر كنت انا الفائزة باذن الله لانني و بكل بساطة لا ادخل في مناوشات و لا عراكات ليس لها اي معنى خاصة اذا كان الانسان يعرف قيمة نفسه و كيما قالو ناس زمان ==== اللي عرف عزو كلام الناس ما يهزو=====